跳至

首頁

尾頁
   0


大宅

積分: 2647


發表於 07-12-10 16:10 |顯示全部帖子
kuyu0905,
我絕對同意, 搵幼稚園已經令人頭大, 我用選舉工程來形容呢次揀幼稚園事件架!!!

我都睇過關於講入小學同讀邊間幼稚園係冇直接關係的, 我個人的理解係, 如果係參加政府派位(即係大抽獎)呢, 就係住址緊要過幼稚園讀邊間(即係點解咁多人要搬屋或者借地址), 因為佢係用校網來派位.
但係如果考直資/私小, 咁大部份人都會同意, 讀邊間幼稚園係有D影響既. 當然, 亦都會有人話, 好多小朋友讀樓下屋邨幼稚園都入倒名校啦, 諸如此類. 我諗每間小學有唔同收生標準, 唔可能全部收晒一間幼稚園的學生呱!除非一早已講明係100%收晒直屬幼園學生啦(如似培幼咁).
我個人睇法係, 大抽獎當然會參加(雖然校網不甚了了), 若果同時要考直資/私小, 仔仔幼稚園所學的是否讓佢考倒較理想的學校呢? 同時, 亦都希望佢學倒自學/自助的精神! 橫掂我都係諗住俾佢讀傳統小學, 咁不如早D俾佢開始適應傳統教學, 好過佢玩左幾年,上小學先至發現香港教育制度的真相/殘酷!到時就真係大人小孩一齊眼眼以淚洗面喇! :-(
嘻嘻...好長氣添!



原文章由 kuyu0905 於 07-12-10 15:46 發表
我都交了校車費, 諗住橫掂都係要坐校車, 就留定先啦...

最好梗係可以入到出名的津校, 可以慳好多, 但好似好多九龍區出名的名校都係私校, 都要俾錢讀

講真, 我並無認真去研究入小學的問題, 這陣子去找幼稚園的 ...


大宅

積分: 2079


發表於 07-12-10 16:20 |顯示全部帖子
stliu,

咁你囝囝係唔係搬近了窗那邊? 如果係, 那張枱好似無咁迫架. 因為近門那張感覺好似坐了好多人

參與了運動會. 覺得學校上下都好齊心. 我唔知多唔多幼稚園會有sport day. 但sport day難過旅行. 因為旅行又唔駛訓練唔駛彩排. 但真係老師出好多力同精神. 也感到學校對小朋友體格的注重. 家長又同小朋友一齊參與. 爸爸同囝囝跑步時都有第二名. 爸爸話囝囝一路跑一路ka ka笑呀. 真係開心 :lol:

其實話唔諗埋中小學都幾難架. 因為小學影響中學. 包括地區及band幾. 一入小學已經改變不了太多. 又好難轉地區轉學校. 除非真係全級頭幾名先容易再轉更好學校. 但小學唔多唔少都會受幼稚園影響. 無直接關係. 都有間接關係 :cry:


大宅

積分: 2079


發表於 07-12-10 16:28 |顯示全部帖子
stliu,

係呀. 根基打好d. 到時讀邊類型小學可以彈性少少. 希望佢課程深能開心應付. 較淺的也能更開心去應付.





原文章由 stliu 於 07-12-10 16:10 發表
kuyu0905,
我絕對同意, 搵幼稚園已經令人頭大, 我用選舉工程來形容呢次揀幼稚園事件架!!!

我都睇過關於講入小學同讀邊間幼稚園係冇直接關係的, 我個人的理解係, 如果係參加政府派位(即係大抽獎)呢, 就係住址 ...


大宅

積分: 2647


發表於 07-12-10 16:37 |顯示全部帖子
wasyinyin,
佢應該係近廚房玩具果張枱. 原來近門口果張坐左好多人嗎? 我尋日見果張枱都係貼左6張相(我估應該係三張am 三張係pm?係唔係呀?)定我記錯呢?

我都覺得sports day難過搞旅行好多呀! 學校之前仲有中秋晚會呀果D, 其實都係好花心思,時間同功夫架! 所以我覺得學校真係唔錯架. 可惜針無兩頭利, 如果我一心諗住俾佢響荃灣讀幼稚園, 我諗都會俾佢留返響綠楊. 不過....
仔仔尋日睇返賽跑果段片時都係度大叫架, 好似好興奮咁. 今朝我返工前佢又叫我播俾佢睇呀! 我緊係話要放工返來先啦!

