吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 唔知係咪有情緒病

夫婦情感今日: 21|主題: 42420

收藏本版

發帖

返回列表

跳至頁

查看: 3373 | 回覆: 44

唔知係咪有情緒病 [複製鏈接]

12 3

lovely_nurse

大宅

積分: 4606

1^#

發表於 14-6-25 15:52 |只看該作者 |倒序瀏覽 |打印

各位，我鼓起好大既勇氣，先至出到呢篇文．．．
一路打我就一路手震，心跳得好快，我覺得我有情緒病了，以前只有很小的念頭，而現在，成日會覺得身邊所有人想害我，對我唔好，不懷好意，好似成日利用我咁。成日會有錯覺，覺得阿邊個邊個又諗住點我做野，阿邊個邊個對我同對人大細超，覺得老公今晚又可能去飲酒，飲左酒又唔知幾點返，又可能會飲大左，尤其對住我先生時，已經去到近乎神經質既地步，但佢神經粗察覺唔到，當然，佢自己亦都做得唔好，所以俾人怪係無可厚非。

我係一個在職媽媽，公一份婆一份，有請姐姐湊小朋友，外人眼中生活係唔錯，但近呢一年老公收入唔穩定，我知佢好多時無錢，我無安全感，所以搵多左一份工作，而家每天工作１１－１６小時不等，好攰。

好多事例，當我湊囡時，佢扭計我哄唔到，我就喊，仲好想掟佢落街，或者自殺。又例如，當我企係窗邊，山邊時，第一個想法就係跳落去，我唔想活下去的想法越來越強烈，對所有事情都無晒興趣，我發覺笑一下都好辛苦同好攰，我有同老公講過，但佢的態度令我更加無奈，佢話”你咁講即係你唔想同我一齊啦，即係話我令到你咁啦，咁你想點？你講啦，你講一句就得”，我覺得佢逼緊我．．．因為之前曾經同佢講過離婚，但因為事情未去到最壞地步，所以都係無離，雖然我知道我會變成咁好大部份係因為佢，但係而家我唔想同佢傾係邊個責任，我只想解脫，好辛苦，我試過食大量藥丸想食到昏迷咩都唔諗，但係都唔得，我越黎越害怕咁樣既自己　

有無人可以俾個擁抱我？我覺得好孤獨呀，日日返工要賣笑，對人歡笑背人愁，面部肌肉好痛，笑聲日日都係裝出黎，個頭又痛到爆，個人好虛無飄渺．．．

點評

芝芝吉因為錢攪成咁? 發表於 14-6-29 21:54

0 0 0

私人傳訊

karaho1206

大宅

積分: 1396

2^#

發表於 14-6-25 16:07 |只看該作者

加油呀JM! big hug to u!!!

你身邊有冇朋友可以傾訴下呀? 放鬆d, 世界好大
不過你既情況應該快d去睇醫生, 病向淺中醫

私人傳訊

lovely_nurse

大宅

積分: 4606

3^#

發表於 14-6-25 16:14 |只看該作者

回覆 karaho1206 的帖子

我有朋友，但唔多，講唔出口，講完咪又係一樣
佢地個個都唔明我處境，我唔係話我好慘好慘，但就係唔知點解過唔到自己果關，老公鬧我做乜要搵多份工搞到自己咁辛苦，但我知道如果我唔做多份工，佢都無能力俾呢筆錢我，我要養家養父母，同埋過往唔開心的經歷，令我知道女人係必須要有私己錢。

好辛苦，成日突然間就喊，突然間就唔喊，然後下一秒又突然好難過。

私人傳訊

Nancy20090615

瑪瑙宮

積分: 127904

4^#

發表於 14-6-25 16:23 |只看該作者

本帖最後由 Nancy20090615 於 14-6-25 16:25 編輯

lovely_nurse 發表於 14-6-25 16:14
回覆 karaho1206 的帖子

我有朋友，但唔多，講唔出口，講完咪又係一樣

問題同您做兩份工令自己過勞都有 D 關係, 如果做番一份工爭幾多錢用, 同 C6 傾點開源節流可以嗎? 父母果邊比少一点可以嗎? 同埋都要睇醫生啊.

