夫婦情感 今日: 3 | 主題: 42423

積分: 46960

開心吸收勳章

441^#

發表於 16-9-27 19:22 |只看該作者

joeyjoeywong 發表於 16-9-27 19:13
唔好踢爆我啦！

百花叢裡過，片葉不沾身。

私人傳訊

積分: 103

442^#

發表於 16-9-27 21:38 |只看該作者

wing1388 發表於 16-9-27 11:31
首先要咁睇，佢一向人前人後都係好老公，但並唔代表佢唔貪玩或者夠定力，但有一樣嘢係可信嘅，就係佢真係 ...

睇完你講，直情同我老公講ge一模一樣，一樣話自己係真心對我，只係一時迷失，我亦都相信你講，身邊一定有一群女人會為佢感興趣，但同樣我最怕你講ge心癮，我真係好驚，亦因為呢個原因我真係唔知點信任佢

私人傳訊

gloriehungws

男爵府

積分: 6677

443^#

發表於 16-9-27 21:57 |只看該作者

wing1388 發表於 15-4-14 12:00
首先，個人魅力同放電完全係兩回事，至於收唔收兵乃個人問題，而家嘅主題係點樣留住妳身邊個男人，令佢唔 ...

我認同要令到個男人冇左自己係生存唔到。方法人人唔同，總之要令到個老公依賴自己但唔係要做佢呀媽。

私人傳訊

積分: 46960

開心吸收勳章

444^#

發表於 16-9-28 09:55 |只看該作者

ppyyz 發表於 16-9-27 21:38
睇完你講，直情同我老公講ge一模一樣，一樣話自己係真心對我，只係一時迷失，我亦都相信你講，身邊一定有 ...

其實心癮係最難戒掉，妳必須花好多時間精神去陪住個老公先得，一來令佢打消再次上癮嘅念頭，二來多啲時間一齊可以多啲交流。

百花叢裡過，片葉不沾身。

私人傳訊

積分: 46960

開心吸收勳章

445^#

發表於 16-9-28 09:57 |只看該作者

gloriehungws 發表於 16-9-27 21:57
我認同要令到個男人冇左自己係生存唔到。方法人人唔同，總之要令到個老公依賴自己但唔係要做佢呀媽。
...

其實好多女人都犯咗同樣嘅錯誤，就係以為自己諗嗰一套係為老公著想，係對佢最好嘅，但並唔代表女人了解佢哋嘅老公真正嘅需要。

百花叢裡過，片葉不沾身。

私人傳訊

積分: 103

446^#

發表於 16-9-28 14:32 |只看該作者

wing1388 發表於 16-9-28 09:55
其實心癮係最難戒掉，妳必須花好多時間精神去陪住個老公先得，一來令佢打消再次上癮嘅念頭，二來多啲時間 ...

其實發生後，佢比以前更加對我好，所以先有想原諒佢，但好多時，係自己控制唔到咁諗起，又會不自主發癲，好想知幾時點樣先可以過去到

私人傳訊

積分: 46960

開心吸收勳章

447^#

發表於 16-9-28 14:39 |只看該作者

ppyyz 發表於 16-9-28 14:32
其實發生後，佢比以前更加對我好，所以先有想原諒佢，但好多時，係自己控制唔到咁諗起，又會不自主發癲， ...

首先問下妳自己，妳原諒咗佢嘅錯未先？如果原諒咗又舊事重提的話就係妳唔啱囉！

又問問自己，妳冇咗個老公妳會唔會快樂咗？如果唔會，咁妳又何必再做一啲事去令大家有隔閡？

妳年紀會越來越大，妳會發覺身邊發生嘅所有事情，終有一日都會變成過眼雲煙，但妳執著住一兩件的話，係會令妳一世都有嘢唔快樂，所以妳應該向前望，我諗妳都想同老公有將來的！不如試下兩個人一齊放假，去一次耐少少嘅旅行吖，當係重新開始過嘅一個紀念吧！

我相信妳老公比以前更愛錫妳，佢已經知道錯㗎啦！

百花叢裡過，片葉不沾身。

私人傳訊

積分: 103

448^#

發表於 16-9-28 15:16 |只看該作者

wing1388 發表於 16-9-28 14:39
首先問下妳自己，妳原諒咗佢嘅錯未先？如果原諒咗又舊事重提的話就係妳唔啱囉！

又問問自己，妳冇咗個老 ...