係啊! 所以D人成日都話其實係想個小朋友讀邊間中學,就諗佢讀邊間小學, 邊間小學就要由幼稚園開始! 我讀書果時邊有呢樣野丫, 求其屋企附近讀幼稚園, 好彩叫入倒附近好少少的小學, 到小五小六阿媽一知半解先識緊張派位架咋! 邊有而家得果兩歲仔已經要諗定呢? 我都想仔仔讀津校呀, 一諗起小學讀直資咁即係中學都係啦, 講緊十二年要俾學費喎(小學六年,中學六年),真係唔平架, 可以話係貴添呀!但好的學校好似都變晒做直資/私校呀! :-( 所餘無幾!

其實我知道荃灣都有D好的學校, 只係我記得我老公有次講起, 佢話係呀荃灣都有好學校, 但係實在唔算多, 如果入唔倒好果幾間,咁點算呢? 可能就去了那些名不見經傳的學校喇! 但係如果去一D好學校比較多的地方呢, 咁或者入唔倒top school, 都去倒唔太差果間. 佢講呢樣我又同意囉! 當然,而家睇來, 所有好學校(的地區)都係競爭大啦! 亦都要睇自己小朋友係咪讀得倒囉. 真係諗到白頭髮都出晒來呀



原文章由 wasyinyin 於 07-12-10 16:20 發表
stliu,

咁你囝囝係唔係搬近了窗那邊? 如果係, 那張枱好似無咁迫架. 因為近門那張感覺好似坐了好多人

參與了運動會. 覺得學校上下都好齊心. 我唔知多唔多幼稚園會有sport day. 但sport day難過旅行. 因為旅行 ...

[ 本文章最後由 stliu 於 07-12-10 16:42 編輯 ]


大宅

積分: 2647


發表於 07-12-10 16:41 |顯示全部帖子
wasyinyin,
係呀,我響第二版度都見倒有家長話, 如果小朋友讀KV真係唔得, 咁K2轉返去D輕鬆D的學校應該都容易過調返轉,即係由輕鬆的學校轉去好"傳統"的學校呀!

我自己就好希望學校(當然家庭配合)可以培養仔仔自學的精神, 我覺得呢樣係最重要架, 佢肯自動自覺的話, 做所有野都冇問題. 唔可能要我跟佢的功課跟到小六囉!

原文章由 wasyinyin 於 07-12-10 16:28 發表
stliu,

係呀. 根基打好d. 到時讀邊類型小學可以彈性少少. 希望佢課程深能開心應付. 較淺的也能更開心去應付.


大宅

積分: 1353


發表於 07-12-10 23:41 |顯示全部帖子
kuyu0905,

我相信遲d你個邊會有站, 因為學校會睇吓新屋宛多唔多小朋友返學, 唔會一成不變.


原文章由 stliu 於 07-12-10 14:36 發表
kuyu0905,
呵, 要轉車才坐到校車又真係麻煩少少喎. 希望到時佢開多幾個站啦! 正如你地之前所講, 荃灣多左好多新樓盤嘛, 可能讀KV的荃灣人亦都多左, 開多幾個站都未定. 此亦係我交埋校車費的主因.

係呀,葵青校 ...


大宅

積分: 1353


發表於 07-12-11 00:18 |顯示全部帖子
Stliu & wasyinyin,

運動會個日, 除咗囡囡玩得好開心, 就係同Stliu相認好開心
我地傾完計之後無耐, 我都走, 因為爺爺一家人來咗幫囡囡打氣, 所以一齊食飯, 之後囡囡都話好倦要返屋企, 一上車就瞓, 返到屋企就醒咗, 點都唔肯再瞓.:cry:
其實綠楊攪活動真係攪得好, 好唔捨得學校,

Stliu & wasyinyin & Kuyu0905,

其實比囡囡讀KV都係諗住打好根基, 和學校出名, 如果囡囡係讀得叻, 我會比佢考番出名名校小學, 如果一般, 都會比番佢讀荃灣小學, 最希望就緊係抽到荃浸小或者荃官, 不過第一輪都可以去叩門, 機會就微d(20%).
我都有聽過KV家長講, 有個小朋友係班裡面成績唔好, 最後佢媽媽幫小朋友報返區內(沙田)小學, 最後入到沙田呂明材(係沙田都幾出名), e加成績好好, 常常都考第一, 可能對於小朋友來講無咗之前讀書壓力和根基打得好, 所以讀書開心咗.

