懷孕前後 今日: 40 | 主題: 329688

積分: 4234

好媽媽勳章

1^#

發表於 08-2-5 21:01 |只看該作者 |倒序瀏覽 |打印

陳家小B~係威爾斯,2月4日早上6點05分出左世啦!!

生產經過:

原先預產期1月29日!!

係2月3日下午1點開始~下面不停咁痛~係好似宮縮咁,拿住拿住痛,但又唔係好痛..一時半粒鐘,一時15分鐘,一時又一粒鐘痛一次!
同第一胎果隻痛完全唔一樣~跟住到夜晚9點左右,去廁所發現有鼻涕既分泌物,但就啡啡地...可能咁岩見紅,所以咁既色!

發現唔對路,拿拿林執埋大囝D衫,送佢去外家!
驚自己半夜生,冇人湊佢!

跟住夜晚12點左右返屋企等睇下會唔會痛多左D,到左1點左右開始痛多左,不過唔係個肚痛,又係下面,好似宮縮咁痛...但就密左,不停咁十幾分鐘痛一次....
自己覺得差唔多應該生,就拿拿林去沖涼,洗頭...
2點左右出門口入醫院~~

入到去檢查,姑娘話開左2~3度左右!
D姑娘好好~同佢地講野好舒服,不過見唔返上一胎果個好好既姑娘囉!!!

係產前病房唔多人...比起上次生小好多!

跟住3點半左右...開始痛得好勁....痛到想叫救命,不過都係死忍...
忍~忍~忍

到差唔多4點半左右,姑娘問我有冇想痾,我話有小小,跟住檢查,發覺開到4度左右
叫我執定野落產房~~

落到產房5點左右...落到去痛又加深左~~之後駁機~聽心跳~子宮!!
聞笑氣~~

嘩~~今次聞笑氣一D都幫唔到忙,聞果下冇咩野,一呼氣,下面一推,痛到想喊...扯多幾啖真係勁唔順,不停嗌痛,覺得聞左仲痛過之前...
係咁叫救命,俾姑娘罵
叫我聞笑氣止痛,但我真係唔想聞, 一聞完呼氣真係痛到想死!
跟住我叫佢幫我打止痛針,佢話要檢查下面開左幾多先至決定打唔打...因為第2胎開得好快,可能打完就生得,就會影響BB出世!!
當佢檢查完,話寫紙拿藥俾我打止痛針....
D藥未打..我已經大嗌話我要痾啦~~
個姑娘仲話邊有咁快...但我真係勁想痾...好大聲話,唔係呀,我真係想痾,之後佢幫我檢查...檢查完,佢拿拿林幫我執位,今次真係生得啦~~
佢地叫左我老公入黎陪我<我之前求左好多次叫佢地俾我老公入黎,但佢地話要生得先入,因為夜晚小助產士,冇人手>..佢入黎我即刻定哂~果陣已經SET好哂D位~佢地仲拿走我個笑氣,唔俾我聞...仲話生得唔洗聞,盡情痾~~
頭2次痾我真係亂哂~~因為唔敢用力...真係好痛!!
佢地不停叫我大力D痾,話如果我努力痾,2野就痾到佢出黎~
之後我望下老公,見到佢好心痛咁,跟住我就好用力,痾左2野就痾左小B出黎啦~痾完真係鬆哂!!!

到聯針果下~嘩~~真係好痛~~因為今次聯針冇打麻醉針,姑娘話打冇用...因為今次係爆左,冇剪到,黎唔切剪~
但傷口爆得唔勁,好小範圍!所以就聞笑氣忍痛,好辛苦終於捱完!:;pppp: :;pppp:

0 0 0

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

積分: 4234

好媽媽勳章

2^#

發表於 08-2-5 21:02 |只看該作者

以下係我第一胎生產經歷:

