吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 奶奶, 點解你要咁話我????

心聲留言今日: 6|主題: 17311

收藏本版

發帖

返回列表

跳至頁

查看: 2834 | 回覆: 13

奶奶, 點解你要咁話我????

Super-Man

侯爵府

積分: 23958

發表於 04-4-13 10:07 |顯示全部帖子

奶奶, 點解你要咁話我????

我個仔係由我媽咪湊, 放假梗係我自己湊返, 放假前佢已經有兩聲咳, 到假期第二日,佢就發燒, 病左幾日都未好, 尋日我媽咪提早返黎, 咁我就同老公去食野, 點知奶奶就同埋d 親戚出黎, 又買朱古力, 又買橙汁, 我個仔最鐘意果d 野. 我地之前都唔知佢上黎, 係樓下撞到先知, 佢當住d親戚面前話我一d用都無, 湊個仔幾日就攪成佢咁, 我頂佢個肺, 你估我想架, 我不知幾心痛, 我個仔已經輕磅, 一病就再瘦d, 又要努力追返. 佢就咩都講出口, 唔用個死人腦諗下先.
彧者你地會覺得好小事, 但係我係真係好’興’.

私人傳訊

Ru3gakuen

男爵府

積分: 5329

發表於 04-4-13 10:46 |顯示全部帖子

Re: 奶奶, 點解你要咁話我????

Hi, Super-Man,

我個仔又係同你個仔一樣, 放假呢幾日我湊返, 佢又係發燒病左.. 其他時間佢係俾我個親戚湊既... 佢呀媽咪又係話, 又唔早d 同個仔去睇醫生, 明知佢流nose 水同有幾聲咳就應該帶佢去睇醫生啦... 攪到而家發燒先黎睇,咁遲... 嘩.. 大佬, 佢最初只係流小小nose 水, 當然係想佢用自己既抵抗力去戰勝病魔啦, 但係到佢發燒, 即係佢真係唔得啦~ 我地都第1 時間帶佢去睇啦~ 但係佢都要係話我地遲囉...
係咁架啦. 因為個孫唔係佢湊, 咁就係會特別多挑剔架啦, 加上放假佢可能唸住同個孫玩, 而家又病左, 咪會覺得你唔好囉...但係如果俾佢湊, 佢又未必會湊得掂喎! 所以呢.. 你都係唔好搬係個心度啦.. 只要知道你自己係對bb 最好既,咁咪得囉. 使乜理佢講乜喎! 我都係咁架咋 !

[size=medium]我既囝囝P 仔係2003 年7月16日出世架~~ :-D

私人傳訊

lau

子爵府

積分: 11754

發表於 04-4-13 11:17 |顯示全部帖子

Re: 奶奶, 點解你要咁話我????

比我就即時頂佢, 一年咁長比你都有病, 何況BB, 總之d奶奶一話你, 你就頂, 唔好自己激氣, 咁佢試得多就唔敢點出口, 怕你成個頂心杉, 又怕比你頂到面帽帽, 就唔敢咁多口, 我同奶奶住,佢就係比我訓練到唔敢多講, 怕我唔鐘意, 又咪佢湊, 咁多嗲重乜, 我唔信比佢湊就無病, 永遠口講話人容易, 所以要比佢知道湊小朋友唔容易, 況且而家轉天氣季節, 我係大人都傷風又咳, 好在我囡幾強壯, 無比我傳染.

私人傳訊

Super-Man

侯爵府

積分: 23958

發表於 04-4-13 12:10 |顯示全部帖子

Re: 奶奶, 點解你要咁話我????

Ru3gakuen,
係呀, 我都係諗住佢得兩聲咳就等佢自己fight吓先. 到佢一發燒就即刻去睇醫生. 其實佢都做人亞媽, 我肯定人地咁話佢, 佢一定插返人轉頭.

Lau,
你好勁! 我老公當時都係到, 費事佢唔鐘意, 佢成日都話佢亞媽講野係咁, 直’長’直肚, 佢梗係唔怪佢啦, 因為佢都慣哂, 但係我呢d 火爆型比人話兩句都唔得. 我有時都有頂返佢, 但係佢果一刻就收聱, 下次又係咁.

私人傳訊

Ru3gakuen

男爵府

積分: 5329

發表於 04-4-13 12:20 |顯示全部帖子

Re: 奶奶, 點解你要咁話我????

我都好同意呀lau 所講呀, 唔係佢湊就根係多野講架, 我試過呀b 俾佢湊左幾個鍾咋 (係佢堅持唔俾我地帶bb 去街,係都話佢要湊喎) 佢就打電話俾我地, 問我地幾時返呀, 呀b 好扭計呀.. 成日喊呀!! 哈~ 佢平時就得把口, 一湊呀b 就攪佢唔掂呀!! 等佢仲以為好容易喎!!
所以都係唔好就佢咁多呀! 就得多就會得寸進尺架啦~

[size=medium]我既囝囝P 仔係2003 年7月16日出世架~~ :-D

私人傳訊

豆豆331

大宅

積分: 1086

發表於 04-4-14 21:17 |顯示全部帖子

Re: 奶奶, 點解你要咁話我????

Super-Man 寫道:
佢當住d親戚面前話我一d用都無, 湊個仔幾日就攪成佢咁

彧者你地會覺得好小事, 但係我係真係好’興’.

俾著我係你, 我都會好慶 !!!! 有邊個媽咪會特登俾自己個b病o架 ???? 有邊個唔係寧願自己病好過呀b病o架 ??? 你叫你奶奶收下聲啦, 幾廿歲都唔化o既 !!!

