母乳餵哺 今日: 0 | 主題: 85693

積分: 3082

好媽媽勳章

發表於 08-4-5 02:32 |顯示全部帖子

呀女就滿月, 之前我入過院, 要比女女食奶粉,
但佢食過奶粉之後, 食我d奶就成日都唔夠飽咁, 差5多24小時都想食咁, 其實都有2日好左d, 不過因為我之後又餵5到佢, 令佢又要食奶粉, 搞到又要從頭黎過, 到bb宜家食過不停, 我奶奶要我補奶粉, 仲同我講呀女唔夠飽就要補奶粉, 每次見呀女食奶粉, 我都喊到7彩, 我又唔係唔夠奶, 點解要我呀女食奶粉....
仲有我係好唔想呀女食奶粉, 因為佢食過奶樽,
我要好努力教呀女食番我, 所以令我好灰心..

所以想請教媽咪們,

1.可唔可以教我點樣去令我呀女跟返時間?

2.如何令佢食完奶粉之後食人奶時會好d, 唔好成日都覺得唔夠飽?

3.我見我呀女食人奶食左2個鐘以上, 我用手擠個乳頭都仲有奶出, 咁姐係清左d奶未, 如果未清晒, 係咪一定要用手清左佢....?

4.但係我用泵泵d奶出黎得好少, 係唔係我泵得唔夠時間?

5.點樣可以埋身之餘又可以有得泵奶, 因為我想有d冰奶做後備?

私人傳訊回覆引用

pipi331

禁止訪問

積分: 14149

有「營」勳章 wyeth冷知識勳章畀面勳章陪月勳章

發表於 08-4-5 11:41 |顯示全部帖子

提示: 作者被禁止或刪除內容自動屏蔽

私人傳訊回覆引用

積分: 1038

發表於 08-4-5 21:13 |顯示全部帖子

好奇怪, 點解個個奶奶都會覺得食人奶唔夠飽呢? 樓主, 你要對自己有信心先得架, BB有冇食飽你可以睇佢有幾多條濕片, 而唔係睇佢有冇喊啊! 唔... 都要教吓奶奶呢樣野啊~

正如pipi331所講, bb咁細, 未必可以令佢 fit 到你的scheule 架, 俾多小小耐性, 希望佢食多你兩三日之後, 開始定時先食啦...

私人傳訊回覆引用

sinnacat

珍珠宮

積分: 32760

畀面勳章

發表於 08-4-5 21:38 |顯示全部帖子

我個經歷同樓主一樣，99成日驚我餓親bb, 要我補奶粉，但食左奶咀後，bb就唔會捨易求難既la, 所以要堅持呀~

私人傳訊回覆引用

mammi_anni

積分: 1778

發表於 08-4-6 00:31 |顯示全部帖子

唔好灰心呀, 唔會有媽媽唔夠奶比BB食嫁, 如果唔係, 未有奶粉之前咪有好多BB餓死...我果時都係咁同我奶奶講:;pppp:, 而且我當時由於費事佢成日要我餵奶粉, 所以索性唔買奶粉...所以基本無得話唔飽食奶粉

, 如果佢話佢唔飽, 我就埋身餵, 餵到飽為止.

你最緊要唔好比BB邊食邊瞓, 要一話keep住佢醒住食, 同埋健康院姑娘話一小時內一定要餵完一餐, 唔係BB食太耐會太倦, 下餐都會食得唔好, 而且媽媽都太倦會影響上奶.
唔好咁唔開心, 心情唔好都會上奶上得唔好.
如果想泵多D奶, 可以試吓邊餵邊泵, 特別早上第一餐, 會泵得多D.
仲有, 泵到幾多都記住要keep住, 可以用黎補奶比BB, 唔一定要補奶粉.

如果你可以決心幾日點都唔補奶粉, 努力埋身餵, 雖然會辛苦, 一定可以餵得好D.

加油加油加油!!!

你的決心最重要!!!

原文章由 mr/ms@yuenBb 於 08-4-5 02:32 發表
呀女就滿月, 之前我入過院, 要比女女食奶粉,
但佢食過奶粉之後, 食我d奶就成日都唔夠飽咁, 差5多24小時都想食咁, 其實都有2日好左d, 不過因為我之後又餵5到佢, 令佢又要食奶粉, 搞到又要從頭黎過, 到bb宜家食過不停 ...

