夫婦情感

跳至

首頁
1

尾頁
   0


男爵府

積分: 7836


發表於 04-4-1 17:31 |顯示全部帖子

咁o既老公......

我老公平時就mug都闊佬懶理,個女今日足足兩個月啦,莫講話幫手湊,連點開奶點換片都未識。至叻就抱個女當係公仔咁玩,下下係個女就佢,唔係佢就個女,喊到拆天都話之你,老豆鍾意點抱就點抱。

佢自已收左工,打個電話返黎,唔返黎食飯 / 晏d返 / ……,我從來都冇過問,又唔會催佢快d返。尋日我收左工去做減肥收身,同佢講話我遲個零鐘8點鬆d返到屋企,佢當時冇mug表示,之後就係度玩野。

我而家返返工,好少時間抱個女,所以好珍惜同個女相處。每日放工返到屋企,餵奶換片沖涼樣樣都自已黎,尤其係沖涼,我好堅持一定要我同佢沖。因為:一來,工人對手成日都冰冰涷,我好驚會攝親囡囡;二來,餵奶換片工人都會做,我想有d唔同o既野令囡囡可以分辨開邊個先係媽咪;三來,我真係好enjoy攬住佢落水上水個下,好close好溫馨。呢d野我一早就同老公講過晒。

平時放左工,返到屋企食埋飯,點都要8點零先同得囡囡沖涼架啦。尋日我做完減肥搭緊車返屋企,7點10,老公打電話黎,話要同囡囡沖涼。我話我返緊黎啦,咪等多陣囉,又唔係趕時間。佢話,點知你返到幾時,越夜越涷架嘛,涷親囡囡點算。我火都黎埋,同佢講,我都就到啦,遲幾個字涷得幾多呀,工人對手咁涷你又唔怕涷親個女,我難得有少少自己時間你就係度玩野。收左佢線。

結果,我返到屋企樓下,佢又打電話黎,我地同囡囡沖左涼啦,你唔駛趕啦。

原來,佢一食完飯,叫工人執左台唔好洗碗住,同囡囡沖左涼先。於是就係我返到屋企樓下時沖完涼,當時先o岩o岩夠8點。

你話你慶唔慶?


大宅

積分: 1111


發表於 04-4-1 18:15 |顯示全部帖子

Re: 咁o既老公......

點解佢要(突登)吾聽你講?你又點解認為佢係玩野呢?你地本身有咩問題?


翡翠宮

積分: 81128


發表於 04-4-1 20:49 |顯示全部帖子

Re: 咁o既老公......

我都同意tt2001的講法,一次半次姐,你使唔使咁嬲呀???
你老公叫工人同你個女沖涼無乜唔妥呀!!!點解你會話你老公玩野呢???


子爵府

積分: 11405

好媽媽勳章


發表於 04-4-1 23:04 |顯示全部帖子

Re: 咁o既老公......

咕怪媽咪,

唔.....我直覺覺得你太過緊張個囡, 冷落左你老公的感覺喎...

有時人就係咁, 就算係一樣對你好重要既野, 只要你知道有人會緊張過你, 會做得比你出色, 你就會變得闊佬懶理, 費時插手搞衰左比人鬧........
亦可能你之前投訴過佢mud都唔理, 剩係識搞喊個女, 你老公就以行動話返比你聽, 其實你唔做, 佢都可以搞掂(最多比賓賓做!)
其實子女需要愛心同關懷, 老公都要架.....如果係可以, 比佢幫下手(當然係無關痛癢果d), 就算做得唔合格, 咪笑笑口同佢講話你個做法幾新穎喎...不過亞囡仲細, 你都係咁做先啦, 等佢大d先試你個方法.......

唔好嬲你老公啦!!!!


大宅

積分: 1111


發表於 04-4-2 11:10 |顯示全部帖子

Re: 咁o既老公......

係呀,我唸有D原因係你太過緊張個囡呀!可能你倆公婆仲有其他問題都未定,但太過緊張好易精神衰弱架,另一半好難(千就)你架。其實你話工人對手成日都冰冰涷,驚會攝親囡囡,我覺得誇張左小小羅。

我有個friend拍拖嗰時好恩愛,結婚一齊住左排老公都有做家務,但慢慢頂老婆吾順,因我friend係極(Yim尖)極(Yim尖)極(Yim尖)嘅人黎(我一早都覺),仲有潔癖,總之老公做乜佢都吾like,老公咪(索性)吾做。吾做吾緊要呀,但其實好影響其他野。最後佢老公沒有第三者.....但都要離婚!