9/4 早上出左去同媽媽飲茶,之後同老公去左行街街..行到差唔多
3點幾4點就去買送…臨走時去左食龜令膏…好好味…
食果陣仲同bb講”你食埋呢次好出世啦”~~諗起都好甜!!!
之後返到屋企…去廁所果陣見到有d好似鼻涕既分泌物..
係廁所好大聲咁同老公講”老公我可能好快生得,應該呢個星期!”
.之後老公好累…就訓左…我都有陪佢訓架..
但係訓極都訓唔到,個肚好唔舒服…..之後去左廁所…
去廁所果陣見到有d啡色既血..係度諗會唔會係見紅…拿拿聲去
左沖涼….因為驚真係生得老公唔俾沖涼…所以趁佢訓緊去沖…
hehe~~~個肚都仲係有d痛…一邊上網一邊留意時間…發覺好有
規律咁痛….驚咁快入醫院未生得有排等…所以就唔叫老公起身,
到夜晚8點幾痛到頂唔順啦…真係好痛…去左拍聲老公…
同佢講”老公我應該生得啦”…之後佢問都唔問就起身話去醫院..
我話驚唔係..咁去左醫院點算…佢話係生架啦…真係俾佢激死..
之後搭的士去醫院…去左7e ,一去到就檢查下體…睇下係咪開左
度數…d姑娘話子宮頸係開左,不過未咁快..所以留院等…
我就叫老公返屋企等消息…
真係好唔捨得…好想佢陪係我隔離,但係過左探病時間..所以矛得
陪…唯有叫佢返去等啦…
時間真係好漫長…痛楚由1級痛慢慢升緊…好痛好痛…
由入醫院探熱d姑娘都話我有小小燒…一直都唔退…
所以俾左2粒藥我食…..
到2點幾…果種痛真係頂唔順…痛到嗌救命…
嗚嗚::><::好辛苦,真係有d唔想生架…
係咁叫姑娘…姑娘又檢查下體..開左2度啦…
我要求佢俾我落產房等生.因為有笑氣..
淩晨4點幾落左去…痛到7彩…好想喊..
係咁死忍…見到d助產士同佢講我好想老公陪我生…
之後佢話9點先得…因為唔夠人手…
我係咁吸笑氣…吸呀吸呀…好high ..wingwing地..
不過都好痛….到早上7點幾….
我真係好掛住老公,我要求佢地俾佢而家黎陪我..
之後俾左電話我,打左俾老公..原來佢一早黎左下面醫院餐廳.
等我電話….聽到佢把聲眼濕濕….:::><:::
好快老公就黎左…我見到佢真係喊左出黎…好痛好痛…
果陣已經早上8點幾…
老公眼都濕濕地…我知佢見到我咁辛苦…佢都好唔開心..
唔知做咩見到老公之後.個肚開始痛得好厲害…係咁大嗌..
嗌住黎生真係冇咁痛架…但d姑娘唔俾,佢地叩我唔好嗢,會嚇親
人地…你估我想既咩…咁真係好痛麻…
痛～～痛～～痛～～痛～～痛～～～痛～～～痛～～～痛～～
到９點多ｄ．．真係就裂開．．．係咁同佢地講我生得啦～生得
．．佢地又唔信話矛咁快，我就係咁嗌．．之後檢查話真係生得，
即刻擺陣（預備生ｂｂ）　～～嘩！！１０級痛啦！！！

係咁痾痾痾～～好似痾屎咁．．．有舊野湧緊出黎～～～
嘩～～好驚呀！痾呀～痾呀！！！
終於係　９：２１ａ．ｍ．生左出黎啦！
嘩～～～放鬆哂！
生完真係　“灘”左係度．．．真係好累！

總括黎講~生第2胎真係好鬼痛...痛既時間
係短左~但痛楚仲勁左!!><~~
第2胎生法同第一胎好唔同~
係產房度同D姑娘阿姐傾計~同佢地傾開,
佢地話好多媽咪係度生都好串.冇禮貌~
所以佢地對果D媽咪都會差D~
希望D媽咪生果陣唔好罵佢地啦~佢地做野
都幾辛苦~~有時候同一時間有幾個生,佢地
真係忙到冇時間理你地~~有咩事就叫佢地.
但唔好罵囉~~
星期日果日,D姑娘話有廿幾個人生~佢地
真係忙到死,所以我好好彩,咁岩我生果陣
冇咩人生^^
今日2月5日出院,都冇咩人生!!
床位唔迫.姑娘問我想今日定聽日,但我揀左
今日,係醫院訓得唔好麻^^""

仲有係~有老公陪產真係好好多架!
冇佢我真係唔識生!!
係度要多謝我老公^^

有咩問題可以問我^^
希望幫到你地啦!!

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

女皇寶寶

複式洋房

積分: 473

3^#

發表於 08-2-5 21:15 |只看該作者

:恭: :喜: :恭: :喜: :恭: :喜:
要好好休息下, 天氣

喔!~

但聽你咁講, 好痛喔~
我唸到時我一定

到7彩啦...... 我又冇老公陪我......

...☆小王子2008年02月19日☆出世了☆...

---->小女皇的生活點滴

私人傳訊

積分: 4234

好媽媽勳章

4^#

發表於 08-2-5 21:21 |只看該作者

原文章由 女皇寶寶 於 08-2-5 09:15 PM 發表
:恭: :喜: :恭: :喜: :恭: :喜:
要好好休息下, 天氣喔!~

但聽你咁講, 好痛喔~
我唸到時我一定到7彩啦...... 我又冇老公陪我......

