吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 生唔生bb? 好矛盾, 有冇過來人俾d意見 (有d長) ...

想生BB 今日: 1|主題: 109050

收藏本版

發帖

返回列表

跳至頁

查看: 2124 | 回覆: 18

生唔生bb? 好矛盾, 有冇過來人俾d意見 (有d長) [複製鏈接]

conconfong

別墅

積分: 929

1^#

發表於 14-9-15 20:06 |只看該作者 |倒序瀏覽 |打印

各位jm, 對於生仔呢個問題，我同c6傾咗好多次，但都未決定究竟生唔生好。有冇過來人曾經有同一樣嘅掙扎?
我地兩個工作都好繁忙，朝早6點半起身到晚上9點半回到家，再沖涼做做家務，基本上又夠鐘訓覺，每日已經冇乜私人時間，所以我地好怕自己冇時間照顧小朋友。除非可以轉份唔使OT嘅工。

我c6返到屋企都唔多理屋企野，因為佢工作壓力大又夜收工，所以返到屋企通常淨係打機或者上網，我有時就會諗，如果有小朋友佢又會唔會係咁乜都唔理，如果佢將果責任交哂俾我，自己又乜都唔理，我諗我會心理唔平衡。

我地有時會覺得生活喺依個世代嘅小朋友好辛苦，要學琴，學樂器，學外語，幾歲人仔又要上乜班物班，可以有一個快樂童年嗎? 我知會有人話其實做唔做怪獸家長可以自己掌握，但事實係果社會係咁功利，乜都要陪養催谷，到時我真係可以獨善其身?

雖然以上咁多咁多原因，但我同c6見到身邊嘅朋友一個一個都有自己嘅bb，我地又會羡慕，好似有咗小朋友先係一個完整嘅家。而我地都好感受到佢地有bb果仲喜悅。而我今年30都唔細喇，如果再諗下再拖又怕生唔出，有仔襯嫩生係咪? 真係好好好矛盾，有冇jm可以指點一下迷津?

0 1 0

私人傳訊

bebi1223

大宅

積分: 1011

2^#

發表於 14-9-15 20:25 |只看該作者

回覆：生唔生bb? 好矛盾, 有冇過來人俾d意見 (有d長)

其實好睇你地鍾唔鍾意小朋友，我同老公三十頭，好鍾意小朋友，覺得有小朋友好開心。我老公份工平時好忙，放工囡囡已經訓左。不過每朝會同囡囡玩一陣先返工。我就朝8晩5，凖時收工，日頭工人湊囡，夜晚我地自己湊，逢星期六日，我地一定family day。好enjoy 做Daddy Mummy

私人傳訊

sundiu

大宅

積分: 1666

3^#

發表於 14-9-15 21:13 |只看該作者

我諗要睇下你地有幾想要小朋友, 好想要的話一定要作出某程度上既犧牲, 例如休息時間或金錢

如果我係你而又真係好鍾意小朋友, 我可能會轉份冇咁忙既工, 錢少啲都冇法, C6嗰邊都要同佢傾, 要佢應承要負返啲照顧/教導小朋友既責任...

其實有左小朋友後既生活係一定會有改變既, 唔好期望會可以好似以前咁自由自在, 你睇到你啲朋友開心嗰面, 見唔到佢地辛苦嗰方咋! 要做足心理準備先好生... 唔係冇得後悔架! 但如果你真係好想要好想好, 咁你自然會覺得樂多過苦喇

私人傳訊

Lovelovebear

珍珠宮

積分: 31256

4^#

發表於 14-9-15 21:23 |只看該作者

回覆：生唔生bb

睇下你地有幾中意小朋友, 同埋結婚的核心價值係咩？我同我老公一直好享受拍拖生活, 決定結婚係為左想生BB, 否則會拍多幾年拖先會再諗結唔結婚~

我老公都係放工返屋企就打機嘅人, 放假先會做家務。我剛剛生左了, 老公大轉變, 會同BB 玩下先, 等BB 瞓左佢先會打機

私人傳訊

clemencebaby

大宅

積分: 4622

5^#

發表於 14-9-15 21:55 |只看該作者

回覆：生唔生bb

我覺得如果真係想要小朋友，會願意為佢犧牲其他野，好似金錢，休息時間等等。小朋友要點樣大，係睇父母意願多過社會。

私人傳訊

conconfong

別墅

積分: 929

6^#

發表於 14-9-15 23:09 |只看該作者

多謝各位嘅意見！睇黎我地要諗清楚有幾鍾意小朋友，肯為小朋友付出幾多。依家嘅生活係忙，但算係自由自在，有咗小朋友的確要放好多心機時間，同埋生活模式亦會改變，做爸媽真係唔容易呀！