私人傳訊

tabo63

公爵府

積分: 25071

虎到金來勳章牛年勳章親子王國15週年勳章

5^#

發表於 14-6-25 16:26 |只看該作者

樓主，你快d去睇醫生，病向淺中醫。或叫轉介去精神科，希望幫到你。

私人傳訊

lovely_nurse

大宅

積分: 4606

6^#

發表於 14-6-25 16:33 |只看該作者

回覆 Nancy20090615 的帖子

做少一份都係相差10k以下，但我唔想咁，因為我老公唔肯搵工，佢覺得佢的事業係可以的，只係機會未黎，所以佢一直保持有收入就有收入，無就算數，佢負責屋企2/3 我就1/3，但係我越黎越覺得錢維持唔到落去，雖然佢講就講話夠錢洗，但我一話唔做夜晚果份，佢就叫我搵第二份工例如便利店員，果ｄ要返通宵８粒鐘第二朝直接返早上份工我會頂唔順，所以我想搵得一點多一點，唔想到無錢時賣樓．．．

私人傳訊

lovely_nurse

大宅

積分: 4606

7^#

發表於 14-6-25 16:34 |只看該作者

基本上我地已經好慳，無乜可以減，只係佢收入越黎越少，我好無安全感，所以做多一份，等佢真係無錢時我都可以撐住屋企一陣子

私人傳訊

akina2012

大宅

積分: 1060

8^#

發表於 14-6-25 16:35 |只看該作者

回覆：唔知係咪有情緒病

樓主，我同你情形差不多…
我都驚我情緒爆煲…

點評

lovely_nurse

發表於 14-6-25 17:05

私人傳訊

阿韻BB

男爵府

積分: 5510

9^#

發表於 14-6-25 16:36 |只看該作者

回覆：唔知係咪有情緒病

一個人休息唔夠。。
把所以事揹起身係一件好痛苦ge 事。。
試下將你ge 問題攤出黎同屋企人商量係唯一ge辦法。。
多有多洗。。少有少洗。。
你再係咁會痴線架。。

我係單親媽媽。。
咩都係靠自己同屋企人ge 支持。
你唔開心見誠講出黎。。
冇人會明白你體諒你。。
至於你先生咁ge 態度。。
sorry.. 算吧啦。。
係care 你就唔係咁ge 態度！

但大前提你要抹走晒d 負面思想。。
死。，係解決唔到問題。。
有咩唔開心。。喊出黎。。
你會舒服好多。。
屈埋屈埋人都癲架„

私人傳訊

jackiemei

侯爵府

積分: 22553

10^#

發表於 14-6-25 16:40 |只看該作者

你真係好需要穩醫生喔。。

另外，你可否只返一份工阿？如因爲你Ｃ６收入吳穩定，導致到你對日後生活好無安全感，而做多份工。但其實你地屋企只係存少左錢或者係無得存。可以做一份吳好比自己甘大壓力。

返少份，你多Ｄ時間比自己放鬆。可能會好Ｄ．．．

但，你都係需要見醫生。

我之前無你甘嚴重。。姑娘都同我講，如有需要可以轉介我見心理醫生。

私人傳訊

Nancy20090615

瑪瑙宮

積分: 127904

11^#

發表於 14-6-25 16:50 |只看該作者

lovely_nurse 發表於 14-6-25 16:33
回覆 Nancy20090615 的帖子

做少一份都係相差10k以下，但我唔想咁，因為我老公唔肯搵工，佢覺得佢的事業係 ...

明白您的担心, 不過身體精神日差早晚您都係做唔到兩份工, 健康亦會响警號, 到時要洗錢比醫生咪得不償失.

除左休息, 您都需要娛樂下, 咩都無日做夜做您話結果會點? 睇報紙都睇得多, 係咪? 去到呢個地步您小朋友您 C6 點算啊?

可以比自己休息下唔做第二份工住得嗎? 真係要賣樓時就賣樓喇好過做死自己唔值得.

私人傳訊

子爵府

積分: 12168

12^#

發表於 14-6-25 16:53 |只看該作者

回覆 lovely_nurse 的帖子

生活迫人、感情無處發洩，你現在是自己在迫自己呀！
你是一定有情緒病，要小心處理。

(一) 馬上去看醫生，但要緊記按醫生處方去食藥，千萬不要自己加倍份量。

(二) 不要把所有責任都放在自己的肩上，我相信你C6也不是想由你去擔起這頭家。不要被自己的負面思想就
當成真。

(三) 你現在就像一個人在遇溺，你要先平靜下來，旁人才可以幫到你，你越掙扎，你越想抓住身邊的人或
事，你發現只有越來越沉下去。你必要先自救，才可以讓人救到你。

(四) 男人基本上是粗心大意，何況你C6自己內心應該也有愧疚，也有不開心，但男人不喜歡傾訴出來，也因
為自尊問題，有不開心也收埋在心，所以他又怎可以令到你放開心情呢？在他的角度，你是自找麻惱，
錢少了，可以節省點用，可以再找方法去解決，但絕不是在做著兩份工作同時，又去埋怨他不體貼，不
諒解你，不懂開解你，這樣只有迫他更加不想聽你的訴苦。

