母乳餵哺

跳至

首頁
12

尾頁
   0


大宅

積分: 1329


發表於 04-5-11 00:23 |顯示全部帖子

BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了???

Dear all,

多謝各位的支持和鼓勵, 我現餵"全人奶"比bb食.但我不知道我的決定對不對, 希望您們能比D意見我……

My baby was born on 24/04/2004. 因我在院期間未上奶, doctor 叫我比BB每邊試吸5-10min.再補奶粉. She drink 3oz "A+奶粉" (每隔 4 hrs一次) in hospital (25/4-27/4) . 28/4-29/4回家後我又比BB每邊試吸5-10min.再補奶粉, 當時我都有少少奶, bb食少了奶粉(about1-2oz), 但食密左(每隔 2.5-3hrs一次).

29/04下午-1/5 BB因太黃入院照燈,期間淨食奶粉, 每隔 4 hrs一次, 每次3.5-4oz. 2/5回家後我開始埋身比"全人奶"bb食, bb肯食但每次只肯吃不夠10min.,又食密左好多(每隔 1.5-2hrs一次).My husband半夜頂不住bb cry so開奶粉比bb食, bb食到3.5oz 之後睡到3.5hrs才要奶. 之後我同husband講不要再比奶粉bb食!

2/5-now我上奶情況很好, 但bb每次只肯吃about 10min.,我點迫(護士話比佢抖下,掃風, “r”腳板……我已做齊) 佢都不肯吃耐一點, 佢食密左好多(每隔 1.5-2hrs一次),而家有時pump出來比佢食, 佢每次只肯吃1-2 oz, 又係點迫都不肯吃多一點, 食得好密(每隔 1.5-2hrs一次)!!! 我勁辛苦… …點算???

妳們可否教我點做???

奶奶: BB食得密又食得少點得, 仲乜唔比奶粉等佢食得好好地……
媽媽: 比奶粉BB食佢食得又好, 妳又唔駛餵得咁密咁辛苦……
亞姨:邊會食得咁密架?......妳不如比翻奶粉BB食啦!

最慘是BB照燈出院後黃度再上升, 現持續16度以上, 如接近20度又要再入院, 我同husband very worry about it…… doctor said 黃度同 “bf”有D關係……

家姐:最重要BB退黃, 仲乜要勉強餵人奶……

唉! BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了???

老公:人地講什麼不重要, 我支持妳繼續餵人奶…… (各位之前改變左佢)

希望您們能再比D意見我……


洋房

積分: 131


發表於 04-5-11 01:39 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

bryanmum :

妳沒有錯,最重要的是要堅持! 何況妳先生支持妳繼續餵母乳。

新生兒吃母乳是吃得比較密的,我的兩個寶寶開始都是如此,一~兩個小時吃一次,等滿月後情況慢慢會好轉的。妳現在有限的辛苦,可以為寶寶的一生帶來無限的好處。


大宅

積分: 2788


發表於 04-5-11 11:48 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

bryanmum

我跟你有類似經驗, 我囡囡1月尾出生...初期在醫院只顧住瞓, 就是我坐足一小時餵奶, 用盡各種方法...她只啜10-20分鐘, 因此唔夠尿,體重勁跌10%...出院後因為黃,要頻頻往返健康院及醫院, 第八天更要返醫院照燈, 住院一晚, 但留院共5天 (晚上準許回家!)...除了出生第一天, 因為我開刀,醫院要bb吃奶粉及bb住院第一天晚上未能泵奶到醫院外, 我bb也是全人奶, 第一個月我跟你一樣, 因為bb黃, 又唔夠水, 所以佢啜完後, 我還要用泵出嘅奶補給她, 十分辛苦, 每2-3小時就要重覆餵奶(30分鐘),補奶 (又30-40分鐘, 因為要用餵杯, 避免乳頭混淆), 及泵奶 (又30分鐘)… 雖然bb最後夠水份, 但黃嘅情況持續到滿月仍有18度之高…她出生頭三星期, 我差不多每天不是往健康院就是醫院兩邊走, 到了第23天, 健康院醫生轉介到醫院驗血, 擔心肝臟有毛病…luckily, 一切正常, 醫生話應該是因為餵人奶, 所以才黃這麼久…

