產前產後

跳至

首頁

尾頁
   0


水晶宮

積分: 59997

畀面勳章 貢獻勳章 環保接龍勳章 大廚勳章


發表於 04-4-20 16:37 |顯示全部帖子

有無媽媽發現bb出世之前, 已經有先天性缺陷?

分享吓感受?


水晶宮

積分: 59997

畀面勳章 貢獻勳章 環保接龍勳章 大廚勳章


發表於 04-4-20 17:00 |顯示全部帖子

Re: 有無媽媽發現bb出世之前, 已經有先天性缺陷?

我囝囝約20週時, 已經發現有食道閉塞...


大宅

積分: 4741


發表於 04-4-20 17:31 |顯示全部帖子

Re: 有無媽媽發現bb出世之前, 已經有先天性缺陷?

那你仔仔現在怎樣? 可以根治嗎?


珍珠宮

積分: 31233

2019新春慶豚圓 醒目開學勳章


發表於 04-4-20 19:01 |顯示全部帖子

Re: 有無媽媽發現bb出世之前, 已經有先天性缺陷?

我女女係3歲入學前去驗眼,發覺有850度近視,現在已差不多6歲,而我自己只有500多度近視,老公完全正常,醫生只說是遺傳,我不知道近視也會遺傳的.對我來講已是先天缺陷,因為眼鏡要一直伴她長大, :cry:


大宅

積分: 3502


發表於 04-4-20 20:40 |顯示全部帖子

Re: 有無媽媽發現bb出世之前, 已經有先天性缺陷?

CAROL

女女大個後, 可以用激光矯視來補救嗎??


男爵府

積分: 6030

2019新春慶豚圓


發表於 04-4-21 04:45 |顯示全部帖子

Re: 有無媽媽發現bb出世之前, 已經有先天性缺陷?

connie117,
你仔仔現在怎樣, 可以醫治嗎 ? 願你的仔仔身體健康~~


水晶宮

積分: 59997

畀面勳章 貢獻勳章 環保接龍勳章 大廚勳章


發表於 04-4-21 10:05 |顯示全部帖子

Re: 有無媽媽發現bb出世之前, 已經有先天性缺陷?

carollam310,

我好明白你係心情, 因為人父母一定唔想自己仔女有事, 寧願有事果個係自己, 仲要話係遺傳, 個心仲"up". 不過有得補救已經好幸運, 因為上天給我地機會好好活下去!所以一定要活得開心, 從好方面諗law, 千祈唔好比自己太多壓力.

你女女既問題除在帶眼鏡日後可補救嗎?



水晶宮

積分: 59997

畀面勳章 貢獻勳章 環保接龍勳章 大廚勳章


發表於 04-4-21 10:19 |顯示全部帖子

Re: 有無媽媽發現bb出世之前, 已經有先天性缺陷?

Sue^_^ , flower姐姐,

多謝你地關心!
我同囝囝既經歷十分漫長...足足經歷了8個月..仲未計20週-37週 6天...那時更是SARS高危期...
因為食道閉塞是不常見的,幸好現在手術成功, 可以幫到囝囝過正常人生活....


珍珠宮

積分: 31233

2019新春慶豚圓 醒目開學勳章


發表於 04-4-21 23:14 |顯示全部帖子

Re: 有無媽媽發現bb出世之前, 已經有先天性缺陷?

多謝你地關心啊,呢件事令到我自己好內疚,好似害左一個人一生咁,我一直都接受唔到,佢讀BB班就要戴眼鏡,佢頭頭都唔習慣,成日唔記得左自己戴眼鏡,你知啦,小朋友玩起上黎好癲架嘛,成日整爛個鏡架.我己經買最超薄的鏡片比佢,但都仲好誇咁,人人都問我點湊,湊到個女咁細就大近視,唉~~今年9月就升小一,到時PE堂有好多球類運動,我好擔心有危險,又怕佢受傷,但唔比佢上體育堂佢一定唔開心,總之最衰都係我,我令到佢冇左開心既童年,醫生勸我睇開D,keep住個度數唔好加深得咁快,18歲就可以做激光喎!依家都未6歲,有排都未到18歲啦,你估眨下眼就到咩,呢件事影響到我不敢再生BB,無謂再害人啦,仲要係害自己仔女,我怕我會落地獄. :cry:


