產前產後

跳至

首頁
1

尾頁
   0


大宅

積分: 3890


發表於 04-4-7 16:44 |顯示全部帖子

有冇媽咪用無痛分娩? 好唔好呢?

有冇媽咪用無痛分娩? 好唔好呢? 我個妹妹做護士, 話好好, 但係我家姐話佢有個朋友生左之後3個月唔行得


民房

積分: 124


發表於 04-4-7 18:34 |顯示全部帖子

Re: 有冇媽咪用無痛分娩? 好唔好呢?

我係陣痛20多小時以後頂唔順,惟有用無痛分娩,用藥之后幾分鐘就開始覺得無咁痛,盤骨以下無感覺,但双腿可以自己郁少少,嗰時先可以休息吓,留力遲d 生 bb出嚟! 到要生時医生會話我知幾時收縮,同時用力push嗰bb! 不過生完就無咁快行得,因為藥力未過:-P

好多人話用無痛分娩會無曬感覺,bb出咗嚟都唔知,但我就feel到佢慢慢被推出嚟...當然比唔用無痛少d震撼,但其實會生得舒服d,嗰人無咁累,我就覺得好好 -- 我諗下一胎都會一早用!

生完到依家3個星期,無乜後遺症!


洋房

積分: 360


發表於 04-4-7 19:34 |顯示全部帖子

Re: 有冇媽咪用無痛分娩? 好唔好呢?

幾好呀, 我痛左10幾個鐘, 如果無無痛分娩,我都唔知點算, 生o個陣都要痛,大約15分鐘, 但已好幫到我,我生完12小時己可以落床行得, 都係三日出院


子爵府

積分: 10647

畀面勳章


發表於 04-4-7 22:58 |顯示全部帖子

Re: 有冇媽咪用無痛分娩? 好唔好呢?

我都係痛左差唔多廿個鐘之後頂唔順先決定用無痛分娩
基本上係一落藥我已經覺得冇咁痛, 真係差好遠
連d姑娘都話我終於識講野同識笑下, 面色好好多
冇話完全唔痛, 我仲feel到痛架, 不過已經頂得順..有力生到個bb出黎. 如果唔用....我會痛到連生既力都冇囉
生完我要成十六個鐘先落得地, 因為我貪血得勁同埋未吊完藥水...住左兩晚醫院就出得院囉
後遺症係, 我條腰骨係成日會酸痛囉. 生完頭個半月直頭唔可以彎身太耐, 因為會痛到冇力..但係慢慢就好轉好多
我個人都係讚成用無痛分勉既...後遺症呢樣野, 其實做任何手術, 什至生bb本身都有架喇...好睇個人體質


男爵府

積分: 5384


發表於 04-4-7 23:11 |顯示全部帖子

Re: 有冇媽咪用無痛分娩? 好唔好呢?

我想問用了無痛分娩後,幾耐先可以餵母乳?不落得床護士會抱比你餵嗎?,因為越早餵呀b會好d!thank you


大宅

積分: 3890


發表於 04-4-8 10:55 |顯示全部帖子

Re: 有冇媽咪用無痛分娩? 好唔好呢?

smallkarkar/leungpau/Faye525

多謝妳地share妳地d experience比我, 噤我放心lu~~


水晶宮

積分: 50431

2019新春慶豚圓


發表於 04-4-8 12:31 |顯示全部帖子

Re: 有冇媽咪用無痛分娩? 好唔好呢?

我係極之怕痛之人, 我在生之前, 非常擔心陣痛帶來o既痛苦. 我個醫生有同我講過無痛分娩的 好處同有可能出現的問題, 我亦上網找過資料, 發現用無痛而出現的毛病如頭痛, 腰骨痛, 的機會率, 比起做lasik醫近視的失敗率為低, 我老公都去做 lasik,點解我唔做無痛呢.
我未開始陣痛, 已經打針 (因我是打催生針的). 成個過程, 配合埋助產士教的呼叫吸法, 都唔係好痛, 生得算幾舒服. 生完個身體冇話比起冇用無痛分娩的媽媽差, 照樣可以落床湊BB.
試過之後, 我都highly recommend人地用無痛分娩.


子爵府

積分: 11754


發表於 04-4-8 14:58 |顯示全部帖子

Re: 有冇媽咪用無痛分娩? 好唔好呢?

我一入醫院, 醫生已建議我最好一早打無痛針, 咁成日就會舒服好多, 因為BB無咁快出世住, 若忍痛苦既陣痛幾個鐘後, 先頂唔順先打就唔抵, 起碼遲要打, 早要打, 不如早的打, 唔駛自己受苦楚, 可能醫生見慣好多例子, 所以都叫我唔好咁忍的陣痛, 早的打, 而且個麻醉師手勢好好, 生完已可下床, 重臨睡時沖涼洗頭, 醫生好支持我乾淨, 我唔可以忍受唔沖涼唔洗頭咁耐, 我會覺得身上有怪味, 自己聞唔到, 人地都會聞到, 何況我有潔癖, 到個囡三歲, 都無乜事, 若生第二名, 我仍會好似生第一胎咁做法.


大宅

積分: 3216


發表於 04-4-8 15:56 |顯示全部帖子

Re: 有冇媽咪用無痛分娩? 好唔好呢?

lau,
請問你在私家定係政府醫院生架?


複式洋房

積分: 269


發表於 04-4-8 16:17 |顯示全部帖子

Re: 有冇媽咪用無痛分娩? 好唔好呢?

甜心糖糖
我在威爾斯做無痛分娩後,姑娘當晚便抱bb來給我餵母乳,不用擔心會遲了餵。

hkcindy
無痛分娩是可以減輕很大程度的陣痛,亦使我保留了力氣推bb出來,所以藉得採用的。


別墅

積分: 723


發表於 04-4-8 18:53 |顯示全部帖子

Re: 有冇媽咪用無痛分娩? 好唔好呢?

Dear all,
It's really good to use無痛分娩! I didn't feel pain after the injection. I just have little shaking and I was strong to push my baby out.


子爵府

積分: 11754


發表於 04-4-9 10:31 |顯示全部帖子

Re: 有冇媽咪用無痛分娩? 好唔好呢?

cottontail,

我在私家香港港安生, 因為我想住下幾日半山感覺, 感覺係買野好唔方便, 好似我生完已夜晚九點幾, 醫院飯堂已收, 所以老公搭的士去山腳買外賣, 又搭的士上來比我食, 佢又搭返的士返屋企, 無車都幾麻煩, 不過一世女未住過半山區, 虛榮心作崇, 麻煩都願意咁做, 所以埋單幾萬銀, 所以而家生囡, 唔係叫千金, 係叫萬金先岩.

有時同我嫂講開生BB, 佢未生, 我唔知佢會唔會生, 因為佢已是高齡, 佢話唔痛下點似生BB, 我心諗, 女性係好承受到任何痛苦, 但而家咁文明, 有得你唔駛痛, 點解重要自己羅來痛, 重要痛上十幾粒鐘, 人都謝, 而且一生中唔止生仔痛, 還有其他痛苦等緊, 包括身心, 倒不如做到少一樣痛苦, 令自己好過D, 比多少少錢都值.

首頁
1

尾頁

跳至