見我這樣辛苦,姐姐等人也有建議我不如餵奶粉, 但因為大仔是早產兒, 我泵奶也可以餵了16個月, 故我相信雖然辛苦,我可以做得到!!! ..而且擔心吃過奶粉後, 很難再返轉頭…最後我也做到! 囡囡雖然上身不多, 但到現在囡囡3個半月大,我仍是全母乳餵飼, 返工後雖然較忙, 我仍然堅持泵奶… 因為我希望俾最好嘅野俾囡囡!

第一個月, 真是十分辛苦, 但滿月後, 情況應會好轉…

努力吧…這裡有很多媽咪可以給你支持和鼓勵…
我有兩個小寶貝!


男爵府

積分: 5774


發表於 04-5-11 11:53 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

bryanmum,

你和我的情況差唔多, 讓我分享我的經驗.

首先, BB食人奶是食得密些, 因為BB啜奶是要用很大的氣力, 不像用奶瓶, 不啜也會一滴滴的流入口, 所以bb會食一陣便休息, 過一會回氣後又會再食.

我的小玫瑰在出生後第三天開始黃, 頭三天在醫院都係餵一陣然後補奶粉. 但都要照燈.

出院後小玫瑰持續黃了十多天, 差不多要隔日到健康院見醫生. 我一直都怕小玫瑰的黃不退, 所以補奶粉, 直到有一個星期五, 醫生說比一天時間小玫瑰, 若星期六黃還未退, 便要回醫院照燈. 當時我覺得一天時間太少, 已打定輸數回醫院. 但健康院的姑娘說, 不如不要補奶粉, bb一餐吃不飽是不會餓死的, bb見冇奶粉補便會很認真食人奶. 於是我是把心一橫, 從當天開始餵全人奶, 佢餓便比佢食, 不用計時. 奇蹟果然出現, 到第二天星期六, 小玫瑰已退黃, 不用回醫院. 所以有時補奶粉會越補越亂七八糟.

健康院的姑娘說過, 不要比bb啜超過40分鐘, 如40分鐘後bb還未食夠, 即是bb沒有認真的食. 這時不要補奶粉, 可以餓一下bb, 等下一餐bb會知驚, 食得認真些.

第一個月的餵奶歲月是辛苦些, 要餵起碼8-12次, 但過了第一個月便會有大改善.

對於面對家人, 的確是十分困擾, 但只要你堅持, 沒有人能阻止你給bb最好的食物. 若我是你, 我會這樣回應家人:


奶奶: BB食得密又食得少點得, 仲乜唔比奶粉等佢食得好好地……
我: bb和我都在學習進食人奶, bb要時間適應埋身餵, 要用氣力, 我亦要學習怎樣配合bb, 找出雙方都舒適的餵哺方式. bb吸收能力強, 好快便會學識. (事實上, 你和bb亦是在學習, 所以不要心急, 很快便會把握好適合的姿勢)

媽媽: 比奶粉BB食佢食得又好, 妳又唔駛餵得咁密咁辛苦……
我: 辛苦只是一時, 希望你能支持! (我亞媽知道我堅決要餵人奶後, 都全力配合持支, 幫我扶著bb, 找出最好的姿勢).

亞姨:邊會食得咁密架?......妳不如比翻奶粉BB食啦!
我: 因為bb要用好多氣力吸啜, 所以咀仔好快累, 要小食多餐.

最慘是BB照燈出院後黃度再上升, 現持續16度以上, 如接近20度又要再入院, 我同husband very worry about it…… doctor said 黃度同 “bf”有D關係……
(bf對於退黃完全沒關係, 如果係黃, 食奶粉一樣會黃, 而有研究發現bf對黃bb和早產bb有很多好處. 我bb便是一個好例子.)

