夫婦情感

收藏本版
發帖
返回列表
跳至頁

首頁
12

尾頁
   0
moneymoney


民房

積分: 4


1#
發表於 04-4-28 00:16 |只看該作者

我老公經常說後悔和我結婚, 我可以怎樣做

:-(
我們結婚快4年了, 我本來是教書的, 但工作壓力大得不知從何說起, 特別是本年遇上一些令人"嘔血"的學生, 教改又多, 工作倍增, 加上我希望把每件事也想做得好一些, 於是校長說"能者多勞", 工作不停的加加加.......
真的想生不如死的, 終於決定辭職不幹, 想轉行自行做點小買賣維生, 當初也有同老公商量, 他極力反對, 但我軟硬兼施, 更保證不會向他要$$, (從結婚以來, 我也沒有要家用), 他不得不矣才不反對,所以這兩個月我在家中計劃,每當我有些意念時, 他便狂"踐"說輸死我, 說我一事無成, 說後悔和我結婚, 狂數我的缺點, 一次一次又一次, 我每次只有忍氣吞聲......我可以怎樣做?????
我只想行自己想行的路, 但他說我現在失業令他掉臉,
當初結婚事我是有一份穩定的工作,,說後悔和我結婚
私人傳訊

ellenclive


別墅

積分: 584


2#
發表於 04-4-28 00:31 |只看該作者

Re: 我老公經常說後悔和我結婚, 我可以怎樣做

苜先你有無小朋友先, 男人好自私, 他們會要d女人做野, 有野做好過無野做, 他希望可以幫輕下, 他甘的行為說你一事無成, 說後悔和我結婚, 狂數我的缺點, 一次一次又一次, 我每次只有忍氣吞聲......我可以怎樣做?????真是有d無辱, 你試下低聲下氣問他, 是否我唔做工作你唔開心, 不如你直接同我講, 你是否經濟上有負擔???
私人傳訊

Ruby1222


複式洋房

積分: 263


3#
發表於 04-4-28 05:00 |只看該作者

Re: 我老公經常說後悔和我結婚, 我可以怎樣做

Why he can said"當初結婚事我是有一份穩定的工作," is not he love you and got married.
I agree man is selfish. but I thinks you need to sit down and talk to him law.
I know teacher is hard work, cause I am a child care worker before I move to UK, a lot of school work to do a lot of paper work to do.. so i think i can easy to understand what you feel. I normal worked in the nursery unit 11pm always ka.
私人傳訊

