自由講場

跳至
   0


複式洋房

積分: 450


發表於 08-5-23 04:01 |顯示全部帖子
真係好想呻下~~
我b女已經6個月了,佢係我既性命財產,
無佢,我唔會有推動力,唔會有做人既目標,
雖然係我帶佢泥呢個世界,
但我要多謝佢俾機會我簡左我做佢媽媽,
俾個機會我學習做人亞媽,
為左佢,我唔怕有幾辛苦,
只要佢好,,
但係好多野真係唔到我控制,
由於要返工,生完諗住請工人,
俾晒錢,但又覺得local ee湊得好d放心d,
寧願自己花多d時間返工放工湊上去ee屋企,
家務自己放假做(我老公唔會幫手),
只要湊得我個女好,
我份工,,,返工時間又長(我做sales的)
又刻薄,賣牛仔褲架!!
條條都要千幾二千條,
但人工就少到死,
俾ee湊$4000一個月都佔左我人工一半有多,,
人工咁少公司又請唔到人(咁少錢邊到請到人呀!?cheap過我地既brand人工都多過我地啦)
唔夠人就要一個人做幾個人既野,,
又成日ot,,
都係咁多錢,
最慘就係ee同我講話幫我湊埋今個月唔湊了,
突然間都唔知點好,
可能我收工時間又唔穩定,
時間又比之前長左,,,
最快搵到人湊,又要屋企付近,又要好,好難law,
搵到個朋友的家人肯湊已經好好了,
但要過夜,因我住9龍,朋友家人住屯門,
我放假至湊返,
有時覺得勞勞碌碌一天,又點?
最愛既人都唔可以守在身邊,
要個女好似波個咁,,
一諗每晚唔可以見到個女,
見到佢笑同佢訓就好想喊,
覺得自己好失敗


翡翠宮

積分: 93313

2019新春慶豚圓 2019勳章 2018父親節勳章 2018母親節勳章 2018復活節勳章 畀面勳章 環保接龍勳章


發表於 08-5-23 08:52 |顯示全部帖子
有唔開心記得要同老公傾,你地係一家人


子爵府

積分: 10020


發表於 08-5-23 11:42 |顯示全部帖子
咁點解你唔嘗試下轉工呢, 你講到你份工時間長, 人工小, 其實出面都可以有好多选擇架....
我自己都要返工, 我好明白, 辛勞一日, 見唔到自己仔女既難受之處, 我好在媽咪幫我湊, 但到我個仔2岁, 我媽就要同我弟婦湊, 但我都叫好彩, 果時個仔夠2岁囉, 咪比佢返幼兒園囉...
坦白講, 係心痛架, 由其初時返學, 個仔唔適應, 成日病, 自己都好担心, 但無辦法, 唔通唔做咩, 係無可能既....
但我覺得再艱難既时候都总會过既, bb細細個出世时, 咪重難湊, 而家你個b都6個月囉, 捱下捱下好快又大架啦....
最緊要記住, 咁辛苦生左個小朋友出嚟, 有咩唔開心都千祈唔好放係心, 真係唔開心既, 咪同人傾囉, 总會有辦法解決既...
恕我多口講句, 你用得4000請個ee幫你, 點解唔搵個工人呢, 再唔好起碼你都可以日日放工見到個女, 又有人同你做家務, 咁樣你咪可以唔使咁辛苦囉....


大宅

積分: 1158


發表於 08-5-23 12:07 |顯示全部帖子
其實有邊個父母唔想仔女係自己身邊, 每天工作辛苦完返到屋企就見到個仔女 但要搵食都無計, 而家乜野都 我個仔就比左媽咪湊, 仲搬左去媽咪屋企附近住, 而家放工就即返娘家吃飯睇仔囉, 我覺得既然出4000蚊比EE湊, 咁不如請外傭照顧, 起碼佢可以幫你做埋家務, 自己返到屋企又可以淨係湊B和教B, 當然外傭真係有好有唔好, 但遇到個好外傭咪VERY GOOD囉, 你記得有咩唔開心, 唔好收埋係心裡面, 要向人傾訴丫, 如果老公唔聽唔明白, 但仲有我地BK媽咪好願意聽你傾訴架