講到中學我就覺得林護和蕭明(女校)都幾好, 都好似係葵青區




原文章由 stliu 於 07-12-10 16:41 發表
wasyinyin,
係呀,我響第二版度都見倒有家長話, 如果小朋友讀KV真係唔得, 咁K2轉返去D輕鬆D的學校應該都容易過調返轉,即係由輕鬆的學校轉去好"傳統"的學校呀!

我自己就好希望學校(當然家庭配合)可以培養仔仔自學的精 ...

[ 本文章最後由 豬仔媽媽 於 07-12-11 00:30 編輯 ]


大宅

積分: 1353


發表於 07-12-11 00:36 |顯示全部帖子
Stliu,
係呀, 如果學校方培養唔到自理能力, 對學習無興趣, 無好的德育, 搵亞水去讀, 亞囡in創價時我就講咗這3點

原文章由 stliu 於 07-12-10 16:41 發表
wasyinyin,
係呀,我響第二版度都見倒有家長話, 如果小朋友讀KV真係唔得, 咁K2轉返去D輕鬆D的學校應該都容易過調返轉,即係由輕鬆的學校轉去好"傳統"的學校呀!

我自己就好希望學校(當然家庭配合)可以培養仔仔自學的精 ...


大宅

積分: 2647


發表於 07-12-11 09:12 |顯示全部帖子
豬仔媽媽,

嘻,你出現喇!! 係啊! 其實我都會唔捨得學校的活動架! 不過, 冇辦法啦, 我諗香港真係好難搵倒一間樣樣野都perfect的學校, 若有, 我又未必讀得起囉 同埋有時我諗呢, 老師又要教書,又要攪活動,其實幾辛苦, 或者KV冇咁多活動, 咪等老師可以專心教書囉, 教好班小朋友都好緊要架, 係咪, 你睇我幾阿Q . 但我真係見過有朋友教幼稚園,做到夜晚11點幾, 唔係為學術野, 而係為學校佈置呀, 籌備活動囉! 當然, 做家長就覺得好豐富, 好好; 但係每人每日只有廿四小時用, 佢用左咁多心思響課餘野到, 又邊到再有額外精力付出更多去教學呢?

係啊係啊, 沙田呂小都出名架... 我諗大部份家長都係希望到時考小學兩手準備囉.

好似安柱呀, 可風都係唔錯的中學, 係嘛? 真係唔係太熟呀. 我知蕭明係好好呀, 我以前有個同事響果度畢業架, 好純好好人架, 所以我對蕭明印象好好, 可惜我個係仔 另外, 我有朋友教中學, 都話蕭明果D中五生過到佢學校讀中六, 真係好乖...


原文章由 豬仔媽媽 於 07-12-11 00:18 發表
Stliu & wasyinyin,

運動會個日, 除咗囡囡玩得好開心, 就係同Stliu相認好開心
我地傾完計之後無耐, 我都走, 因為爺爺一家人來咗幫囡囡打氣, 所以一齊食飯, 之後囡囡都話好倦要返屋企, 一上車就瞓, 返到屋企 ...


大宅

積分: 1135


發表於 07-12-11 10:00 |顯示全部帖子
stliu,

真的好難找一間樣樣都好的幼稚園, 有得必有失, 沒有小朋友之前, 那會去關心幼稚園的事, 有了小朋友之後, 也是聽其他人的意見, 看來根德園的口啤很好, 我有很多做老師的朋友也推介!

正如您所說, 根德園很著重學術成績, 這樣老師可以更專心教學, 親子活動就要靠我們在小朋友放學後或放假時進行了, 希望兩邊可以達至平衡。

唉~ 現今的父母大都想子女成材, 除了小朋友壓力大, 父母的壓力也很大, 若家長都不肯付出時間/金錢/精神, 那有收獲?! 世上沒有不勞而獲的....


大宅

積分: 1135


發表於 07-12-11 10:15 |顯示全部帖子

回覆 #86 豬仔媽媽 的文章

豬仔媽媽:

我都希望校方可以考慮在荃灣區加多一兩個站上落, 上次我去留位時, 司機叔叔也說我那兒也有一個讀根德園的同學, 他也是要去海濱, 下年新的路線表要開學前才會再作通知。

我在葵青區長大, 以前很多同學都分佈在荃灣葵青區學校, 葵青區有林護/蕭明(女)/可風等都是好學校, 荃灣區有荃灣官中/聖方濟(男)/何傳耀也很好, 以我所知, 葵青區以林護最好, 荃灣區就以荃灣官中最好(當年會考要2x分以上才可以入到中六, 幾乎99.9%入大學)。

想入荃灣官中就最好入荃灣官小, 以前只有海霸街官小, 現在多了麗城官小, 請問您們知道有什麼分別嗎? 聽說父母是畢業生也可以加分, 是嗎?


