各位孔孝真粉C, 真係好唔捨得咁快做完’沒關係’。冷靜過後, 大家又會中意邊套多D?
我就會咁排: 最佳愛情 > 沒關係, 是愛情啊 > 主君的太陽
其實’最佳’同’沒關係’真係好難揀, 兩套的男人都對自己死心塌地, 又識製造浪漫, 但我就傾向’最佳’, 因我中意D戲搞笑得黎又感人, 呢套真係好寫實, 充份反映娛樂圈(相信不只韓國)的情況, 以具愛貞呢個自卑心咁重的人, 成日驚影响到獨孤真如日方中的事業, 就算手術成功, 獨孤真想公開的時候, 為免佢人氣下滑, 佢都唔介意獨孤真選擇離開, 真令人既憐且愛; 反觀獨孤真就無有怕, 連可以去康城的機會都唔要(仲有18個廣告), 全心全意愛下去, 決定公開戀情, 連日後假若手術失敗, 他都為愛貞安排好, 叫粉C繼續支持她, 真係有邊個會唔感動. 呢套唯一要扣分的係孔孝真個look, 真係唔掂, 但勝在有感人的劇情加戲好的孔同車大叔
當然, ‘沒關係’都非常好睇, 感動位好多; 熱戀中的他們, 實在令人睇到好窩心, 尤其宰烈搬家後, 大家難捨難離, 見少一面都很掛心的感覺, 描寫得好好, 11, 12集不知翻睇左幾多次; 之後強制入院, 大家的傷痛不用多講。開心、感人、傷感, 共冶一爐, 睇完個心都law law luen, 導演背後想表達的信息亦要多番思考, 確實是一部好有深度的作品, 好多位都要翻看才領略箇中意思. 最後一集, 簡直sweet爆, 結婚生仔大團圓, 大家無不拍手叫好。
其實唔同戲種係好難比, 可能我比較膚淺, 中意直接表達, 太深嘅野要時間消化, 但目前黎講, 在我心中, 始終較中意獨孤真個種對愛情的犠牲, 同成套劇的感覺. 可能明年今日再細琢回味 '沒關係', 位置會對調都未定。
孔孝真所揀的劇本似乎嚴選過, 呢3套的戲種完全不同, 雖然離不開情情塔塔, 但當中的感情戲真是不易表達, 很內心, 很到肉。
順帶一提, 呢2套的OST真係超正, 首首都咁好聽