產前產後

跳至

首頁
1

尾頁
   0


男爵府

積分: 5269


發表於 04-4-26 17:48 |顯示全部帖子

入黎分享下分勉過程丫(順產或開刀都歡迎架)

我因為有D血糖高, 所以醫生要我預產期前4日入院, 並在預產期前2日早上放藥催生, 於當晚開始陣痛, 但痛左10幾個鐘都生唔出 (子宮頸開極都得2度, 正常要10度先生得啊!), 最後緊急開刀! 我記得最辛苦是由開始陣痛到開到姑娘比你入去產房前最慘 (我講政府醫院), 因為一日未入產房, 一日都無笑氣比你聞, 你只可以在病床上忍受陣痛, 而且當時並非探病時間, 老公不再你身邊, 比較無助!! 但入到產房後, 就比較無咁辛苦, 因為你會有氣聞, 有d野依賴,你會定好多......(請原諒, 我不是在嚇各位準媽媽, 反而我想比d經歷佢地知, 等佢地有d心理準備, 因為有時估估下反而重驚啊!)....
我是半身麻醉開刀的, 所以可以保持清醒, 第一時間聽到bb喊, 果陣時真係好開心, 咩痛都覺得係值得既......到你要湊佢時可能會有炆爭的時候, 但當你見到佢個樣又有d似你, 又有d似你老公時, 你自然就會唔捨得對佢發炆爭, 會變得好有耐性的了 :-P :-P :-P


子爵府

積分: 14415


發表於 04-4-26 20:02 |顯示全部帖子

Re: 入黎分享下分勉過程丫(順產或開刀都歡迎架)

我生個日 ,咁岩要去健康院檢查 ,行緊去時覺得有D野流出黎 ,就又唔係好多又唔知咩黎無理佢LA ,點知又再流 ,今次係好多 ,我肯定係穿水!因為係第一胎 ,好緊張唔知點做 ,咁未諗住行快幾步去到健康院先算LA~~去到樓下條裙仲濕埋TIM ,上到去就同姑娘講LA ,跟住就CALL左白車送我入院!入到院做檢查又話我唔似穿水 ,就去左產前病房 ,係我隔離床個個係咁叫痛喎~~~~過左陣又再去檢查 ,個實習醫生同一個醫生整左好耐 ,跟住就同我講話催生, 由頭到尾我都唔知佢地係到做咩 ,但我估佢地係幫我穿水~~大約係夜晚7點半催生 , 但催左個幾鐘都無反應, 一D都唔痛 ,我就係到睇住隔離個個係到叫又嘔 ,過左陣終於開始痛LA ,好痛丫 ,我係咁叫 ,打左止痛針一D效用都無,終於係11點幾12點BB出世LA, 成個人鬆哂 ,但個胎盤唔出 ,個姑娘係咁用力搓我個肚 ,過左好耐要個醫生幫我擺出黎 ,跟住聯針係最痛既一PART ,之後就真係甩難LU!
仁德厚澤載福慧輝炫矢志盛風華


子爵府

積分: 14071

2019新春慶豚圓 BK Milk勳章


發表於 04-4-27 15:18 |顯示全部帖子

Re: 入黎分享下分勉過程丫(順產或開刀都歡迎架)

我係過左預產期一星期入院催生,醫生幫我檢查之後落產房穿水吊藥,係夜晚7點度醫生再幫我檢查子宮頸開左幾多,點知由朝早11點幾痛左咁耐都無開過,仲要成日未食過野不過都無心情食 :-( :-( :-( 醫生就決定吊到9點鐘都無郁過就開刀,9點鐘一到產房既姑娘以9秒9速度將我送左落手術室,我就揀做全身麻醉因為唔想聽到手術刀d聲 :-P
貓也好,狗也好,請愛護尊重每個生命體


大宅

積分: 2026


發表於 04-4-28 10:08 |顯示全部帖子

Re: 入黎分享下分勉過程丫(順產或開刀都歡迎架)

我的經歷好似拍戲, 仲好瘀呀... 因為是在酒樓食飯時穿水, 好多人望住, 叫白車入QE. 本來仲有6星期才預產期, 約了舊同事吃團年飯, 只是來了一盤盤菜, 我才喝了一淡水, 未起筷, 突然下身像瀑布般有水沖出來, 不是流出來, 知道是穿水(一直以為穿水是慢慢流出來, 所以那一刻真是驚到喊了出來,而且早了6星期, 怕 BB有事) 周圍的食客及我的同事也嚇得不知所措, 有人打999, 跟住警察及白車到了....
因BB未轉頭, 等了幾小時, 醫生才決定開刀,最後全身麻醉開刀, 過程當然沒有印象, 只記得剛醒時, 有很多護士拍我手和面, 叫我醒, 我在朦朧中問BB的情況, 沒有人回應, 我繼續問, 只少也有10多次, 最後才有人回答我沒有事, 我才放心, 推出手術室見到老公及家人, 才覺得死過番生, 幸好BB也OK, 5磅出世.
不過, 有時回想當時的情況也覺得心寒, 好彩有同事在身邊, 否則自己一人都不知點算好. 但現在大家見到我也當作笑話, 不知再去那酒樓吃飯, 會唔會一世免費呢? :-P