[ 本文章最後由 mammi_anni 於 08-4-6 00:34 編輯 ]

私人傳訊回覆引用

朝日太太

積分: 3717

發表於 08-4-6 00:33 |顯示全部帖子

有冇飲多d上奶湯水呀? 我飲完會多好多架

你個泵咩牌子? 泵得少會唔會係泵既問題?你知啦, 大家都係第一胎(0803mama), 有d野以為係自己本身問題, 但可能係其他問題黎

我飲左上奶湯, 用avent 手泵, 一朝早谷奶, 7min可以泵到5安, 平時都係15min咁上下

遲d大家既bb大d, 應該會好d架喇

我坐完台北【一個無腳的的士司機】之分享! (有圖)

http://forum.baby-kingdom.com/thread-2442319-1-1.html

私人傳訊回覆引用

applegun

複式洋房

積分: 473

發表於 08-4-6 01:28 |顯示全部帖子

如果樓主已經上晒奶會谷奶既話,

不如試下擠左或者泵左d前奶至俾bb啜,
應該會飽肚d,bb咁細個,初為人母係緊張既了,
但係一定要放鬆心情多休息,食多d野至會多奶既,
加油!bb大大下就輕鬆好多既啦!頭3個月人係最辛苦既!

私人傳訊回覆引用

peachcreamy

男爵府

積分: 8276

叻叻勳章畀面勳章睛靈勳章

發表於 08-4-6 02:26 |顯示全部帖子

我99都係咁...又話我少奶,又話d奶稀 (那時未上奶,那些"稀奶"是初乳...),我入房埋身餵奶又要跟著來"看"...佢唔識feed on demand,阿B有時食完一陣又叫食,佢死話佢扭眼訓,仲抱走佢"暗"佢訓...62又成日問食左幾多安,講左一千次人奶計尿片不計安,同埋初生不能用樽會nipple confusion,佢地就好懷疑.... 結果壓力大唔係好上奶,阿B食得唔好跌左磅仲入院住左2日,我就差d產後抑鬱,在99家住左一星期就喊住同阿B搬返自己屋企坐月...

言歸正傳,我飲魚湯都唔係好得,但通草煲鮮奶就勁好多,樓主可以try try~~同埋可以試下埋身餵完再泵清兩邊d奶(留俾阿b補奶),等身體以為"唔夠奶"就會造多d架啦 (健康院醫生同姑娘教架,我阿B頭半個月食唔夠後奶增磅不理想,我就要埋身餵完+泵清用來補俾佢食!!~~雖然又餵又泵搞到那幾星期人都癲,但辛苦係值得的,好快就不用再補奶粉都夠晒奶仲有得貨做冰奶)~~你不如去健康院請教姑娘,睇下真正問題在哪兒,佢地會有心機教你架~~

p.s.正如我所講,我阿B都試過要補奶粉,但係醫院教係食左人奶唔夠先補架~~你try try我上面講個方法,希望可以幫到你啦...加油加油！

原文章由 sinnacat 於 08-4-5 21:38 發表
我個經歷同樓主一樣，99成日驚我餓親bb, 要我補奶粉，但食左奶咀後，bb就唔會捨易求難既la, 所以要堅持呀~

私人傳訊回覆引用

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

發表於 08-4-6 10:40 |顯示全部帖子

原文章由 OneOneMa 於 08-4-5 23:13 發表
好奇怪, 點解個個奶奶都會覺得食人奶唔夠飽呢? 樓主, 你要對自己有信心先得架, BB有冇食飽你可以睇佢有幾多條濕片, 而唔係睇佢有冇喊啊! 唔... 都要教吓奶奶呢樣野啊~

正如pipi331所講, bb咁細, 未必可以令佢 fit ...

我有時認為唔係覺得 bb 唔夠飽, 而係 bb真係唔夠飽.

BB 成日喊住要食, 我行近bb 少少佢就醒又喊住要食... 我有時都疑惑bb食得唔夠, 佢食下訓下咁, 成日要攪醒佢, 但一掃完風佢就訓著唔肯起身再食 (如果唔掃佢會繼續食) , 到我整理好 d 衫時佢又喊住要食, 咁又要再餵.

呢幾個幾拜好煎熬..... bb晚晚都唔訓, 到尋晚下晝俾左奶粉, 到黃昏又埋身餵, 又整左一包 4oz 奶做後備, 點知佢食唔夠, 我要由包後備奶倒2oz 出黎俾佢即時食.

到尋晚 1am 埋身食完佢勁喊, 咪補奶粉, 佢食左2-3oz後唔肯食訓左, 初初肯訓, 初初仲以為好 d, 3am 喊一次埋身餵完, 攪得黎佢靜左 15mins, 初初都覺得 ok. 不過到5am佢就不停要食, 餵完就訓之後又喊又餵.... 攪到而家10:30am 一直都係咁, 頭先頂唔要開包舊既冰奶俾佢, 佢一口氣飲左 4oz 冰奶就訓左, 希望好 d 啦.

