charlene 寫道:
試吓用護腕套.初初生完,日日抱住BB餵人奶,我都試過手腕痛和手指公無力,痛到郁唔到.
係Watson買咗隻護腕套,如果我無記錯,叫"沙保娜 SABONA".你可以試吓其他牌子.
痛的時候,我晚上會帶住護腕套瞓,因為好緊,帶住唔方便做任何家務,免強可以抱BB,不過盡量用另一隻手抱.我只買一隻護腕套,邊隻手痛就帶邊隻,輪流帶.
正因護套好緊,手腕得到固定,和一晩的休息,通常第二朝已經唔痛,或好好多,不藥而癒,好神奇. Keep 住,一痛個晚就用.好快無事.
(產後醫院的物理治療師話)道理係因為當我哋生的時候,陣痛send 咗 個 signal 比全身的筋帶叫佢哋鬆開,好讓 BB通過產道.所以生完醫生要我立即戴翻個腰封,除了收宫,亦有保護腰脊和盆骨的作用.同樣地,手腕的筋帶,剛生產完會比較鬆,所以老人家話"坐月"唔好濕咁多水係有些根據的.未休息好,加上成日抱BB,便引致手腕過勞.
我自己覺得護腕套幾有效,餵人奶少用針藥為妙.不防試吓.
當然嚴重的話,就要睇醫生.