母乳餵哺

跳至

首頁
1

尾頁
   0


大宅

積分: 3122


發表於 04-4-26 13:22 |顯示全部帖子

緊急:未上奶可以怎辦?

各位媽媽:

我的bb星期六上午出世, 今天第三日都未上奶.但我好想餵人奶, 依家每隔2小時都讓bb在我的左右乳房各啜10-15分鐘, 希望刺激身體機能, 盡快上奶. bb都好合作, 都肯啜.由於冇人奶, 只好補奶粉.
請問我有何方法, 我真的好想餵人奶.

新手媽媽(老公代筆, 我老婆仍在醫院)

No worry be happy


伯爵府

積分: 17069

好媽媽勳章 醒目開學勳章 親子王國15週年勳章


發表於 04-4-26 14:26 |顯示全部帖子

Re: 緊急:未上奶可以怎辦?

在醫院時我都未上奶的, 大概第四, 五天會順利很多, 多飲水多休息都很重要; 如果在醫院時BB肯食而你又知道自己係有乳汁的, 基本上可以唔使補奶, 不過可能要餵得密D, 辛苦D.


子爵府

積分: 11062

2019勳章 醒目開學勳章


發表於 04-4-26 14:34 |顯示全部帖子

Re: 緊急:未上奶可以怎辦?

kyy,

通常左bb出世後大約1星期才會上奶,你可以飲多奶,水和休息多d,同時間儘量埋身餵多d。我個人認為唔好補奶粉,因為bb肚餓佢就會大力啜媽咪的乳頭,這樣才會刺激上奶。而且初生bb個胃好細唔會餓親佢,反而你補奶粉,bb好容易有奶咀混淆tim。你同時間可以比bb吸啜耐些(大約30mins每邊),等bb學習吸啜!加油,我哋支持你!有問題就上黎問啦!


大宅

積分: 3122


發表於 04-4-26 14:47 |顯示全部帖子

Re: 緊急:未上奶可以怎辦?

Venussum & Xanthe,
多謝兩位教路, 我會轉達給kyy知道.叫佢加油!
我又準備送外賣到e院.
kyy老公

No worry be happy


珊瑚宮

積分: 110402

2019新春慶豚圓 2019勳章 好媽媽勳章 畀面勳章


發表於 04-4-26 18:21 |顯示全部帖子

Re: 緊急:未上奶可以怎辦?

我係醫院時都未上奶架...到出院前一日先開始有奶...所以係醫院我都係問醫院拎奶粉比bb...到返屋企...先比人奶我仔仔食

好彩我仔仔有得食就啜...啜多幾次就有奶出


子爵府

積分: 11062

2019勳章 醒目開學勳章


發表於 04-4-26 22:46 |顯示全部帖子

Re: 緊急:未上奶可以怎辦?

kyy老公,
kyy現在什樣?還好嗎?只想替你們打打氣!
該用戶已被刪除

發表於 04-4-27 01:10 |顯示全部帖子

Re: 緊急:未上奶可以怎辦?

提示: 作者被禁止或刪除 內容自動屏蔽


大宅

積分: 3122


發表於 04-4-27 10:20 |顯示全部帖子

Re: 緊急:未上奶可以怎辦?

各位媽媽,
多謝關心和指教.
由昨晚開始, bb開始唔多願意啜人奶, 可能他開始聰明知道冇奶, 所以不停的哭. 在無計可施的情況下只好補奶粉.
但kyy仍然會試餵人奶, 希望盡快上奶.
我已叫kyy多加休息和多喝水.
kyy老公
No worry be happy


大宅

積分: 1266


發表於 04-4-27 10:59 |顯示全部帖子

Re: 緊急:未上奶可以怎辦?

餵奶粉時定必要用杯餵,
姑娘會教你如何餵的,
還有, 讓太太多吃一點無妨,
餵人奶的媽媽會好飢渴的, 真的, 親身經歷,
我在醫院時不曉得這一點,
結果胃痛了... 還哭了!
母乳餵哺
健康成功第一步


珊瑚宮

積分: 110402

2019新春慶豚圓 2019勳章 好媽媽勳章 畀面勳章


發表於 04-4-27 11:38 |顯示全部帖子

Re: 緊急:未上奶可以怎辦?

唔緊要架..係醫院餵唔到人奶..
返屋企先餵囉...有多d時間...又唔怕嘈到人..最緊要你有心餵..有耐心就得架啦...
有d bb食慣左奶嘴係唔會啜人奶架..因為奶嘴易啜丫嘛..不過市面上都有一d for餵人奶用既奶嘴..係難啜好多既(千其唔好自己拮大個洞喎...)...第時餵開人奶..要泵奶出黎就用果d奶嘴餵佢...
係喎講番餵奶先...如果依家bb係醫院唔肯食..就比住奶粉先啦...bb唔肯啜...你可以去泵奶房用d奶泵..泵住先..希望咁佢會快d上奶...果時我都係咁..一得閒就走去泵奶..護士話咁都有幫助架喎...
到返到屋企...就唔好補奶粉..佢一喊就比佢啜...一次唔啜...兩次唔啜...第三第四次..佢真係餓就會啜架啦...

