懷孕前後今日: 14|主題: 329669

收藏本版

發帖

返回列表

跳至頁

查看: 1889 | 回覆: 16

威院不愉快經歷 (Part 1)

TYL71

別墅

積分: 545

發表於 15-3-24 19:36 |顯示全部帖子

2014年7月尾, 發現有左 (第一次懷孕), 好開心!

其實未check中左之前, 我下面左右兩側都有d扯痛感覺, 仲有少少肚痛, 知道懷孕後約第2-3日, 有少少流啡, 由於第一次有, 我怕小氣咩人都無講, 日日上親子王國睇, 我見好多人都話有流啡, 覺得好平常, 而且初期懷孕有扯痛感覺係因為子宮擴展中, 所以無理. (當然, 我依家知道我係錯晒)

之後有少少鮮血 (5蚊銀咁多), 我瞓左1日床, 又無事喎! 由於Book左既婦科醫生又要排成個月, 我個肚又成日陰陰痛, 星期日朝早頂唔順, 求其上網搵左個係深水埗可walk-in既婦科, 佢check到我係有懷孕, 但照唔到, 佢話可能太早, 但唔排除宮外孕, 叫我過2星期再check...

我keep住有少少流啡, 再過2日...凌晨3點幾, 發現有d鮮血, 好眼瞓, 諗住瞓醒再睇, 第2朝發現成塊M巾濕透了鮮血, 去威院急症, 等左差唔多2個鐘, 見急症醫生途中我下面跌左一抽組織出黎, 醫生話我子宮開左, 應該小產過程中, 上到病房, 等到黃昏有婦科醫生幫我檢查, 話見到有d異常, 有陰影...跟住佢就call機響, 話有緊急手術要做, 要走先, 叫我唔好飲水食野, 佢晏d先搵我. 又等到大約凌晨1點, 個婦科醫生話我左邊輸卵管有陰影, 好大機會宮外孕, 如果迫爆條管會有生命危險, 要安排第2日朝早做腹腔鏡手術(微創). 我好奇怪, 明明係急症成抽野跌左出黎, 仲點宮外孕啊! 醫生話表面睇, 果抽野只係人體組織, 證明唔到係胚胎, 要拎去化驗先知. 但我地依家照到你輸卵管有陰影囉, 有8成機會係. 叫我諗一諗, 做就簽紙, 再揀邊隻切除方法...

大佬啊! 你講到一爆我就內出血, 仲要緊急到第2朝就做, 我可以點吖! 深水埗個醫生又提過我可能宮外孕, 依家你又話8成係, 唉...醫學既野, 我識條春咩...咁我做囉. 我心諗, 小產已經唔開心, 仲要切埋個輸卵管, 真係黑仔! 做完後 (痛就一定有), 都無醫生見我, 又撞正假期, 我stay左3日, 已經好想走, 夜晚又問姑娘我走得未, 佢話聽日問醫生, 要佢簽紙我先走得. 第4日, 終於見到醫生, 佢檢查下我傷口, 話我出得院嘞.

醫生: 你...知唔知你無切到輸卵管架?
我: 吓~~ (茫茫然中)
醫生: 我地開左你個肚之後, 發現你唔係宮外孕, 而之前講既陰影係一種人體可以自然吸收既水囊. 所以無幫你切除, 半個鐘都唔駛, 推返你出黎啦!
我: (心裡暗喜, 好野, 無切到, 覺得鬆一口氣) 無人同我講過喎, 都無醫生見過我.
醫生: 無理由架喎, 你做完一定有醫生同你講返, 會唔會你麻醉藥未散唔知咋.
我: (心諗麻醉藥未過, 你同我講托咩) 咁我係咪即係純粹小產? d血流淨就OK, 可以出院?
醫生: 係啊, 轉頭拎埋覆診紙出得院啦

(待續) 最嬲既事情係後面

當時感想: 其實仲有疑問, 但我實在太想返屋企, 所以算啦! 我同老公聽到話無切到時, 其實大家都開心, 雖然好唔抵, 無嗱嗱做左全身麻醉, 又俾人白白開左3個窿. 當時感覺醫生都係人, 有時斷証都唔能夠100%肯定, 要開左個肚先知, 我地覺得可以理解, 所以無嘈過. 反而家人同朋友嬲到震, 仲話我同我老公點解唔追究...

私人傳訊