jasmine媽咪


別墅

積分: 823


4#
發表於 04-4-28 09:09 |只看該作者

Re: 我老公經常說後悔和我結婚, 我可以怎樣做

money:我諗妳真係要問下佢究竟係愛妳先同妳結婚定係因為妳係老師(有份穩定的收入)! :-(

私人傳訊

cocobaobao


別墅

積分: 686


5#
發表於 04-4-28 09:17 |只看該作者

Re: 我老公經常說後悔和我結婚, 我可以怎樣做

咁講法佢當初係睇中你份工唔係睇中你本人喎,咁咪即係一心娶你返黎打算食軟飯食過世?!又一人間極品!唉....
私人傳訊

moneymoney


民房

積分: 4


6#
發表於 04-4-28 10:36 |只看該作者

Re: 我老公經常說後悔和我結婚, 我可以怎樣做

多謝各位關心, 我只想呻呻, 舒下怨氣, 好了很多, Thanks!
我們沒有小孩, 雖然我很喜歡小孩子, 但每天和魔怪學生的相對, 使我不得不三思再三思。.
我老公真的非常自私, 但亦有他的優點, 否則我也不會跟他一起,
他在大公司做中層, 我知他工作壓力大, 很辛苦, 所以每次他吵嚷時,
我會開解自己, 在心中對自己說: “我EQ高, 我要原諒他, 是他無知愚昧,
我要用行動證明他的錯” 所以每次他吵嚷我只說: “你說什麼也好, 我不跟你拗,
將來事實會證明一切。” 然後我們會冷戰幾小時, 通常他會主動和解, 但不會道歉, 我也當事情沒想到發生一樣。
但他總是因小事而找藉口鬧我, 正如昨天, 我把他的西褲拿到一間不是他所指定的洗衣店幹洗, 本來他不會知道的, 但我主動向他解釋我因趕時間, 而把褲子拿到較近家的去, 他便借題發揮說我白痴, 說我次次不聽他的說話, 叫我行東, 我總向西走, 叫我不要轉工辭職, 我往往一意孤行, 別人可以忍氣吞聲, 求之不得的工作, 我卻主動放棄, 不停說我三十歲多, 仍然一事無成……然後狂數我的缺點……,
他總把我和別人比較, 常說他自己會考幾十分, 但我會考只得十幾分, 別人如何如何……我永遠只會做錯事, 不會自我檢討……白白失去一份兩萬多元的工……
我的天, 這跟本不是對錯, 只是每人有不同的選擇, 我希望走我想走的路, 他追求的是$$$$$$$$, 但我只想活得開心, 寧吃開眉粥, 不吃愁眉飯, 但他不認同, 老是說我工作無能, 所以要失業。唉我不想再忍, 我要據理力爭, 一一反駁他的指控。
我專重我的工作, 每個老闆/校長對我評價是勤奮, 主動有熱誠, 我很喜歡教育工作, 薪資高是原因, 還有我很喜歡和小孩子談話,當看到孩童有進步, 成功感很大, 樂趣非筆墨可形容。
出生率下降, 學校收生不足縮班, 形成學校之間互相競爭, 有良性也有惡性, 老師工作量有增無減, 身為教育工作者, 對學生有幫助的, 當然責無旁貸, 但不合理的教育改革, 教統局要求量化, 文件化, 於是老師忙於”作”會議紀錄, “作”工作計劃書, “作”工作檢討書, “作”每學年關注事項, 老師們忙於“作”業, 忽略了學生。
我從不計較教“好”或“曳”學生, 過去兩年我教“曳”很有滿足感, 因為有時間跟他們磨, 每每放學校後留他一兩小時, 和他傾, 建立關係, 找他的死穴, 然後感化他, 多數的“曳”學生會有進步, 但今學年因忙於“作”業量化鬥多,
應付無效率的會議, 離校時月上柳梢頭, 我連續一星期朝七晚十一在校工作,還沒有計算回家後的OOT, 做著一些不應做的事, 應做的只是放下不理, 最受害的是學生……
我不能改變現實, 但我有其他的選擇, 我想走我的路矣。
私人傳訊

ellenclive


別墅

積分: 584


7#
發表於 04-4-28 15:14 |只看該作者

Re: 我老公經常說後悔和我結婚, 我可以怎樣做

moneymoney:

今時今日做老師是好辛苦, 這代的小朋友好難教, 學校和家長都教他們做好良好公民都唔聽, 有次去公園玩, 有一班6年級的男仔在公園遊樂場走來走去, 有幾個得2歲小朋友响度玩又撞到d細小朋友, 我罵他們, 成班駁咀駁到死, 他們一d意識到無, 第一好卮險, 第二唔讓比d細小朋友, 仲要無禮貌, 他們仲讀間名校, 不知所謂.

總之今時今日做老師唔易, 仲有一d無理的家長好難攪, 最慘是往往教到自己學生教唔到自己仔女, 我識個幼稚園校長教兩個女都攪唔掂, 成日叫我你自己唔好做照顧仔仔, 校長都話我都好想自己照顧返兩個女, 唔可以因為她要供樓, 我而家真是做全職媽媽, 我真是明白校長一番話.

