論盡家傭

跳至

首頁
1

尾頁
   0


男爵府

積分: 5454

好媽媽勳章 醒目開學勳章


發表於 04-4-29 14:59 |顯示全部帖子

新請工人, 係咪真係需要裝眼仔呢?

如題
tks


子爵府

積分: 11539

環保接龍勳章


發表於 04-4-29 15:14 |顯示全部帖子

Re: 新請工人, 係咪真係需要裝眼仔呢?

如果大部分時間得工人同BB晌屋企,而你又對工人冇乜信心,為求安心,就裝個眼仔。

因為我都裝左,不過係晌印印「曳曳」之後,想捉佢痛腳!


大宅

積分: 1479


發表於 04-4-29 15:19 |顯示全部帖子

Re: 新請工人, 係咪真係需要裝眼仔呢?

yan_yan_mummy

你裝o係邊度?


男爵府

積分: 5454

好媽媽勳章 醒目開學勳章


發表於 04-4-29 15:28 |顯示全部帖子

Re: 新請工人, 係咪真係需要裝眼仔呢?

HELLO, yan_yan_mummy ,
個工人6月中先黎, 我都唔知佢好定唔好, 係咪等佢黎到先決定呀??
TKS A LOT


子爵府

積分: 11539

環保接龍勳章


發表於 04-4-29 22:37 |顯示全部帖子

Re: 新請工人, 係咪真係需要裝眼仔呢?

chaichai,

我隻眼仔裝晌客廳一個高身飾物櫃既一件擺設入面,飾物櫃隔離就係電視櫃,我老公將眼仔駁落錄影機,每日錄三至四個鐘到。鏡頭對住通常餵BB飲奶的梳化一角,同埋走廊位,影到個印印出入廁所同BB房既情況。

叮叮噹噹:

我諗所有工人初來步到,一般都唔會咁快作反掛?不過,始終都係果句,如果屋企大部分時間都處於「無王管」狀態,而你又唔放心的話,你都可以早D裝,無謂日日食驚風散丫!

不過,話時話,日日睇都好悶好辛苦架,我都係一星期錄一兩日,有時錄上晝,有時錄下晝,間唔中又換下鏡頭角度。冇法啦,鬼叫個印印唔靠得住咩!


大宅

積分: 1107


發表於 04-4-30 03:42 |顯示全部帖子

Re: 新請工人, 係咪真係需要裝眼仔呢?


yan_yan_mummy

妳隻眼仔是否無線的? 乾電池可用幾奈? 收得清唔清呀?

我買了隻無線眼仔, 但裝了后不是很清和很快無電, 有無心得可分享? 叧, 個工人知唔知妳在錄影? 因個錄影機在 run 緊,妑有冇發覺?

Thanks!


子爵府

積分: 11539

環保接龍勳章


發表於 04-4-30 10:02 |顯示全部帖子

Re: 新請工人, 係咪真係需要裝眼仔呢?

Ansonbaby:

我隻眼仔係有線既,接收好穩定,可以調校focus,錄埋音,畫面收得都算OK,大概15呎範圍內,面部表情都勉強睇得到。當然百零二百蚊貨色,唔能夠同幾千蚊既ViewCam比較啦!不過,我覺得佢仲好過樓下「食蕉」果部添!

當初我地都有考慮過無線,但售貨員即場demo過之後,我地又衡量過屋企本身既環境(因為飾物櫃隔離就係電視櫃,錄影機、HiFi,CD咁擺埋一齊,櫃後面一抽二抽電線咁,唔好話印印,我自己都搞唔清邊條打邊條啦 :-P ),所以選擇左有線眼仔。

其實,如果你問我裝得隱唔隱蔽,我就可以話,只要個工人係稍為醒少少(話晒有件飾物多左條線喎),又稍為勤力少少,每日抹多幾次野,點都會知道既。奈何我果件係豬蛇混合體(又懶又蠢),裝左就快一個月,唔單只唔發覺錄影機run緊(不過我個電視櫃係有磨砂玻璃門既),仲試過晌鏡頭前面既梳化「海棠春睡」(pose幾好笑架 :lol: ),又試過影到佢傾手電,都唔知好嬲定好笑!


男爵府

積分: 5454

好媽媽勳章 醒目開學勳章


發表於 04-4-30 10:12 |顯示全部帖子

Re: 新請工人, 係咪真係需要裝眼仔呢?

hello, yan_yan_mummy ,
想問下$200有線眼仔係邊度買?, 難唔難裝?係咪係電腦睇唔到架?, 同埋唔駛話佢知你裝左??
tks a lot


大宅

積分: 1572


發表於 04-4-30 12:16 |顯示全部帖子

Re: 新請工人, 係咪真係需要裝眼仔呢?

yan_yan_mummy,

Can you tell me where to buy that cam? i will have a new maid soon. thanks


子爵府

積分: 11539

環保接龍勳章


發表於 04-4-30 15:34 |顯示全部帖子

Re: 新請工人, 係咪真係需要裝眼仔呢?

