吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 珠海橫琴長隆分享，入住馬戲酒店

親子旅遊今日: 2|主題: 160791

收藏本版

發帖

返回列表

跳至頁

查看: 9532 | 回覆: 52

[中國] 珠海橫琴長隆分享，入住馬戲酒店 [複製鏈接]

12 3

CHAIRMUI

大宅

積分: 1809

1^#

發表於 15-4-6 04:53 |只看該作者 |倒序瀏覽 |打印

4/4/15 - 5/4/15
經中旅訂包中港城至九洲港船票九洲港至橫琴長隆車票
8點30分船，如果想買早餐要預早dd去到，大假期多人到不得了，買早餐用上半小時。得m記/大家樂。船程大約1小時15分鐘。
原本10點50分車票由九洲港馬頭去橫琴，但中旅職員購票時提醒如早到可嘗試問有冇候補位上接送車。我地一行6人成功提早半個鐘，上左10點20班車。話車程40分鐘，但有塞車，差唔多1小時15分鐘。
有2個落車點，1，企鵝酒店 2，橫琴灣酒店。如需入住馬戲酒店，可於橫琴灣酒店落車轉電動車過去。
12點到達馬戲酒店，可先check in留房。多職員，但手腳都較慢，等check in時聽到原來就算辦好手續後都要再去另一到換海洋皇國及大馬戲門票，所以建議安排分頭排隊，因為換門票果到仲多人排隊同得好少職員。
Check in要比證件登記，發現職員好鐘意話你book果間係2張單人床，所以如果係訂房時講左係訂大床的話要同佢講，因為前檯跟本係check唔到究竟你係邊款床，佢要打去訂房部先confirm到。辦理左留房手續，只會比房號及早餐卷，可於3點後到取房卡。呢個時候就可以去寄存行李，再返返去換門票到，出示早餐卷去換海洋皇國及大馬戲門票。
唔知係咪因為假期，所以有2場馬戲表演，5點及8點。之前睇過分享，知道8點有煙花，所以選擇左5點果場馬戲。電腦自動劃位，職員話先出最佳位置。
入場，第一次要用門票及紀錄指紋。紀錄左指紋後，之後再入樂園或馬戲都必須用門票及對指紋。所以千萬唔好同朋友掉轉張票，因為好多big6集中一個人袋票，再入場就對唔到指紋，一個一個試。

0 0 0

私人傳訊

CHAIRMUI

大宅

積分: 1809

2^#

發表於 15-4-6 05:28 |只看該作者

回覆：CHAIRMUI 的帖子

1點幾成功搞好晒入到樂園，拎定地圖及表演時間表。樂園好多人，睇下自己最想做d乜。
我地先去睇左d館先，因為d館都幾大，可容納到幾多人，所以無謂排隊玩機動遊戲先。睇晒d館先。原本想2點半去睇海豚表演，但由於趕唔切，所以要改第二日先睇。睇晒d館都4點鐘，買左雞脾醫肚先。小食亭最抵食係雞脾，因為大部份野都係rmb20,包括拾粟米半條/司華力腸。另外見到最過份係魚蛋5粒 rmb30蚊。飲品都差不多係rmb10蚊一支。馬戲職員話要預早半小時入場，所以我地邊行邊食。由海洋皇國門口行返去大馬戲要20分鐘。
到達大馬戲如果有時間，建議先去下廁所/行下商店/買d野食。熱狗珍寶腸rmb10。抵食。另外提醒大家，商店內購物要膠袋係需要收費rmb2。所以建議帶定個環保袋。馬戲準時5點開始。睇大約1.5小時。會有互動，請小朋友/大人上去玩。
睇完我地又入返去樂園。呢個時候已經小左一半人以上，因為d旅行團已經走晒，係時候玩機動遊戲，排十分鐘左右。但入夜後，樂園比較多蚊。8點煙花匯演，好唔得閒，因為唔似香港d煙花，向一個方向射，係360度周圍都有煙花，不停轉，望唔切。睇20分鐘。
完場爭取時間玩多個機動遊戲。樂園話收8點半，不過都會比多少少時間玩埋。大約9點離開樂園，終於終於返去馬戲酒店拎房卡，出發前見jm推介橫琴灣酒店有間餐廳食飯不錯，所以過去食。但原來已經無電動車接送，而穿梭巴士又要等得耐，最後係行過去。d路有d黑。如有小朋友唔建議咁夜仲過去食。唔知係咪遇著d人放工，路過公交車，好多人，小心財物。
到左橫琴灣酒店，問職員點去漁港食街。佢話收10點半，入去坐低，環境乾淨舒適，小菜價錢唔貴，味道幾好，算較重口味，同埋都多味精。不過大陸都係用味精多。我地主要叫海鮮食，因為價錢算平大約都係rmb50~70一款，有蒜蓉燒蠔6至8隻，豉汁蒸帶子5隻，粉絲蒸扇貝仔10隻。另有蝦，蟹，鱔。我地無叫。另外叫左d小菜，炒粉麵。共12樣野，連茶位每位rmb10,及加15%服務費。rmb700有找。抵，推介。