你地要加油丫


版主

積分: 15969

版主 好媽媽勳章 醒目開學勳章


發表於 04-4-27 13:13 |顯示全部帖子

Re: 緊急:未上奶可以怎辦?

kyy & kyy老公,
好開心, 又認識多一對支持寶寶吃母乳的父母! 努力啊!
kyy, 你是自然生產, 還是手術呢?
有些人是要一星期才感到自己是上奶足夠的, 其實只要盡情盡力給寶寶吸吮, 寶寶一定會為他帶來足夠的奶量! 頻密和足夠的吸吮, 才能刺激到母乳生產至適合的分量予寶寶的.

猶記得, 我兒是在出生的64小時後才吃第一口食物! 他的第一口食物就是母乳. 什麼都不吃的原因, 就是他不需要. 由於寶寶出生後沒有即時吸吮母乳, 而生產也不是即時上奶, 那段等他要吃的時光, 因為上奶不多, 第一天沒有乳脹痛的問題, 第二天還忍得, 第三天的中午就痛了, 直至當天的半夜時, 他突然來第一次的號哭, 呼喚要吃奶, 我給他吃, 吸了不知是多久, 這個新手的bb在新手媽媽的雞手鴨腳底下, 邊哭邊吃的情況下, 就享受完他的第一餐. 而我在睡醒後就感到乳汁比前更脹滿了. 原來吸吮過一餐, 奶量生產又多了. 於是兒子要吃就努力給他吃, 希望他能吸通我脹痛的乳腺.

我的產量是不會滲漏的, 乳墊是不需用的. 在坐月期間, 我就是的不停地按兒子需要地餵他, 每天不知是多少餐了. 總之整天就是吃飯上廁時間以外, 只是不停餵, 沒有按時, 沒有計時, 沒有分左右邊, 沒有清空乳房, 沒有泵奶, 沒有進補, 就只是放鬆心情, 不分晝夜地餵, 只要bb需要就全母乳地餵. 晚間餵奶是辛苦的, 但產量是最豐富的.

奶量是"多勞多得"的. bb吸吮越多, 奶量會生產更多, 以達致bb的需要, 是與生俱來的供求平衡. 所以我餵奶的策略就是, bb睡我就睡, 給自己休息. 餵得倦了, 又躺在床上餵. 我覺得自己是頭快樂的母豬.

兒子在24天大時, 比起出生後收水時的體重, 增加了44.3%, 滿月時是增加了56.4%.

就是因為信心, 放開心情的餵, 管有多少, 就是相信母乳供求平衡的信念, 我可以全母乳6個月給兒子.

加油啊! 信自己可以用自己的母乳讓大自己的寶寶! 給你一家無限的支持!!!!!!!

【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !


大宅

積分: 3122


發表於 04-4-29 10:14 |顯示全部帖子

Re: 緊急:未上奶可以怎辦?

各位媽媽,
多謝你們的支持, kyy終於有上奶跡象, 而且乳房有d痛.由於bb有d黃, 她們仍留院觀察.
由於bb唔多肯啜人奶, 姑娘話乳房痛就一定要泵d奶出來.
kyy叫我上bk問各位媽媽, 現在應該點做.
kyy老公
No worry be happy


子爵府

積分: 11062

2019勳章 醒目開學勳章


發表於 04-4-29 11:34 |顯示全部帖子

Re: 緊急:未上奶可以怎辦?

kyy老公,
你試下叫kyy用奶pump pump出黎然後帶去醫院比姑娘餵(儘量叫佢哋用匙餵),因為bb可能有乳頭混淆。同時bb有黃係正常的,但飲人奶的bb會比較黃耐d。


版主

積分: 15969

版主 好媽媽勳章 醒目開學勳章


發表於 04-4-29 12:46 |顯示全部帖子

Re: 緊急:未上奶可以怎辦?

kyy 寫道:
各位媽媽,
多謝你們的支持, kyy終於有上奶跡象, 而且乳房有d痛.由於bb有d黃, 她們仍留院觀察.
由於bb唔多肯啜人奶, 姑娘話乳房痛就一定要泵d奶出來.
kyy叫我上bk問各位媽媽, 現在應該點做.
kyy老公


乳房痛時, 用奶泵擠奶, 可能會不順利, 如果是有困難, 請先熱敷和按摩, 如果還是泵得不順利, 用手擠會更易和不會痛. 擠奶是必須啊! 同意Xanthe的建議, 自己在醫院時, 就直接讓寶寶吸吮, 讓奶量得以更佳的刺激.

請參考:

"母乳餵哺資料庫" 內的

D. 擠奶與儲存
1. 擠奶的方式
2. 手擠母乳與增加噴乳反射的按摩法圖文
3. 手擠圖文

此外, 關於黃疸的問題, 也不用擔心, 母乳不會加劇"黃"的情況, 也不會引致"黃"的, 只是退黃較需時.

詳情請參考:
母乳不會導致嬰兒出現黃疸

以及 "母乳餵哺資料庫" 內的
F. 寶寶的健康
2. 怎麼區分寶寶的黃疸未退有無危險性?
3. 母乳與黃疸

【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !

首頁
1

尾頁

跳至
你需要登錄後才可以回帖 登入 | 註冊