男爵府

積分: 7836


發表於 04-4-2 13:55 |顯示全部帖子

Re: 咁o既老公......

我覺得我老公係自私。佢自己去玩就得,我除左返工就應該留係屋企湊女。我話要夜 D 返,佢講唔出話唔比,於是就要剝奪我同個女沖涼o既權利 (我成日同佢講,同個女沖涼有幾得意幾溫馨幾enjoy) - 等你以後唔好去。

而且我老公果日都唔係自己有份同個女沖涼呀,個工人獨自搞掂之嗎。平時我叫佢影下個女沖涼個得意樣,佢都嫌煩,寧願玩電腦,你話佢有幾鍚個女o勒。得把口架咋。

至於個工人對手,真係涷都好誇張架。我而家自己坐月補身o既都分返份比佢食,等佢補好個身子會改善。遲下天氣熱 D,希望會好 D 啦。


子爵府

積分: 11405

好媽媽勳章


發表於 04-4-2 15:03 |顯示全部帖子

Re: 咁o既老公......

唔....我大概明白你既感受......
其實響你地決定要小朋友時, 佢係咪麻麻地想要架? 點解佢對bb會咁無興趣?

其實又會唔會佢唔想你辛苦, 做完gym返黎又要同bb沖涼?

唔好咁快諗到咁negative啦! 可能你老公唔係咁意思呢. 你有無同佢傾過呢件事? 我係擔心你因為先入為住, 所以佢對bb彧者對你做既所有野你都覺得係同你搞對抗, 但係又唔去搞清楚, 問題愈來愈多咋.......


禁止訪問

積分: 2680


發表於 04-4-2 15:49 |顯示全部帖子

Re: 咁o既老公......

提示: 作者被禁止或刪除 內容自動屏蔽


男爵府

積分: 7836


發表於 04-4-2 16:04 |顯示全部帖子

Re: 咁o既老公......

wunma,

好多謝你呀,我覺得你真係講中晒我想講的野呀。

其實我去做減肥,返到屋企都係 8 點鬆 d ,同平時幫 bb 沖涼o既時間差不多,我不過係犧牲我自己食飯的時間唧 (做完減肥一個鐘內都唔準食野),佢咁都唔比我!男人老狗,唔鍾意咪攤開黎講囉,陰陰濕濕咁搞埋 d 小動作,我覺得佢好小器,所以咪惱囉。


禁止訪問

積分: 2680


發表於 04-4-2 16:17 |顯示全部帖子

Re: 咁o既老公......

提示: 作者被禁止或刪除 內容自動屏蔽


男爵府

積分: 7836


發表於 04-4-2 16:36 |顯示全部帖子

Re: 咁o既老公......

Thank you.


男爵府

積分: 7836


發表於 04-4-2 16:36 |顯示全部帖子

Re: 咁o既老公......

Thank you.


大宅

積分: 1823


發表於 04-4-2 16:46 |顯示全部帖子

Re: 咁o既老公......

做人既野唔洗咁執著的, 沖少一次咪沖少一次o羅, 有乜所謂
o咼, 你緊張咩? 你老公只會更加有機會令你不能如願, 你冇所謂咩, 佢都廢事叫工人做tim呀, 你估叫工人做野唔洗力氣
o家, d 男人就係咁o家la, 人到冇求品自高, 求佢就不如求自己 :-P
希望相信 "快樂不是因為擁有的多,而是因為計較的少。"


翡翠宮

積分: 81128


發表於 04-4-2 16:52 |顯示全部帖子

Re: 咁o既老公......

咕怪媽媽:
請恕我直言,我覺得你老公唔鍾意你去到咁夜同佢叫工人幫舍女沖涼好似係兩回事,無乜關係囉!!!
佢係咪唔想你咁夜仲要同個女沖涼咁辛苦呀???你其實已經對你老公有好多不滿,又覺得佢唔錫個女,所以佢做乜野你都睇佢唔順眼,其實,咁樣好影響兩夫妻的感情架!!!


男爵府

積分: 7836


發表於 04-4-2 21:55 |顯示全部帖子

Re: 咁o既老公......