同老公講清楚, 表明一下你立場.
私人傳訊

Mummy


男爵府

積分: 5872


8#
發表於 04-4-28 15:42 |只看該作者

Re: 我老公經常說後悔和我結婚, 我可以怎樣做

可能佢覺得你有 "productivity", 就算佢一下子比人lay off, 還有你可以支撐一陣, 而家攪生意, 似乎係冒險左d, 同埋你話佢係公司既 "中層", 姐係最容易被 "郁" 的一群, 所以佢既擔心都可以理解的, 仲有男人一提到錢銀, 為將來生活, 就會好不其然的唔當你係女人, 講出自己既睇法, 而佢講野既方式就係佢心目中既說話, 永不修飾或者誇張左d (話後悔同你結婚, 可能並不如此), 因為當你係 "自己人", 佢先至會如此直接, 所以你唔好怪佢。 換個角度, 如果你唔係為想 "創業" 而放棄工作, 而係有BB而唔做的話, 可能你老公會完全唔同, 而家既point係, 佢唔想你冒險創業而已。 就算你話第日點都唔會問佢囉錢, 我諗佢唔會當你呢個係一個 "承諾", 因為佢養你係天經地義, 就算你第日食言, 問佢囉家用, 佢都一定要比, 唔通睇住你死咩?

既然頭已洗濕, 亦返唔到轉頭, 再爭辯為何要辭職都冇用, 講開你創業, 不如你又講下你想做d咩野, 同大家分享下, 話唔定聽多d人既意見對你都好d喎。
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE
私人傳訊

tt2001


大宅

積分: 1111


9#
發表於 04-4-28 16:40 |只看該作者

Re: 我老公經常說後悔和我結婚, 我可以怎樣做

恕我直言。人有低線有尊嚴，我未洗你養，你都咁唸，仲講出口，到我要你養，到時點？仲賤過地底泥？平時小氣、野(盲)反而可以算，去到咁critical就要大家商量，或者仲可以讓步。如果我老公咁同我講，我會好絕望，原來只可同甘不能共苦，我吾會再同佢discuss。做吾做教師都好，吾會因為佢，而係為自己打算，因為呢個老公1 D希望同support都冇比過我，為自己計劃好未來仲好。
私人傳訊

bsiub


男爵府

積分: 6559


10#
發表於 04-4-28 17:36 |只看該作者

Re: 我老公經常說後悔和我結婚, 我可以怎樣做

tt2001 講得好 arm. 而且人各有志
唔 support 都唔應該踐踏
私人傳訊

hochris


民房

積分: 1


11#
發表於 04-4-28 18:39 |只看該作者

Re: 我老公經常說後悔和我結婚, 我可以怎樣做

moneymoney 你好. 你的 EQ 太高, 高得太為難自己兼有一點駝鳥政策, 你應釋放你自己, 我等發言人也只是 "旁觀者輕", 最知道感受就只有你自己, 不要期望你老公會因為你幹了什麼而改變他的想法, 但也不要太委屈自己, 難聽一點, 人生在世只有幾十年, 為什麼要為這點事傷神. 應好好為自己的快樂盤算.

你說中層辛苦, 也只不過是你找借口, 令自己好過一點! 但對你現有的狀況一點也沒有幫助. 不防當你老公能冷靜時, 好好的談論大家的心情.
私人傳訊

moneymoney


民房

積分: 4


12#
發表於 04-4-28 20:45 |只看該作者

Re: 我老公經常說後悔和我結婚, 我可以怎樣做

Ruby1222, ellenclive, tiffany'smum, cocobaobao, Mummy, tt2001, bsiub, hochris,
我有好好的和我的衰老公冷靜地談談, 但每個人的經歷成長不同, 對事件有不同的判斷, 我每次有說出我的難受, 但他永不會想到設身處地而去考慮問題, 他很自我, 很自私, 很喜歡批評別人, 對我更有“甘”盡踩“甘”盡, 這個就是我的衰老公。
　
無論我怎樣和他傾, 也不可以改變他對我的偏見, 他不會支持我的任何決定, 他只想我依他的order去做, 但我是有思想的人, 不是他的寵物,　他的想法很自私， 每當我據理力爭時，他強說我打橫“黎”講。


