跳至
   0


大宅

積分: 1007


發表於 08-5-23 14:14 |顯示全部帖子
唔知有無人同我一樣,係第三胎媽媽呢?
今次有bb,對比上兩次都辛苦d,唔知係咪年紀大咗呢?而家仲要煩惱第時肚入面呢個出埋世要點湊,大女就夜晚自己瞓,細女就跟我地,瞓bb床,到時到細細b出世,咁咪要放兩張bb床??點搞呀.....好煩惱.....
有無媽媽可以同我分享下.....
ps:bmabel,之前同你傾過,你又係第三個,不如入嚟呢度再傾.........


別墅

積分: 769


發表於 08-5-23 21:41 |顯示全部帖子
yiuyiu-mum,

你好勁~
我今次係第二胎...都已經覺得好辛苦


大宅

積分: 1007


發表於 08-5-23 23:04 |顯示全部帖子
原文章由 ulam 於 08-5-23 21:41 發表
yiuyiu-mum,

你好勁~
我今次係第二胎...都已經覺得好辛苦


ulam:
你好呀!其實我今次有咗都係意外,原本都係想生3個,不過想等細女3歲返咗學先再追,但點知細女16個月就又有咗.....
你個b係咪仔仔呢?我都好想今次係仔,不過順其自然啦...
好彩係我每次陀bb都無作嘔,只係成日好想瞓,同咩都唔想做...
我知道有d媽媽會嘔得好慘,我諗如果我又係咁,我諗我都無勇氣去生咁多...真係登嗰d媽媽辛苦....不過話時話,我想生4個ga,不過我頭兩個都開刀,所以嚟緊次產檢,我會問下醫生可唔可以開4次刀囉.....


別墅

積分: 769


發表於 08-5-24 08:34 |顯示全部帖子
yiuyiu-mum,

我話你勁係無錯ga
原來你想生4個!

我個大b係仔, 宜家14個幾月大~
而我有左3個月...所以我覺得辛苦,
因為我中意女多d...好好好想今次係女,

我都無嘔, 又食得又訓得
只係覺得累好想訓


別墅

積分: 678

睛靈勳章


發表於 08-5-24 15:03 |顯示全部帖子
原文章由 yiuyiu-mum 於 08-5-23 14:14 發表
唔知有無人同我一樣,係第三胎媽媽呢?
今次有bb,對比上兩次都辛苦d,唔知係咪年紀大咗呢?而家仲要煩惱第時肚入面呢個出埋世要點湊,大女就夜晚自己瞓,細女就跟我地,瞓bb床,到時到細細b出世,咁咪要放兩張bb床??點搞呀... ...


yiuyiu-mum,

我唔係第三胎,不過今胎一來來兩個,都煩緊點算.囝囝仲要得十三個月

我係全職媽咪,本身諗住依家住兩房,生多個+請工人都可以夠住.但依家一下住多三個就好迫.我好想搬屋,但依家身體已經唔係好舒服,呢個時候搬又好似好不智.我媽叫我買張碌架床,初時俾工人都bb訓,因為bb細個唔識翻身,加小小圍欄都好安全.到bb識翻身,哥哥都成兩歲,佢就可以同工人訓,而希望到時亦搵倒間大d地方住,o甘就可以放兩張bb床了.但依家住的地方,放兩張bb床真係no way.


大宅

積分: 1007


發表於 08-5-24 15:29 |顯示全部帖子
原文章由 avisf 於 08-5-24 15:03 發表


yiuyiu-mum,

我唔係第三胎,不過今胎一來來兩個,都煩緊點算.囝囝仲要得十三個月

我係全職媽咪,本身諗住依家住兩房,生多個+請工人都可以夠住.但依家一下住多三個就好迫.我好想搬屋,但依家身體已經唔係好舒服 ...


avisf:
嘩,好羨慕你有孖b呀,我都好想生孖b,我成日覺得d孖仔孖女好可愛,好羨慕呀....
不過一次來兩個,湊佢哋都真係好大問題,不過唔緊要啦,就算辛苦都係頭幾年,佢哋大d會好d啦....
但係你諗住俾工人同bb瞓,會唔會好危險呢?萬一工人壓到bb咁點?
你有無家人可以幫你湊住一個先呢?因為你大仔又仲細,再加埋對孖,一定好難搞....
我生完細女之後都唔係成日我湊,佢有一半時間都係住我奶奶到,我兩個都搞唔掂,可況你有3個呢...睇下有無人幫到你啦,因為到時殺到埋身真係唔係想像中咁簡單ga....
祝你生對肥肥白白嘅孖b.......真係好鬼羨慕呀..........


