育兒好物

跳至

首頁
12

尾頁
   0


別墅

積分: 850


發表於 14-6-21 14:05 |顯示全部帖子
如題。政府生邊間好?廣華,QE定瑪嘉烈?私家生twins要幾錢呢?




大宅

積分: 1163


發表於 14-6-22 13:08 |顯示全部帖子
我book左St. Paul 38週開刀,醫院三萬四左右,醫生收我33000,仲有其他麻醉師、兒科醫生等什費,我預8萬左右!不過私家醫生都要我keep住睇政府,因為如果早過38週佢都唔會接,要我番政府生!


大宅

積分: 1080


發表於 14-6-22 13:59 |顯示全部帖子
如果無咩complications又足月足磅我一定會私家,舒服自在,但若早咗都要去政府,始終初生嬰兒有特別需要的話政府醫院先有足夠專業。

我私家醫生都一路叫我睇住政府,35週前要生的話要去政府醫院

嗰日去政府個醫生問我會係邊度生,我話無事無幹會去私家,佢有啲surprised ,可能大部分人都會揀政府


大宅

積分: 1080


發表於 14-6-22 14:17 |顯示全部帖子
我大仔係法國生,開刀,因bb 有小問題,我陪佢一齊係醫院頭尾一星期,埋單7萬幾。孖胎收extra,仲要有兒科醫生係度,我估預定10萬揾陣啲,如bb 多野搞如照燈瞓箱等就更貴


別墅

積分: 850


發表於 14-6-22 14:52 |顯示全部帖子

回覆:陀孖b係政府定私家生好d?

㸃解早過某個週數C+唔接既?我都好想係C+,但係怕條數好金!見到另一個post講要二十幾萬埋單

另外,你地book定邊間政府呀?




大宅

積分: 1080


發表於 14-6-23 00:13 |顯示全部帖子
越早生bb有complications機會越高,有啲嚴重的要入NICU,私家搞唔惦都係要送去政府,所以有啲私家唔肯接

政府睇你住邊區分,無得揀架喎,我係廣華,ok lar, 個兒科都係出名好的。啲人話東區照顧多胎產婦最好。


大宅

積分: 4535


發表於 14-6-23 08:03 |顯示全部帖子

回覆:陀孖b係政府定私家生好d

我自己係過來人,我孖仔下個星期就20個月啦,我自己揀東區醫院生,醫院醫生及護士都很好,我每次覆診都是同一醫生跟進,又唔使等好耐,每次都睇超聲波,丈夫又可陪同入房與醫生傾談,我孖仔曾30週其中一個心跳慢,醫生護士仲緊張過自己,每日有顧問醫生跟進,亦分析最壞打算,亦曾建議send我去瑪麗醫院等,醫生在37週5就約我開刀,在手術室有齊兒科醫生,麻師,接生醫生,護士陪住鼓勵我,我入住特別病房5日,因我係公務人員家屬,埋單8xx元,每日包6餐,家人可以由早上10時至晚上9時陪伴!


子爵府

積分: 11399


發表於 14-6-23 18:02 |顯示全部帖子

回覆:陀孖b係政府定私家生好d

我大仔都私家出世,但陀孖b比較麻煩,有大出血,其中一個b體重又輕另一個15%,又任娠糖尿,私家結果叫我政府生。


複式洋房

積分: 111


發表於 14-6-23 23:42 |顯示全部帖子

回覆:02413124 的帖子

我都有這個疑問,想去c+舒服d, 但又聽講政府support好d. 廣華不准老公陪產,我聽到想喊囉。我私家醫生都叫我keep政府,因為太早生c+唔收。宜家我仲迷網緊。請問政府生的話,孖b係咪都要自己照顧架?

點評

Shellley  係.  發表於 14-6-24 00:39


別墅

積分: 572


發表於 14-6-26 02:55 |顯示全部帖子

回覆:bluepurple 的帖子

我都想C+生,老公可以陪產,冇限制探訪時間,孖b有人照顧。在政府生乜都冇得揀,但就是怕complication.


大宅

積分: 4535


發表於 14-6-26 07:51 |顯示全部帖子

引用:我都想C+生,老公可以陪產,冇限制探訪時間

原帖由 anniec9 於 14-06-26 發表
我都想C+生,老公可以陪產,冇限制探訪時間,孖b有人照顧。在政府生乜都冇得揀,但就是怕complication.

