夫婦情感

跳至

首頁

尾頁
   13


禁止訪問

積分: 3977


發表於 12-8-16 08:19 |顯示全部帖子

回覆:nissabebe 的帖子

提示: 作者被禁止或刪除 內容自動屏蔽


大宅

積分: 2420

BK Milk勳章


發表於 12-8-16 13:08 |顯示全部帖子
覺得每一個單親長大ge你地好叻!好勇敢!我有時都好矛盾!我老公唔係唔好!但愚孝,大 男人..我好辛苦


侯爵府

積分: 20334


發表於 12-8-16 13:16 |顯示全部帖子

回覆:仔女的心聲←給想離婚但又有子女的媽媽

我媽媽成日懷疑我爸爸出面有女人,所以成日少少野就對住我爸爸大吵大鬧,而我爸爸又唔會為自己解釋,只係講冇咁既事,可能真係怕越講越衰,我細細個就覺媽媽好煩,因為佢成曰覺得自己好屈,又覺得自己好偉大,佢成日話為左我地先唔離婚,所以有小小不滿就打我地黎出氣,我同細佬就同媽媽講,你咁唔開心咪離婚囉,但佢又話離婚後唔知日後既生活會點,又唔想益左爸爸出面既女人,由我地細個講到我地出黎做野都係咁,其實我爸爸出面有冇女人我唔敢肯定,但我可以肯定既係,我爸爸星期日放假會同我地一齊出街同食飯,晚晚放工返黎煮飯比我地食,而我媽媽就成日連家務都懶得做,我細個成曰諗,如果佢地離婚,我就唔駛成日聽我媽媽係度嘈,唔駛成曰比佢打,而且我仲一定要跟爸爸,到最後我媽媽患上精神病,但我同細佬冇可憐過佢,雖然係咁,但我爸爸一直都冇離開過我媽媽,到而家都一直照顧佢。




男爵府

積分: 6326


發表於 12-8-16 13:46 |顯示全部帖子

引用:最近迷上親子論壇.最初,我只會瀏覽美容頁

原帖由 joyccee 於 08-04-21 發表
最近迷上親子論壇.
最初,我只會瀏覽美容頁面.
因為實在太閒了, 於是好奇地走進 這裡了.
讚同樓主說法!我自己都係單親家庭下成長,媽咪獨力養大我地三兄弟姊妹,我媽咪寧願一個人養大我地,都唔願留住一個心裡面無呢個家庭嘅爸爸!我唔覺呢個家庭唔幸福!至少媽咪唔洗對住一個唔愛自己同d仔女嘅男人!





男爵府

積分: 6326


發表於 12-8-16 13:56 |顯示全部帖子

引用:by+the+way,+i+wanna+ask:+as+a+kid+在單親

原帖由 AAA-Mom 於 08-04-21 發表
by the way, i wanna ask:
as a kid 在單親家庭成長中,雖然媽媽好愛你,你會想念爸爸嗎?會"恨"有爸爸嗎? ...
我有想爸爸,亦有恨爸爸!我羨慕有爸爸!早排爸爸攝左張字條入我地屋企信箱,叫我地打電話俾佢,我地唔知佢揾我地咩事,亦唔想知佢想揾我地咩事,無揾我地廿年,而聽講佢已經有第二頭家,仲有個女,我地無必要再同呢個人聯絡!我好記得佢講過一句說話,我地跟左媽咪,再唔係佢嘅仔女!




大宅

積分: 4987

最關心BB問題熱投勳章


發表於 12-8-16 17:50 |顯示全部帖子
回覆 CFNgai 的帖子

"......我好記得佢講過一句說話,我地跟左媽咪,再唔係佢嘅仔女!"


我自己都係單親長大, 我揀咗跟媽咪. 當年我12歲, 我家姐阿哥~20歲揀咗跟老豆,有樓住.
因為老豆趕我媽走,我跟阿媽搬出去捱,租地方.

回想當年, 我老豆都係講咗一句 "你跟咗你媽,我就唔會理你! 當生少個!" 我只覺得佢威脅我,想我跟佢,阿媽就乜都無. 自始,佢真係無養過我和我媽. 問心, 我真係仲有嬲佢... 但到咗我結婚生仔,佢又好想有孩抱,我哥代佢搵我. 從來都無人問過我感受, 但最後都無同佢計較...

我想講的係, 做父母的,千奇唔好因為婚姻感情的問題而把孩子夾在其中,因為... 呢個影響真係好深遠!


