想生BB 今日: 3 | 主題: 109049

積分: 578

發表於 08-1-26 13:39 |顯示全部帖子

我終於可以企番起身, 上來見下D姊妹,同你地講我IVF點解失敗左...我12月27日開始噴藥, 打左8支針, 頭4支係150IU, 尾4支係125IU , 醫生話照到有18粒蛋蛋, 所以D藥物唔洗用咁重.. 星期一入院成功抽到了19粒蛋蛋, 原本係話有18粒, 原來多左一粒, DR . NG話我地成功機會會好高, 都未開心完咋... 哎, 隻C6事前又無雪定丁丁, 見佢話唔洗上去大陸做野, 我就無叫佢雪啦, 無理由咁同佢講架麻, 搞到佢好似唔知掂咁, 點知就係咁而衰左啦... D蛋蛋係醫院等佢受孕, 點知佢係醫院搞左好耐搞到出晒血都無貨比醫生, 第二日早上原本要交多次比醫生架, 點知一樣交唔到, 佢緊張到不得了, 我用了好多方法都唔夠令佢可以交到貨, 佢係有唱國歌架, "起來, 起來"但佢唔嘔白泡呢, 激死我了..我喊左兩日呀... 同佢吵左一大場.. 四面楚歌咁....

好啦, 講番我抽完蛋既野比大家知, 1) 抽蛋唔會痛, 因為事前已經打了止痛針和鎮靜藥, 入到手術室再打D麻醉藥已經訓著左, 醫生做過D乜野都唔知了..

2) 做完之後係下體一定出血, 所以記得帶定護墊, 而且個肚痛到痴肺, 唉~~我以為係因為我蛋多, 所以係咁痛姐, 當你呼吸時, 胃和助骨, 腹膜都會好痛,子宮和卵巢當然係勁痛, 千期唔好著一D要"幫"鞋帶既鞋去, 因為係痛到好難彎腰....到今天已經第六日, 卵巢仍然好脹...係醫院隔離床既姐姐仔, 我估佢都有35-36歲架啦, 佢抽到12粒蛋蛋, 係唔係應該無咁痛呢, 原來唔係喎, 第一天晚上佢係痛到唔可以平訓床上訓覺, 係坐係到訓...一訓著了, 成個人軟軟的坐下去時, 胃和子宮即時抽抽下咁痛醒佢... 第三天見到佢時, 面青口唇白...第三日原本係放胎架, 醫生叫我回去比佢驗查下個肚, 我見到有個後生過我好多下既女仔, 我估佢最多3字頭, 佢話我知佢得5粒蛋蛋... 噢, 可能佢卵巢功1差左少少, 所以咁啦, 凡我見佢面色好好喎, 即係話如果D蛋蛋有十幾粒, 就好有機會好似我咁樣, 痛到傻左...

3) 我回去見醫生時, D女仔同我講, 第一次做IVF, 通常都雪定丁丁架,.. 哎, 早知我就要求老公咁做啦... 不過呢, 咁同男人講, D男人以為我地女人睇少佢架麻, 好難做人姐, C6今次知自己係堅張大師之後, 佢話下次一定雪左去, 有新鮮就會新鮮... 無就會雪啦... 錢用左4000藥費, 3500手術費, 住院45元(因為我係公務員, 政府幫我比左一半錢) 錢就洗左去啦, 希望就無晒啦, 精神上又受到折磨, 肉體上就有排痛...真係慘....

好彩醫院好快打電話比我地, 約我地年三十晚回去簽紙做下次IVF, 下次一定要老公雪定丁丁...醫生話我子宮, 卵巢各方面都好好, 而且老公近日交去既丁丁都過了世衛標準... 我心想, 即係我地可以自己試下啦, 係未安排到做下次IVF之前, 試下都無壞架, 不過都要比卵巢休息一下先...

係依到同大家分享多少少野, 我隻C6 由11月開始每一個月都要佢食次生蠔, 每天都食一粒維他命鋅, 由12月開始除了食以上既野之外, 再加埋虫草丸, 佢D丁丁就過去世衛標準, 之前醫生話佢形狀唔, 活動能力底, 數量少... 你地可以叫C6試下啦.. 真係可以幫到手架

4月, 5月又可以再做下一次, 革命尚未成功, 姊妹們仍需努力...