其實我可能真係好需要你講呢幾點令自己釋懷，我真係好想仲有將來，佢又似乎真心改過，我怕就怕將來有一日佢又忍唔住，尤其佢身邊不乏引誘，好怕，真係驚，我身邊屋企人朋友都會大讚佢，又會話我好命水，每次聽完都好心痛，如果可以撇除件事，我應該係幸福ge，可惜，諗到呢度我又會好down

私人傳訊

積分: 46960

開心吸收勳章

449^#

發表於 16-9-28 15:22 |只看該作者

ppyyz 發表於 16-9-28 15:16
其實我可能真係好需要你講呢幾點令自己釋懷，我真係好想仲有將來，佢又似乎真心改過，我怕就怕將來有一日 ...

別人嘅說話聽咗就算啦，我明白妳聽到之後會諗好多嘢，個心會戚戚然，咁妳咪將人哋讚妳老公嘅說話同妳老公講返，然後同佢講，希望佢將來真係可以做得到人哋所講嘅好老公囉！相信佢會引以為戒的！

同自己講，昨日已經過去咗，唔會返轉頭㗎啦。

百花叢裡過，片葉不沾身。

私人傳訊

積分: 103

450^#

發表於 16-9-28 15:37 |只看該作者

wing1388 發表於 16-9-28 15:22
別人嘅說話聽咗就算啦，我明白妳聽到之後會諗好多嘢，個心會戚戚然，咁妳咪將人哋讚妳老公嘅說話同妳老公 ...

我知我明要過去要放低，其實要幾耐先可以放低？

我記得讀大學時，我有一科交野交得遲，Professor 唔俾我exam，咁即我會fail，即要retake，甚至會defer，我好驚，喊住叫俾機會我exam，佢同我講，佢唔會俾，話可能呢一刻要我defer我好難接受，但過十年二十年後再睇返呢一年就會變得微不足道，所以而家唔駛介懷亦唔好求佢(最後佢有俾我exam)
唔知點解呢排不停諗起呢個professor 講ge野

私人傳訊

積分: 46960

開心吸收勳章

451^#

發表於 16-9-28 15:43 |只看該作者

ppyyz 發表於 16-9-28 15:37
我知我明要過去要放低，其實要幾耐先可以放低？

我記得讀大學時，我有一科交野交得遲，Professor 唔俾我e ...

因為情況同妳而家好相似囉，只係角色互換咗，過去妳求人俾機會，如今輪到妳俾機會人...妳知唔知俾機會人改過係恩同再造嘅事嚟？到妳見到一個人由壞變好，妳會覺得好安慰的！

百花叢裡過，片葉不沾身。

私人傳訊

積分: 103

452^#

發表於 16-9-28 17:42 |只看該作者

wing1388 發表於 16-9-28 15:43
因為情況同妳而家好相似囉，只係角色互換咗，過去妳求人俾機會，如今輪到妳俾機會人...妳知唔知俾機會人改 ...

我今日同老公講，我好想原諒佢，但總有條刺，佢話，有條刺都唔緊要，佢會逐吋逐吋幫我拎走，有時見住佢會心軟，會覺得我真係仲愛佢，仲想相信佢，只要我好忙，就唔會記起，個人會舒服d，但新聞fb bk周圍大把講外遇，岀軌，一有呢d topic就會好辛苦，幾耐呀？幾時會唔再記得？

私人傳訊

積分: 46960

開心吸收勳章

453^#

發表於 16-9-28 17:51 |只看該作者

本帖最後由 wing1388 於 16-9-28 17:51 編輯

ppyyz 發表於 16-9-28 17:42
我今日同老公講，我好想原諒佢，但總有條刺，佢話，有條刺都唔緊要，佢會逐吋逐吋幫我拎走，有時見住佢會 ...

一個傷口結疤，好唔好得返同好得靚唔靚，係好睇過程當中妳點去護理同埋會唔會走去爪，妳護理得越好就好得越快越好，同樣道理，就係睇你二人點去保護呢一段受過傷嘅感情囉！

病嘅過程係辛苦啲，但會有痊癒嘅一日，現在婚姻生病了，妳想康復就要適當咁去調理啦！妳既然仲想維繫呢段婚姻，仲願意同老公傾，即係仲有希望囉...因為有一啲人係連見面都唔想，所以妳要珍惜你哋仲有嘅機會呀，因為道門仲未關上㗎！

百花叢裡過，片葉不沾身。

私人傳訊