論盡家傭

跳至

首頁
1

尾頁
   0


複式洋房

積分: 274


發表於 04-5-3 12:32 |顯示全部帖子

我收到食環署警告信

其實封信都係個幾月前收,我地晾衫個度係有個篷,係可以捲埋既,如果落完雨,會有積水,咁食環署話樓下有人投訴我地d水就咁淋落去,我老婆問個工人係咪咁,佢話係,問佢知唔知下面有人晾緊衫,佢話知,咁問佢點解唔搵布抹左先,佢唔出聲,其實滴水問題已經由佢初初黎都成日俾我地罵,有次佢夜晚佢晾佢d衫出去,後尾"食q"上黎話樓下投訴我地滴水,我即刻叫個工人收返d衫,見佢d衫真係勁滴水,唔似有扭過,後尾佢扭完再晾過,點知個"食q"又再上黎,真係火都黎,叫佢再扭過。
咁上個禮拜,佢朝早晾衫,因為之前落過雨,我老婆已經驚佢冇抹,叫住佢有冇水,要抹左先,佢話冇,點知佢一路拉過蓬一路樓下係度鬧,我老婆聽到叫住佢話樓下鬧緊,佢仲係話冇,後來"食q"又上黎,晏晝食環署又上黎,夜晚我返黎勁炳佢,同佢講如果真係俾人罰錢,就係佢人工度扣!


大宅

積分: 1141


發表於 04-5-3 12:38 |顯示全部帖子

Re: 我收到食環署警告信

咁你有冇出警告信比佢.多次警告無效就炒得.我覺得妳個工人一點公得心都冇,跟本唔會埋人地.


大宅

積分: 2119


發表於 04-5-3 13:15 |顯示全部帖子

Re: 我收到食環署警告信

BB爸爸,

你個case,我好像似曾相識,因為早前係BK度有一個爸爸講話要投訴樓上滴水,因為經多番勸告無效,所以我哋啲媽咪大多都叫佢向食環署投訴.

你依家首先要做嘅,就係叫你個工人洗完衫後,要佢用洗衣機弄乾啲衫先好浪出屋外,以防再滴水,影響他人,仲有當要收衫時,叫你個工人唔好理有水無水,都要用布抹一次個蓬.

如果你都想炒個工人,你應多出幾封warning letter畀個工人,同時要問吓勞工處,以你個case,可唔可以即炒個工人而唔使補錢,因為已經動到食環署咁大件事.


複式洋房

積分: 274


發表於 04-5-3 18:29 |顯示全部帖子

Re: 我收到食環署警告信

ballpen,
你講果個post我都睇過,不過我應該唔係個位爸爸既樓上,因為個post出之前我己經收左封信一排,希望個位爸爸唔好誤會,不過我對於受我地影響到既鄰居都感到好抱歉!
我而家呢個工人真係超級硬頸,淨係滴水呢樣野由佢上工到而家都起碼鬧過10次以上,我地其實係要佢自己用手洗d內衣褲,我地都俾佢用洗衣機fing乾d"面衫",係佢根本冇心扭乾,最後而家我要佢晾係廁所個窗出面,出面係冷氣機個台,應該唔會滴到下面,佢d硬頸野仲有係成日入廁所洗野唔柵門,我同佢講咁樣好易夾到bb,由第1日開始,每隔幾日就俾我地罵佢呢樣一次,有次真係爭d夾到我個仔,好在我岩岩趕得切拉開我個仔,淨係呢樣野都要成3個月先至改到!
至於話出warning letter俾佢而唔使補錢,我之都試過出俾舊工人,本來諗住唔使補,但問過勞工署,覺得最好係d好嚴重過失,例如偷竊,今次呢個工人冇俾到,不過都炳左佢又隔左幾日,而家俾好似擺明想炒佢,或者留返下次先(最好冇啦)。


大宅

積分: 1152


發表於 04-5-4 13:02 |顯示全部帖子

Re: 我收到食環署警告信

即比 warning letter. 話佢知事件嚴重,係違法的,可以坐牢.睇吓佢有冇改善. 又叫 Agent 訓示佢.

Ch7: Termination of Employment Contract

Please read Q7.3

Now, your maid is wilfully disobeys a lawful and reasonable order. You can terminate the contract without notice or payment in lieu.

食環署已出警告信,佢哋只會告僱主.再拖下去,有罪的係你.
罰錢你最多只能扣佢 HK$300 人工.

首頁
1

尾頁

跳至