男爵府

積分: 6101


發表於 04-4-21 23:23 |顯示全部帖子

Re: 有無媽媽發現bb出世之前, 已經有先天性缺陷?

carollam310
下...我諗囡囡唔會怪你..你都唔使咁唔開心呀~我細過入幼稚園時bb班會有d驗眼都話我冇事ga..到中班老師見我上堂對眼成日迷住黎睇野..睇多幾次政府先話我係遺傳..果陣都有500幾度呀..一路大..d近視一路深..而家都700度了..加咪100度散光..但我都冇怪爸爸(因為佢遺傳比我)...咁時間好快過..而家我都22歲la...細個都冇話上體育堂唔方便..因為比起睇唔到野既人我以經好好彩了..所以有5官用以好幸福la..而家我都有左bb呀..而近視遺傳我諗機會都好高....但我都冇唔開心...


男爵府

積分: 6101


發表於 04-4-21 23:28 |顯示全部帖子

Re: 有無媽媽發現bb出世之前, 已經有先天性缺陷?

仲有呀~食多d紅蘿蔔同飲紀子湯d近視會加得冇咁快ga..冇得加就一定冇ga la..細路一路大一路發育眼球都會發育..所以近視一定會加深..但可以控制唔加咁多..唔好成日睇電視..就算睇都要離開8尺...同咪睇住佢做功課..唔好比佢個頭放得太低做等.....我以前就係咁過左19年....都冇咩特別


別墅

積分: 976


發表於 04-4-22 01:44 |顯示全部帖子

Re: 有無媽媽發現bb出世之前, 已經有先天性缺陷?

carollam310
唔好咁自責啦,不是每一件事自己都可以控制得到. 其實你個囡囡巳經比好多人幸福架啦,起碼有你呢一個好媽媽先啦..不要再自責了,有好多媽咪都會支持你的.


水晶宮

積分: 59997

畀面勳章 貢獻勳章 環保接龍勳章 大廚勳章


發表於 04-4-22 10:01 |顯示全部帖子

Re: 有無媽媽發現bb出世之前, 已經有先天性缺陷?

carollam310,

你睇吓幾多媽媽支持你, 千祈唔好再自責, 有唔開心一定要講出嚟, 發洩吓喊吓都得, 自己一定舒服d.

我自己都係架, 唔開心就同家人朋友講, 之前果8個月, 對我嚟講比80年仲要長, 我同我老公都好大壓力渡日如年....
但我都信"人間仲有希望"好老套可! 醫學進步好快, 以前我囝囝有呢種病, 根本生存機會都唔大, 而家都可以啦!

所以唔好灰心, 同自責, 同你囡囡積極D面對!!加油!!!

connie117


珍珠宮

積分: 31233

2019新春慶豚圓 醒目開學勳章


發表於 04-4-22 12:39 |顯示全部帖子

Re: 有無媽媽發現bb出世之前, 已經有先天性缺陷?

我都想睇開D,但好難架,依家keep住定期驗眼醫生都有勸我,外人係好難明白架,我非常後悔生佢出黎,亦好怕將來佢會怪我,


水晶宮

積分: 59997

畀面勳章 貢獻勳章 環保接龍勳章 大廚勳章


發表於 04-4-22 15:22 |顯示全部帖子

Re: 有無媽媽發現bb出世之前, 已經有先天性缺陷?

carollam310,

我好明白你心情, 真係架! 如果唔係我都唔開呢個topic啦!