有時bb 明明係眼訓, 佢又唔訓, 喊住咁咬手指想食咁, 唔知係咪叫猛長期... 尋晚一直諗住想放棄, 但又想堅持, 不過精神上唔知頂得幾耐, 月尾要返工都唔知會點, 而家俾奶粉開始俾得密左, 我想bb 習慣一下先.

我算係個富媽媽, 但尋日唔知做乜好似一夜破產, 半夜冇乜點谷奶....

[ 本文章最後由 bosch 於 08-4-6 12:48 編輯 ]

私人傳訊回覆引用

peachcreamy

男爵府

積分: 8276

叻叻勳章畀面勳章睛靈勳章

發表於 08-4-6 10:54 |顯示全部帖子

會唔會係"猛長期"??...我阿女由食3安轉4安,同滿月後4安轉5安都係咁架...餵完一陣又話要食,咁我咪埋身俾得幾多得幾多,有時連續搞3-4次都未停,太累就補雪奶,冇晒貨就補奶粉... 如是者俾佢"狂啜"幾日,奶量又自自然然升到岩佢胃口,咁又一切變返正常的了....如果那餐太辛苦用左樽餵雪奶/奶粉 -- 叫老公/媽咪餵佢,我都盡量泵清d奶又雪起佢...因為記得姑娘講過,如果補奶粉,你補左3安,咁你的奶量就會少3安...但不要俾自己太大壓力,奶粉不是毒藥...

到我學識側身訓低餵,咁間中訓低餵下,自己就可以抖抖咯...

但我阿女有時喊食,不是真的要食,而是要食人肉奶嘴先訓得著...明明用樽食到飽飽都要拎個頭來食,俾佢佢就啜兩啜1分鐘訓左...

私人傳訊回覆引用

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

發表於 08-4-6 11:03 |顯示全部帖子

我有時都訓低餵, 之後大家齊齊訓, 不過我訓得唔林, 怕責親bb. 有時 bb 真係要個人肉奶咀, 俾佢啜佢又唔係食, 望住佢都幾好笑既.

最灰係我唔見左2個奶泵.... 要買果個新泵至得. d 奶係人手整出黎, 所以唔到緊急關頭我都唔會開黎用.

私人傳訊回覆引用

sunmoonlaw

積分: 1260

發表於 08-4-6 11:20 |顯示全部帖子

唉~我奶奶都係成日怕我唔夠奶

不過自己知道夠就得啦！我都唔買奶粉！有我地在未得囉！
食耐d唔緊要架，仲好啦！之後可以有更多奶！想有多d奶水，BB埋身食是一定得的方法。BB食下食下你就會多奶架啦！現在先忍耐一下啦

加油呀

私人傳訊回覆引用

積分: 1038

發表於 08-4-6 16:48 |顯示全部帖子

原文章由 bosch 於 08-4-6 10:40 發表

我有時認為唔係覺得 bb 唔夠飽, 而係 bb真係唔夠飽.

BB 成日喊住要食, 我行近bb 少少佢就醒又喊住要食... 我有時都疑惑bb食得唔夠, 佢食下訓下咁, 成日要攪醒佢, 但一掃完風佢就訓著唔肯起身再食 (如果唔掃佢會 ...

佢可能你食得太攰, 所以飽幾成就唔大力啜呀...
如果係咁, 而你又想KEEP住俾人奶佢, 不如同我一樣做全泵型媽咪啦, 我個囡滿月後,我就做全泵型, 呢期奶量小咗, 有假期就勁俾佢埋身食 (邊食邊泵), 都可以儲到D奶返工時俾佢架。

至於nipple confusion, 我覺得睇一個個b啦, 我個b就完全冇事, 不過每次埋身食就食好耐, 我覺得都幾辛苦, 不過如果想奶量多, 我就會放假俾佢啜囉。

私人傳訊回覆引用

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

發表於 08-4-7 08:01 |顯示全部帖子

回覆 #1 OneOneMa 的文章

thanks. 尋日停左一次無埋身餵, 今日都整到一包奶做儲備. 唔知係咪錯覺呢, 呢兩日自己整完 d 儲備奶出黎之後, 個胸好似唔夠時間去造奶俾bb 下一餐食.. 定係我清d奶清得太盡呢? 平時我埋身餵完唔會清 d 奶, 咁好似仲好.

今晚又堅持埋身餵, 由12am佢喊再始, bb 不停喊同食.. 到左 7am 忍唔住開補奶睇下食完係咪會訓... 點知我計錯數!!! 150ml 水開3殼奶粉, 少左 2 殼!! 仲要係我阿媽講開支奶有幾多奶粉, 咁我至知自己開錯奶.

