論盡家傭

跳至

首頁
1

尾頁
   0


水晶宮

積分: 50447

2019新春慶豚圓


發表於 04-5-12 09:22 |顯示全部帖子

急! 請幫忙! 菲傭要返菲律賓奔喪 – 機票及其他問題

昨晚個菲傭喊住咁同我講, 話佢家姐剛過o左身, 想返菲律賓奔喪一星期. 我都會比佢在下星期中返鄉下, 由於咁, 我有以下問題, 請各位幫忙 –

1) 邊間travel agent可信同相宜, 我個菲傭的route 係 HK -> Manila --> General Santos;

2) 菲傭只做了7個月, 佢可唔可以離港返菲律賓再返黎? 需唔需要到入境處, 勞工處同菲律賓領事館攪手續?

3) 我需唔需要在佢未飛之前, 簽番一張申請假紙比我?

4) 個工人冇錢, 機票我會幫佢出住錢先, 我應該預早出今個月糧比佢, 定還是佢返黎之後, 續個月扣錢呢? 邊個方法好d同有沒有其他更好的安排? 張糧單又應該點寫?

5) 有沒有其他o野我要注意?

唔該晒各位先!


大宅

積分: 2119


發表於 04-5-12 10:06 |顯示全部帖子

Re: 急! 請幫忙! 菲傭要返菲律賓奔喪 – 機票及其他問題

birdbird,

其他嘢我唔係好識,我只係畀少少意見你,你一定要你個賓賓親自寫一封請假信畀你,寫明原因同放假日期,如果可以嘅話,叫佢寫定一封辭職信,以防佢唔返來,個生效日期就係佢返來嗰日,如果你打算幫佢出住機票先,你一定要佢簽返封借據,話借左你嘅錢,要寫明幾時還,同點還,仲有你唔可以預早出糧畀佢,要記住呢一句'財到光棍手,一去無回頭',呀!仲有,佢返來後,要佢簽返放左幾多日假,喺完約時,扣佢啲大假,如果穩陣啲,喺佢返來後一頭半個月,帶佢去驗孕.


大宅

積分: 4095


發表於 04-5-12 10:22 |顯示全部帖子

Re: 急! 請幫忙! 菲傭要返菲律賓奔喪 – 機票及其他問題

我們的菲傭做了6個月請假回鄉一星期, 參加他長子的畢業禮, 機票佢自己比, 自己買, 但一早比我們看有出發及回程日期. 他有要求預支工資, 若一星期, 但問過勞工處, 出糧不可遲過工作後糧期7日, 否則遺法.

我在出糧收據寫明他申請事假日期, 有幾多日是工資,有邊幾多日是預支工資, 及他回工作崗位的日期, 及工資會在日後人工或假期扣除.

我亦要他寫信請假, 列明原因, 日期, 及他自己寫上當日不回來可終止合約.

最後, 他真的回來了, 還買了套衫褲比bb, 及兩盒芒果乾給我們. 但他說唔想扣人工, 亦因他星期日去教會, 所以會在勞工假扣回, 但要到今年十月才可抵消晒.

明傑爸爸


大宅

積分: 1152


發表於 04-5-12 16:45 |顯示全部帖子

Re: 急! 請幫忙! 菲傭要返菲律賓奔喪 – 機票及其他問題

佢的出糧日係幾多號,可以返黎之後才出糧,應該未過法定的7日內.你出哂機票又預早出定糧比佢,小心佢出古惑唔返.
佢哋時時都係用咁的借口回老家.
你個工人平日表現如何?小心佢玩野.
叫佢簽定封辭職信比你,7日後唔見人當自動辭職,今個月未出的糧就當係代通知金.你重要蝕咗張回程機票比佢.
如果佢以前在香港打過工的話,唔會無錢架.
留意吓佢有無借落街數.
lock好你的貴重財物,睇吓佢執咗 D mud 野行李,佢哋有可能只留幾件衫擺個空城計.
總之你當足佢會"走佬"咁處理,唔好比佢攞走你任何野,包括你屋企門匙.保障你自己.


水晶宮

積分: 50447

2019新春慶豚圓


發表於 04-5-13 09:22 |顯示全部帖子

Re: 急! 請幫忙! 菲傭要返菲律賓奔喪 – 機票及其他問題

Charlene & 各回應我的朋友,

真係多謝你地o既關心同提點.

我個工人除了有時面黑, 一直都good record. 我相信佢冇講大話, 因為佢曾經話過比我知, 佢有個家姐長期都病, 而個姐夫又冇o野做. 我工人仲話佢家姐過身之前, 都有同佢要錢. 佢昨晚傾o左好耐電話, 仲一路傾, 一路喊.

我個工人可能都仲有少少錢在香港的銀行戶口, 但當我問佢點解唔今個星期五即飛返菲律賓, 佢話而家冇錢買機票, 想下星期先走, 我就二話不說話幫佢訂機票先, d錢以後續期扣, 佢就話好.

我會照你地比我的 advice, draft番封信比佢簽, 講明佢放假日期, 唔返香港當佢辭職, 與佢同我之間的薪金 & 假期安排, 保障番自己.

另外, 有關計假期日數的問題. 我個工人會在星期三晚飛, 在隨後的星期三晚返, 咁佢係請o左6日假定7日呢 --- 即係, 放假期間的星期日計唔計? 我老公話, 個工人每做7天才會有一日休息日, 而家佢放o左假, 所以佢放假o個一日星期日, 應該係當做請假.

與此同時, 工人約滿之後的14天年假, 究竟係calendar days 定還是 working days 呢?

首頁
1

尾頁

跳至