多謝
呢胎我真係生得好苦~係產房不停喊!
冇老公陪我真係頂唔順~喊到7彩!
好彩臨生前佢入得切黎

唔洗驚架~到時候痛就嗌啦!!
生完就冇事架啦!
預祝你生個肥肥白白既鼠B

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

hkgigi

積分: 8402

5^#

發表於 08-2-5 21:26 |只看該作者

係啊! 我28/1生細b真係痛過第一個,
痛到想死. 聞笑氣加止痛針都無用,
姑娘到話生第二個確實會痛過第一個.

私人傳訊

準媽咪

伯爵府

積分: 19747

6^#

發表於 08-2-5 21:32 |只看該作者

mug 唔係生過鬆d 易生d 既咩? 點解第2 胎反而會慘痛?

我99生4個, 佢話係頭一胎辛苦d 炸噃!?

私人傳訊

carmenchiong

積分: 2831

7^#

發表於 08-2-5 21:35 |只看該作者

係啦d人話第二胎易生d.
我都覺得唔係囉我1月28號生左第二個
又係痛到我痴肺,又無老公陪,
不停大喊聞笑氣又係無咩用呀
連止痛針都唔比我打雖然我入院到生
都係3個鐘到不過o個種痛痛過第一胎阿.

私人傳訊

積分: 4234

好媽媽勳章

8^#

發表於 08-2-5 22:46 |只看該作者

hkgigi:

係呀,笑氣真係冇咩用:tongue:
第一胎真係有D用...仲要我呢胎連止痛針都冇打,打唔切,所以痛到我想死!

準媽咪:

第2胎係會生得快D,但亦都會痛得勁D~因為子宮口係短時間內開夠度數生,唔同第一胎慢慢開!
所以我一個鐘頭係產房就生左,果種痛真係生不如死..第一胎我由落產房到生都有聞笑氣~都止到痛,但呢胎真係一D都冇用!

carmenchiong :

我覺得生第2胎個待遇冇咁好囉~果陣痛到想死,我問D姑娘用無痛分勉得唔得,佢話第2胎唔會幫我打~話生得快,打黎冇用....
止痛針又冇,真係咩都冇,陰公

我真係好慶幸老公陪到我,唔係我真係痛死都痾唔出!

係啦,你仲生嗎??

好多人問我仲生唔生多個,搏女,我真係唔敢生!
呢胎陰影好大

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

carmenchiong

積分: 2831

9^#

發表於 08-2-5 23:05 |只看該作者

寶寶儀:

係呀我話要打止痛針,佢話開得好快唔會同我打,唔係一陣生既時候又要同我打解藥喎,我都係除左笑氣咩都無架,真係一世難忘呀.仲有第一胎好似咩都唔知聯針又唔痛痾返個胎盤又無感覺,呢胎生完乜都知乜感覺都有:tongue: 你都好丫有老公陪..
我唔生啦第二胎都係仔想生個女都咁難:tongue:
再博又係仔都唔知點算哈哈而且又要養又咁痛唔好搞我了兩個夠晒數啦你仲生呀??
個醫生仲叫我去健康院問人教我點避孕,
唔係出年又見到我幾鬼串

私人傳訊

WYlau

積分: 1815

10^#

發表於 08-2-6 01:55 |只看該作者

一路睇一路覺得好痛呀.........

生第二胎咁快就出院？

Anyway 好好休息啦！恭喜~ :恭: :喜:

原文章由 寶寶儀 於 08-2-5 21:01 發表
陳家小B~係威爾斯,2月4日早上6點05分出左世啦!!

生產經過:

原先預產期1月29日!!

係2月3日下午1點開始~下面不停咁痛~係好似宮縮咁,拿住拿住痛,但又唔係好痛..一時半粒鐘,一時15分鐘,一時又一粒鐘痛一次!
同第 ...

臭B日誌

私人傳訊

第二任媽媽

伯爵府

積分: 16098

11^#

發表於 08-2-6 09:33 |只看該作者

死啦, 聽見妳地咁講, 都好驚我都係生第二個, 雖然 6月先生得,
但係依家聽到都驚定先, 我都有聽人講話生第二胎快 d, 但係乜原來痛 d 架. 我唸番起生第一個果陣 d 痛法都驚, 我生第一個果陣, 大痛得唔係好耐, 同埋都唔係想像中痛得咁勁. 尚可接受. 但係依家預備生第二個, 就好驚會痛好多喇.

希望到時亞 b 聽聽話話, 唔好比我痛咁耐, 快 d 出黎就好喇.

私人傳訊

芝士腸

積分: 6636

12^#

發表於 08-2-6 09:51 |只看該作者

我覺得生第二胎冇咁辛苦，反而舒服過第一胎，因為第二胎我冇陣痛感覺，而且生得勁快。

私人傳訊

meimei333

積分: 1098

13^#

發表於 08-2-6 10:22 |只看該作者

只是看完你這篇描述, 巳經可以想像到你當時有幾痛苦!!! 你好勁!