家姐:最重要BB退黃, 仲乜要勉強餵人奶……
我: 退黃係需要加速bb的新陳代謝, 只要餵得密些, bb一樣有足夠的奶汁和營養來作新陳代謝.

唉! BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了???

(老公吵著沒精神? 是, 會沒精神, 但只是一時. 我老公當時都沒精神, 但為了支持, 他從沒抱怨. 我老公下班回家會幫小玫瑰換片和沖涼. 晚上小玫瑰吃完奶, 我老公會抱著bb"暗"她睡覺. 半夜小玫瑰醒來吃奶, 老公會到bb床抱起她, 把她抱出客廳, 讓我餵哺, 老公會坐在我身傍, 等我餵完再"暗"小玫瑰訓. 如是者每晚起兩至三次身, 但早上還是會準時起身上班. 這亦是老公的責任呀! 這樣辛苦值得嗎? 老公話十分值得, 尤其小玫瑰人見人愛! 但這樣的生活只是維持了一個月, 到滿月後, 小玫瑰很快便半夜只吃一次夜奶, 而且我亦開始躺著餵, 老公只要把bb抱到床給我, 等bb吃完便把bb抱回bb床. 所以不必和老公客氣, 要他也出一分力啊! 你晚上亦要多休息, 日間才有精力湊bb.)

加油啊!


版主

積分: 15969

版主 好媽媽勳章 醒目開學勳章


發表於 04-5-11 13:15 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

bryanmum,

在你身邊, 有丈夫的一句:人地講什麼不重要, 我支持妳繼續餵人奶……,

你說 (各位之前改變左佢), 是改變你他對母乳的信心動搖嗎?

只要他曾經有這樣的信念, 雖然寶寶的哭鬧, 身邊親人的意見, 又或是不忍你因餵母乳而受苦也好, 相信"母乳是最好"的令大家重整起來, 繼續堅信母乳是最好的.

doctor said 黃度同 “bf”有D關係……,
是否指寶寶的黃疸是因為哺餵母乳所引起呢?

最新的研究發現, 母乳是不會導致嬰兒出現黃疽, 不過可能使初生嬰兒的黃疸情況較遲消退, 也可增加嬰兒體內的抗自由基, 整體而言, 對嬰兒是有益無害.......用奶粉來取代母乳是錯誤觀念. (全文請詳見 母乳不會導致嬰兒出現黃疽 )

這裡不少媽媽都經歷過堅持母乳餵哺黃疸寶寶, 她們都見證了堅持的成果是甘甜, 過程中的辛苦都因著寶寶的健康成長化作了動力, 是整個家庭的一個難忘印記!

每隔 1.5-2hrs一次吃奶是初生期的普遍現象, 我那個快4歲的兒子, 當年都如是吃了兩個多月的如此頻密的母乳餐啊! 回想起, 那些歲月, 我以躺餵的方式去解決密集式的母乳生活, 你有躺餵嗎?

今早, 我和老公花了兩小時的奮鬥, 才能成功帶兒子上學去. 唉! 餵奶的辛酸, 比起那兩小時, 真是微不足道啊!

bryanmum, bryandad,
我們給你們的家庭無限量支持! 加油啊!
【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !


大宅

積分: 1637


發表於 04-5-11 13:19 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

my son cried even more frequently at first few months. It is normal gar. after some time, you can adapt to it and bb would sleep longer. keep it up lar.


版主

積分: 15969

版主 好媽媽勳章 醒目開學勳章


發表於 04-5-11 13:35 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

再找來一些資料分享:------

黃疸是因為血中膽紅素過高造成皮膚及眼白變黃,最常見的黃疸為早發性的黃疸,發生在出生後二到十天。沒有得到足夠母奶的寶寶較容易有嚴重的黃疸,延遲哺乳、哺乳次數不夠頻繁、限制哺乳時間與次數都更容易造成寶寶黃疸。

(全文見: 母乳與黃疸 )
【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !


大宅

積分: 1392


發表於 04-5-11 13:40 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

Glad 寫道:
這裡不少媽媽都經歷過堅持母乳餵哺黃疸寶寶, 她們都見證了堅持的成果是甘甜, 過程中的辛苦都因著寶寶的健康成長化作了動力, 是整個家庭的一個難忘印記!


我諗我囡囡都經歷過黃疸既階段﹐當時我見佢黃黃地﹐但係我無帶佢去醫院/睇醫生﹐因為我知道大部份bb也會經過這階段﹐當時我只密密餵全人奶﹐黃疸幾天便自動消失。

bryanmum:
初生bb真係食得好密﹐我也是差不多每1小時至1.5小時便要餵一次﹐每次餵1小時﹐那時候真是身心疲累﹐唯有爭取時間休息﹐bb訓我又訓一陣。不過我知道餵人奶係初頭較辛苦﹐往後既日子是很輕鬆的﹐所以你要堅持唔好補奶粉﹐否則會影響你既奶量。

bb胃細﹐所以每次食唔多﹐而又要密密食。同埋人奶易消化﹐好快又會餓再想食。

你先生可否暫時睡在別的房間﹐bb的吵聲便不會那麼嘈到他呢? 呢個都係頭一兩個月既事﹐遲些bb會訓長一點時間。
[size=medium]Camille is now 34-month-old!!My Sewing Projects


大宅

積分: 2807


發表於 04-5-11 14:01 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

不用緊張,我初初一個月都好難捱,只要掌握bb的schedule就會好點啦。我個bb都係黃,護士都有鬧過我bf令bb黃,當時又真係未上奶,咪餵住奶粉先囉。照幾日燈,bb好番d,又上左奶,咪餵人奶囉。

我果時係日頭餵人奶,夜晚俾奶粉bb食,重會開濃小小(e.g.應該加100ml水,我只加95ml)。咁樣雖然唔係咁好,但一日一次之嘛,最緊要bb大人都有得休息。依家bb都係無論夜晚食幾多人奶,都要食幾啖奶粉先肯
laughin' to keep from cryin'


大宅

積分: 1152


發表於 04-5-11 15:08 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

bryanmum 寫道:
老公:人地講什麼不重要, 我支持妳繼續餵人奶…… (各位之前改變左佢)

希望您們能再比D意見我……

That's the most important. You've a very good husband. Keep on, the hard time will go.

我 BB 當初都係黃,徘徊係17-19度有兩週多,差不多日日都要去健康院(當時傷口還在痛).亦試過剛好20度要去醫院篤腳板. BB當初出院,都未識埋身食. 因為經常去健康院度黃,在護士長的教導下(姿勢),BB終於學懂埋身吃.
所以過咗第一個月,BB退黃之後,你會放心些.再遲些,BB吃得好D,疏D,你又會再輕鬆些.

最重要係你倆想唔想堅持餵下去,不要理會反對的聲音.


大宅

積分: 3344

畀面勳章


發表於 04-5-11 16:41 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

bryanmum :

既然你老公都支持你,你根本唔駛担心佢,我覺得媽咪因為唔夠瞓,休息少,會影響到上奶同心情,平時覺得冇關痛癢的說話,但而家會令你好唔開心同好煩,而且會覺得好孤獨,其實其他人只係唔想你咁辛苦,但唔知道咁只會令你更唔開心!放鬆啲,落公園行下散下心,多啲休息,頭1,2個月會係父母同bb的適應期,會較為辛苦,過咗會好好多,bb要多吃人奶,人奶先會上得多,比心機,多啲上黎baby-kingdom會有多啲同聲同氣的人比你呻架! :-P


民房

積分: 80


發表於 04-5-11 22:57 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

Dear Bryanmum,

努力呀,好多人支持你!!!