私人傳訊

CHAIRMUI

大宅

積分: 1809

3^#

發表於 15-4-6 05:44 |只看該作者

回覆：珠海橫琴長隆分享，入住馬戲酒店

食完行下酒店影下相，去便利店買下飲品，橫琴灣酒店內的便利店係收11點的，而馬戲酒店內的就收10點半。跟住又要摸黑行返去馬戲酒店，可由大馬戲果邊入返去，後園有一條酒吧街，大約都有3至4間酒吧，是屬酒店餐廳範圍。玩到11點幾，終於去拎返d行李上房喇。房間新淨，大床好大，廁所都大，花灑水壓夠，沖得好舒服。提提大家，衣櫃入面有個馬戲酒店的環保袋，幾靚，問左前檯，可以拎走。仲有牙杯套裝都可以拎走，留個紀念先。
要彈0既係房間無雪櫃雪飲品，冷氣訓訓下熱醒同埋有蚊。搞到我訓唔返，而家同大家分享

私人傳訊

CHAIRMUI

大宅

積分: 1809

4^#

發表於 15-4-6 06:04 |只看該作者

回覆：CHAIRMUI 的帖子

點評

heiwai

發表於 15-5-14 23:27

fionaleung43

發表於 15-4-11 13:55

私人傳訊

lingcheung3

大宅

積分: 1592

5^#

發表於 15-4-6 09:54 |只看該作者

回覆：珠海橫琴長隆分享，入住馬戲酒店

謝謝分享!明早出發

:-?

私人傳訊

chaknok

大宅

積分: 3617

6^#

發表於 15-4-11 12:16 |只看該作者

回覆：珠海橫琴長隆分享，入住馬戲酒店

我有老人家和小孩，所以我都係—個人袋哂D票，出入都冇問題，唔使逐個对！可能我第一次入場時講明我哋係—組人！

在壓力中仍能平靜，在忙碌中仍能悠閒，在失敗中仍能歡笑，在逼迫中仍能屹立，上帝的兒女何等有福。
在絕望中仍有盼望，在冷漠中仍有關懷，在困境中仍有出路，在死亡中仍有生命，上帝的兒女何等有福。

私人傳訊

cankenbb

大宅

積分: 2973

7^#

發表於 15-4-11 23:46 |只看該作者

回覆：珠海橫琴長隆分享，入住馬戲酒店

謝謝分享

私人傳訊

波波太太

別墅

積分: 798

8^#

發表於 15-4-12 01:09 |只看該作者

回覆：珠海橫琴長隆分享，入住馬戲酒店

謝謝分享！資料很實用！我們一會兒出發，都係馬戲酒店！

私人傳訊

CANDY00011

複式洋房

積分: 321

9^#

發表於 15-4-12 12:48 |只看該作者

請問漁港食街點去 ? 塔的士遠嗎？謝謝，

私人傳訊

CHAIRMUI

大宅

積分: 1809

10^#

發表於 15-4-12 13:10 |只看該作者

引用：請問漁港食街點去

原帖由 CANDY00011 於 15-04-12 發表
請問漁港食街點去 ? 塔的士遠嗎？謝謝，

的士未必接，因為其實都係樂園入面，只係在另一酒店--橫琴灣酒店內的其中一間餐廳。你唔想行其實可以夾返酒店的穿梭巴士過去橫琴灣酒店。

私人傳訊

CHAIRMUI

大宅

積分: 1809

11^#

發表於 15-4-12 13:45 |只看該作者

回覆：珠海橫琴長隆分享，入住馬戲酒店

第二朝，7點開始有得食早餐。款式算多，味道不錯，可以食飽飽。唯一係蒸籠類沒有點心，只有包類。由於我地會再入樂園，所以食完就返上房間執拾行李。
中旅個套票是包含左澳門回程船票，及樂園接送到澳門的。因為我地選左12點半的接送車，而上車地點是在橫琴灣酒店。但樂園個海豚表演係11點半開始，睇完好趕。經我們多番了解後，知道中旅接送車除了可在橫琴灣酒店上車外，更可以在海洋皇國上車。
所以我們check out後沒有把行李寄存在酒店，而是帶到樂園外租locker。我們6個人租左個大locker,rmb30,可放到3個漲卜卜的背包。
住酒店的可優先於9點半入樂園，問左職員海豚表演睇30分鐘，所以都無咁驚趕唔切接送車去澳門。見有部分機動遊戲都開始左，所以都玩左d,排5分鐘到。今日樂園比尋日少好多人，可能時間尚早同埋始終係星期一。企鵝館係我地2日以黎覺得最值得睇的一個館，好震撼的。
之後就去睇海豚表演喇，跟足晒海洋公園舊果個海豚表演訓練，所以我覺得都好睇。睇完個表演就要同橫琴長隆說再見了。我地出返去拎行李就行去等接送車，架車準時12點半先比我地上車，之後就開去橫琴灣酒店接客。
坐去橫琴口岸去澳門都好快，過埋關大約20分鐘車啦，不過要上落過關。過埋入澳門關我地就無上返架接送車，直接上澳門酒店果d財神車。展開我地食乜買乜都無的之旅