同你分享吓我d經歷, 我都無後悔生囝囝出嚟!
我囝囝由出生到8個月都從來無離開過醫院, 我每天從不間斷到醫院看他, 連月都係坐咗一個禮拜咋, 放完產假後, 日日放工就扑到去醫院看他, 風雨不改. 囝囝都係插住喉足足7個月, 你話邊個見到都心痛?? 望住佢, 我哭, 我經常對他說對不起, 我都有想過點解佢咁幸苦我都要帶佢呢個世界??我都有好恨自己, 不停咁問自己是否錯?但我好快幫自己清醒, 同自己講"怨"都幫唔到囝囝, 最重要比多d支持佢, 錫佢多D, 你唔好以為小B乜都唔識, 我覺得佢feel到, 所以我每天都好珍惜到佢相處嘅時間(只有2-4小時), 雖然放工之後都已經好勊, 但我仍堅持. 每天放工到醫院已7點幾,10左右才回家(連飯都未食). 呢段日子比80年還要長, 經過咗7個月, 好不容易才找到世界一流級醫生幫囝囝做手術, 因為囝囝呢個病近10年都未見過(醫生說), 同埋風險好高, 要全身麻醉, 10-12小時手術...你試想吓只係得7個月嘅小朋友, 點挨??!!但我有信心, 因為我信醫生, 信自己, 信囝囝, 因為我咁幸苦帶佢嚟呢個世界,我唔會比佢咁易走. 手術足足由07:30落手術室到零晨01:00才推出來. 足足17個鍾. 我同囝囝都好堅強, 住在兩星期ICU就可以轉普通房..個幾月就出院..我地返醫院覆診, 仲多過去超級市場...直到現在, 我都視囝囝為正常人, 雖然每當幫他沖涼, 看見滿身疤痕.....

因為小朋友真係好需要媽媽嘅鼓勵支持才能成長, 佢地有疾病我地心裡更加苦, 因為我地會不知不覺將仔女同正常小朋友比較, 一比之下心更痛, 係咪?? 所以你唔好咁灰啦!積極D, 你要當囡囡係正常人, 因為其他人點諗你控制唔到, 但自己令佢快樂成長先係最重要!我覺得佢唔會怪你架, 因為佢將來都係媽咪嚟架嗎!一定明白你. 唔好諗咁多!

至於你怕下一個小朋友, 未必都會係咁. 問吓遺傳科醫生, 佢地會幫到你. 我都見過佢地, 都話下一個應該無問題. 所以我都會諗遲D追多個女, 多個伴好玩D. 一個會令自己太緊張.

我寫得太多, 因為一講就停唔到. 你有乜唔開心就上bk talk吓就ok啦,

呀carollam310, 你係全職媽咪??我要返工, 但office hour 我先得閒, 因為下班後又要開工(揍仔). 有興趣pm比我傾吓

connie117


大宅

積分: 1329


發表於 04-4-22 15:53 |顯示全部帖子

Re: 有無媽媽發現bb出世之前, 已經有先天性缺陷?

connie117,

睇完你的經歷, 我真的很感動.
你講得好啱~~自己令佢快樂成長先係最重要~~
我地一起努力呀 !!


水晶宮

積分: 59997

畀面勳章 貢獻勳章 環保接龍勳章 大廚勳章


發表於 04-4-22 16:32 |顯示全部帖子

Re: 有無媽媽發現bb出世之前, 已經有先天性缺陷?

Tippy,

無錯大家一齊加油, 努力!!!
錫自己同屋企人多D!!!

connie117


珍珠宮

積分: 31233

2019新春慶豚圓 醒目開學勳章


發表於 04-4-22 20:26 |顯示全部帖子

Re: 有無媽媽發現bb出世之前, 已經有先天性缺陷?

connie117:

