少年成長

跳至

首頁
1

尾頁
   0


大宅

積分: 1111


發表於 04-5-31 17:23 |顯示全部帖子

你地親戚朋友有冇教仔的反面教材?

呢個係我成日警惕自己的個案:表弟+表弟婦+5歲仔

表弟婦:本身小氣、個仔比奶奶話一兩句即黑面、食緊飯就(dan)筷子、或單打回敬。對老公吾尊重,係個仔面前同老老講野都係單打,或罵,或一副費事so你的樣(可能覺得我表弟揾$少)。對個仔就寵,教錯晒是非黑白.....

表弟:見個仔曳,開頭會叫佢吾好,但個仔通常吾理佢(好早已經吾尊重老豆),表弟就會大喝,或一腳踢埋去,或一巴打埋去...

5歲仔:
歲零兩歲百厭到不得了,我地話點解你(表弟婦)吾話下佢(我當時未有BB,佢成日覺得我癈話)?表弟婦話細路仔個個都係咁,你第日就明gar la。

兩歲幾三歲惡到不得了,一發脾氣,週街好大力踢/打亞媽,表弟婦由佢,話返左學會乖D gar la。

三歲幾四歲,係學校好乖,但係屋企/出街勁曳(試過迎面有個女仔行埋黎,佢向人吐口水),我地話你(表弟婦)吾覺佢係學校乖只係想討好老師至扮乖?表弟婦話覺得係學校至係真正既佢,平時只不過百厭小小。

現在(五歲):成日打機(computer),睇超人vcd,著衫一定要有超人公仔。原來表弟婦寵到你吾信,同佢係屋企排隊打機,一人一局,比賽高分,帶佢揾超人vcd&衫,最近個仔生日,得幾個人係屋企慶祝都訂個2lb蛋糕,原來訂2lb至可以整磈超人係蛋糕面。有次兩公婆去了大陸,叫姑姐(我表妹)去佢屋企睇個仔3日,都要凸登寫低張紙提醒我表妹星期幾、幾點、邊個台播超人,仲未夠,到時到後打埋 long D提我表妹開電視。

佢個仔現在的脾性:
(步)力傾向,佢亞媽一吾係身邊冇晒自信,就算亞媽係度,佢同其他小朋友一齊玩新野,佢覺得自己冇乜把握佢就吾會玩,逃避但話自己吾鍾意玩,就算玩D有把握既野e.g.一人揸一架車仔咁,點知比人快過佢,佢會即刻停左架車,份晒睇下架車有乜問題,(奏)晒眉頭咁話架車個wheel頭先吾move,總之吾比自己有輸嘅機會。鍾意(蝦)細路,因為係細路面前,佢一定羸。

其實我地好早己知佢兩公婆咁樣好有問題,我有唸過幫下佢吾想佢個仔變壞,我間中會話:喂,原來兒童心理學家咁咁咁講架....唸住吾信我,都信下專家!到最近,知道佢(表弟婦)更加多行為,發覺似乎............冇得救。


禁止訪問

積分: 1771


發表於 04-5-31 21:21 |顯示全部帖子

Re: 你地親戚朋友有冇教仔的反面教材?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

積分: 1111


發表於 04-6-1 14:04 |顯示全部帖子

Re: 你地親戚朋友有冇教仔的反面教材?

冇錯,父母本身教育程度是不高,但不是關鍵,關鍵在於中學畢業後,出社會做事十幾年,個人既思想、價值觀...有冇進步過?

好失禮,我女家個邊既親戚冇一個大學畢業。比較close D既,我有5個舅父舅母,但,大部份都係不斷學習,不斷進步,其中最young個3個舅父,除左事業有成,仲教出很好的兒女。不過當時我才十多歲,不知原來舅父舅母都花過不少氣力去教好,我當時仲好幼稚咁以為他們係好彩,生的都是聽教懂事的孩子。我想說的是,不是讀書多與少,而是父母有沒有一個不斷求進步的生活態度,除了為自己,也是為教育自己兒女去做好準備!(歡迎你再補充。)

我呢個表弟、表弟婦就係在自己既生活/事業上都未盡過力,自己都dry,毫無原則、標準,所以表弟婦根本係….冇野可以教比個仔;我表弟動粗係吾岩,但反而佢係比較聽人意見,亦知個仔咁落去吾係辦法,但表弟婦太主導,吾合作,最差係佢吾覺得有問題,咁至最致命!

