懷孕前後

跳至

首頁
1

尾頁
   2


別墅

積分: 540


發表於 15-3-26 16:53 |顯示全部帖子
本帖最後由 TYL71 於 15-3-26 16:53 編輯

見完孫醫生第2日,我同老公怒氣沖沖咁去威院!我老公直情想反轉間醫院,殺人咁款! 佢同我講,依家當我老婆白老鼠呀,係咪威院最近無手術俾實習練習啊,係唔係都叫人開肚 (雖然我地都明白實習醫生都要靠經驗累積先能成為大醫生,我地都肯俾機會人,以為點都有個大粒野睇住,但當你成為白老鼠時,個心又唔係咁諗). 既然想找人晦氣,我都由得老公keep住團火.

首先,我去左個病人資料唔知咩科,申請個網上醫療xxx(唔記得叫咩),之後我會有個password, 然後我再俾個password孫醫生,佢就可以上網睇返我係威院做過d咩. 間醫院咁大,我都唔知拎封信去邊? 老公拎住封信,求其捉個職員,指住封信既抬頭人話: 我要搵呢個人,佢係邊! (態度都幾惡下),職員: 你搵佢咩事啊? 老公: 你唔好理,總之我要搵佢! 職員: 佢係我地婦產科最大既,am...你行果邊啦(手指方向),老公仲同我講: 啱嘞,搵個最大既講! 我: 老公,信係就係咁寫,不過可能係孫醫生知道威院呢科邊個係主管先咁寫Dear xxxx, 我諗我地唔能夠咁樣搵到佢...,老公: 我唔理,總之佢寫呢個我就搵呢個,你跟住黎啦(我老公嬲起上黎可以好野蠻,見佢都係緊張我先咁樣,我都無出聲)

行到個office門口,鎖左門,有個看似高級護士長/秘書既人問我地咩事,係咪book左私症? 我地話唔係,指住封信話要搵呢個人,佢話無book醫生唔會見你,話如果你要俾信醫生,要去婦科2樓交低,佢地會轉交醫生. 我地俾人2句就收左皮,死死地氣又去2樓...排到我,我同姑娘講俾呢個醫生,佢影印左信同超聲波片,望望封信問我係咪睇症,咁我確實想見醫生咪答係,我追問醫生幾時會睇到封信,佢話1星期度,到時寄信俾期我見醫生.

找晦氣不成,同老公你眼望我眼,咪走囉. 睇下1星期後見唔見到醫生,唉…政府d程序好死,想搵返醫生真係好難既事. 終於等到信嘞,一拆開,我頂吖,2015年12月2X日!!!

2星期過去,又見孫醫生,好不幸...個畸胎瘤仲係度,約2 x 3 cm, 我問醫生,我再陀BB,生既時候一次過做得唔得? 醫生唔建議,雖然大部分畸胎瘤係良性,但逢係瘤都有變數,如果到時變大影響到BB,大人小朋友都危險. 老公都想我搞掂晒先再陀BB,問醫生手術幾錢,佢答8萬幾,10萬留下,我同老公都唔知正常係咩價,但心裡面都覺得比預算高.

同孫醫生對話,佢無教我做d咩,但曲線令我明白威院有無出錯,同埋我有投訴既權利. 至於點做法,就我自己決定. 唔知點解,我同老公都覺得呢個醫生好好,佢睇落好後生,但比我感覺好pro.令我覺得如果搵佢做,我會好放心. 我搵我保險agent,講返手術價錢,佢表示比正常好似偏貴,問我需唔需要睇多個先決定,果一刻,我拒絕左,難得我搵到個令我咁有信心既醫生,我唔想轉黎轉去...

(待續) 衝擊威院


大宅

積分: 3772


發表於 15-3-26 17:20 |顯示全部帖子

回覆:威院不愉快經歷 (Part 5)

樓主,我都睇到火都黎埋

威院真係pk


大宅

積分: 4443


發表於 15-3-26 17:29 |顯示全部帖子

回覆:威院不愉快經歷 (Part 5)

孫醫生真係一個好醫生
如果我係樓主就搵孫醫生搞掂算數,做手術始終有風險,微創都好傷身!反正保險可以claim!


大宅

積分: 2865

畀面勳章 BK Milk勳章


發表於 15-3-26 17:37 |顯示全部帖子

回覆:威院不愉快經歷 (Part 5)

真係不知所謂到極點!好嬲呀睇到!





禁止訪問

積分: 1277


發表於 15-3-26 19:19 |顯示全部帖子

回覆:威院不愉快經歷 (Part 5)

提示: 作者被禁止或刪除 內容自動屏蔽


別墅

積分: 723


發表於 15-3-26 19:58 |顯示全部帖子

回覆:威院不愉快經歷 (Part 5)

對所有政府野都好嬲好失望!!!
好鄧樓主唔抵!但又咩都做唔到!


複式洋房

積分: 125


發表於 15-3-26 20:18 |顯示全部帖子

回覆:威院不愉快經歷 (Part 5)

真係想講粗口!但粗口都表達唔到個種想爆鬧嘅情緒!!同醫院玩投訴真係好煩好浪費時間,最好揾傳煤報導下!攪大佢睇下佢仲係咪hea您!




複式洋房

積分: 234


發表於 15-3-26 20:30 |顯示全部帖子

回覆:威院不愉快經歷 (Part 5)

我覺得一定要投訴到底... 並唔係話要追討d咩... 而係要令有關人士知道自己既疏忽/處理不當係會令人受到不必要既傷害... 希望將來唔好再有類似既受害者出現...




大宅

積分: 2030

2018復活節勳章


發表於 15-3-26 20:55 |顯示全部帖子

回覆:TYL71 的帖子

政府醫院嘅職員求其到不得了,上次我首次看門診登記,個staff攞我ID對住都入錯我個中文名第三個字,好在我眼利睇到


大宅

積分: 1799


發表於 15-3-26 21:08 |顯示全部帖子

回覆:威院不愉快經歷 (Part 5)

好替你不值呀




別墅

積分: 844


發表於 15-3-26 21:10 |顯示全部帖子

回覆:威院不愉快經歷 (Part 5)

同意呀!!! 呢d事唔可以縱容,醫生收咁多錢做錯野最少都俾個交代丫!!! 無啦啦開一刀又check唔到卵巢有事勁有問題囉!!!!! 贊成追究到底同搵傳媒幫手~~~~


男爵府

積分: 9536

DHA勳章


發表於 15-3-26 21:21 |顯示全部帖子

回覆:威院不愉快經歷 (Part 5)






子爵府

積分: 12944

2020勳章


發表於 15-3-26 22:15 |顯示全部帖子

回覆:威院不愉快經歷 (Part 5)

真係不幸……


子爵府

積分: 12944

2020勳章


發表於 15-3-26 22:17 |顯示全部帖子

回覆:威院不愉快經歷 (Part 5)

為何現在才post


別墅

積分: 563


發表於 15-3-26 22:35 |顯示全部帖子

回覆:威院不愉快經歷 (Part 5)

救命呀,點解可以甘差嫁!




首頁
1

尾頁

跳至