母乳餵哺

跳至

首頁

尾頁
   71


大宅

積分: 1877


發表於 14-11-4 00:25 |顯示全部帖子
我由收奶到重新上奶,到而家用左30安奶黎沖涼,仲有100安奶係雪櫃,日日增加中。唔係哂命,係想同大家分享下,就算收左奶都唔一定要放棄餵人奶的,有心事成。

我大囡時全泵2個月,塞左後放棄,今胎諗住會叻D,點知都乳頭損,BB重得唔好,2 個星期時我喊住放棄餵人奶。我去藥房買收奶茶,飲左2個星期,收哂奶,胸淋哂,係堅收左奶的!

2個星期無餵無泵後,始終唔甘心,又想再試埋身,當時用手擠只得幾滴奶,不過真係好唔捨得埋身的親密感,又知唔會再生bb,所以寧願當自己係奶嘴比BB再啜,過下癮。

初初十日就係咁當奶嘴咁,得閒無時,BB 唔肚餓時,餵奶粉前比她啜下,一日約5-7次,發現乳頭不再損了,BB亦啜得幾好,仲好鍾意啜添!所以決定加碼,努力餵,亦上網找了些資料睇,中文文章好少,有興趣的JM可以google 下 relactation,原來超過一半人可以在一個月內全人奶,我又學人試下!

當時BB 5個星期大,一日七餐,每餐120ml,我每餐前比BB啜半小時,然後照補奶粉,中間加泵一次,得10ml (2邊加埋), 填唔滿樽底,睇到都無奈,所以補足120ml奶。如是者,2個星期,每日埋身7-15次 (有時餵完左邊餵右邊 = 2 次計 ),bb每次都繼續補食 120ml奶粉。泵奶就每次泵到20ml。

7個星期大時,我仲有1個月就要返工了,好心急想追奶,致電母乳熱線後,決定放手一博,唔補奶,餓下bb來追奶。

26/8 全日無補奶,我餵左19次,我什麼都唔做,只開電視抱住bb,一喊就埋身,食到放口,夜晚只有2個鐘可以瞓,無補奶,我相信一日唔夠飽又唔會死的。當時只有3-4條濕片。

27/8 全日餵左21次,有5條輕濕片,驚bb脫水,比左30ml水,無補奶。(心諗如果明天都無6條濕片就一定要補奶)

28/8 全日餵左21次,終於有6條輕濕片,個心定d。

之後的2個星期,我每日都餵約15-21次,有時再加泵4次左右,泵到約40ml/次,多數係餵完泵的,所以少係好正常。

之後開始返工,返工係公司泵3次,返工前放工後邊餵邊泵,半夜有時係邊餵邊泵,有時雙泵,日頭開始泵到80ml,半夜雙泵有160ml,bb仍然係120ml -150ml 一餐,我返工期要食4餐樽,而我每日約泵6-7次,所以加埋都夠全日食,基本上全人奶。

而家復工1.5個月了,日間每次泵到180ml,晚間最多泵到270ml,每日都有奶儲,周末全埋身,約3個鐘一次,半夜bb唔食泵左就做冰奶。

我基本上試過哂所有買到的發奶嘢,無一樣對我有效,如more milk plus, 黑豆粉....全部無效,我已放棄了。

對我有效的方法只係半夜泵奶,同密密啜。

我的心得,唔好由收奶即刻全埋身唔補奶,應該先比bb啜多d,增左奶先,等有多少少奶先全力追。全力追時,比自己最少5日乜都唔好做,專心睇電視,煲劇咁埋身餵,亦唔好諗住有得瞓。第一至三日,可以set一個瞓覺時間,如10pm,就補一餐奶粉,等大家休息下。如果怕餓親,可以中午又補一餐。

如果要追奶,一日只餵7次係唔夠的,太正常了,身體會以為你夠用,要比正常多,身體先會知你係唔夠貨,同你追的。

每日要飲最少3公升水,你諗下,你自己都要2公升水基本,你bb又要飲,我bb當時一日要飲700ml奶,咁我唔比平時飲多一公升水,邊有奶呀?

我download左一個apps記bb log,記每次餵奶泵奶,一個記飲水。

我追奶無秘方,你睇草媽媽漫畫就得了(母乳協會有得睇),我只有勤力和堅持,加上bb好願意幫手啜,又唔怕餓下,就係咁得左!

如果你bb成日要啜,其實真係上奶好拍擋,好快致富!

希望我的分享幫到有需要的jm啦!


子爵府

積分: 10885

畀面勳章


發表於 14-11-4 01:05 |顯示全部帖子

引用:我由收奶到重新上奶,到而家用左30安奶黎沖

原帖由 setyawan 於 14-11-04 發表
我由收奶到重新上奶,到而家用左30安奶黎沖涼,仲有100安奶係雪櫃,日日增加中。唔係哂命,係想同大家分享 ...
你好叻!我前星期食錯豬潤(只係2舊咋食譚仔) 即刻收曬,得幾滴,最慘係bb由果日開始唔肯埋身啜,佢係啜2啖就好似想嘔咁捱開我, 唔知係唔係無咗陣奶味?!bb 唔幫手,係唔係上唔返?呀b 6個月了


大宅

積分: 1501


發表於 14-11-4 01:39 |顯示全部帖子

回覆:setyawan 的帖子

好叻呀你我都仲好努力同bb 夾緊
希望上奶再快d la


男爵府

積分: 8001


發表於 14-11-4 01:55 |顯示全部帖子

回覆:分享 - 收奶後重新再餵,到儲了100安冰奶 (2.5個月)

好叻!母親真係偉大,特別係人奶媽媽!





