Re: 請問有冇媽媽曾經啤余啟文醫生接生-開刀戓順產?
不如又等我講下我o既經歷丫
兩年前, 我生左個bb, 都係dr. yu 接生o既, 在仁安出世, 個仔出世之後就由仁安o既駐院兒科醫生 - dr. 莫子慈睇, 咁出院就大概係三萬幾啦, 半身麻醉, 開刀, 傷口至今好似一條白色線咁囉 , 要好留心至可以睇到.
之後由於baby care o既問題, 我有mood disorder o既情況, 當時 dr. yu 就同講 : 我有一對孖女, 比你辛苦一倍啦, 你千萬要記住, 唔開心就同朋友傾下偈, 唔好掉左bb落地下呀, 你有我pager架啦, 唔識湊仔anytime都可以call我, 暫時你未需要見心理醫生住o既, 拿拿拿, 睇你一行出clinic 就一定係飛車返屋企架啦, 其實個世界好大, 你出去飲杯coffee, 望一望個天, 望下其他人, 唔好只係望住個仔, 學下一路湊仔, 都要自己relax 一d.
直至今年二月, 我做婦檢, 發現有一個12cm o既cyst, dr. yu suggested 我要remove left ovary, 我都係在仁安做呢個手術, 手術後day2 o既 10:30 pm, dr. yu 拎住份 patho. 黎搵我, 証實係 cancer , 我要求立即出院, 而我要做另一個手術亦都唔會在仁安做, 要去公立醫院, 佢三日之後就call我, 幫我安排左在威爾斯醫院見醫生, 係上ward 見醫生, 唔係排街症, 由見醫生到第二次手術, 不需一個星期o既時間, 但好不幸, 在我留院期間, 威院做梗renovation, 我傷口又痛, 又唔夠休息, 咁我又call dr. yu, 我要轉返仁安, 咁dr. yu 又再照顧我, 直至我個傷口可以拆線!
今日, DR. YU CALL我, 仲問我身體O既情況, 做CHEMO 做成點, 我知道自己比一般患BREAST CANCER O既機會高4倍, 咁我又問DR. YU O既意見, 佢就SUGGEST我一年做一次ULTRASOUND, 或隔年做MAMMOGRAM. 佢可以REFER 我去LAB.做
個人意見: DR. YU 絕對唔係市僧, 我講明要去睇公立醫院, 佢都仲幫我搭埋路! 真係呢D醫生去邊到搵.做婦產科醫生, 仲要教埋我湊仔, 真係勁好人. EVEN 我依家係做梗CHEMO. 完全唔係佢果瓣, 佢都會問候下, 我未見過任何一個婦產科醫生會咁做. 而唯一O既原因我可以理解O既, 就因為DR. YU 係一位仁心仁術O既醫生.
居天下之廣居,立天下之正位,行天下之大道;得志與民由之,不得志獨行其道;富貴不能淫,貧賤不能移,威武不能屈:此之謂大丈夫。