toto032013 發表於 17-8-14 17:58
hi李小 b太太, 我仔9月k2, 咁我近日又上網睇下 d 派位, 潮商今年小一派位, 50% 英中, 同以往差唔多, 我好 ...
唔好意思呀toto032013,我咁遲先覆你,因為宜家小朋友大左,我好少上bk呀...
最新update就係,學校真係好左好多人呀!我大女話開學果陣淨係要安頓好果六班小一bb響禮堂坐低,都要攪好耐!
我估揀潮商主要係睇:
1. 學校整體大方向:唔係一味谷成績,而係好注重小朋友身心、術科方面的發展,俾好多野小朋友玩,俾好多野小朋友試
2. 課程的量和進度:唔會教得太快,唔會一日教一課書,唔會成日默晝測驗
3. 功課量:其實唔算少功課,但係有一部份可以響學校完成,返屋企大約做30min就得,有時連續幾日返屋企無功課做都試過,不過有時都試過返屋企仲要做1.5 hour...
4. 校風和紀律:我自己問心唔覺潮商校風差,唔覺南亞/內地小朋友特別曳,小朋友都講得聽、都受教,個別有些小朋友返學放學會追來追去或者邊行邊玩,但我唔覺得太曳,唔係破壞公物,又無打擾途人,不過未必人人都接受到,有0的人可能唔鐘意小朋友太「活潑」
5. 師生關係和同學之間的氣氛:關係真係幾好,即使有些老師表面上好嚴,但見到小朋友都同佢地好親近,放學見佢地bye bye老師、或者學校有活動時見到佢地和老師同學之間的互動,覺得關係幾融洽
6. 習慣和不同民族的人融洽相處:香港地方細,好單元,響外國一班好多不同人種並唔出奇,不過香港就好少會咁,所以小朋友入左潮商,習慣下一班好多不同人種,大家融洽相處,其實係好難得的經驗,亦都係放眼世界的第一步
7. 英文:如果話語法呀、發音呀,就好難講,但潮商小朋友六年訓練後,人人都一定敢講英文,甚至用英文互相開玩笑,甚至「鬧交」,都唔會怕,我覺得趁細個俾佢地衝破到「開口講」呢個心理障礙,對於將來學英文、學外語,其實都幾有幫助
希望上面的分享可以幫到大家啦~
@ 如果有錢有社會地位先至會被人喜愛,呢個世界就太可悲了 @