吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒用品› 好煩惱，食固體食物，我ｂｂ咁樣係咪即係０進度？ ...

嬰兒用品今日: 0|主題: 93238

收藏本版

發帖

返回列表

跳至頁

查看: 986 | 回覆: 4

好煩惱，食固體食物，我ｂｂ咁樣係咪即係０進度？ [複製鏈接]

gion

侯爵府

積分: 20735

好媽媽勳章睛靈勳章

1^#

發表於 08-5-24 16:32 |只看該作者 |倒序瀏覽 |打印

我ｂｂ就黎７個月，我響佢６個月（即３個ｗｋｓ前）先開始比固體食物佢，因為係聽從ｅ生指示．
頭一次食完，有ｄ肚柯，所以停左２日先再食．第２次，好似第一次咁，開１ｏｚ奶＋１ｔｂｓｐ米粉，但佢食左好少就喊，唔肯食．
由果時到ｅ家，總共喂左１０餐度，份量一樣，每日食一次，有時佢都唔肯食，我地唔想佢討嚴左食固體食物，所以唔食都由得佢．
所以，就黎７個月既佢，都仲係食我諗加埋只有１．５安既餬仔一日．
我見ｄ盒上面寫，慢慢可以加到５個ｔｂｓｐ．我就諗：都唔知幾時先可以食到咁多　．．．．．　唔通真係到９個月先可以？！
我見其他ｂｂ，７個月食既已經有好多唔同既種類，有ｄ響餬仔度加野一齊食，有ｄ仲已經食粥仔．我都好想我ｂｂ快ｄ食到唔同味道既野唔洗咁悶　．．．．
究竟係咪我餵得唔好呢？
我都唔知響餬仔度可以加ｄ咩比ｂｂ食提高下佢對食物既興趣，各位ｍａｍａ有咩意見？

0 0 0

私人傳訊

kayingivy

伯爵府

積分: 18129

好媽媽勳章醒目開學勳章

2^#

發表於 08-5-24 17:45 |只看該作者

有d bb係唔食糊仔，你試下煲稀粥仔睇佢食唔食，食的話再慢慢轉杰d，不過可以話你知，我個仔都唔係好肯食固體，非常揀飲擇食果隻，最多間唔中食下餅仔，都係揀黎食，佢到咗14個月先開始肯食固體，但都間唔中就唔肯食，而家16個月，因為早瞓關係，我每日俾佢3支奶，一餐粥，但果餐粥係兩大碗，唔係佢實嘈，佢未肯食固體時我都好似你咁煩，但本著一個信念，佢始終係一個人，總有一天會食嘢嘅:;pppp:

私人傳訊

西瓜公主

洋房

積分: 93

3^#

發表於 08-5-25 02:25 |只看該作者

我都成日聽D媽咪講話BB好鐘意食糊仔但係我個仔.. 我試過唔同既粥仔糊仔稀D杰D 佢都只係食幾啖.... 無辦法我就只好餵奶但係我依然會每日俾佢食下固體等佢慢慢適應下~~ 後來佢十個月大既時候突然食糊仔and粥仔... 依家佢快17個月鐘意食白飯哈哈

你慢慢試唔同既方法啦要有耐性我覺得係唔好逼佢食既我都唔逼就算我逼都無辦法佢點都唔肯食架~ 我個仔第一兩次肯食糊仔仲好似幾鐘意食點知食多一兩次一食就喊我都無佢符... 無辦法架我唔逼佢咪試下俾第D野佢食囉煲粥仔呀又或者整D生果蓉紅蘿蔔蓉等等~ 雖然果陣我煲既粥仔佢唔食但我都會日日煲囉總之我就唔放棄慢慢試佢既口味或口感慢慢等佢適應固體食物~~ (不過如果你試煲粥仔初初唔好咩都加入去煲喎一樣一樣慢慢試睇佢適唔適應喎)

個個BB都唔同架唔好同其它BB比亦都唔好太擔心俾D耐性俾D心機放鬆D就OK架啦~ (唉不過我都知會擔心因為自己果陣都好擔心但係你盡量放鬆啦~ 我諗每個BB ready食固體既時間都唔同我個仔就係囉佢十個月大既時候突然肯食固體白粥無味都肯食架)

[ 本文章最後由西瓜公主於 08-5-25 02:29 編輯 ]

私人傳訊

Smallpigbb

大宅

積分: 3406

4^#

發表於 08-5-25 18:27 |只看該作者

其實又唔洗太擔心，你可以慢慢俾BB試，你買邊個牌子糊仔呀？我o個時亞女開始轉食糊仔，我都有上o黎問下其他媽媽邊個牌子糊仔BB鐘意食多D先買。

我就係每日一羹一羹o甘加上去俾個女食，她都幾鐘意，而我亦知道有一D BB係完全唔鐘意食糊仔，有D媽媽就見個BB唔鐘意食，就試下煲D好綿o既粥俾BB食，你都可以試下，其實都7個月啦，可以食粥仔，你煲稀D咪得羅。