私人傳訊

flute

積分: 2930

發表於 08-1-26 14:27 |顯示全部帖子

年三十晚好快到,養好身體,支持你,下次一定掂。
聽完你講抽卵咁痛,有d驚tim

,我都有打算做ivf,而家再諗下先。

私人傳訊

momofish2002

子爵府

積分: 13733

虎到金來勳章好媽媽勳章畀面勳章

發表於 08-1-26 14:36 |顯示全部帖子

祝你早孕:-P

私人傳訊

yclau99

積分: 355

發表於 08-1-26 14:54 |顯示全部帖子

Hi:
我今天早上去了養和醫院到抽卵子，結果有19粒，有8粒是無嘢，剩下11粒卵子，希望OK啦，當我抽完醒番時，個肚就少少痛，現在就少少少痛，我念你地咁痛是因為幫你抽蛋的醫生係新醫生，不過養和好貴呀，因為我的醫生指定要在養和做，無法啦。希望籃色小雨你下次順順利利啦，唔好唔開心啦，

私人傳訊

kaboBB

男爵府

積分: 6061

發表於 08-1-26 15:00 |顯示全部帖子

加油呀！

私人傳訊

JCarCar

積分: 3992

好媽媽勳章醒目開學勳章 2011精緻種植勳章畀面勳章

發表於 08-1-26 15:22 |顯示全部帖子

藍色小雨

原來要做好一件事真係有好多嘢配合,天時地理人和一樣都唔少得!可能今次又係一個考驗呢!!所以你千其唔好灰心呀,今次咪當攞個經驗囉,起碼你都抽到19粒蛋蛋喎,真係好西利呀,下次配合埋你老公啲丁丁咪天下無敵!!:lol

唔好放棄呀,下次一定得架啦!!

原文章由 藍色小雨 於 08-1-26 13:39 發表
我終於可以企番起身, 上來見下D姊妹,同你地講我IVF點解失敗左...我12月27日開始噴藥, 打左8支針, 頭4支係150IU, 尾4支係125IU , 醫生話照到有18粒蛋蛋, 所以D藥物唔洗用咁重.. 星期一入院成功抽到了19粒蛋蛋, 原本係 ...

私人傳訊

我係跳跳虎

積分: 965

好媽媽勳章

發表於 08-1-26 15:24 |顯示全部帖子

原文章由 藍色小雨 於 08-1-26 13:39 發表
我終於可以企番起身, 上來見下D姊妹,同你地講我IVF點解失敗左...我12月27日開始噴藥, 打左8支針, 頭4支係150IU, 尾4支係125IU , 醫生話照到有18粒蛋蛋, 所以D藥物唔洗用咁重.. 星期一入院成功抽到了19粒蛋蛋, 原本係 ...

小雨,

見你付出咁努力，得來就只係.........全軍覆沒

好戥你辛苦，我都好驚 5 月份做 ivf 時都好痛！
諗起都驚

我怕到時我會縮沙

你要比自己休息多啲，等卵巢ok就可以try喇！
記住叫你老公雪定丁丁，無謂到時你ok而佢又再唔ok,
祝下次ivf成功 bingo

[ 本文章最後由我係跳跳虎於 08-1-26 15:27 編輯 ]

私人傳訊

fishballbaby

侯爵府

積分: 21974

2024年龍年勳章 2024勳章 2023年兔年勳章好媽媽勳章畀面勳章環保接龍勳章 wyeth冷知識勳章

發表於 08-1-26 16:17 |顯示全部帖子

藍色小雨

我想問吓，你响邊到做架? 因為見你和你的隔離鄰舍抽旦抽到咁痛，所以有d好奇。我响仁安做ivf，亦認識一d响仁安做ivf既sisters，個個都冇話肚痛，有d仲去街食埋tea先至翻屋企添。

我响廣華都sign咗agreement，姑娘同我講過一單case，有為太太抽了三、四十粒旦旦，佢先生聽到後因為太驚，所以交唔到貨。

所以當時我都好驚抽旦旦當日老公會有壓力，所以我都表現得好輕鬆，免得令他都緊張，好彩仁安准許早上在家留精，到場時交貨，在家留精點都好過响醫院，緊張情緒可以減半。

不如你下次ivf問吓可唔可以响屋企留精la，你老公一定會冇咁緊張，同埋唔好再同老公嘈la，佢其實依家會好內疚，應該比多d鼓勵佢，同佢講有其他case都跟你們一樣，他並不是特殊例子，盡量令他放鬆d。

大家加油呀!

私人傳訊

DAUDAUCAT

積分: 2192

陪月勳章

發表於 08-1-26 17:02 |顯示全部帖子

回覆 #8 藍色小雨的文章

hi, 藍色小雨:
見到你的標題真的嚇了一跳!無唸過臨埋門一腳剔親

我唸你老公都盡o左力, 真的不要怪他;何況你們的情況都好o左(你抽到19粒蛋, 他的丁丁又有改善), 只是今次有小小阻礙, 下次一定掟!

私人傳訊

一杯紅酒

積分: 572

發表於 08-1-26 17:54 |顯示全部帖子

雪丁丁???? 即係咩野????

點解要自己雪???? 係咪話擔心C6當日係屋企搞唔出, 所以早少少整定, 然後自己雪????

咁早幾多????