私人傳訊

baby201415

大宅

積分: 1191

7^#

發表於 14-9-16 00:00 |只看該作者

有小朋友的家庭又是另一個境界, 如果你先生有責任心, 我相信他會改變的

私人傳訊

siuba

子爵府

積分: 13420

8^#

發表於 14-9-16 00:01 |只看該作者

回覆：生唔生bb

分享吓我，我一直唔鐘意小朋友，可以用討厭來形容。廿十尾結婚，同老公好enjoy二人一貓嘅生活，大家講明話唔生。

30前歲唔鐘意小朋友。
30歲唔鐘意小朋友。
31歲唔鐘意小朋友。
32歲唔鐘意小朋友。
33歲唔鐘意小朋友，但身邊朋友已一個個的生第一胎了……。
34歲都唔鐘意小朋友，但身邊朋友已生2個了……。
35歲……依然好enjoy二人一貓嘅生活，但我同老公睇完(爸爸去那兒)後，突然好想要一個小朋友，就其係C6，好想我生一個小公主，覺得至少要生一個才是一個完整的家……。

再商量後，跟住就正式造人。好好彩一擊就中，但好唔好彩2星期前，BB滿3個月離開了……。世事無常……。但我會繼續努力的。

我係想帶出，每個時期都有唔同嘅思想，今日唔想生，唔代表日後都唔想生。如果可以，就襯後生，又有能力生一個。我哋都無時間，兼無人揍，但當真正想要BB時，所有嘢只要商量同配合，就可以解決到。

好好同你的丈夫商量。祝幸福。

點評

makoko820 我同你情況一樣呀:sur 發表於 14-9-17 08:43

Bignosepig 祝你身體快D復元，繼續加油！發表於 14-9-16 13:22

conconfong 加油！發表於 14-9-16 09:15

Kerokerokeropei add oil ah 發表於 14-9-16 03:06

私人傳訊

auab

洋房

積分: 71

9^#

發表於 14-9-16 00:41 |只看該作者

我男友二十七歲時唔想做老豆，話如果有左唔知點算好。而家三十七歲，同一個人，竟然好想做老豆，成日問我幾時如圓佢心願。

所以，如果想生唔好拖太耐。

私人傳訊

crify

大宅

積分: 2688

10^#

發表於 14-9-16 01:08 |只看該作者

回覆：conconfong 的帖子

我覺得家中多左個小朋友真係熱鬧好多，我和先生都是經常要ot的人，但有左小朋友之後我地會輸住ot,今日我，明天到他，我地番工時請左個阿e湊小朋友。雖然番工辛苦，放工又要和小朋友沖涼，煮飯，洗衫....但每當忙完一輪陪小朋友玩和陪小朋友做功課時我都好開心，有時阿女同我講句:我好中意媽咪，見到媽咪我就好開心，聽到這些甜言，真係什麼辛苦都忘記了。

我地星期日一定是家庭日，一家人出外去玩或留在家整野食都好開心，總之一星期總要有一天要大家在一起。

我老公極中意打機上網和聽音樂，阿女剛出世時，他幾乎只有番工搭車時才玩下電話，到而家阿女大左少少，先至在阿女自己玩時，佢先打下機，我相信人是會變的，尤其是對著可愛的小朋友。

另外，我身邊都有好多怪獸家長，沒錯，我都曾經比人薰陶到買左好多英文學習的cd比女女聽，但是後來都醒覺到不應過早吹谷。而家心情好輕鬆，每天只是看看她做功課，做完一齊玩，平時我地兩母女會想下星期日去邊度玩，從不會在讀書上比壓力佢。