大宅

積分: 3185


發表於 04-4-28 20:00 |顯示全部帖子

Re: 入黎分享下分勉過程丫(順產或開刀都歡迎架)

記得11/11/03 晚上十一點開始上牀瞓覺,瞓瞓吓突然覺得肚痛好似想大大,就去廁所啦!有得去喎,舒服晒 継續瞓,瞓瞓吓又肚痛喎心諗唔….可能頭先去唔淨又去過又有得去喎,又舒服晒 ,瞓瞓吓又痛,唔係掛又嚟唔好嚇我啦,唔通今日食咗D沙律唔乾淨肚柯,無理由架!仲之成晚就肚痛冇瞓到,到零晨四點幾起身去小便一抹有好多啫喱狀既物體帶有血,即刻話比老公聽再CALL醫生,而我就即刻沖埋涼洗埋頭先,心諗冇理由生得架仲有九日先預產期,我仲諗住下星期返沙田奶奶到住截的士都易D呀嗎?因我住天水圍去法國醫院到生要紅的,之後唔理咁多即刻電召紅的先,嗱嗱臨走啦!上到的士痛得越嚟越密四至五分鐘痛一次好驚呀?因聽家姐講過痛得越密即就快生得,會唔會係架的士到生咗架,去到醫院啦!的士費嘩$280.
落咗的士痛到行唔到,好彩醫院D呀嬸見到我個哀樣即刻推架輪椅嚟,上到去已經係早上7點幾,個姑娘仲要問一大輪嘢,唉!我心諗比張牀嚟瞓吓先啦!真係好痛呀?一入去檢查姑娘就話"太太開得好好喎今朝生得架啦,跟住就送咗我入產房,入到產房一見到笑氣有理冇理拿住嚟勁聞,聞到暈暈哋好似去咗玩過山車咁,一路叫好痛呀!好痛呀!D眼淚係咁流,連老公拖住我隻手都唔知跟住濛濛濃濃就聽到助產士話醫生嚟啦,經過一輪耕辛,試咗三次,自己都係迫唔到個BB出嚟,醫生見到我咁樣就話”見妳都用晒力不如等我幫妳吸出嚟啦,就咁樣我就生咗個5磅4安士嘅BB女啦!當時時間係早上9:23 :-P :-P


洋房

積分: 83


發表於 04-4-29 14:14 |顯示全部帖子

Re: 入黎分享下分勉過程丫(順產或開刀都歡迎架)

Sherry 媽

你好攪笑!


大宅

積分: 1018


發表於 04-4-29 16:08 |顯示全部帖子

Re: 入黎分享下分勉過程丫(順產或開刀都歡迎架)

當天係預產期前4日,係早上8:30am(平時一定瞓至十一,十二時才起身的)瞓瞓下覺得有些少肚痛(好似m痛般),於是去厠所試試是否要臭臭啦,但沒有,但於清潔下身時見有很少很少淺BROWN色的水.那麼我又上床再瞓啦.但一直陰陰痛,心想應該係作陣痛了.
10:00am叫醒老公,去吃早餐和買水果-西瓜 (當時係四月份,聽人講話當臨生時要吃涼野會易生D,一直到這日才坐言起行,但最後都無得食,奶奶話怕會加重肚痛).11:30am回家時收到奶奶電話指大伯快離世了,我們於是先上奶奶家看看情況.當然最後大家係要到e院見最後一面,那我一定不去啦,老公本想去的,但如果我真係生得時邊個同我去e院呀??4:00pm奶奶回家,大伯已去世了.
於是我們又返家了,期間又有一次清潔下身時見有很少很少淺BROWN色的水. 5:30pm我打電話去e院問我應幾時入院才對,對方話如相隔7-8分鐘痛一次30秒以上就應入了,但如果到時還不到可生的話,我會先到產前房等,而我老公必須先離開,到入產房時先再CALL佢返來e院(因當時是非典時期,全面不可探病的).於是我想係e院等不如係家等,反正又未見紅、又未穿水.我先洗頭換衫.
7:00pm老公落街買晚餐,真係食兩啖就痛一痛,8:30pm拿行里離家去e院,我怕到時真的要半夜才生,老公要坐的士來回(由黃大仙去東區尢德-$150以上),於是我诀定坐MTR再轉小巴(要成個鍾車程),其實當時已經係5-6分鐘痛一痛,痛時行都行不到的了.
9:45pm先到急証再上待產房,先檢查下身再問一輪,原來淺BROWN色的已算見紅,又要取尿sample,再換衫,10:30pm坐上輪椅即推入產房,原來子宮頸已開左4度.零晨2:00am,姑娘話已開了八度,幫我穿水可以快D生.零晨4:00am開到十度啦,可以生啦!第一個助產士幫我,經過一輪耕辛,唔得,隔離有第二個孕婦推入,即生得(只相隔一布),老公先出去,大家再老力,第二個孕婦(第二胎)生了,老公再返入來試咗多次,自己都係迫唔到個BB出嚟,都唔知幾時已經有三個助產士在替我打氣(幫)了,於是call醫生,偛儀器,最後一次用力,得了.終於成功了,看看時間,差不多用了一小時呀!!
之後話比朋友聽個過程,個個都話我大膽走去坐MTR(時間長).:-P