私人傳訊

Ahbemama

男爵府

積分: 5416

發表於 08-1-26 19:14 |顯示全部帖子

我記得我造IUI時, 要喺排卵日的早上我老公要留精, 雖然最后都留倒, 但佢話好大壓力, 有時冇就冇!!!仲惨過考試!

私人傳訊

minka

男爵府

積分: 7297

發表於 08-1-26 19:46 |顯示全部帖子

藍色小雨

你記得我嗎

你話你老公出差,我叫你雪丁丁的
上次我老公都有雪$500買個保險
如有新鮮丁就不會用雪丁
醫生話新鮮丁會好點
如你下次驚佢嚮醫院緊張
上環有酒店,租1晚等佢朝早出完貨搭的士上瑪麗
加埋雪丁,甘就1定安全啦
你唔好再

佢啦,我唸佢好自責
你反應甘好下次1定得
可能你BB想出年出世

,放輕鬆
唔好唔開心,下次得架啦

原文章由 Ahbemama 於 08-1-26 19:14 發表
我記得我造IUI時, 要喺排卵日的早上我老公要留精, 雖然最后都留倒, 但佢話好大壓力, 有時冇就冇!!!仲惨過考試!

私人傳訊

chanleung

積分: 110

發表於 08-1-26 22:16 |顯示全部帖子

藍色小雨：
我也戥你不開心，白白浪費了19隻蛋蛋，你的情況令我想起上個月做IUI，當初叫C6驗丁丁的活動能力，一拖便拖了一年多，結果軟硬兼施才勉為其難將丁丁拿去驗，在家放只能放到一丁點兒，激得我埋怨了多句說話，好在份量都份驗到。上個月做IUI，又講咗兩三日數才留了又是一丁點兒丁丁，我都明白佢因為緊張，但那時的確感到不開心，你埋怨一兩句，佢又不高興，但為了成大業，惟有忍一忍，可惜第一次IUI又失敗，我打算三月再接再勵，所以你都唔好放棄，努力加油，祝各位姊妹早日Bingo，生翻個肥肥白白的精靈bb！

私人傳訊

Ruby06

積分: 2667

發表於 08-1-26 22:16 |顯示全部帖子

原文章由 一杯紅酒 於 08-1-26 17:54 發表
雪丁丁???? 即係咩野????

點解要自己雪???? 係咪話擔心C6當日係屋企搞唔出, 所以早少少整定, 然後自己雪????

咁早幾多????

唔係自己雪.
係早幾日新鮮罹去lab, lab 會將佢雪佐做back up.
如果當因交唔倒貨, lab會defrost雪左果d黎用.

私人傳訊

boboljt

積分: 385

發表於 08-1-27 00:14 |顯示全部帖子

藍色小雨

我都戥你心翕呀！不過．．有19粒証明你反應好好吖, 努力! 加油呀!

想問你响邊到做IVF?　我抽旦之後..都冇乜痛喎,不過..麻醉..醒之後就有D暈!

私人傳訊

一杯紅酒

積分: 572

發表於 08-1-27 12:01 |顯示全部帖子

原文章由 Ruby06 於 08-1-26 22:16 發表

唔係自己雪.
係早幾日新鮮罹去lab, lab 會將佢雪佐做back up.
如果當因交唔倒貨, lab會defrost雪左果d黎用.

oh.....原來如此~
又知多一樣野了,
thankyou!:-P

私人傳訊

tintinfun

積分: 463

發表於 08-1-27 12:59 |顯示全部帖子

平常心

私人傳訊

Cherry_CYW

積分: 2549

好媽媽勳章畀面勳章

發表於 08-1-27 13:52 |顯示全部帖子

藍色小雨,
睇到你嘅經歷, 真系好唔抵, 但有時真系好事多磨, ivf你和老公都有好大的壓力, 所以都唔好責怪對方,影響夫婦間感情, 反而大家鼓勵下, 做好準備迎接下一次, 是會有成功的一日, 我都排咗瑪麗11月先見醫生, 最近才做咗第一次iui , 原本可以10月做 IUI, 但因為其他原因而唔做住.那時覺自己是末好黑仔, 但仍寄望希望在明天, 唔會次次都咁, 我聽過有D姊妹在私家做IVF, 唔會好不適, 可能這就是私家同政府的分別.
好好調理身體, 為下次做好準備.

原文章由 藍色小雨 於 08-1-26 13:39 發表
我終於可以企番起身, 上來見下D姊妹,同你地講我IVF點解失敗左...我12月27日開始噴藥, 打左8支針, 頭4支係150IU, 尾4支係125IU , 醫生話照到有18粒蛋蛋, 所以D藥物唔洗用咁重.. 星期一入院成功抽到了19粒蛋蛋, 原本係 ...

私人傳訊

hotcheese