大宅

積分: 2647


發表於 07-12-11 10:33 |顯示全部帖子
kuyu0905,
絕對同意, 只是有時我會諗, 係乜野令到而家個個家長都咁緊張呢?由幼稚園, 有些甚至係學前或者出生前 就開始緊張?
當然, 要講係一匹布咁長. 我只係希望可以好好地有智慧, 去攞個平衡, 唔會俾任何野沖昏頭腦, 而忘記左最緊要其實係小朋友本身的利益啊! 做乜變得咁哲學呢?
我亦都認為, 活動方面,家庭都要好好配合... 或者第時我地都可以約出來, 帶小朋友去玩啊!!! he..he... 去街, 我最鍾意啦!


原文章由 kuyu0905 於 07-12-11 10:00 發表
stliu,

真的好難找一間樣樣都好的幼稚園, 有得必有失, 沒有小朋友之前, 那會去關心幼稚園的事, 有了小朋友之後, 也是聽其他人的意見, 看來根德園的口啤很好, 我有很多做老師的朋友也推介!

正如您所說, 根德園很著 ...


大宅

積分: 1135


發表於 07-12-11 10:47 |顯示全部帖子

回覆 #92 stliu 的文章

stliu,

我諗是香港的教育制度令到我們很忙, 教育制度又經常改來改去, 每段時期都不一樣, 雖然推行學券, 但我們又沒有受惠, 還是和以前一様, 日後要煩的事還多呢...

對, 日後有機會大家約出來玩玩呀, 小朋友週一至週五都要上課也很倦了, 週六最好, 可以比較輕鬆, 週日又不用上課, 可以睡久一些, 讓他們出去跑跑跳跳, 去那裡他們都會很高興


大宅

積分: 2647


發表於 07-12-11 13:11 |顯示全部帖子
kuyu0905,
係啊係啊! 小朋友走走跳跳就最開心, 同埋有其他小朋友一齊玩就最好. 我覺得可以去下D大公園呀, 郊外都好好呀!
我八卦問下, 你係都係在職媽媽來架?

原文章由 kuyu0905 於 07-12-11 10:47 發表
stliu,

我諗是香港的教育制度令到我們很忙, 教育制度又經常改來改去, 每段時期都不一樣, 雖然推行學券, 但我們又沒有受惠, 還是和以前一様, 日後要煩的事還多呢...

對, 日後有機會大家約出來玩玩呀, 小朋友週一至 ...


大宅

積分: 1135


發表於 07-12-11 13:30 |顯示全部帖子
stliu,

我要返工的, 是在職媽媽, 有時偷偷在這裏望望留留言, 星期六日及公眾假期就見不到我 (放假) ::)

香港其實都有很多地方值得去, 可以帶小朋友去玩玩, 尤其是我們這些在職父母, 平時都已經沒有太多時間和小朋友玩了, 假日當然希望多陪她玩, 基本上每個週未我們都會出街, 除非天氣不好, 有時近近地去荃灣德華街公園都好好玩, 因為有很多魚魚睇, 囡囡很喜歡看魚魚, 看龜龜, 追雀雀, 已經可以樂上半天


大宅

積分: 2079


發表於 07-12-11 13:43 |顯示全部帖子
Hi All,

太多留言. 都唔知點答好.

我地以前返學都係主要方便父母. 近近地. 無話課程深淺. 父母更唔識何為名校. 所以又真係讀到好開心. 自己讀得幾多得幾多. 邊科唔掂都有搵人補習. 身邊同學大家差唔多資質. 又無咩競爭唔競爭. 更加唔會有興趣班. 打打各樣球類已經好滿足. 父母只要求唔好變壞人同生生性性. 什麼學業成績從無比壓力. 有時諗自己以前咁開心. 但到自己兒女時卻咁細已經要佢地學習上有根基. 雖然佢地唔知道何謂深淺, 多定少功課. 但自己心裡卻知 :-|

究竟根德園幾時開始會谷? 會唔會K1 or K2家長未覺深同難? 如果唔受谷雖然可走回頭路. 但唔知對佢地有幾多影響? 如果係傳統, 唔會唔令佢地失去學習興趣? 小朋友少了主動發問權? 我朋友最近同一位家長傾過. 佢大女讀KV畢業. 細女也無報KV. 是在SC畢業. 因為KV那三年都幾辛苦. 唔想細女步後塵. 所以選擇了SC. 兩個上小學後發現. 大女當然無問題. 而細女只係要好少時間都pick up到. 但細女卻有開心三年又學術ok的幼稚園生活. 但我同朋位講. 我地都無SC在手呢. 因為大家都無報SC. :cry:

大家一齊分析啦.