私人傳訊

lau

子爵府

積分: 11754

發表於 04-4-15 21:31 |顯示全部帖子

Re: 奶奶, 點解你要咁話我????

我奶奶湊半粒鐘都唔掂, 都覺得辛苦, 有時叫佢睇一陣呀囡, 的眼神都唔知幾唔願意, 但又唔敢直接話我知, 所以每日我係帶到呀囡係身邊都唔會叫佢幫手, 係有時想買六合彩, 又唔可以帶小朋友入去, 咁緊係叫佢幫我睇下一陣, 因為個投注站都是在屋企對面, 唔駛15分鐘都買完, 唔係睇個15分鐘都唔掂麻, 雖然平時有牙齒印, 但我呢個新抱都未算衰得晒, 日日都煮埋飯佢放工食, 其實叫佢退休好多年, 只是我知佢怕係屋企要佢幫手湊BB, 所以佢死都唔肯退休, 有時還留係舖頭到天黑先返屋企, 我地係開舖頭, 所以佢咪有籍口落舖頭幫手, 我知佢好怕返屋企, 好似早返就怕我會佢睇住個囡, 因為個死人姑奶教佢唔好睇慣個小朋友, 唔係以後會旨意佢湊, 我自己無返工, 駛鬼你幫我湊, 係有時去買送, 買一陣就返, 就唔想去一陣都帶住個囡係身, 有時佢唔肯行又要抱, 得一隻手點拿到咁多送, 佢都唔體諒下呢D, 剩係聽的唔等駛既說話, 咁你話有乜辦法會對佢好, 佢係體諒我, 我實唔會頂佢, 重會好孝順佢, 不過佢做初一, 我咪十五.

lau

私人傳訊

lau

子爵府

積分: 11754

發表於 04-4-15 21:54 |顯示全部帖子

Re: 奶奶, 點解你要咁話我????

[quote]佢先天直腸直肚, 你可以令佢後天唔敢直腸直肚.

私人傳訊

Jessica

男爵府

積分: 6042

育兒性格勳章

發表於 04-4-20 13:21 |顯示全部帖子

Re: 奶奶, 點解你要咁話我????

自己個b病緊心情都已經唔多好, 俾人話咁就當然唔開心啦, 仲要係咁多人面前喎, 幾好EQ既人點都會有d火架喇, 若果發火開聲鬧番佢轉頭的話, 大家個心都會唔舒服, 你老公做左夾心人, 但唔出聲又令自己覺得屈住屈住喎....

俾著我就會唔在意咁暗串佢, "奶奶... 而家d病菌/病毒好利害架, 已經唔同以前個d年代架喇, 大人抵抗力咁強都有機會傷風咳啦, 更何況一個咁細既細路, 我媽咪話我細個時個身體都好強壯架, 但身體幾壯都好, 點都會試過..傷風、咳、發燒... 架喇, (跟住問老公) 老公呀.. 你細個係咪未試過..傷風、咳、發燒..架!!?"

"卓賢的相薄" United Kingdom 2003 "卓賢的相薄" France-Paris 2003 "卓賢的相薄" Flower Boy "卓賢的相薄" Taiwan 2004 "卓賢的相簿" At the Beach "卓賢的相簿" United Kingdom 2005

"卓賢的相簿" France, Belgium & Holland 2005

私人傳訊

mayleung

大宅

積分: 1018

發表於 04-4-20 13:31 |顯示全部帖子

Re: 奶奶, 點解你要咁話我????

[size=large]正

Jessica 寫道:
(跟住問老公) 老公呀.. 你細個係咪未試過..傷風、咳、發燒..架!!?"

私人傳訊

Super-Man

侯爵府

積分: 23958

發表於 04-4-22 11:31 |顯示全部帖子

Re: 奶奶, 點解你要咁話我????

----------------------------------------------------
Jessica 寫道:
(跟住問老公) 老公呀.. 你細個係咪未試過..傷風、咳、發燒..架!!?"
-------------------------------------------------------------
係喎, 點解我當時唔咁問佢呢??

私人傳訊

Jessica

男爵府

積分: 6042

育兒性格勳章

發表於 04-4-23 12:57 |顯示全部帖子

Re: 奶奶, 點解你要咁話我????

記住喎, 說話既語氣要係乍傻咁問佢喎, 雖然係人都知你暗串, 不過又耐你唔何, 但如果用錯語氣, 擺明單打你奶奶的話, 莫講話你奶奶丫, 分分鍾連你老公都唔 like.

再衰d, 除即刷埋奶奶鞋... "丫~ 奶奶, 你真係好叻喎, 真係想請教下你, 點樣湊仔法先可以令個bb完全唔會病呢?! 等我都學下野, 咁bb又唔使病時我又唔使咁心痛啦." 抬高佢, 睇佢好唔好意思過招俾你, 若果佢真係好意思過招兼教訓你, 你千奇唔好笑得咁大聲喎, 要忍住, 偷偷地笑好喇, 唔係你奶奶好難落台架.

有好野記住要同人分享, 係 BK 有好多父母都唔想自己個b有病痛, 佢既然有bb完全冇病冇痛既湊仔心得, 不妨邀請佢開個講座, 一來可以做福社群喇, 二來可以收番入場費, 無論普通科醫生或者係兒科醫生, 出唔出名 top 唔 top 都好, 佢地既子女點都會試過傷風咳, 你奶奶咁叻喎, 分分鍾咩...港大、中大... 醫學系搵佢做教授添呀