(五) 或許你的童年，你的成長背景令你自己有很大的不安全感，但是現在你不是一個人，你有丈夫，有孩
子，你有依靠，你有伴侶和你共同分擔，所以千萬不要被自己的心魔控制。當負面思想又冒起時，要
為自己打氣，告訴自己，這些都是自己的猜想，不是真的，萬事都可以有出路，可以有解決方法。

(六) 偶爾和C6出去散散心，出去郊外走走，出去海灘走走，兩個人拍拍拖，大家一起為對方加油打氣，當你們的感情回溫時，當你少了投訴埋怨時，你C6的耳朵和心就會打開，他會多些把你的感受聽入耳。

(七) 千萬不要令自己越來躲起來，想哭時就大聲哭出來，這樣都是情緒發洩的其中一個方法。不想笑可以不笑，但是就不要把自己的不好情緒加在別人身上，可以向他們傾訴自己需要的是甚麼？有時一個擁抱已經可以把你的心魔驅走！

情緒病的人，除了要定時服藥外，還需要自己去努力，和家人的幫助和支持！

加油！

mc <()>

私人傳訊

lovely_nurse

大宅

積分: 4606

13^#

發表於 14-6-25 16:53 |只看該作者

我應該離痴線不遠了，因為我走唔出呢個局，成日有把聲音逼自己咁，好似明明想舉起左手，但個腦就有把聲音叫我唔准舉，所以我結果都係唔舉，我都唔知點解會咁，好似有人強逼自己夾硬去選另一條路咁，其實事後好後悔成日喊，但下次我又係一樣強逼自己選一條唔開心既路．．．
份工我做又辛苦，唔做我又因為少左錢無保障自己勁唔開心。

點都好，唔想打擾到屋企人，佢地心血少，好少事都驚餐死，我咩都唔想話俾佢地知，亦都唔想佢地知道我同老公關係咁差。

唉，唔識講

私人傳訊

Nancy20090615

瑪瑙宮

積分: 127904

14^#

發表於 14-6-25 17:00 |只看該作者

lovely_nurse 發表於 14-6-25 16:53
我應該離痴線不遠了，因為我走唔出呢個局，成日有把聲音逼自己咁，好似明明想舉起左手，但個腦就有把聲音叫 ...

雖然三言兩語未必幫到您, 不過, 您担心的核心就是錢, 但而家您唔係有財困, 就攪到咁辛苦, 何苦呢? 兵來將檔, 水來土淹, 船到橋頭自然直, 無錢到時諗辦法, 生命比錢重要.

私人傳訊

jackiemei

侯爵府

積分: 22553

15^#

發表於 14-6-25 17:00 |只看該作者

lovely_nurse 發表於 14-6-25 16:53
我應該離痴線不遠了，因為我走唔出呢個局，成日有把聲音逼自己咁，好似明明想舉起左手，但個腦就有把聲音叫 ...

喂。。。。。。。

尼度好多把聲叫你穩下醫生哦。。。。。。

你五好放棄阿。。。

小朋友好需要媽媽既愛加。。吳係一間４面墻既屋，吳係一個負面情緒既媽媽啊。。。你開心，你同孩子愉快相處先係最最無價。

我知道ＨＫ要有層樓　真係好好好難，擁有然後失去好難過。。。但人係要活得開心啊。。。

我看過一篇報道。２公婆超級有米，買海邊大屋，請工人養狗。但１年大家係間屋好好享受下日落／日出，都無。辛辛苦苦打拼回來的大屋　係　比　工人享受。

私人傳訊

lovely_nurse

大宅

積分: 4606

16^#

發表於 14-6-25 17:04 |只看該作者

其實我最想係老公陪伴我身邊，同我一齊見社工睇醫生，奈何佢唔係咁諗，佢覺得我唔開心係因為佢，佢覺得分開住／離婚就可以解決一切（離婚賣樓，錢銀問題亦解決左）。佢只係講”都係你自己問題，你唔諗個病就會好，或者你想分開就分開囉，你一句我咩都聽晒你架”，聽到咁，我真係好灰，本來已經好難開口既事我都開口講左，佢再咁講我都唔想再講。

其實我想見下社工，但係又係無奈，我見到社工時又咩都講唔出口，只係求其講一ｄ好表面既問題打發下就算，對於自己情緒的事，我真係開不了口，搵鐵筆撬都撬唔開．．．