我認承我有我的不是，我亦有自私的時候，我也是個死不認輸的人。但我不是一無是處，這樣一次又一次被他數落，我真的很難受。　

婚姻是兩個人共同生活，是要互諒亙讓，我明白他的工作苦況，他是有可能隨時被裁，但我做決定時是有考慮他的境況，當初大家協議set 的底線是一年半，若年半內我沒有成績，便要再做打工仔，我尊重他凡事有和他商量，亦只希望他同樣的對待我。

我實無法感化這頭野人，但他是我的老公，我們要彼此相依．我還是愛他，想拖著他走遍香港每一個山頭，希望頑石有天會點頭。

我會用行動，用事實證明我的選擇是對或錯，最重要的是考慮後果，風險當然有，凡事也有失敗的可能，我有計算過萬一失敗了，損失是可承受便是，這些我有和衰老公商量過，但他不是我，我喜歡冒險，他追求是超級穩定，他十年從沒有轉過工，連想也不想。
所以他不認同我的任何改變，我追逐變幻才是永恆，他不是。
我有我選擇，他有他的，他喜歡喝果汁，沒有問題，不可以說我喜歡喝可樂便是錯。要爭論的還有很多，但爭論是沒有意義，我只想解決問題。
清官難審家庭事，衰老公的問題，我暫時只有忍忍忍，想想他所剩下優點，和上ｂｋ呻呻，我相信婚姻是恆久忍耐。謝謝


Mummy，
我的小買賣是和潮流扮靓靓有關的，香港現在沒有的產品，因想爭取獨家代理，暫時不便透露，到落實時定會告訴你。
私人傳訊

sky_sky


別墅

積分: 844


13#
發表於 04-4-28 20:51 |只看該作者

Re: 我老公經常說後悔和我結婚, 我可以怎樣做

我覺得你老公好過份, 因為你冇份工, 就成日搵野黎話你, 佢份明係覺得你做得錯,先至成日咁話你, 係又話唔係又話......
你仲忍佢, 我真係服左你,但我覺得你唔可以咁樣忍佢, 因為你唔出聲, 佢只會覺得佢講的係0岩, 話你錯係0岩, 係你錯咋, 你明嗎, 有時要有一定的反抗...唔可以死忍.....如果唔係佢會對你更加過份...同埋我覺得佢太過唔顧你感受,佢好似唔記得你係佢太太....太太係應該愛錫, 唔係比佢做吹氣袋
私人傳訊

lau


子爵府

積分: 11754


14#
發表於 04-4-28 23:32 |只看該作者

Re: 我老公經常說後悔和我結婚, 我可以怎樣做

你老公係咪覺得不是生產既人就係廢人, 即是你以前高薪先睇錢份上, 若你打返幾千蚊工咁點算, 所以我好怕呢種男人, 以前選對象一遇到類似既男人, 問我搵幾錢, 背境係點, 若佢地聽到真實情形個種失望面口, 我就唔會再搵佢地, 因我覺得佢地想食軟飯, 好似最近去買對波鞋, 咁我打扮比較in D, 著得幾其理, 咁我等緊個女sales入倉拿對波鞋, 有個男sales, 睇佢都係廿幾歲左右, 問我:{小姐, 你係咪呢頭住.}, 我答:{唔係.}男問:{咁你係咪架車出來行街.} 我話而家無車, 男問:{咁你以前有車出入.} 我答:{係, 不過而家無了, 搭巴士重方便.} , 可能你地睇到以上對話, 覺得無乜點, 但當時我第一個直覺話比我知, 呢個男仔想搵D有車既女仔, 想結識有車既女仔, 佢打份sales養架車可能好昂貴, 負擔唔起, 就想向女方著手, 不過佢發現我手上帶住介子, 所以再無追問, 所以我搵而家老公係好大方, 絕不計較錢, 唔好誤會搵好多, 都係打份工, 不過就唔會左計右計既人, 佢話駛得開心就得, 錢可以再搵過, 無錢時咪最多慳D, 有些男人心胸係窄既話, 真好難打開佢心屝, 由其自我中心強男人, 所以我好明白你的苦況係幾難受, 希望你堅持自己決定, 希望你成功.
私人傳訊