私人傳訊回覆引用

積分: 1038

發表於 08-4-7 09:23 |顯示全部帖子

你太攰勒!! 有機會就好好休息一吓先再黎過啦, 唔好諗咁多勒!!

我都係, 俾佢食完再泵之後好似成日都唔多谷, 都覺得自己冇奶... 但係... hehee... 我都照隊佢埋黎食, 食到咁上下就整返個乳房出黎 ji 吓, 見有奶出又隊返落佢口等佢啜... hahaa... 都幾亞 Q 架, 不過唔理咁多, 至多佢放口同佢掃完風之後再俾另一邊佢, 睇佢食唔食... 佢啜咪由得佢啜囉(佢肯啜就當係幫我上奶囉)... 雖然我都覺得食完再泵之後, 下一餐佢會快咗餓, 不過都唔理勒, 因為都只係星期六日(放假), 咪俾佢啜多d囉... 如果真係頂唔順就會坐奶俾佢。

我呢, 唔會理人家點講話咩 "唔夠奶" 呀咁架, 返親去6299度食飯我就會帶凍奶返去佢地到雪住, 夠鐘就坐暖佢, 佢地見到成支奶響度, 仲會話我唔夠奶?? 邊個講就死邊個, 我一定丙囉 "成支奶響到都仲話我唔夠奶, 要幾多先至叫夠呀!!!"

私人傳訊回覆引用

mr/ms@yuenBb

積分: 3082

好媽媽勳章

發表於 08-4-8 07:52 |顯示全部帖子

多謝咁多位媽咪ga幫助,
但係有一樣好灰ga事發生左,
就係無咩谷奶feel,
第一次真係感到比呀女食清左,
仲要食完4個鐘先再谷番,
搞到真係唔補奶粉唔得,
宜家好似唔想放棄都唔得....

私人傳訊回覆引用

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

發表於 08-4-8 10:11 |顯示全部帖子

thanks OneOneMa. 而家耐左至谷奶, 尋晚我又好似你咁, 好似俾 bb 食到清晒但又仲有奶, 照樣俾 bb 啜. 有時佢肯啜, 有時好似玩玩下咁, 到佢玩夠就 tum 佢訓, 不過隔左一陣佢又喊要食. 不過bb尋晚好訓左 (佢前晚冇訓, 一直到 5pm 至訓!), 我都乘機訓多d.

mr/ms@yuenBb, 你都放鬆 d 丫, 休息多 d 會好 d.

私人傳訊回覆引用

積分: 1038

發表於 08-4-8 11:15 |顯示全部帖子

原文章由 mr/ms@yuenBb 於 08-4-8 07:52 發表
多謝咁多位媽咪ga幫助,
但係有一樣好灰ga事發生左,
就係無咩谷奶feel,
第一次真係感到比呀女食清左,
仲要食完4個鐘先再谷番,
搞到真係唔補奶粉唔得,
宜家好似唔想放棄都唔得.... ...

不如你煲多D上奶野飲啦, 仲有, 飲多D水都有用架, 我就唔理咩湯, 有就係咁飲, 雖然成肚水, 但係好似都會多D奶架~

唉, 唔知點解, 我呢幾日覺得做人奶媽好辛苦, 有閃過 "放棄" 的念頭... 仲要係成日閃... 我日日都係, 一早起身泵奶, 返工, lunch 食個快飯又泵奶, 放工飛返屋企泵奶, 過亞媽度食完飯接埋個囡返屋企又係泵奶... 我好攰勒~ 不過都仲未放棄, 所以都唔想你放棄!

私人傳訊回覆引用

mammi_anni

積分: 1778

發表於 08-4-8 16:28 |顯示全部帖子

試吓飲多d上奶湯水, 除左木瓜魚湯, 仲可以試吓
- 通草煲奶/豆漿
- 節瓜煲鱆魚(最好加多隻新鮮墨魚)-->對我係勁有用
- 海底椰乾煲紅蘿蔔瘦肉

如果無時間煲湯, 可以試吓上奶茶麵同飲多D鮮奶
希望幫到大家

原文章由 OneOneMa 於 08-4-8 11:15 發表

不如你煲多D上奶野飲啦, 仲有, 飲多D水都有用架, 我就唔理咩湯, 有就係咁飲, 雖然成肚水, 但係好似都會多D奶架~

唉, 唔知點解, 我呢幾日覺得做人奶媽好辛苦, 有閃過 "放棄" 的念頭... 仲要係成日閃... 我日日都 ...

私人傳訊回覆引用

mammi_anni