唔知點講,真係有好多野好激氣……

我大肚果陣,我老公都只係陪過我一次去產前檢查同一次講座咁大把。檢查果次仲要係遲到成個鐘,我見完醫生佢先到。唔係有野做或者記錯時間喎,佢話”諗住冇咁快到你,所以做埋少少自己野(玩電腦)先黎”之喎,你話吹唔吹脹。聽講座仲搞笑,人地一路講佢一路中眼瞓 (上午9點幾),到播 vedio 佢就去廁所,返黎啱啱好播完,所以成個生產過程佢基本上完全唔知架。到我七八個月,半夜成日要去廁所,佢仲要同我爭瞓床出面,連佢屋企人黎到都睇唔過眼,話佢,佢先肯讓返比我瞓出面。我生完坐月,佢患產後抑鬱 (係,你冇睇錯,係佢抑鬱唔係我),三頭兩日搵 d 雞毛(算)皮的小事來嘈交,搞到我成日喊。一嘈交呢唔理三更又好,半夜又好,就威脅要抱 bb出街散心。死唔死

仲有 mug 夫妻感情可言。我都心淡咯……
:-x


大宅

積分: 1111


發表於 04-4-2 22:54 |顯示全部帖子

Re: 咁o既老公......

Can't believe a man with a baby is so naive/childish. Actually, is he not ready to have a baby? Or only you want to hv a baby and it makes him too much pressure? Seemed he cannot solve some problems by himself and do something wrong to to release his pressure. His attitudes seem a 7yr old boy will do.

I really can't accept the irresponsible things he had done for wife:
- 陪過我一次去產前檢查同一次講座咁大把
- 玩電腦先黎
- 一路中眼瞓
- 播 vedio 佢就去廁所
- 爭瞓床出面
- 威脅要抱 bb出街散心


男爵府

積分: 7836


發表於 04-4-3 13:08 |顯示全部帖子

Re: 咁o既老公......

tt2001,

你講得冇錯,佢真係未長大 (佢係拉仔,亞爸亞媽縱到不得了果種)。連佢家姐亞哥表姐表哥都成日讚我"偉大",肯嫁比佢兼仲有勇氣幫佢生仔 我有苦自己知~~~

有 bb 係意外,但我有o左果時佢好開心好雀躍架喎!我坐月佢同我嘈交果陣,佢表姐同佢傾過計,佢真係話佢自己好似接受唔到自己已經做o左人地爸爸。佢表姐同佢講,你已經有成年o既時間去做準備o架啦,況且都已成事實啦,仲有得返轉頭咩。人係始終要成長要適應個社會環境o架!之後,佢好似醒返少少,少左 d 嘈 (請睇清楚,係少左,唔係冇)。

我對住佢好煩,真係好想離開佢~~~

ps 佢 30+架啦,唔係10零廿歲呀。


翡翠宮

積分: 81128


發表於 04-4-3 17:33 |顯示全部帖子

Re: 咁o既老公......

咕怪媽媽:
三十幾歲的男人都係好細架咋,男人係比女人遲熟架嘛!!!
我男朋友都係31歲,但佢仲係好似個細路咁,而我就23歲,好多人都話我無論係外形定表現都好似一個18/19歲的女仔咁,所以好多人都話我地兩個都仲好似好細咁,唔知我地第日絡左婚點生活~
其實,一個人成唔成熟好睇佢的遭遇同經歷過d乜野,而我同我男朋友都係由細到大都無經歷過乜野大風浪的人,係屋企又比人就慣左,所以表現咪依然好似個細路咁囉!!!
你地結左婚幾耐呀???兩個人結左婚應該係可以令大家係好多方面都會成熟起來,因為好多野都需要兩個人一齊去解決~


大宅

積分: 1111


發表於 04-4-3 23:10 |顯示全部帖子

Re: 咁o既老公......

咕怪媽媽:

I think your husband only wants to enjoy the love given by others, but is not willing to/doesn't know how to lover others!!!

I want to ask what is his "adventages" and what do u appreciate on him before you married him? Don't foucs on his "disadventages" only, otherwise, you will hate him more and more. If you can recall his "adventages", try to talk to him sincerely to change his mind and bad things he always does, it would be more constructive than you just think about leaving him.


民房

積分: 30


發表於 04-4-9 03:19 |顯示全部帖子

Re: 咁o既老公......

I wonder why you were married him ?
is he was not like that before?

首頁
1

尾頁

跳至