原來你都係咁不幸,不過你好堅強呢!雖然女女己經差不多6歲,但我仍然放唔低,睇唔開.呢D事外人真係好難明架,我唔接受都要接受啦,我又改變唔到,我個女開始貪靚添,大個女開始注重外表,天生皮膚雪白,嘴細面尖,唔係靚爆鏡都晤會嚇死人架,但竟然要戴眼鏡,有次返學落樓係走廊等lift,女女條馬尾鬆左,佢好貪靚架每日扮靚先會出門口見人,咁佢要我返入屋梳好,因為我怕追唔切校車所以勸佢,佢就扭計想喊,但己經入左lift,係呢個時候有個唔識既人話佢,聽媽咪話啦,咁鬼細過咁貪靚,貪靚就唔好行咁埋睇電視嘛,咁細個就搞到戴眼鏡,唔會有靚女戴眼鏡架,我好記得我個女當時個樣,兩滴好大滴既眼淚即刻流出黎,佢冇喊出聲,一直低下頭,個一刻我個心好痛,睇見佢D眼淚一直流,但又晤知講乜好,一直冇出聲咁行去路口等校車,佢自己用手巾仔係咁抹眼淚,直至校車到都冇出聲,拜拜都冇講就上車,望都冇望我,架車開走之後我D眼淚就不自控咁流出黎,係路口一直喊到返上樓.我一直都好介意人地問我點解你個女咁細有近視既?細過就話聽唔明o者,大個就每事問架嘛!佢第一次問我乜野係遺傳果時,我直情唔識答,
好似害左佢咁,有時望住佢我都會好難過,佢不知幾想去冒險樂園玩波波池,但見人又多D小朋友又玩得癲我都唔比佢入去玩,佢個失望樣同埋睇住人玩既羨慕樣令我成日提住自已係罪人.有時我會躲起偷偷喊.老公已經千勸萬勸,為左唔令佢擔心,我會扮冇事,自己躲起才偷喊 :cry: :cry:


複式洋房

積分: 121


發表於 04-4-23 01:11 |顯示全部帖子

Re: 有無媽媽發現bb出世之前, 已經有先天性缺陷?

Carollam, connie117,

看完您們的遭遇, 我很感動, 您們很堅強及很偉大 !
預祝 母親節快樂
波子bb 2003年11月6日出世3.4kg......... 而家返 k1 la...... :-P


別墅

積分: 976


發表於 04-4-23 02:50 |顯示全部帖子

Re: 有無媽媽發現bb出世之前, 已經有先天性缺陷?

carollam310

你唔好咁啦.
其實你哋的故事令我諗起我老公的嫂嫂. 佢個女一出世便對花生有敏感,現在都成七歲.佢亞媽對個女都好緊張,去到那裏都係自備食物比佢. 乜都好似唔食得. 有次我們全家同佢哋一起去食自助餐, 佢個女都係食自備餐(只係bread,和果汁), 佢眼見自己的妹妹乜都食得,ice-cream呀,甜品呀 等食物. 但佢一d都沒有投訴或喊. 個亞媽都好睇住佢和好關心佢,佢哋都好好感情.
嫂嫂同我話,有時都會好煩, 因去到那裏都要同她準備食物.但都要面對現實,唔可以成日唔開心.因咁樣對個小朋友的成長只有不好的影響,既是我給她一個生命,便要教導她好好生活和給她多點愛,要做一個勇敢的人.

如果你個女就係因眼境的問題不開心,你便要做起做母親的責任,安慰佢,話比佢知乜嘢叫遺傳,妨且你要話埋比佢知,醫生話有得醫的,叫佢不要理會別人的眼光. 如果個女問你嘢,你又唔答,你估你個女會點諗? 你唔好話細佬女,就算兩公婆,老婆有問題,老公唔答你, 你都會唔開心啦,後果可能比唔答仲大呀.

我哋其實好明白你的心情, 所以先有媽咪來到這裏支持你. 做個堅強的母親.你這樣才令自己的女兒生活過得更開心. 不要再自責, 自責是沒用的,好似其他媽咪和我亞嫂咁,勇敢去面對,做一個開心的母親,比佢知道他的遺傳絶不代表是世界未日,呢個世界仲係很美好架.

首頁

尾頁

跳至