回覆：請敎各位有獨生子女的JM們
我以過來人分享下……
我也是高齡生，生妹豬時37了，當時唔知自己生唔生到，一早諗住iui/ivf，好好彩結婚3個幾月就自然有左……
當時我知自己其實接住生多個唔難，但商量過後，最後還是堅持一個……
首先，有兄弟姊妹係好，但都睇緣份，我一姊一弟都在美國，幾年先見一次，同冇分別都不大……
當然，我都好珍惜佢地。
我同老公決定生一個，主要係，我地不想太辛苦。而家湊細路，不同以前果套天生天養。父母都要比好多時間心机，兩個細路的話，唔係出兩倍力，係三，甚至四倍……
經濟上資源上分薄左，唔同以前多個人多雙筷，學費課外活動好多開支。當然，如果家境完全冇問題就不用考慮呢個因素。
另外，教一個已每日嘔一公升血，小鳳就黎c！
教多個我會跳樓！上咩堂都係一對一最好，而家我就1:1，得一個，可以完全針對性的設計個人化的服務給她，專注培育她……
至於成長問題，有sibling當然有好處，沒有也不一定是壞事。自少培育獨立自主個性，獨生子女也可快樂成長。
以我女兒為例，她天性好動活潑，一人亦可自給自足，自得其樂，成長中會有朋輩彌補沒有sibling的不足，有時朋友可以比同胞更合拍。
生与不生各有利弊，如果同老公商量過，有意再生，可即管試下，但要放鬆心情不要強求。
如果疊埋心水唔生，向好一方面諗，一個亦有一個好，我自己認識的獨生子女中亦不乏出色人物！
最後小鳳心聲，一個妹豬我已想c，好彩唔生第二個，唔係都唔使旨意有心情寫故……
加油支持！！
老虎囡2010年2月10日於嘉諾撒出世喇, 早過預產11日~ 重6.71磅
發表於 
返回列表