Don't give up breast feeding, it is the best thing for your baby. With such a supportive husband, keep going.

I remember my baby also being yellow for at least 5 weeks. He need to be admitted once receiving treatment and then with levels fluctuatiing between 16 to 19, eventually all his yellow subsided.

Sit back and relax. Take a good nap. Eat more. Drink more. Rest more. Then you will have more milk. It will cause the intestine of your baby to move better that will help to excrete the yellow pigment.

doctor said 黃度同 “bf”有D關係: this is not wrong, but doesn't mean you need to stop bf, it is because it takes some time for mums to 上奶, before that, intestine movement is less and less yellow pigment passed out. As you 上奶, your baby feeding is better then the yellow pigment will improve.


For 奶奶, 媽媽,家姐,亞姨, if they are not living with you, limit them from visiting you in the time being or try to take nap when they are visiting you.



珍珠宮

積分: 33409

好媽媽勳章


發表於 04-5-12 01:34 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

我都支持你呀

我都係同其他母相媽媽一樣情況


別墅

積分: 951


發表於 04-5-12 04:03 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

我 都 支 持 你 呀 ﹐ 唔 好 放 棄 ﹗
我 BB 出 世 第 一 個 月 我 每 晚 都 起 身 3 - 4 次 ﹐ 但 係 情 況 會 慢 慢 改 善 ﹐ 當 你 發 現 你 不 用 再 每 晚 起 幾 次 身 ﹐ 你 會 為 自 己 和 BB 共 同 努 力 而 驕 傲 。 呢 到 好 多 媽 媽 都 經 歷 過 ﹐ 你 都 做 得 到 ﹗ ﹕ D


別墅

積分: 601


發表於 04-5-12 09:54 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

yuenwa ,
你有這麼好的老公,真幸褔.
bryanmum,
是啊,很多時候,老公的支持是最要緊的,你讓他看這個TOPIC吧.
我仔仔出院第三日,就因為黃要住醫院,那時我已經上奶,知道仔仔要住醫院,我的眼淚立即下來了,因為那是還是SARS期間,我不能親身去醫院餵奶,醫院指明要餵奶粉,不能餵人奶 :-( 那時候我好擔心,最怕仔仔喝完奶粉不肯吃我的奶,又怕乳頭混淆,總之在仔仔住醫院期間,又不能探望,只能一天打一次電話詢問仔仔的情況,我唯一所做的就是泵奶,每三個鐘泵一次,保持奶量,幸運的是,仔仔只住了二天醫院就出院了,回來也沒有乳頭混淆,非常享受的享用我美味的奶奶 他出院的時候,全身還是黃黃的,但我並不理會,照餵,他的黃自然也就退了,不要理會某些的醫生或姑娘的癈話,BB越是黃,越是要餵人奶,人奶是幫助BB排出膽紅素的,雖然BB黃餵人奶都是原因,但這是暫時的,照餵就是了,千萬不要餵奶粉,餵了奶粉情況是不會改善的,餵人奶就會.
頭一個月,每二至三小時要餵一次,因為BB還小,少食多餐是很正常的,夜晚也要餵二至三次,大約到了二個多月,仔仔的情況穩定下來,每三個鐘餵一次,夜晚起身只餵一次,到了三個月後,我讓他介了夜奶,餵奶時間是四個小時餵一次.所以辛苦的時間是暫時的,加油,堅持下去,人奶始終是BB最好的食物.有因難就上來BK傾一下.
加油, 努力呀
你們要將一切的憂慮卸給神,因為他顧念你們。 (彼得前書5:7)