別墅

積分: 678

睛靈勳章


發表於 08-5-25 16:29 |顯示全部帖子
原文章由 yiuyiu-mum 於 08-5-24 15:29 發表


avisf:
嘩,好羨慕你有孖b呀,我都好想生孖b,我成日覺得d孖仔孖女好可愛,好羨慕呀....
不過一次來兩個,湊佢哋都真係好大問題,不過唔緊要啦,就算辛苦都係頭幾年,佢哋大d會好d啦....
但係你諗住俾工人同bb瞓,會唔會好 ...


yiuyiu-mum,
其實最初時知係孖b都幾唔開心,因為真係超出預算,我本來諗住兩個就夠晒數.不過依家每次有人知道我有孖b,通常佢地都好戥我好開心,慢慢地自己都接受了現實.

你好犀利,想生四個,一定係好鍾意小朋友.o甘你有無返工?有無請工人湊呀?

有關bb訓覺o個道,我寫得唔清楚.我意思指工人訓上格床,兩個bb出世訓下格先.到大小小哥哥就訓下格床,騰空一張bb床給小b,若果搬o左大d地方先買多張bb床.

多謝你意見,好多朋友都叫我生完搵奶奶湊住大仔先,但我又好驚囝囝會好吃醋,以為我地有了細b就唔要佢.你上次生完,大女有否吃醋呀?


大宅

積分: 1007


發表於 08-5-25 23:12 |顯示全部帖子
原文章由 avisf 於 08-5-25 16:29 發表


yiuyiu-mum,
其實最初時知係孖b都幾唔開心,因為真係超出預算,我本來諗住兩個就夠晒數.不過依家每次有人知道我有孖b,通常佢地都好戥我好開心,慢慢地自己都接受了現實.

你好犀利,想生四個,一定係好鍾意小朋友.o甘你 ...


avist:
我生完細女,大女都有呷醋ga,不過大女由細到大都係我湊,所以我就俾細女我奶奶湊,咁大女就唔會覺得我哋有細妹而唔要家姐...不過佢兩個而家有時都會打交,爭下玩具咁,其實有兩個小朋友就一定有呢d情況.....
不過我建議你唔好俾大仔奶奶湊,如果你咁做佢一定唔開心.你最好俾孖b其中一個奶奶湊啦,同埋有d人講,你生完bb出院嗰日,要準備定一份禮物俾大仔,要係話細佬妹送俾佢,咁會好d...同埋就算bb返到屋企,注意力都唔可以俾晒bb,一定要顧住大仔先,因為bb仲細,咩都唔知,但大仔就唔同,呢點要注意....同埋最好教下佢點照顧bb,當然唔係叫佢餵奶換片啦,而係可以叫佢幫手拎d毛巾仔呀,掉下尿片,or望下bb有無瞓醒等等,咁佢會覺得自己係大哥哥,會錫bb多d,呢招幾有用ga...
我無做嘢ga,一有咗大女就無做,大女就由自己一手一腳湊大,不過一有細女就開始請工人,一個人湊兩個我搞唔掂ga.........


洋房

積分: 41


發表於 08-5-26 17:33 |顯示全部帖子
yiuyiu-mum,

我返嚟喇,妳真係醒,開個"第三胎標題",
上次其實講講吓我唔好意思再响嗰邊講,人哋明明講緊"嘔",我哋兩位太太又唔係嘔,仲猛講想生仔...好似"搭晒枱"咁,都係妳叻!而家我哋可以暢所欲言!

我同妳都幾鬼似,妳知嗎,當我前幾個月睇娛樂版,知道吳家樂老婆生對孖仔時,嘩!簡直羡慕到暈~ 如果係我:兩女兩仔簡直完美組合!!不過想還想,我應該生埋呢個就收手。始終生咗出嚟都要教(而家D小朋友好好好難教,真的),再講我有做嘢,遲吓佢哋大d我真係驚分唔倒身...