複式洋房

積分: 450


發表於 08-5-27 03:02 |顯示全部帖子
我真係好唔捨得我個女要出去俾人湊過夜,早知我一要工人,依家唔係唔可以請返工人,不過要再俾過幾千蚊,,,生之前儲定左請工人,都俾晒錢,不過個工人臨泥時係自己選擇左ee,,,唉~都俾我老公有說話聽喇,,,不過我企硬話為個女好所以俾ee湊,,,依家仲攬成咁,我一同佢講ee唔湊仲俾佢暗寸我,,以後有咩決定佢一定更加唔會buy我,不過今次又真係我自己行錯左,,我要快d再儲過錢接個女返泥屋企呀!!


大宅

積分: 1898

好媽媽勳章


發表於 08-5-27 03:11 |顯示全部帖子
講真$4000係你人工一半有多,另外有剩嘅俾你返工搭車食飯都冇哂啦,你老公真係等你個少少開飯?點解唔自己湊連果幾千都慳返呢?


伯爵府

積分: 17502

好媽媽勳章 BK Milk勳章


發表於 08-5-27 03:37 |顯示全部帖子
係囉...點解唔自已揍返呢?..都唔爭在嗰幾千啦,又可以自己揍..咁你會又開心啲,又唔洗擔心人哋揍得好唔好....


複式洋房

積分: 450


發表於 08-5-27 03:50 |顯示全部帖子
我都有諗過計過,,但我連工都唔返的話就連兩餐既錢都無,,一來我c6唔係搵好多,二來佢都靠唔住,三來我唔鍾意靠人,今日佢會養你,但今日唔知聽日事,始終有自己既事業基礎會好d,我係lee間公司做左好多年,差少少就攞到個pose我出到去搵過份好好多(人工),出到去又要由低做起,依家最衰都係時間長同壓力大,好多野都係點人做就ok!唉,c6搵十萬9千7就好以唔做姐,
,,,


複式洋房

積分: 450


發表於 08-5-27 05:01 |顯示全部帖子
其實我都好想自己唔做自己湊大個女,但做野又可以搵多少少儲起for bb大個用,,大家係我會點簡呢??


洋房

積分: 314


發表於 08-5-27 11:46 |顯示全部帖子
我睇到另一個媽咪講過"錢係揾唔晒架", 呢句說話令我清醒左, 我係working ma, 大女以前跟我阿媽住, 每日放工去阿媽屋企湊一陣大女, 同佢食飯, 玩等等直到佢幼稚園畢業, 呢段其間每日走來走去真係好辛苦.
而家讀小一, 返來跟我住, 仲多左個妹妹tim, 請左個印印take care 佢地. 依家每日放工返屋企見佢地好開心. but 又覺得屋企多個外人唔習慣, 我打算唔做嘢全職湊佢地. 我都好唔捨得份工, $都算高(over 15k), 想生活好d啫. 但係睇住佢地成長係無價囉. 你地點睇呢.


複式洋房

積分: 450


發表於 08-5-28 23:42 |顯示全部帖子
咁又係..錢係搵唔晒既,,,更何況可以睇住自己既小朋友長大都真係有錢都墳賣唔到呀,但係我依家連基礎都無,唔做就真係手停口停呀,,,,c6份人工又唔夠cover我地既生活,依家都係見步行步,,,
呢幾日都返十幾個鍾,每晚都兩點幾至返到屋企,我覺得我都就快頂唔住會轉工架啦,,,每日返工真係好累唔想返工,但為了個女為了生活,都一定會支持落去,仲會諗到'chinghomama '講話:捱下捱下好快又大架啦....就係度諗我個女好快到幼稚園,,,小學,,中學,,再同我講:媽咪多謝你呀~hahah

跳至