jollyma 發表於 14-12-29 21:28
外國人覺得呢D忙碌係生活既一部分,放假就留响屋企做吓呢樣嗰樣
都唔係架,但如果係生活一部份的話,你就會計定數點做幾時做,我呢度好多家庭唔一定有洗衣機乾衣機,好多好似我咁租地方,業主講明唔可以有洗衣機,因為佢包水費,又冇地方晒衫,每個星期預咗周末去洗衫乾衫,閒閒地粒幾兩粒鐘,好多人都係買低衫入洗衣機,走去食個早餐再返轉頭,等洗好放入乾衣機,跟手走去買餸或者行街,再唔係返屋企,夠鐘走去摺衫拎番屋企,有人會拎本書拎杯咖啡慢慢等。就算喺香港果陣都要搵時間洗衫,邊得咁得閒又有錢拎去磅洗喎,呢邊都有磅洗服務,咁都要安排時間拎去同到取。
出街食貴,好多人返工揸車要一兩個鐘,一放工又要趕車塞車,所以第二日要返工嘅多數返屋企食,一係煮一係買外賣,而家樣樣都貴,自己煮平好多,而且其實家庭生活外國人都好注重,好少有人OT,你唔OT,老細逼唔到你,而且一定要計足人工(高薪果D除外),仲有好多好多。。。其實係觀點唔同,我有同事成日工幹,佢人工高,有5個小朋友,佢就請兩個nanny去湊,打點屋企,工幹時佢日日同仔女視像電話傾計。
花旗太太生活在花旗國,留意時差,你問我未必即時答到。