[ 本文章最後由 bmabel 於 08-5-26 17:34 編輯 ]


洋房

積分: 41


發表於 08-5-26 17:48 |顯示全部帖子
avisf,

妳好幸運,亦好令人羨慕,係會好辛苦(一定),但個天俾得妳,就一定過倒的,妳嘅辛苦,佢哋日後一定會明白,亦會好好報答妳的,妳要努力呀~

我係有咗唔夠三個月時,已經不停向當時只有10個月大的大女進行思想教育,成日同佢一齊摸住個肚同細妹傾計,又話佢知個個大人都好錫佢同妹妹,兩個都係我心目中的寶貝...好感恩,大女真係好錫細女,又讓細妹,反而有時我哋大人睇唔上眼倒轉頭叫大女唔好次次讓細女呢!另外,我都同意yiuyiu-mum的講法,BB出世初期,一定一定要顧個大嘅先,記得出院嗰日,我一上車就將bb交俾工人,跟住全程就攬住大女唔放,同佢講我幾咁掛住佢(係真心嫁,不過好誇張咁表達)大女不知幾受,之後嗰一年趁妹妹仲細,總之一有時間我就同大女去玩,等佢知道我哋都好錫佢!


大宅

積分: 1007


發表於 08-5-26 23:38 |顯示全部帖子
bmable:
終於見到你啦..我開咗個topic幾日都仲未見你浦頭,仲諗你唔知去鬼咗邊添...我又係唔好意思响人哋度講咁多,所以先的起心肝開個topic....不過開頭我都怕無人睬我ga,你知啦,而家仲邊有咁多人肯生3個呢....
你預產期幾時?响邊度生呢?睇下我哋會唔會咁有緣會同埋一間醫院生b都好...
你做唔做oscar?我聽日去,唔知會唔會咁早照到性別呢...不過我之前經歷咗一輪心理交戰,其實都對個性別睇輕咗啦....
係呢,你個肚有無大得好快呢?我而家個肚好似有咗4-5個月咁,唔知係咪因為生咗兩個,個肚已經收唔返,而家又有咗,所以個肚就大得好快呢....慘啦,生完今胎個肚唔駛要啦....
不過如果生到4個,我諗我都會再生,不過起碼都要同最細呢個差5年,咁就差唔多...haha


洋房

積分: 41


發表於 08-5-27 19:15 |顯示全部帖子

回覆 #1 yiuyiu-mum 的文章

照成點呀?我都會照,不過仲有排,我啱啱至第9週(我預產期係12月30日),如無意外會响st.Paul生(我之前兩胎都係),妳又點?


大宅

積分: 1007


發表於 08-5-27 23:58 |顯示全部帖子
bmabel:
哈哈,我哋真係有緣呀....我上兩個又係st.paul生,當然今次又係啦.....我今日睇咗方敏豪醫生,都係第一次睇佢,我之前兩個睇韋張紅....
我細女預產期又係12月30日,不過今次就係12月9日...不過我今次38週就要開刀...
今次第一次見方醫生,覺得佢好好,好風趣,有耐性,最好係佢咁早就見到我個b係仔定女,哈哈....
好開心呀,如無意外應該係男仔....無晒壓力啦...希望你都同我一樣,今次呢胎係男仔....可能真係ga,我同你幾樣嘢都好似呀....haha


別墅

積分: 678

睛靈勳章


發表於 08-5-28 17:47 |顯示全部帖子
yiuyiu-mum & bmabel,

認識你地真係好,可以教我點樣照顧bb情緒,以後真的要多多指教呀!

yiuyiu-mum,我都想俾一個細b俾奶奶湊,但佢年紀大,應付唔倒呀!佢依家間唔中照顧囝囝兩晚,已經累倒要休息一個星期了,真係唔知以後日子點算.

bmabel,
我都好相信今次的孖是上天安排,以前老公成日話要生3個,我話睬佢都傻,點知依家2胎3個.
以前我阿媽好想有四個,但醫生話佢只可生3胎,點知第3胎就係孖.