禁止訪問

積分: 9431


發表於 12-8-18 00:00 |顯示全部帖子

引用:最近迷上親子論壇.最初,我只會瀏覽美容頁

提示: 作者被禁止或刪除 內容自動屏蔽


大宅

積分: 1320


發表於 12-8-18 09:27 |顯示全部帖子

回覆:仔女的心聲←給想離婚但又有子女的媽媽

一路看這帖子一路流眼淚。我同老公的問題一直都有,可能自己都有問題,一隻手拍唔響,有時知道是錯的知道是沒幸福的還是繼續。到底是為自己還是為女兒?想走,沒勇氣!就算不用靠他生活,就是太愛他才令今天更加傷,我們常常吵架有時會打我,到第二天一兩句說話我又無事,我知道是自己犯賤,替他找無數的借口原諒他的行為,但到底原諒是真心嗎還是只是在吃止藥?不分開因為想給女兒完整的家?誰不想有完整的家,但一個吵吵嚷嚷的家女兒真的需要嗎?我看了好多篇大家的心聲,我今天決定回娘家,當冷靜一下好當讓自己休息一下吧,我相信我對女兒的愛她長大了會感受到,我也會從今天全心全意愛護女兒!幾年前行錯路了,行錯不代表就要一直錯下去。




公爵府

積分: 26672

開心吸收勳章 叻叻勳章 wyeth冷知識勳章 畀面勳章 親子王國15週年勳章 親子王國15週年勳章


發表於 12-8-18 09:39 |顯示全部帖子
回覆 Elaine1118 的帖子

讀你的文字,我都感受到那份傷感,希望你冷靜一排後會找到你的出路。加油啊! 祝福你同囡囡事事順利,開心過活。


大宅

積分: 4931


發表於 12-8-18 11:04 |顯示全部帖子
我的故事

由我識性開始,父母已不和,每天吵鬧

他們是沒有感情基礎下結婚,不是盲婚,但是結合得很倉猝

婚後共生了四兄弟姊妹,

不知為何長期感情不好,都可以生那麼多,

我覺得生小朋友的決定真的是女人的責任較多,不應怨是男人的主意、男人説會照顧。男人說一句是很簡單、很隨意,但因母性的關係,生了孩子便要一生為奴

至我約十歲,他們已是水火不容,亦因媽媽更年期的影響下,經常打罵我們,言語侮辱我們,因媽媽覺得是我們連累她,亦討厭我們,因為覺得我們是爸爸的種

有一次,不知她因何事打我,她面容好痛苦地告訴我,"我真係好憎你呀,因為你個樣十足十的老豆"

這件事我從沒有跟人說


珊瑚宮

積分: 107854

2024年龍年勳章


發表於 12-8-18 11:47 |顯示全部帖子

回覆:仔女的心聲←給想離婚但又有子女的媽媽

認同!講得好啱!「為左仔女而唔離婚」好似將個責任推左落仔女度咁,感覺好似仔女拖累左咁,仔女先係最無辜,最冇決定權




珊瑚宮

積分: 107854

2024年龍年勳章


發表於 12-8-18 12:06 |顯示全部帖子

引用:之前因為發生太多事,+自己最終都有返工,+自

原帖由 imkksm 於 12-08-16 發表
之前因為發生太多事, 自己最終都有返工, 自己要照顧個仔又要返工, 放工買送煮飯教個仔等, 每日訓得幾個鐘. ...
你同老公依家點呀?




大宅

積分: 3987

畀面勳章 BK Milk勳章


發表於 12-8-19 13:22 |顯示全部帖子

回覆:仔女的心聲←給想離婚但又有子女的媽媽

其實一些家幸福與否,同完唔完整無關係,有d為左細路唔離婚搞到屋企氣氛好差咁過日子,成日講or做比細路睇自己為左佢地先留低,有d離左婚帶住個細路搞到自己好辛苦既時候就拎細路黎發脾氣,講野傷害個細路話佢累到自己咁辛苦之類既說話,兩種家庭都唔幸福,個細路仲會心理唔平衡,所以幸唔幸福好睇個大人用咩態度去面對。




公爵府

積分: 27899


發表於 12-8-19 13:42 |顯示全部帖子

引用:最近迷上親子論壇.最初,我只會瀏覽美容頁

原帖由 joyccee 於 08-04-21 發表
最近迷上親子論壇.
最初,我只會瀏覽美容頁面.
因為實在太閒了, 於是好奇地走進 這裡了.
非常認同我不嬲都覺得一個完整但實質破碎的家庭比單親更痛苦因為長期看到的都是婚姻的醜惡面,長期活在家暴、謾罵、侮辱和不安的環境中,比單親更抬不起頭!真的比去孤兒院還難過所以若我發現自己的婚姻真的走不下去時,我一定為了個女會即時選擇離婚,我絕對認為小朋友要的不是勉強完整的家,而係一個充滿安全感和愛的家




大宅

積分: 1021


發表於 12-8-19 20:14 |顯示全部帖子

回覆:仔女的心聲←給想離婚但又有子女的媽媽

我都係單親家庭長大,所以我吾想仔女會行我行過的路,雖然這些年很多事都很不如意生活發生了巨變,疲備的我亦时不时想和c6分开,但我一想到仔女有完整的一個家是很快樂幸福的,盡管自己對c6的不满都忍耐,慢慢改變他,,,,,



甜字人人喜,苦字人人悲,莫為苦而悲,無苦不知甜.


禁止訪問

積分: 2843


發表於 12-8-19 23:04 |顯示全部帖子
提示: 作者被禁止或刪除 內容自動屏蔽

首頁

尾頁

跳至