私人傳訊

sumsuma

積分: 5934

14^#

發表於 08-2-6 11:59 |只看該作者

o下?!乜生第2胎會仲痛過第1胎o架?

c 啦 ~ 我仲諗住第1胎時只痛o左2hrs多d就生o左,生第2胎會痛得仲少tim,
我hus仲笑我話生第1胎o甘快,
第2胎可能食食下飯就痾o左出o黎,
聽完你o既經驗,好驚tim

私人傳訊

dickmiu

複式洋房

積分: 208

15^#

發表於 08-2-6 12:29 |只看該作者

回覆 #13 寶寶儀的文章

恭喜:喜:
睇完你生仔的經過，我都會有心理準備，第二胎會痛D，我生第一胎的時候都聽過D媽媽話生第二胎仲痛。其實我第一胎係威記到生都OK，D姑娘都好好，好感恩是我最痛的時侯是探病時候，老公可以陪我(我贊同老公陪是好重要)，但今次我驚無咁好彩，所以我都係Book
了去私家生。

私人傳訊

bonnie1013

積分: 8233

16^#

發表於 08-2-6 12:53 |只看該作者

我都同意, 第二胎真係痛好多!我生第一個時聞住氣都可以忍到痛, 冇叫出聲, 但係第二胎聞住氣打埋止痛針都痛到嗌到拆天咁, d姑娘都怕左我提早推我入產房.

私人傳訊

積分: 4234

好媽媽勳章

17^#

發表於 08-2-6 13:25 |只看該作者

carmenchiong :

上胎打止痛針都止到小小痛架,今胎想打都唔得

好彩未打止痛針咋,唔係一陣阿b出世要打解藥就大獲!!
就痾果陣已經係咁同佢講想痾,又唔信,好彩我有不屈不樓既精神,係咁同佢講,唔係痾左都冇人知!!

我真係求左佢地好耐先俾老公入咋,因為半夜冇咩姑娘~得幾個人,好彩係我一落產房就send定信息俾老公同佢講落左產房,佢話一收到我個信息就出門口~係6樓等入~:mrgreen: :mrgreen:
唔係實趕唔切搭的士黎!!

我唔生啦~呢胎太大陰影~同埋2個真係夠哂數~生女呢家野我都係冇緣架啦!!

咁你而家同我一樣咪要係屋企坐月囉???
過年冇得行年宵好慘

我生果陣d姑娘好好笑,因為有個我上胎都係佢幫手接手~我認得佢,跟住我同佢講我認得佢...其他姑娘對我好好,佢地話驚過多2年我又生,又認得佢地,所以對我咁好

不過我都話唔生架!! 等有m到去帶子宮環!!

WYlau:

唔係講笑,真係痛架!
上胎都冇咩點喊..今胎就一路喊一路生!

d姑娘都有問我想5號定6號出院..我唔想係醫院咁悶...所以就5號出院囉!
係屋企張床係好訓d!!!

第二任媽媽:

生第一胎我都忍到,但第2胎真係唔得,聞咩都冇用!越聞越痛~最頂唔順都係落產房果一粒鐘!!

生第二胎係痛得快d,但果種痛真係生不如屎

芝士腸:

好羨慕你呀

有d媽咪生真係一d都唔痛架...
我係醫院果陣聽到有2個媽咪講電話同人講話生一d都唔痛~~

聽到我幾羨慕

meimei333:

我唔勁,冇用先岩!
係咁嗌痛~~:mrgreen: :mrgreen:

到你生果陣你都會好勁架~每個媽咪都係好偉大好叻!!!:mrgreen: :mrgreen:
唔好學我嗌,哂好多氣力!!

sumsuma:

我大痛唔係痛左好耐,都係果一粒鐘!
係下午果隻宮縮痛痛左好耐咋~但唔係好痛~同平時宮縮一樣咋!!

我問姑娘點解會咁,佢地都話奇怪~~

你第1胎咁快,第2胎都會快d架,唔洗驚!!
哈哈~可能真係食食下飯痾左架

dickmiu:

多謝

係威院生唔差既~係第2胎分別唔同左!
但整體上好多姑娘同姐姐都好好!!

不過有得俾我揀我都令願係私家開刀生!
但冇計啦~~洗3萬幾蚊我又唔捨得!!

你諗住開刀定順產架???

bonnie1013 :

唔係落左產房先可以聞笑氣架咩???
我發覺我地好似俾人呃左,之前睇好多媽咪講生第2胎痛小d....點知相反...

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

準媽咪

伯爵府

積分: 19747

18^#

發表於 08-2-6 13:31 |只看該作者

原本諗住無論頭一胎仔定女, 都會要多個, 但家下..........睇完你地既描述, 真係好驚呀!!!

順祝各位媽咪, Daddy, 新春愉快, 順順利利, BB身體健康, 大家:發: :財: :發: :財:

私人傳訊

itbaby