HappyMatt 發表於 14-9-5 22:23
佢哋學英文直係好快手。好彩大仔喺屋企仍然有9成係用廣東話同我哋溝通,包括同妹妹傾偈都係。but will see ...
有兩種,一種叫Immersion沉浸式,最初中英比例係9:1,每上一年就英文加多10%中文少10%,直至去到8年級就變成中文10英文90,但三藩市只有一間係去到8年級,其他都係去到5年級,即係去到中文40英文60,學生學中文係會好過其他出去中文學校每個星期學一堂嘅,K收生時係分三條lines,一條收中英文都識嘅學生,另一條係只會中文,最後一條係只會英文,將三條LINE學生放喺同一班,學生之間會互相學習,但個比例唔可以失衡,唔係老師會教得好辛苦。我原本都想揀呢種,但最鍾意果間離屋企太遠,返學揸車都要半小時有多,即係得要帶完佢地返學又要再由果度返工的話我要超過一小時時間,仲未諗點處理間架,downtown泊車每日45,月費都要幾百,如果搭車仲大件事。另外有兩間我地去過學校同校長傾過計都唔鍾意,佢地只係講PSI幾多分,但教育仲有好多嘢,淨係講分數只能教出有分數學生,我注重品格行為同成績平衡,當我問如果小朋友學得慢學校有咩對策,校長或老師講去搵tutor,我就可以掉頭走啦,唔應該係咁嘅。
後來退而求其次,我揀另一種叫雙語學校Bilingual Pathway,學校有一班係有中文讀,但全日約有1/3時間係用中文教學,學生學寫學認學讀,老實講學中文時間當然唔夠沉浸式多,程度亦有分別,但我要求唔係要佢地可以同住香港小朋友比,所以我仔而家程度只有一年級未到,我都冇太大擔心,去到中學佢可以選中文做2nd language selective,到時佢自然要努力,我只要佢唔憎去學中文就好,所以我連中文班都冇報,星期六日反而去學游水學木工,有時間就同佢去公園放電。
花旗太太生活在花旗國,留意時差,你問我未必即時答到。