而家，我地兩公婆都諗緊要不要生第二個，因我地家很小，故仍在考慮中

私人傳訊

Bignosepig

大宅

積分: 1021

11^#

發表於 14-9-16 02:27 |只看該作者

本帖最後由 Bignosepig 於 14-9-16 02:29 編輯

真係好視乎你地2個既價值觀同意願

我前度當時好想生BB，不過佢真係唔適合做爸爸不論係經濟上及修為上，所以當年我唔生既態度非常堅決。

到而家我同現任，覚得一切ready了但自己年紀大左，仍在努力中。

希望小朋友可以喺最適合既時間出現就好囉！

祝福你地早日搵到共識！

點評

conconfong 祝你早日成功做媽媽！發表於 14-9-16 09:27

私人傳訊

conconfong

別墅

積分: 929

12^#

發表於 14-9-16 09:26 |只看該作者

似乎如果努力配合，都總會分配到時間照顧小朋友，而我相信c6係一個負責任嘅人，應該可以做啲轉變，咁依家就睇我地兩公婆嘅意願。等我玩下其實朋友嘅bb，睇下自己有幾鍾意小朋友先，呢個方法可行嗎?

私人傳訊

chuchu218

大宅

積分: 1930

13^#

發表於 14-9-16 11:02 |只看該作者

引用：分享吓我，我一直唔鐘意小朋友，可以用討厭

原帖由 siuba 於 14-09-16 發表
分享吓我，我一直唔鐘意小朋友，可以用討厭來形容。廿十尾結婚，同老公好enjoy二人一貓嘅生活，大家講明話 ...

我也是這樣，35歲前不想生，之後身邊的朋友大部分也有小孩子，自己心態也改變，試了兩年才bingo. 現在生了兩個月，雖然很困身和倦，但很满足

私人傳訊

siuba

子爵府

積分: 13420

14^#

發表於 14-9-16 12:55 |只看該作者

引用：Quote:原帖由 siuba 於 14-09-16 發表分享

原帖由 chuchu218 於 14-09-16 發表
我也是這樣，35歲前不想生，之後身邊的朋友大部分也有小孩子，自己心態也改變，試了兩年才bingo. 現在生了 ...

恭喜你啊！希望我休養完，都可以快D為老公再生個健康BB啦！

唔好介意，想問吓37歲生辛苦嗎？是自然懷孕嗎？我啱啱小X，對下一次再懷孕都好大壓力……始終係就0了……。

私人傳訊

Bignosepig

大宅

積分: 1021

15^#

發表於 14-9-16 13:17 |只看該作者

本帖最後由 Bignosepig 於 14-9-16 13:20 編輯

回覆 Conconfong的帖子

承你貴言！：）

私人傳訊

mypekkle

大宅

積分: 1917

16^#

發表於 14-9-16 13:47 |只看該作者

本帖最後由 mypekkle 於 14-9-16 15:06 編輯

係我未bingo 前, 都有著同樓主一樣既諗法, 有冇BB 都矛盾, 一來四大長老冇俾壓力, 二來enjoy 現時自由自在生活, 想去邊就去邊, 屋企唔駛有個工人唔自在, 又覺得依家出世既一代將來生活比我地更辛苦更唔開心...但自己年紀已35+, 依家唔生將來更難有BB, 又睇到身邊同齡既朋友, 已有小朋友...心裡一時著急, 一時又唔想生B住, 都幾矛盾.... 但我冇好積極計劃造人, 唔似"想生BB"區既人咁努力, 結果一次冇避孕既情況下bingo 左, 初初知道有左BB 係有D 接受唔到, 但後來睇得BK 多, 就覺得好感恩, 覺得上天送了一份禮物給我

成個孕期原來有好多難關要過 (最初驚宮外孕, 跟住驚BB 成長唔到, 又驚佢係唐氏或地貧, 又驚佢有先天性疾病), 果時先明白, 原來自己之前憂慮咩timing生BB, 憂慮BB將來點教點養, 憂慮都係多餘, 因為好多野未必在你完全控制之內, 唯有順天而行

私人傳訊

miraclam

大宅

積分: 2704

月餅勳章

17^#

發表於 14-9-16 14:21 |只看該作者

回覆 conconfong 的帖子

玩人地的bb同自己的有分別呀.....我之前都是不喜歡小朋友的. 不過呀女出世之後, 我覺得bb係最可愛的生物......雖然好困身同唔識湊會有時忍唔住話佢, 有時行開一步, 呀女都會嘈.....但諗諗下會覺得其實呀女好需要自己先會咁, 之後我無向佢發過脾氣.

私人傳訊

chuchu218