本帖最後由 roymom 於 14-11-21 14:46 編輯
我公司個極品好煩,你講任何一樣話題,佢都有野駁你,例如你話去洲際食buffet,佢會即刻話洲際唔好食架,bi li ba la……,咁話the market啦,又即刻ba ba ba話邊樣難食,但又冇實質建議喎!
你講任何一樣野佢都即刻bang你,攪到你完全冇興趣再同佢講野,但佢又會撩你問意見,好似佢就結婚,不停問咁點,咁點,你話不如咁啦,佢話哎吔我唔想咁,你再提議另一樣,佢又話不過咁……,如是者再講多几次佢就話:哎喲!我都係照番原先咁啦!頂!唔係唔比你問,但人地有心比提議都唔使bang到咁呀!
請問你地會點應付呢d人?最慘我公司得3個人,慣左日日一斉lunch,冇理由唔傾計,但比佢經常性咁一盆冷水兜頭淋真係好火!呻完!
天朗在1998年12月31日晚上7:44分於東區醫院出生
天晴在2005年4月17日早上4:30分於瑪嘉烈醫院出生