moonhome


男爵府

積分: 5107

好媽媽勳章 BK Milk勳章


15#
發表於 04-4-29 02:58 |只看該作者

Re: 我老公經常說後悔和我結婚, 我可以怎樣做

我想問一句 你老公係唔係處女座呀?
私人傳訊

Lily


別墅

積分: 751


16#
發表於 04-4-29 06:51 |只看該作者

Re: 我老公經常說後悔和我結婚, 我可以怎樣做

moneymoney:

妳先生好大男人﹐欠修養﹗兩公婆意見分歧都應互相尊重﹐顧及對方感受﹐他不支持你搞生意可以閉嘴或不聞不問﹐踐踏妳等于精神虐待﹐EQ高不值得高興﹗我個老友好似妳咁忍氣吞聲﹐她老公開口埋口話佢低能､百痴､懶到死﹐幾年後我老友精神崩潰。我建議妳正視妳先生的態度﹐叫他口下留情免傷和氣。
私人傳訊

Jolly


子爵府

積分: 10239


17#
發表於 04-4-29 07:16 |只看該作者

Re: 我老公經常說後悔和我結婚, 我可以怎樣做

moneymoney,
愛是恆久忍耐,婚姻也是恆久忍耐, 卻也要亙相尊重.
祈望你老公有天能明白你, 和你相知.
I support autism acceptance!
私人傳訊

Jsmami


大宅

積分: 4008


18#
發表於 04-4-29 09:40 |只看該作者

Re: 我老公經常說後悔和我結婚, 我可以怎樣做

moneymoney,

如果你丈夫愛錫你, 他怎捨得這樣對你, 或許他是個文人, 所以沒有動操, 但他言語的傷害也可不輕, 很難想像現今社會還會有這種人(精神弱待自己妻子), 若然他工作也是這樣, 恐怕他不會有幾大升遷, 我先生有句格言"修身, 齊家, 治國, 平天下", 如果你丈夫係本事, 又邊洗你做? 我同老公會考幾十分既同學出黎做事都麻麻, 就係因為唔識做人, 希望你提點佢, 免得連枕邊人都離佢而去.
私人傳訊

rosalam


洋房

積分: 60


19#
發表於 04-4-29 09:57 |只看該作者

Re: 我老公經常說後悔和我結婚, 我可以怎樣做

moneymoney,

雖然你EQ高，忍你老公，但百忍真是可以成金嗎？我覺得你要同佢傾吓點解佢要咁講嘢囉，唔好再忍啦....

祝 你創業成功！
私人傳訊

tt2001


大宅

積分: 1111


20#
發表於 04-4-29 11:22 |只看該作者

Re: 我老公經常說後悔和我結婚, 我可以怎樣做

Jsmami 話"或許他是個文人, 所以沒有動操"。我吾係咁唸呀，文人就吾會講D咁說話啦，佢咁講仲hurt過比佢打一(獲)。兩公婆嗌交鬧乜都好，一定吾可講D傷到感情嘅說話，之後再講乜都補吾返，裂左就係裂左！

最憎D人一味留戀以前點點點，李嘉成又讀過幾多書呀？佢根本係一個極細膽嘅人，吾敢變，吾敢試，連身邊嘅人想試，佢都驚到咁，死得啦！

今日想試下創業都咁，touchwood講句，吾好彩有日整親手腳冇得lo，咁你又會點對我呢？(幻)難見真情其實好可貴，不過未到(幻)難已佢見佢呢D"真情"，就吾使"恨"。
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見