...
你咁講就錯啦,政府都有特別病房,每日2400元,由早上10時至晚上9時任何時間可探,可陪,3人1間房,獨立洗手間,我開刀生孖仔,老公全程陪住,護士在旁鼓勵,生完24小時後有嬸嬸教你如廁落地,孖b護理人員會幫你照顧一個,所以唔好以為私家一定好,浪費金錢,護理一般!


大宅

積分: 1163


發表於 14-6-26 10:36 |顯示全部帖子
vincelo29 發表於 14-6-26 07:51
你咁講就錯啦,政府都有特別病房,每日2400元,由早上10時至晚上9時任何時間可探,可陪,3人1間房,獨立洗 ...
請問你邊間醫院生?我之前都有睇過政府私家房,佢寫住探病時間同普通房一樣,只可以探18:00-20:00咋喎!乜原來可以探咁長時間嘅咩?我係睇QM, 等我下次再問下姑娘先!


大宅

積分: 4535


發表於 14-6-26 11:20 |顯示全部帖子
Cherry1022 發表於 14-6-26 10:36
請問你邊間醫院生?我之前都有睇過政府私家房,佢寫住探病時間同普通房一樣,只可以探18:00-20:00咋喎! ...
我在2012年於東區尤德開刀生, 一間房3張床, 仲有獨立洗手間, 探病時間全日, 仲包3餐加3餐茶點...


大宅

積分: 1080


發表於 14-6-27 00:19 |顯示全部帖子
回覆 vincelo29 的帖子

但你係咪公務員或家屬,因為聽人講若係私家房就要全部費用以私家咁的價錢比足所有錢,可以剩係upgrade房咩?


大宅

積分: 4535


發表於 14-6-27 01:44 |顯示全部帖子

引用:回覆+vincelo29+的帖子但你係咪公務員或家

原帖由 maplewood 於 14-06-27 發表
回覆 vincelo29 的帖子

但你係咪公務員或家屬,因為聽人講若係私家房就要全部費用以私家咁的價錢比足所有 ...
只需給予住院費,當時係2400元1晚,要給按金,可以打去問問!


別墅

積分: 572


發表於 14-6-27 06:44 |顯示全部帖子

回覆:vincelo29 的帖子

$2400一晚咪仲貴過私家生!
我都去過政府私家房,收費同私家差唔多,以為會服務好d,點知錢就駛左,仲激鬼氣!探病時間同普通房一樣,只可二人。政府d醫護人員慣左唔駛同你解釋,想點就點。如果係$100都算啦,要我俾$2400一晚,仲要受氣,傻的嗎?


大宅

積分: 1080


發表於 14-6-27 08:41 |顯示全部帖子
oh但我不是東區,我下次去問下廣華先。many thanks.

m可惜政府真係好睇你好唔好采遇到咩醫護人員,好驚


複式洋房

積分: 111


發表於 14-6-27 22:23 |顯示全部帖子

回覆:maplewood 的帖子

我都係廣華架,但講明孖b老公無得陪產,好似自己一個作戰咁。佢又無得睇住bbs出世。

如果你問到廣華可否分享吓。假如好似之前位jm有東區的安排咁又好好喎。探訪時間長好好多呀!


大宅

積分: 1080


發表於 14-6-28 01:22 |顯示全部帖子
回覆 bluepurple 的帖子

好,下次問到返黎講下,我又只係聽過話住私家房就所有野變私家收費,咁我就唔想啦,公務員福利個隻梗係好啦,otherwise 不如去正式私家
我只怕早產或bb touchwood有complications 要臨時緊急去政府生,唉,超唔想


男爵府

積分: 9530


發表於 14-6-28 01:31 |顯示全部帖子
我係政府生.講真,除非住單人房,否則住大房,個個都有屋企人陪足一日,想休息都難,反而政府限探病時間,有需要咪行出房同親友傾下計囉,又唔會騷擾其他人。而且政府設備好D,我倆個B各要住加護病房接近兩星期,如果係私家生,條數好甘!而家BB歲半,兩個加埋都洗唔夠十萬,當中已包括床、BB車、奶粉尿片、日用品,睇左十幾次醫生、衫褲鞋襪、同埋八堂playground. 我寧願將D錢用係BB度,都唔會用係私家度生

首頁
12

尾頁

跳至