產前產後

跳至

首頁
1

尾頁
   0


大宅

積分: 4425


發表於 04-5-8 00:39 |顯示全部帖子

真係唔知係好彩定唔好彩!

真係唔知係好彩定唔好彩!
我係廣華生左bb後, 我整個會陰傷口都好痛, 因為會陰傷口外面生了粒肉芽! 好似粒黃豆大! 痛左我好耐, 睇過廣華同健康院醫生佢都話可能唔會收番, 無辦法! 仲懶理我”tim”. 好彩最終2個月後個粒肉芽自動退左. 我仲以為好lucky 啦…..oooo….原來唔係!!! 我個會陰傷口裡原來都生左粒肉芽, 仲好鬼大粒呀!

外面個粒肉芽自動退左後, 傷口仍然都有腫痛, 仲有分泌”tim” . 咁我就去睇張醫生, book左好耐先睇到佢, 佢check左之後話我個裡面傷口有粒肉芽, D分泌係因為粒肉芽影響的. 仲叫我唔駛worry, 佢會自動消失, 而會陰內傷口仍未完全溶線. 咁我就以為可以鬆左一口氣. 點知…我個d分泌, 腫痛仍然持續, 仲有d血絲. book張醫生又無期. 我去左睇 李醫生, 佢一睇已經話我點解唔早d睇? 個傷口未埋, 又漏左一針, 線又未溶哂, 所以生左好大粒肉芽, 傷口發炎了, 因此分泌特別多, 依家好難好. 如果傷口仲唔埋口, 粒肉芽仲唔收番, 咁就麻煩la…可能要番縫呀...呀...咁恐怖????

我好擔心, 佢好細心同我檢查, 仲好小心咁同我夾走d肉芽….佢仲比番我睇….好得人驚呀!!! 好大粒, 好恐怖!!! 佢d手勢好好, 佢沒有令我好痛, 佢仲好似”tum”細路咁”tum”我. 仲比左d藥我先去消炎. 看看傷口及肉芽可唔可以好d. 希望唔駛番縫. 今日我返去覆診, 個傷口已消炎, 開始埋口, 但仲有少少肉芽未完全清. 佢再細心檢查, 再執執個傷口. 佢話我依家唔需要番縫, 再用多5日藥應該會無問題, 不用再番嚟覆診. 真係唔知係好彩定唔好彩!

你地有無MAMAS 好似有我D咁嘅事件發生過呢?
政府醫院生BB時係DR. 聯針 定係 NURSE?

我係個NURSE 同我聯…可能佢係新上場! 手工極差!


男爵府

積分: 9101


發表於 04-5-8 11:59 |顯示全部帖子

Re: 真係唔知係好彩定唔好彩!

PIZZA, 係米醫生幫你連線? 可能會生手d.

我係廣華生亞女, 助產士幫我連線, 有傾有講, 連得好像很好, 無痛同埋都好快無事呀.

希望妳早日好返.
(曾經失去, 更感恩現有的快樂)Timothy 係天父照顧沒有哭聲的細哥哥 Elisha 係細妹


民房

積分: 3


發表於 04-5-8 12:06 |顯示全部帖子

Re: 真係唔知係好彩定唔好彩!

嘩!你03年聖誕節生喎!到而家個傷口都未埋咁誇張,緊係唔好彩啦!話時話,傷口起肉芽係點嫁,等我都自己留意


公爵府

積分: 26770

畀面勳章


發表於 04-5-8 21:43 |顯示全部帖子

Re: 真係唔知係好彩定唔好彩!

PIZZA

我既情況同Tabima一樣, 廣華生女,助產士鏠針,有傾有講又唔痛,不過我都有粒肉粒,到6個星期返去覆診,姑娘話好常見,然後會慢慢消失,我而家都冇咗.


大宅

積分: 4425


發表於 04-5-9 21:25 |顯示全部帖子

Re: 真係唔知係好彩定唔好彩!

Tabima & debbie 媽,

我個會陰內的傷口好左好多, 至少唔再痛...多謝關心!!

我係廣華助產士幫我聯針, 都係有傾有講好開心,我仲好客氣唔該佢幫我聯"tim"..,希望佢聯得好d.

佢同我聯時都有d痛, 佢都聯左好耐, 佢聯完時話再check吓佢有無聯漏針, 點知佢都要番補幾針(個幾針佢要再塞返d棉花入去再連,都好痛吓), 我當時都好感激佢咁細心...點知....哎~~~~~~



大宅

積分: 4425


發表於 04-5-9 21:34 |顯示全部帖子

Re: 真係唔知係好彩定唔好彩!

dinga,

就係可能係聖誕節, 所以佢趕住收工囉(我諗)~~~~!!! :-( :-(

其實外面傷口, 我初初都唔覺有問題,好快埋口, 埋左口之後, 佢會係條疤痕度腫起一小粒, 之後慢慢變大的. (我都要2~3個月先收). 而裡面傷口的肉芽, 要醫生檢查先知.

**我沒有飲任何會導致有肉芽生的湯水或食品. 而上我D肉質不是差的. 基本上係連線手勢嘅問題.

首頁
1

尾頁

跳至