夫婦情感

跳至

首頁
1

尾頁
   0


別墅

積分: 577


發表於 14-6-21 15:04 |顯示全部帖子
妊娠反应,半夜起身,呕得好辛苦,边呕边流泪。。过日问C6知唔知琴晚半夜事,佢话知啊。。。听完心里好唔舒服,点解知我呕我唔舒服,佢都可以一D反应都冇,冇起身关心下,问下。。可以好似无关自己事继续訓觉。。。。


伯爵府

積分: 19582


發表於 14-6-21 15:31 |顯示全部帖子
我都明白, 其實佢心裡都想代你嘔, 但係佢做唔到, 內疚緊所以咪唔出聲囉..............


別墅

積分: 577


發表於 14-6-21 15:51 |顯示全部帖子

引用:我都明白, 其實佢心裡都想代你嘔, 但係佢做

原帖由 gk678 於 14-06-21 發表
我都明白, 其實佢心裡都想代你嘔, 但係佢做唔到, 內疚緊所以咪唔出聲囉.............. ...
好似都唔系呢个原因,,问佢点解,佢话好眼训,就继续訓啦。。。所以听完之后都唔知点同佢继续呢个问题,唯有装做好似冇嘢发生咁样过去,但其实心里一直都好唔舒服。。。话佢好高兴我哋有咗BB,但都冇觉得佢care我同BB,好少同我倾BB嘅事,佢都唔会要主动摸下肚感受BB嘅存在。。我生日個日佢见到蛋糕之后先记得同我讲happy birthday,仲唔使讲準備生日礼物俾我,觉得連朋友或者同事都不如....我知呢啲都系小事来嘅,但许多时候呢啲小事就可以睇出一個人对自己系点啦。。。我都好希望佢好似佢自己讲嘅care我同BB。但现实中佢表现出来嘅行为。。。


琥珀宮

積分: 168534

2020勳章


發表於 14-6-21 16:25 |顯示全部帖子
本帖最後由 333s 於 14-6-21 16:25 編輯

男人自私 or 唔識关心人?

想不開、就別想. 得不到、就不要.  失去了、繼續笑.  擁有了、要珍惜。  

討厭衣来伸手 ,  饭来张口者 , 伸手党者。及想攻擊性就別討論交流吧。


水晶宮

積分: 57068

開心吸收勳章 BK Milk勳章


發表於 14-6-21 16:56 |顯示全部帖子

回覆:男人都系咁样咩?

男人日頭份工攰,壓力大,總總原因一訓落床就火燭都唔識走,有d就天生少條筋,唔係唔錫老婆既,可能唔夠細心

有d就因為成長背景,如果佢係大仔要照顧細佬妹,呢d大仔老公可能好識照顧人,有d係細仔,對上有幾個家姐再加上一個重男輕女既媽媽,佢一出世就比人服侍,百般呵護,照顧人會差d,可能唔識照顧人關心人,以上資料係觀察身邊朋友既情況得出既結論,唔一定百分百準只可作為參考


伯爵府

積分: 17852


發表於 14-6-21 17:01 |顯示全部帖子

回覆:男人都系咁样咩?

應該係大多數唔夠細心。我第一胎嘔,C6又係冇理我,我嘔完即埸問佢做咩見我嘔唔理我。C6答案:甘我都唔知道可以帮到D咩。又唔可能帮你嘔。
之後我同C6講,我嘔要幚我拍背,我先嘔得順。嘔完我成個人軟曬,散曬要扶我去坐。同要針水浪口。
之後C6都會做到。

點評

nobletree  你給了他效力的機會!正!  發表於 14-6-23 10:58


別墅

積分: 577


發表於 14-6-21 17:53 |顯示全部帖子

引用:應該係大多數唔夠細心。我第一胎嘔,C6又係

原帖由 jackiemei 於 14-06-21 發表
應該係大多數唔夠細心。我第一胎嘔,C6又係冇理我,我嘔完即埸問佢做咩見我嘔唔理我。C6答案:甘我都唔知道可 ...
C6都唔系冇经验嘅人。。佢都知大肚婆需要多滴关心同照顾。。。


伯爵府

積分: 17852


發表於 14-6-21 20:02 |顯示全部帖子

引用:Quote:原帖由 jackiemei 於 14-06-21 發表

原帖由 Eva0620 於 14-06-21 發表
C6都唔系冇经验嘅人。。佢都知大肚婆需要多滴关心同照顾。。。
佢工作太累?我上胎半夜去幾次廁所我C6都超醒瞓缩腳俾我過,呢胎已經好少。我知佢係太累所以都冇咩。


