update:#74 多謝各位祝福 起初入院,醫生話我b好細唔似應有既週數,我就擔心唔通阿b無大過 然後一直等醫生,等左好耐(等到食完飯),期間繼續流啡仲有少少流紅色血!個量都唔少,我心知不妙,做定心理準備 之後見第一個醫生我問佢到底我咩事,佢話照唔到胎入面有組織,我問係咪空心胎(做定心理準備),佢話可能啦不過要再照 然後就安排我照陰超,係第二個醫生負責,我就問醫生係咪睇唔到個胎有野?個醫生同我講「你個b係大隻b黎架喎!點會照唔到呀!急診室班人嚇你咋!」,然後佢睇多一陣就開聲我聽bb心跳同俾mon我睇,佢話「你睇,呢個係頭,耳腳初形,阿b佢仲係咁上下點頭tim!」 果刻我睇到個畫面,d眼淚就流出黎就好似阿b 點頭同我講:「係我呀媽咪,我係度呀!」 然後醫生問我想留院定出院,不過佢話留院就算再流血都唔會咁驚,所以我都決定左留院休息 多謝各位鼓勵同祝福,我同bb都會加油 [tr][/tr]
|