大宅

積分: 2647


發表於 07-12-11 14:20 |顯示全部帖子
wasyinyin,

先申報利益, 其實仔仔有報SC,亦都有收(PM), 但係我地係冇諗住俾佢讀, 一來學費真係貴D, 二來自己好似覺得根德園適合佢D. 我身邊人都有小朋友讀KV, 又唔係傳說中的辛苦或者冇童年. 亦都有朋友大女係讀KV, 細仔照讀KV架, 即係如果佢覺得KV唔適合, 就唔會再俾細仔讀啦!
而且, 佢地一日返學三個多小時, 仲有好多時間係我地可以決定佢做乜, 係咪真係讀左一間學校就會變左好辛苦呢?我真係唔知呀! 亦都好頭痛呢! ?-(
其實我覺得揀學校好似搵工咁架, 未做(讀)過真係唔知係點架, 其他人講到點好或者點唔好, 最終可能係一個個人, 希望冇做錯決定啦! 當然, 而家到出年九月都仲可能有變數.


原文章由 wasyinyin 於 07-12-11 13:43 發表
Hi All,

太多留言. 都唔知點答好.

我地以前返學都係主要方便父母. 近近地. 無話課程深淺. 父母更唔識何為名校. 所以又真係讀到好開心. 自己讀得幾多得幾多. 邊科唔掂都有搵人補習. 身邊同學大家差唔多資質. 又無 ...


大宅

積分: 1353


發表於 07-12-11 14:41 |顯示全部帖子
Stliu & wasyinyin & Kuyu0905,

你地打字一定好快, 真係唔夠你地打(可以打好長), 真係搵日出來玩吓(小朋友)和傾計, 我打字好慢:-(:-(
係呀家長讀過個間小學or中學都有分加.
其實谷唔谷都會睇大人和小朋友受唔受谷, 我會睇囡囡讀完k1先知, 如果囡囡對學習無興趣和返學唔係開心, 都會諗吓係咪學校唔適合囡囡, 現在只希望囡囡e3年都會覺得返學係開心和學到嘢.
我好似見到有bk媽咪話KV有運動會, 同埋有家長同我講, 佢地都會自己攪旅行(bk媽咪).
其實我自己鍾意綠楊, 以老公鍾意傳統幼稚園, 所以佢鍾意KV,
小朋友唔讀過真係唔知適唔適合佢.

原文章由 kuyu0905 於 07-12-11 10:15 發表
豬仔媽媽:

我都希望校方可以考慮在荃灣區加多一兩個站上落, 上次我去留位時, 司機叔叔也說我那兒也有一個讀根德園的同學, 他也是要去海濱, 下年新的路線表要開學前才會再作通知。

我在葵青區長大, 以前很多同學都 ...

[ 本文章最後由 豬仔媽媽 於 07-12-11 14:47 編輯 ]


大宅

積分: 2079


發表於 07-12-11 14:46 |顯示全部帖子
stliu,

都係嘅. 真係每人吸收同資質不同. 不過都怕選擇錯誤. 令小朋友走多了路. 好似太杞人憂天, 是嗎?

SC都又係貴了d. 不過只交10期. K1都可以接受. 但上K2成$3600又太貴. 如果講平靚正. 都真係KV莫屬. 但見現任d家長話無phonics同oral差少少. 都要可能搵d相關課程讀讀.

你都好似仲有學校見. 都仲有選擇. 我已經無喇. 等待培正. 但機會都近零了.

p.s. please check pm.


大宅

積分: 2079


發表於 07-12-11 14:55 |顯示全部帖子
豬仔媽媽,

有運動會可能都無家長份. 其實都唔係好明點解會咁神秘. 可能真係想做到似小學. 運動會只有學生參加. 但旅行方面. 小學都會有的. 而且低年班, 多數都可以同家長一齊的. 真係好奇怪, 一個迷 ?-(

首頁

尾頁

跳至