別墅

積分: 577


發表於 14-6-23 08:59 |顯示全部帖子

引用:Quote:原帖由 Eva0620 於 14-06-21 發表C6

原帖由 jackiemei 於 14-06-21 發表
佢工作太累?我上胎半夜去幾次廁所我C6都超醒瞓缩腳俾我過,呢胎已經好少。我知佢係太累所以都冇咩。

...
佢工作好忙,冇錯,我可以理解。但都唔系忙到完全冇時間可以做滴關心我或者care我同BB嘅嘢。。。只不過系想做定唔想做嘅問題。。


大宅

積分: 1253


發表於 14-6-23 10:07 |顯示全部帖子
回覆 Eva0620 的帖子

就係有經驗先至覺得係"常態"唔駛太擔心鬆懈咗.起身又幫唔到也咩, 繼續訓先係logical choice.男人好似電腦咁求排次序, "回報"越大越優先. 你要比佢知你繄呢樣表現先得架..


小事情上睇感情有時都幾虛無飄渺. 好似jm咁你直接同佢講你想點, 佢攞上心跟住要求做就係有心!


禁止訪問

積分: 26994


發表於 14-6-23 10:24 |顯示全部帖子

引用:妊娠反应,半夜起身,呕得好辛苦,边呕边流

提示: 作者被禁止或刪除 內容自動屏蔽


別墅

積分: 577


發表於 14-6-23 13:40 |顯示全部帖子

引用:回覆 Eva0620 的帖子就係有經驗先至覺得係\"

原帖由 chapter 於 14-06-23 發表
回覆 Eva0620 的帖子

就係有經驗先至覺得係"常態"唔駛太擔心鬆懈咗.起身又幫唔到也咩, 繼續訓先係logical ...
嗯,明白,多謝妳


公爵府

積分: 27021


發表於 14-6-25 02:22 |顯示全部帖子

引用:Quote:原帖由 jackiemei 於 14-06-21 發表

原帖由 Eva0620 於 14-06-21 發表
C6都唔系冇经验嘅人。。佢都知大肚婆需要多滴关心同照顾。。。
咁你有冇用合適嘅方法同佢表達過先? 始終佢所謂嘅經驗都源於你反應,如果佢一直唔知,而你又冇正確引導到佢,咁可能生10個佢都唔知㗎咋。
我陀大女時,當時認為男人返工忙,覺得應該自己ok就大部份產檢都自己去,預備用品就多數我媽搞掂,陪產要上2堂,所以全個孕期佢就only上過2堂咁大把,產後補身全由99負責,個月滿月酒全由我家人去安排,,,佢對我係好,但其實完全唔理解孕婦需要,陪產時亦唔識安慰我,而且我知佢被當時血淋淋場面嚇一嚇添……
到陀細仔時,我一早就表示自己入產房了,係佢堅持想陪,咁我清楚表示自己拒絕嘅原因(上一胎佢幫唔到我乜),佢明白左,就坐言起行。參與9成半產前檢查,我地亦報左好多產前講座,我老公係經講座知道孕婦情緒問題,生產過程,妢娩預備,佢重拎住個bb公仔學餵母乳,,,,呢一胎係我地2個自己去預備用品(我喺bk收完料,佢跟我買時就教佢,咁佢自然會識比較),陪產前我多次remind佢視線最好望我正面(避免正望血淋淋位置了),今次佢陪產識安慰我喇,重主動同姑娘講要剪臍帶添。產前一個月買左28方,佢事前睇過點煲及買料,咁佢都有份幫手產後調理……

講咁長,係希望樓主明白男人冇我地嘅感覺,亦天性多數粗心,所以佢係好需要你嘅引導先明白㗎,唔需要太介懷,每對夫婦都有溝通一套,你嘗試正面啲and簡單清晰咁同佢表達,可能佢知道就會為你安排得好好呢!


禁止訪問

積分: 227


發表於 14-6-25 13:15 |顯示全部帖子
提示: 作者被禁止或刪除 內容自動屏蔽


大宅

積分: 1504


發表於 14-6-26 22:05 |顯示全部帖子

引用:Quote:原帖由 gk678 於 14-06-21 發表我都

原帖由 Eva0620 於 14-06-21 發表
好似都唔系呢个原因,,问佢点解,佢话好眼训,就继续訓啦。。。所以听完之后都唔知点同佢继续呢个问题,唯 ...
加油


首頁
1

尾頁

跳至