洋房

積分: 41


發表於 08-5-28 18:05 |顯示全部帖子
yiuyiu-mum,

太攪笑喇~話妳知我今胎都係轉咗睇方醫生呀!哈哈! 我之前兩個係睇第二個的,我D老友同網上D媽咪個個讚方醫生好,橫掂今胎想轉個個,咪試試囉,係等得耐D,不過真係好喎!
恭喜妳呀~真係鄧妳開心!我已經成日同自己做「心理輔導」,但總會諗:俾我生個仔就好喇!
係呢,方醫生倒照Oscar幾錢呀?

原文章由 yiuyiu-mum 於 08-5-27 23:58 發表
bmabel:
哈哈,我哋真係有緣呀....我上兩個又係st.paul生,當然今次又係啦.....我今日睇咗方敏豪醫生,都係第一次睇佢,我之前兩個睇韋張紅....
我細女預產期又係12月30日,不過今次就係12月9日...不過我今次38週就要開刀 ...


大宅

積分: 1007


發表於 08-5-28 23:09 |顯示全部帖子
bmable:
嘩,真係好"橋"wor,大家同一間醫院,又一齊轉同一個醫生,haha...
方醫生照oscar都係照平時門診收費,另加u-sound同藥囓收費,跟住要驗血就要去化驗部抽血,要$490,total加埋1100到啦...係呢,你上兩胎順產定自己生呢?

avisf:
oh,如果無人幫你手湊咁一個,咁你點算呀.....好難搞呀...或者叫你媽咪去你屋企住住先,幫下手啦,真係千萬唔可以送走大仔呀,知嗎....再諗下有咩辦法啦....
真係想問下你,陀孖b嘅感覺係點呢?個肚會唔會大得好快ga?真係好鬼登你開心,生兩胎就有3個,我都好好好想....haha....如果可以兩胎4個,兩仔兩女仲好呀(唔好意思,我發緊夢)
係呢,你想今胎係孖女定孖仔呢,不過好似龍鳳胎仲好......


別墅

積分: 631


發表於 08-5-30 08:39 |顯示全部帖子
你好
我都係第3胎媽媽,有兩個囡囡,大囡就黎4歲,細囡就2歲幾,不過我係0901媽媽黎,但係我見到你地寫第3胎媽媽想入離一齊傾下.


大宅

積分: 1007


發表於 08-5-30 12:48 |顯示全部帖子
hoiyin:
歡迎你加入同我哋一齊傾呀,0901媽媽都無問題呀....你又係有兩個女,真係有緣.....我大女都就4歲啦,0409,細女就0612,係呢,你今次係意外定預定要bb呢?


別墅

積分: 631


發表於 08-5-30 13:15 |顯示全部帖子
yiuyiu-mum
我大囡係0408,細囡就0605,今次係意外黎,本來想生2個就算,點知有左.我細囡都係叫瑤瑤 hehe

原文章由 yiuyiu-mum 於 08-5-30 12:48 發表
hoiyin:
歡迎你加入同我哋一齊傾呀,0901媽媽都無問題呀....你又係有兩個女,真係有緣.....我大女都就4歲啦,0409,細女就0612,係呢,你今次係意外定預定要bb呢?


別墅

積分: 678

睛靈勳章


發表於 08-5-30 16:33 |顯示全部帖子
原文章由 yiuyiu-mum 於 08-5-28 23:09 發表
bmable:
嘩,真係好"橋"wor,大家同一間醫院,又一齊轉同一個醫生,haha...
方醫生照oscar都係照平時門診收費,另加u-sound同藥囓收費,跟住要驗血就要去化驗部抽血,要$490,total加埋1100到啦...係呢,你上兩胎順產定自己生 ...


yiuyiu-mum,
我阿媽日頭都要幫手湊另一個孫,所以都好唔得閒呀!不過無論點,我都唔會送走大仔,我朋友話一送開佢俾老爺奶奶,好易被寵壞呀!
陀孖b的心情真係又驚又喜.驚係自己無預生三個,好多野都未ready,唔知點算,驚湊唔來,驚早產,驚肚太大行動唔方便, 驚收唔倒身.........
喜是無論去到邊,d人知道係孖胎都戥我好開心,連醫生姑娘都好似對我好d,令我無形中都開心d.
其實我好想有女,孖女龍鳳胎都無所謂,但照oscar時醫生話9成係孖仔
希望你今胎真係仔,我都明無仔點都有壓力呀!若果有仔又有女,真係好幸福呀!


跳至