呢個演員陣容真係冇得輸,無論主角配角都好得好配合角色。
丁蟹:鄭少秋(可以做到咁顛又顛得咁勻循真係唔係個個得)
4個蟹仔:邵仲衡(佢個角色其實都亦正亦邪,有D身不由己,將自己心愛嘅女人殺死。。。)、陶大宇、郭政鴻、吳啟明(係呢個差少少)
方進新:劉松仁(簡直係超班,又型又正,我細細個已經好鍾意松哥D戲)
羅慧玲:藍潔英(佢後面做小巴司機正過前面,最記得佢見幾個女俾人掟落街慘死,佢即刻開間小巴想撞死果幾隻蟹仔)
方展博:劉青雲(其實佢都係有D顛嘅,不過好可愛好專一,某程度上佢利用咗好多人去成全佢自己,但又怪佢唔落)
阮梅:周慧敏(其實我麻麻地佢做戲,不過慳妹個角色又真係好好)
龍紀文:郭藹明(我鍾意呢個角色,曾經好想方展博最後同佢一齊,但遇著慳妹,好難唔輸)
方進生3個女:李麗珍、吳詠紅、楊羚(完全個個都入格入型)
其他配角如曾江、劉江、黃愷欣、羅樂林、歐陽沙菲都好正,仲有黎萱,佢個名何賤同個仔叫丁蟹真係好絕,丁蟹人如其名,打橫行。
當年首播我記得當晚廣管局已收好多投訴,4隻蟹仔俾人掟落街太暴力血腥,所以後來方家3個女死都唔影中間過程。
花旗太太生活在花旗國,留意時差,你問我未必即時答到。