跳至
   0


複式洋房

積分: 134


發表於 08-5-27 02:07 |顯示全部帖子
我囡囡依家都仲要抱住暗瞓覺,有時要暗成粒鐘,一晚仲要醒幾次,其實係咪要開始訓練佢自己瞓呢?不過有時見佢瞓得好甜又好滿足!但又驚會縱壞佢,你地呢?


侯爵府

積分: 23560

2011至尊種植勳章 畀面勳章


發表於 08-5-27 14:39 |顯示全部帖子
ivo而家仲係要抱住食奶奶先肯訓~
我由得佢
肯訓就得啦


大宅

積分: 2915


發表於 08-5-27 14:40 |顯示全部帖子
原文章由 iuiushum 於 08-5-27 02:07 發表
我囡囡依家都仲要抱住暗瞓覺,有時要暗成粒鐘,一晚仲要醒幾次,其實係咪要開始訓練佢自己瞓呢?不過有時見佢瞓得好甜又好滿足!但又驚會縱壞佢,你地呢? ...


我個仔就唔洗抱,但就要我同老公一齊瞓係床度氹,一個拍pat pat,一個唱歌+摸鼻樑,真係少爺咁呀...一晚又係醒幾十萬次,係度郁身郁勢,要人拍pat pat,唔拍佢就坐起身,我地都嚴重唔夠瞓呀...
乜有得瞓練嫁?點瞓呀?..由得佢喊到攰自己瞓呀??


禁止訪問

積分: 539


發表於 08-5-27 14:47 |顯示全部帖子
提示: 作者被禁止或刪除 內容自動屏蔽


大宅

積分: 1699


發表於 08-5-27 23:02 |顯示全部帖子
我就會每晚食完飯同囡囡玩一陣,大概9點到啦,跟住抱佢入房睇DVD,睇半個鐘到啦,開奶俾佢食,食完佢自己係張床典一陣就自己訓架喇!我初初都好似你咁要暗,仲係要揹住先肯訓,慢慢試下原來放佢落床都得架,不過你要俾佢知道個段時間係要佢訓覺,好似熄燈啦,播D音樂啦!希望幫到你啦!


別墅

積分: 569


發表於 08-5-27 23:25 |顯示全部帖子
原文章由 雪~bb 於 08-5-27 14:39 發表
ivo而家仲係要抱住食奶奶先肯訓~
我由得佢
肯訓就得啦


我 baby 都係, 但最近佢好鐘意抱住食食吓奶, 自己"lu"落床, 碌來碌去, 想瞓又瞓唔到, 最後我都要抱返起佢暗佢瞓.


複式洋房

積分: 134


發表於 08-5-28 01:53 |顯示全部帖子

回覆 #4 kitty1207 的文章

哈哈!依家d BB 真係幸福, 簡直皇帝式享受!

尋晚我諗住試下飲完奶放落床俾佢自己瞓啦, 碌下碌下, 企埋起身, 咁咪抱番佢囉, 點知發老脾, 唔肯瞓, 搞足2個幾鐘, 所以今晚都係咪搞喇! 怕左佢! 而且原來你地BB都係咁, 咁就順其自然啦!


大宅

積分: 2614


發表於 08-5-28 09:27 |顯示全部帖子
我係阿囡六個月大就開始比佢自己瞓, 唔抱, 唔比毛巾(驚佢戀物), 自己係床仔瞓, 我就坐係床邊唱吓歌拍吓佢pat pat咁, 教暗d燈, 通常十五分鐘左右佢就會自己瞓著咗, 到咗依家都係用呢個方法, 同埋要定時同佢上床仔瞓, 比佢通知呢個時間係瞓覺, 所以我好早就唔使抱住阿囡瞓啦!!


大宅

積分: 3402


發表於 08-5-28 09:39 |顯示全部帖子
我個仔出世到8-9個月都要抱成粒中先可以放落床, 之後比條毛巾佢抱住訓, 而家自己抱住毛巾係床仔look look下就訓著, 唔洗暗啦
稀仔係一個為食b, 乜都要試下, 而家24磅!!


別墅

積分: 553


發表於 08-5-28 13:32 |顯示全部帖子
TingTing每晚10:15飲完奶, 都唔訓, 佢一定要飲支水, 有時飲飲下就訓左, 有時飲完水要o向張大床碌來碌去, 碌碌下又企起身, 如是這碌下玩下, 1個鐘先訓著,我就坐o向床边唱歌仔比佢聽, 等佢訓左, 再抱佢訓番個靚位, 再幫佢蓋被仔, 我先至有得訓, 跟住...半夜我又要幫佢換片片... 今晚希望呀B合昨D, 等我12:30前有得訓


珊瑚宮

積分: 113477

好媽媽勳章


發表於 08-5-28 17:09 |顯示全部帖子
我條蕃薯成日瞓覺都衰衰咁,湊佢瞓都要湊成半個鐘至大半個鐘先瞓 , 每晚 20:30pm last 支奶開始湊佢瞓 , 湊到九點幾先瞓 , 但又瞓得小 bor , 朝朝六點幾就起身 擺佢喺床自己瞓仲煩 , 碌嚟碌去都唔瞓 , 真係想打暈佢


大宅

積分: 1909

睛靈勳章 畀面勳章


發表於 08-5-28 20:06 |顯示全部帖子
由細到大都係俾個奶咀同張被佢攬住陪佢瞓係張床到
佢碌幾碌within 30mins會瞓著


男爵府

積分: 7851

好媽媽勳章


發表於 08-5-28 20:43 |顯示全部帖子
matthew 好早訓,初頭佢眼訓就扭,要我個暗佢訓.因為平時matthew 都是訓大人床,所以到佢差不多夠鐘訓時,就抱佢上床,我又陪佢玩一陣,那跟住關燈,佢自己在張床上曲下,佢就訓la~


子爵府

積分: 10808

2019勳章


發表於 08-5-30 16:54 |顯示全部帖子
我個囝一定要關燈及靜,一定要有人陪佢瞓,
仲要半夜佢會自己坐起身,要仆在我肚或心口才可再返瞓
次次都砰一聲仆落黎,所以我一定會醒


男爵府

積分: 5323


發表於 08-5-30 23:32 |顯示全部帖子
諾諾大約1歲之後就唔肯比我抱住暗喇,佢要"lur"落嚟,所以好早我已經放佢響張床度暗架喇,就算放佢落床暗都唔可以拍架,淨係瞓響佢側邊,唔理佢,比個奶咀佢啜,比埋個奶咀蓋佢玩,玩玩吓就會自已瞓著架喇,不過半夜都會醒架!! 醒嘅次數不等架!! 半夜醒果次就一定要搵我,兼同我瞓先肯瞓番。
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.


大宅

積分: 1197


發表於 08-5-31 11:37 |顯示全部帖子
亞囡由出世到8個月都係習慣放係大床拍pat pat同佢訓,到佢訓著就放番落bb床,除咗佢好扭計或半夜扎醒先會抱佢訓,9個月之後到而家,10:30pm食完奶之後就好快訓著,唔駛再拍pat pat


大宅

積分: 1993


發表於 08-5-31 17:02 |顯示全部帖子
我算好彩....

我個囝出世到依家都係自己一間房訓,佢從來吾使抱住訓,放佢上床比張毛巾被佢,佢就會拎住訓.而一歲前兩星期,自己戒左睡前飲奶的習慣.依家每晚八點食完飯,十點就會準時上床,訓響床上拎住張被啜手指,通常五至十分鐘就會訓著.

跳至