我覺得表弟婦某程度上好冇安全感(都係一搬認為老公揾$少嗰隻),所以佢死(籃)住個仔以求多一日”安全”,甚至係去(鳳)承個仔,不斷滿足個仔去維持一個”佢理想中既母子關係”。

我有同佢講過咁吾岩,你可以滿足到佢幾多歲?佢越大,追求越高,到有一日佢發覺你再比吾夠佢,就係你地關係破烈個日,到時你會好痛苦(寫到呢度有D想喊!),但佢吾聽,話:咁我可以點jet?就行開!

我最痛心係個細路,第日佢學壞,錯既其實係邊個?


珍珠宮

積分: 42820


發表於 04-6-3 17:06 |顯示全部帖子

Re: 你地親戚朋友有冇教仔的反面教材?

我阿嫂、老爺奶奶(因老爺早幾年退休,為左大仔搞大左人地個肚又無錢所以上左深圳住)縱到個孫死、阿嫂一係錫到個仔死,一係打到佢飛起(有時特登係老爺面前搵個仔出氣)佢個爸爸因唔想見到兩老所以一、兩個星期先返上去一次(係香港做野,又唔洗比人管)佢地話比我地聽個孫好乖,唔扭買玩具.............,我地上到去個小朋友同我老公玩,玩唔埋就用腳踢,郁我郁腳我最唔鐘意,佢地講講下漏口風話佢試過用膠椅'車'我老爺,要mud就mud,食食下飯老爺同孫講食完飯落街買玩具比佢佢就即刻唔食飯係咁'鵝'你落街,真係飯都食唔切!明知佢成日郁手郁腳都要比超人佢睇同玩,又話佢識打功夫,天呀! ,個小朋友而家6歲早兩年己跟佢媽咪學識講(x佬,捨得'冷'返黎啦咩&普通話好瀆的說話)而家最後頂兩老唔住搬開左 ,我個仔就3歲、老爺奶奶很少見佢,我都唔係好想(我老公都話無咩就唔好比佢地兩兄弟一齊玩,驚阿仔學壞),佢地同阿仔玩左大半日就不停話阿仔真係好乖,同X真係好唔同,我自問對阿仔較嚴(規矩上)佢見到電視做類似超人的卡通就話唔好睇自己關電視,打鬥場面電視劇就會話唔arm,我地就解釋比佢聽,呢D係假既,但唔好學。so far阿仔到而家都仲幾乖。


大宅

積分: 1111


發表於 04-6-3 17:36 |顯示全部帖子

Re: 你地親戚朋友有冇教仔的反面教材?

又係縱壞既問題!

我老公都吾鍾意比個仔同佢表哥玩(i.e.我表弟個仔),我就吾會刻意避,我反而咁唸,我就係要睇下個仔同佢玩既時候會係咩表現,如果跟佢曳,我咪再教law,好過一味以為個仔係屋企乖,就以為佢去到邊都係乖,做父母最忌自己(握)自己。


男爵府

積分: 6040

育兒性格勳章


發表於 04-6-5 10:50 |顯示全部帖子

Re: 你地親戚朋友有冇教仔的反面教材?

好同意你所講, 就算可以避開親戚d曳細路唔見, 但出街返學都少不免會遇到d曳既細路, 好難避免完全唔接觸d曳細路架, 咁唯有等佢見識下咩叫曳, 做媽咪既襯機會教佢讓佢知道錯係邊, 當係反面教材囉, 我會順便同個仔講... "媽咪好開心因為我覺得你真係好乖, 但若果你學亞xx咁, 我就唔鍾意亦都唔開心, 所以你唔好學佢咁曳" 或者問個仔 "你覺得亞xx 咁樣啱唔啱/乖唔乖 呀?!", 如果年紀大d既細路, 可以試下等佢自己講出佢既睇法同感受, 如: "點解你覺得佢咁做係唔啱/乖呀?!" 等個細路自己思考對與錯, 咁都係一個唔錯既教學方法 :-P

tt2001 寫道:
又係縱壞既問題!

我老公都吾鍾意比個仔同佢表哥玩(i.e.我表弟個仔),我就吾會刻意避,我反而咁唸,我就係要睇下個仔同佢玩既時候會係咩表現,如果跟佢曳,我咪再教law,好過一味以為個仔係屋企乖,就以為佢去到邊都係乖,做父母最忌自己(握)自己。

首頁
1

尾頁

跳至