懷孕前後今日: 9|主題: 328740

收藏本版

發帖

返回列表

跳至頁

查看: 1564 | 回覆: 20

威院不愉快經歷 (Part 3)

TYL71

別墅

積分: 545

發表於 15-3-25 18:01 |顯示全部帖子

姑娘叫我入醫生房，我老公諗住跟埋入去，點知個阿姐話先生麻煩係出面等等.
我坐左係櫈，醫生好溫柔咁問: XX (我個名最後2個字)，你點啊？邊度唔舒服? 一下子我d冤屈情緒湧上心頭，嬲到標眼水，我情緒帶點激動咁講返晒由我入院不幸少產，到開個肚閂我肚，傷口唔舒服求助無門，到頭先出面條友hea我走，我語氣亦帶點炸型. 醫生聽完都O咀，仲話點解你傷口唔舒服唔黎我呢邊啊，就算未到覆診期我地會幫你睇架 (我心諗鬼知你咩部門打咩部門咩，黎又黎過，係d姑娘叫我走之嘛)

醫生: (聽完我講後) 我唔係你既主診醫生，其實我都係睇排板架咋...唔...你等一等，我了解下先!

我被安排坐埋醫生房既一邊，之後有幾個行政人員入黎 (看似高級，有d外面再著白色袍)，同個覆診醫生好似好凝重咁密密斟，佢地好細聲，我咩都聽唔到，我心諗咩事咁大陣仗，頭先出面等，我見d人入去覆診都無咁樣. 行政人員走左，醫生叫返我埋去. 佢開始巴巴巴解釋，我打斷佢，我話我要求我先生入黎聽，佢都想知我發生咩事 (我陰謀論諗，你地特登分開我一個人聽，一大推資訊，醫學名詞塞埋黎，博我黎唔切消化同反應，質質膊了事. 加上我無乜記性，都係叫埋老公好，我笨在無錄音)

醫生: XX, 我了解過你既事情，你當日下體出血入黎，我地檢查過，你輸卵管有陰影，根據你當時情況，好大機會係宮外孕，你當時亦清楚明白並簽紙同意手術既. 手術過程中，我地發現你唔係宮外孕，而陰影係一種人體可以自然吸收既水囊，一種女性周期性會出現既水囊. 所以手術無切除我任何野. 手術完左，主診醫生亦都有同我解釋返.

我: 無! 做完手術根本無人同我講過，我係出院果日見醫生佢先同我講 (呢點口同鼻拗，無得講落去) 唔做都做左，我都算啦，但你依家同我講所謂既陰影竟然係女性周期會出現既水囊，連呢d咁簡單既水囊你地都可以分辨錯!!

醫生: 其實超聲波儀器可以睇到既野真係好有限，好多時候，我地真係需要做手術用肉眼去分辨 (既然都做左，我初初又選擇原諒，唔想拗落去)

下删一堆解釋

醫生: (溫柔聲線) 咁你傷口係咪唔舒服? 我幫你睇下
我: 係啊，同埋我念珠菌 (呢個病真係好煩) 返發，下面又紅又腫痛
醫生: 咁麻煩先生出返去，你瞓上床先.
醫生: (檢查中) 咦! 你肚臍入面果d咩黎?
我: 吓!!! 我一出院就已經係度嘞喎，你唔好嚇我喎! (有無搞錯啊？你反問我咩黎)
醫生: 唔..我睇睇...你個肚臍窿入面長左肉芽，d肉拍唔埋，你傷口一直埋唔到口喎...
我: 有無搞錯啊! 你地果d咩醫生黎架? 又斷錯証，手勢又咁差，我一做完舊野已經係度架嘞!
醫生: (keep住溫柔) 唔...其實我都唔知呢知係做完有定佢自己長出黎，不過依家咁樣，我會即刻係度幫你割左去，等你可以埋口
我: 吓...即刻...(我根本無準備，不過都無得揀)
醫生: (保持笑容) 你放心，我會打些少麻醉藥係你肚臍附近，再用刀片幫你割左去，唔會太痛架.
我: 哦...
醫生: (升高左張床) 阿姐，麻煩過黎幫幫手，幫手張開同定住肚臍個位

我見到個阿姐雞手鴨腳咁走埋黎床邊，格格.....張床“林”左 (嚇鬼死我，間醫院係咪痴線架)
原來阿姐唔知hi到咩掣，張床 (雙腳位置)傾斜左唔知幾多度，我都嗌左一聲，好彩塊刀片未放入黎...否則.

醫生高聲: 全部人唔好郁...(大家定晒)，阿姐，識唔識踩高張床?
阿姐都驚驚地: 我...我唔識架...
醫生: 大家唔好再郁，我依家幫你割 (我仲驚過你)

最後順利完成，我擔心傷口再點唔識處理，醫生開左紙俾我日日去健康院洗傷口 (之前我問過無紙唔俾我洗)，直到再覆診. 佢再講化驗報告出左，之前我跌出黎既人體組織無發現任何胚胎，可能係我去廁所跌左又或者係塊染血M巾度，不過驗血既懷孕指數，由我入院到出院跌左好多，我應該係小產左. 同時，驗出有B型鏈球菌，話我下次懷孕一定要俾我醫生知，因為羊水穿前，要打唔知咩針，否則好易感染BB,令BB好易出現發燒或腦膜炎之類. 平時呢個菌對人體無害，即使食抗生素，個菌都成日會有返.

事後我同老公講返，都覺得所有野都好痴線. 有咁多野講，你仲叫我走，如果我傻下傻下走左，根本無人再幫我跟進. 政府野，真係...唔親身經歷過都唔知咁恐怖...但呢個醫生態度真係好好，又唔關佢事既...我都無為難佢

(待續) 再離譜都仲有

私人傳訊