叮叮噹噹、rw:

我用緊果隻有線眼仔,係晌旺角電腦中心(女人街附近果個商場)買既,連埋一條cable好似係$210。果間晌最高果層(好似係二樓),最近樓梯位果間,有個四眼高高既哥哥仔,佢好好人架,介紹左幾款俾我地睇,試到岩至買。因為我依家返緊工,等我返屋企搵下有冇張單係度,如果有既話,今晚PM個地址同電話俾你地。

我隻有線眼仔係一個純粹駁落錄影機既收音鏡頭,應該唔係太難裝,我見我老公都係晌錄影機set左一個固定既台,駁好線,跟住就當係平日錄電視節目咁就得架喇。

呢款眼仔晌電腦用唔到既,電腦果款晌「論盡家傭」中有個叫「如何在網上觀察家中情況」既topic有詳細介紹,後兩、三版都搵到架喇!我晌旺角電腦中心都見過,都幾貴架,$3,XXX至$5,XXX 都有。不過,最大問題係我唔方便晌公司睇番屋企,一來公司好似有firewall之類既野阻住,二來就係,如果俾老細發現我成日「僕」住個「芒」做私人野,容乜易份工都冇埋架?! :-(

我個人認為,眼仔「明裝」同「暗裝」各有利弊,視乎需要而定啦。

我覺得,「明裝」係等於話俾個工人聽,屋企就算冇你個「真身」晌度,佢都會隨時俾人監視住,有靠嚇成份,比較適合較蠢或較純品的工人;

至於「暗裝」,就係擺明捉佢痛腳,睇下佢既「真面目」,適合果D死性不改,等炒既衰工人


男爵府

積分: 5454

好媽媽勳章 醒目開學勳章


發表於 04-4-30 15:59 |顯示全部帖子

Re: 新請工人, 係咪真係需要裝眼仔呢?

Hello,yan_yan_mummy ,
如果你搵到張單, 痳煩你pm 給我
tks a lot!


大宅

積分: 1572


發表於 04-4-30 16:13 |顯示全部帖子

Re: 新請工人, 係咪真係需要裝眼仔呢?

yan_yan_mummy,

Thank you :) please PM me if you find the receipt !


別墅

積分: 864


發表於 04-4-30 16:50 |顯示全部帖子

Re: 新請工人, 係咪真係需要裝眼仔呢?

web cam for computer, i just bought it from mongkok computer centre and the cheapest one costs less than $200, you can go and have a look, it is on the 2nd floor of mongkok computer centre. also it is not difficult to install, i follow thro' the procedures laid down in another topic in BK, it is not difficult and works now. good luck


複式洋房

積分: 250


發表於 04-4-30 18:01 |顯示全部帖子

Re: 新請工人, 係咪真係需要裝眼仔呢?

根據私隱權法例,如果你要安裝眼仔,要知會工人,佢有知情權,但係隻眼只向入門口範圍,就無乜問題。


子爵府

積分: 11539

環保接龍勳章


發表於 04-4-30 22:22 |顯示全部帖子

Re: 新請工人, 係咪真係需要裝眼仔呢?

叮叮噹噹,rw:

真係唔好意思,我摷勻全屋都搵唔到張單;不過,好似markchan咁,你地去旺角電腦中心睇睇,應該會有收獲既!

(長氣講多次,我幫襯果間晌最頂果層,樓梯位對住第一間就係,果間係唔賣電腦既,飾櫃有一部識轉既鏡頭做緊demo)


男爵府

積分: 8328

2019新春慶豚圓 2019勳章


發表於 04-4-30 22:51 |顯示全部帖子

Re: 新請工人, 係咪真係需要裝眼仔呢?

hello! markchan
請問你個眼仔需要接駁電腦嗎? 要用寬頻才可看到嗎?效果如何?
請指教!


男爵府

積分: 7200


發表於 04-5-1 12:33 |顯示全部帖子

Re: 新請工人, 係咪真係需要裝眼仔呢?

叮叮噹噹

你有無bb比新工人看管先? 如果有, 我提議用web cam, 起碼你即時見到d唔妥事可以馬上打比工人丫, 如果錄影, 晚上才睇番, 意外都發生左啦, 係咪?

提下你丫, 工人既安全意識好薄弱乍, 未損手爛腳都唔識死架。 我個仔當時未夠1歲, 曾經在cam見到個仔在風扇底又扒又行, 工人唔知行左去邊, 我立即打番去叫佢拉開個仔, 萬一"猛"跌風扇點算?


男爵府

積分: 5454

好媽媽勳章 醒目開學勳章


發表於 04-5-1 18:42 |顯示全部帖子

Re: 新請工人, 係咪真係需要裝眼仔呢?

hello,PINKAVA,
多謝你既意見, 我個工人六月中先黎, 黎到睇下點樣先, 而家先知請工人原來都好煩!
tks a lot!


男爵府

積分: 7200


發表於 04-5-2 10:40 |顯示全部帖子

Re: 新請工人, 係咪真係需要裝眼仔呢?

叮叮噹噹

係呀, 請工人好煩, 要教工人之餘仲要佢明白喎, 遇著d"一舊飯"仲衰。 如果湊埋初新更加唔放心, 其實我地顧主真係好大壓力。

希望你請到個好工人啦。


民房

積分: 118


發表於 04-5-2 12:58 |顯示全部帖子

Re: 新請工人, 係咪真係需要裝眼仔呢?

會唔會每日返去睇翻d片?

首頁
1

尾頁

跳至