要喺興趣同學業中取平衡,咁睇啦,既然有天份,可以唔讀書去游水嗎?輕重唔駛講都知,其中更重要係親子關係同自信心,如果小朋友辛苦只為順從家長取悅家長,小朋友就失去自我價值,將來再攞幾百個牌都冇用,如果冇媽咪嘅肯定,小朋友會想去爭取嗎?
而家個仔講得想唔學,仲要喊晒,咁游水俾到佢嘅滿足感同開心已經遠低過壓力,如果佢係鍾意嘅唔會想放棄,即使而家放棄,將來都會再想學番都未定。而家佢覺得吃力,而媽媽就話因為佢有天份要佢頂住,咁如果佢有日真係頂唔住咁點?當小朋友覺得媽媽都唔聽自己講,唔企喺佢個邊,佢慢慢就唔會對你講心底話,要令佢知道無論係有獎冇獎,你永遠都錫佢至最重要。
花旗太太生活在花旗國,留意時差,你問我未必即時答到。