大宅

積分: 3684


發表於 04-5-12 12:35 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

bryanmum
這裡有很多同道中人支持你! 加油啊!
我bb當初雖然冇黃, 但我聽到你的情況真的令我有很真切的感受啊! 有一個這樣支持和諒解你的老公, 再辛苦也是值得的! 你們同甘共苦走過這條路能令你們關係更穩固, 亦令bryandad真真正正知道你的辛苦! 好過我老公, 這半年以來, 我問了幾次好唔好繼續餵 (我只係隨口問下, 如佢話唔好亦唔會影響我) 佢每次都無寧兩可, 最後索性話: "你鍾意餵就餵啦!" 都完全唔支持我既!
我都明白要應付身邊其他人的不同聲音會令你煩上加煩, 好大壓力! 所以我完全唔理其他人講乜, 一於你有你講, 我有我餵, bb係自己既, 係你先有權決定比d咩比bb! 我當初剛生完兩面d屋企人都好多野講, 意見多多, 由當初"點解bb食得咁密, 食人奶冇可能唔使餵水, 有冇'逗'bb大便以致做咩咁遲先開始餵糊仔, 點解唔食粥仔".......等等, 雖則係出自關心, 但可知我當初生完情緒好不穩, 加上我本身亦係惡惡地既人, 我份工又非常大壓力, 令到我經常發脾氣, 真的辛苦到想死, 亦因此跟屋企人關係變差, 身邊既人都唔敢出聲! 直至最近自己才收歛。我一度以為自己精神有問題, 想去睇心理e生。依家知道自己係過份左, 但見到囝囝依家咁精靈可愛, 我當初既辛苦同承受既壓力根本就微不足道。其他人亦無話可說!
我當然唔建議你好似我咁, 我只係想話比你聽千祈唔好放棄, 你既堅持係值得既, 好快你會見到你努力的回報!


侯爵府

積分: 24746

2019新春慶豚圓 2019勳章 育兒性格勳章 想生BB熱投 好媽媽勳章 醒目開學勳章 畀面勳章 BK Milk勳章 親子王國15週年勳章 親子王國15週年勳章


發表於 04-5-12 13:03 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

bryanmum
你好好呀!有老公支持.比心機!
呢度d媽咪個個都經歷過,真係先苦後甜,苦盡甘來.
加油呀!請不要放棄!
俊曦網頁[url=http://hk.myblog.yahoo.com


男爵府

積分: 5774


發表於 04-5-12 13:51 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

係呀! 因為我夠惡, 我老公怕左我:lol: :lol: :lol: 其實老公係好鍚bb, 驚我唔夠訓, 一時手軟跌左bb落地, 所以佢負責抱起bb. 我覺得bb大家都有份, 大家都要付出. 老公日間要返工咩, 老婆日間都要湊bb啊, 所以半夜大家都冇得訓係好公平的. 所以要成功餵人奶, 就千奇唔好同老公客氣啊! :-P


winnie30 寫道:
yuenwa ,
你有這麼好的老公,真幸褔.


大宅

積分: 1329


發表於 04-5-12 16:54 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

原來有這麽多媽媽有類似的經驗, 十分感謝您們的分享和support, I will try my best!!!

今天bb的黃度下降了一度, 希望是好的開始!


伯爵府

積分: 18214

好媽媽勳章


發表於 04-5-12 17:43 |顯示全部帖子

Re: BB黃, BB每隔 1.5-2hrs吵一次, 吵得老公沒精神上班, 餵奶pump奶好辛苦……我是否錯了?

你可以同bb曬下太陽, 咁會幫助佢退黃, 而且不可吃"蔘"類補品, 咁都會令bb黃d!

我大女(現在4歲), 黃到滿月都未退, 一星期返健康院兩次!

我細仔(現在10個月), 都係黃到滿月都未退, 一星期返健康院一次!

但現在已經大個左, 冇事啦!

仔仔上個月因肺炎入左院, 我曾經質疑係咪我既人奶比唔到足夠營養而令佢病, 但醫生話比我知, 係我d人奶救左佢, 如果唔係仲病勁d, virus勁到傳染我家上上下下大大小小11人, 我真正覺得餵人奶係值既!

首頁
12

尾頁

跳至
熱門主題
你需要登錄後才可以回帖 登入 | 註冊