大宅

積分: 3841


發表於 14-11-4 05:46 |顯示全部帖子

回覆:Michelle_Hung 的帖子

餵人奶唔餵得豬膶ga?


大宅

積分: 4257


發表於 14-11-4 09:30 |顯示全部帖子
樓主好利害!!! 我全人奶兩個, 細仔岩岩六個月, 有時都餵到倦, 冇心機, 你呢個分享好鼓舞!!!


大宅

積分: 1274


發表於 14-11-4 10:16 |顯示全部帖子


大宅

積分: 1364


發表於 14-11-4 10:50 |顯示全部帖子
多謝分享,好多時見到媽媽分享自己的人奶路,覺得她們真係好厲害,為了母乳,真係可以去到咁盡。
雖然我不是全人奶,但見到分享,很有共鳴,好鼓舞!!


大宅

積分: 2573


發表於 14-11-4 11:26 |顯示全部帖子

回覆:setyawan 的帖子

有時覺得餵人奶好似有一種魔力咁。明明餵到好辛苦,明明攰到病,even身邊既人叫你放棄, 都會好似有魔力咁不停餵



點評

linglaulau    發表於 14-11-4 12:07


大宅

積分: 1882


發表於 14-11-4 12:07 |顯示全部帖子
雖然我已經退役... 但見到有奶媽咁努力真係好感動~
身邊最近有幾個朋友生咗.. BB都未滿月... 好快就放棄咗..
真係覺得好可惜..


大宅

積分: 1364


發表於 14-11-4 12:14 |顯示全部帖子
C9Ma 發表於 14-11-4 11:26
有時覺得餵人奶好似有一種魔力咁。明明餵到好辛苦,明明攰到病,even身邊既人叫你放棄, 都會好似有魔力咁不 ...
完全明白!!!! 但有時我在想: 到底是魔力還是自己鑽牛角尖? 明明好辛苦,有另一種解決方法,但仍是不斷在「折磨」自己。係堅持、為啖氣唔屈服、還是什麼呢? 有時都好迷茫。


男爵府

積分: 6095


發表於 14-11-4 13:04 |顯示全部帖子

回覆:分享 - 收奶後重新再餵,到儲了100安冰奶 (2.5個月)

你好犀利呀!
我bb依家5x日人仔,我係半人奶媽,自從bb之前幾次啜損咗乳頭後,我就轉做泵媽。
bb依家每次食120ml,大約3-4小時食1次。
我每次大約泵到80-120ml,只係夠bb 3/4食用,另外1/4要補奶粉。
我明天開始返工,返工時最多泵到1-2次,我都好擔心啲奶越嚟越少


大宅

積分: 2871


發表於 14-11-4 13:28 |顯示全部帖子

回覆:sallytamsh 的帖子

我初初都係比bb啜損哂,又流血又結焦又流血,不斷重復,我見到個口都驚,之後就泵出嚟,到後期d人話埋身啜先會增奶,我又試返,到現在早上及臨睡都埋身啜


伯爵府

積分: 16082

2024年龍年勳章 虎到金來勳章 牛年勳章


發表於 14-11-4 13:30 |顯示全部帖子
些些JM分享你既經歷,我決定要跟住你咁做,重新上奶!!!


大宅

積分: 1019


發表於 14-11-4 13:58 |顯示全部帖子

回覆:分享 - 收奶後重新再餵,到儲了100安冰奶 (2.5個月)

好令人鼓舞嘅分享,好佩服你嘅毅力同堅持……我B女頭幾日已啜損我,於是做咗全泵妈,但BB呢幾日打完針發燒,我個人就好猛,奶量少咗100ml有多想埋身追,BB好冇耐性,啜一陣又放声大喊,同佢打晒交咁,佢喊到声到沙埋,一比奶樽就乖乖啜,好傷心……你BB有冇呢個問題?


別墅

積分: 546


發表於 14-11-4 14:05 |顯示全部帖子

回覆:分享 - 收奶後重新再餵,到儲了100安冰奶 (2.5個月)

媽媽真偉大,我BB18個月仲餵緊,各位jm努力呀


複式洋房

積分: 368


發表於 14-11-4 14:31 |顯示全部帖子

回覆:分享 - 收奶後重新再餵,到儲了100安冰奶 (2.5個月)

超勁!加油!👍




複式洋房

積分: 466


發表於 14-11-4 14:40 |顯示全部帖子


大宅

積分: 1877


發表於 14-11-4 19:11 |顯示全部帖子
回覆 Michelle_Hung 的帖子

有時bb無耐性,咁會唔會努力泵幾日先,等奶多番再餵過?


大宅

積分: 1877


發表於 14-11-4 19:15 |顯示全部帖子
回覆 ET19 的帖子

豬潤收奶架,不過我收奶果期日日食,都無特別效果,人人唔同掛

首頁

尾頁

跳至
你需要登錄後才可以回帖 登入 | 註冊