複式洋房

積分: 242


發表於 04-4-29 17:28 |顯示全部帖子

Re: 入黎分享下分勉過程丫(順產或開刀都歡迎架)

mayleung,

你真係好勁呀!好大膽坐mtr...你地的分享對我懷第一胎的準媽媽很有益....多謝...
我們愛,因為神先愛我們!!!!!


伯爵府

積分: 15534

hashtag影視迷勳章 大廚勳章 畀面勳章 BK Milk勳章


發表於 04-4-30 11:57 |顯示全部帖子

Re: 入黎分享下分勉過程丫(順產或開刀都歡迎架)

第一胎咩都冇準備就入院(因為個時太細喇),朝早五點幾痛,八點入院,入到院醫生話生得,跟住醫生幫我穿水,但等左好耐都只開得四度,等到下午四點都係四度,醫生話要開刀,就叫媽媽黎簽紙,係全身麻醉,到bb出世,有人叫我,話我知你生左個仔,跟住就推我返房,就咁就生左囉!!
到第二胎,有晒準備,預約入院開刀,好緊張,七點入院,十一點入手術室,半身麻醉,打麻醉針時最痛,一路開刀時一路覺得自己個心跳得好快,我老公係隔離陪住我,我都緊張到咩咁,到囉左bb出黎,醫生問,你第一胎男定女,但我以為佢問我呢胎想要男定女,咁我話女囉,佢即刻冇出聲,但我老公諗諗下我好似答錯野,就問多次醫生,咁講左第一胎係男,個醫生即刻係度笑,到佢縫針時,姑娘抱bb去沖涼,我聽到喊聲,我仲問,個bb係唔係我架,姑娘話成個手術室得你一個,唔係你,會係邊個呢?到佢抱埋黎時,佢打開毛巾叫我自己睇係男定女,再講佢知,我同我老公同一時間講係女黎架,個時真係開心到喊左出黎包括我老公!!跟住就呆係手術室幾個鐘先返房,又未有得睇bb,就靠我老公去影相俾我睇囉!!
眾裡尋他千百度,驀然回首,那人卻在燈火闌珊處!!
生死有命,富貴由天


大宅

積分: 3895


發表於 04-4-30 12:35 |顯示全部帖子

Re: 入黎分享下分勉過程丫(順產或開刀都歡迎架)

mayleung
你好鬼冷靜呀,係第一胎嗎?
我都係去東區生,我好近架,所以都打算真係生得先入院。
你咁犀利重可以搭地鐵,側邊d人知唔知你就生呀??


大宅

積分: 1018


發表於 04-4-30 16:40 |顯示全部帖子

Re: 入黎分享下分勉過程丫(順產或開刀都歡迎架)

hoeve
係第一胎呀,其實生之前我都以為到時一定會亂晒的,最驚就係在出街時突然要生,又無人(當時間中會自己回娘家的-葵涌),行理又不在身邊.好在當日是星期日和在家中.
我都唔知到底側邊d人知唔知o架 ,我只知這程車的時間比之前去產前檢查要長,因MTR要轉兩次,重要唔係行過對面而係要行一段路再落一層果隻tim,真係步步辛苦的.
我當時應該已經唔止5-6分鐘痛一次的了,但實際又忘了.

我當時在八個月左右,已經預備所有行理,叮囑老公那袋是入院,那袋是出院的.另在自己和先生銀包也各放定三佰元(不動用-因不知要幾錢的士費),以備突發時可以立刻坐的士到e院.這點我覺得所有媽咪都應該預備,以免到時才發覺無錢要取就麻煩了.

祝你順順利利生個肥肥白白的可人兒.:lol:

首頁
1

尾頁

跳至