Baby Kingdom - 親子王國 香港 討論區 › 首頁 › 自由講場› 辦公室欺凌? 我不認同...

自由講場

收藏本版
發帖
返回列表
跳至頁

首頁
12345...6

尾頁
   14
iamsosad


男爵府

積分: 6086


1#
發表於 15-7-3 10:21 |只看該作者
本帖最後由 iamsosad 於 15-7-3 11:06 編輯

沉日睇到有個帖講辦公室欺凌, 但SORRY, 我不認同樓主咁講係屬於辦公室欺凌, 可能係我涼薄掛....有個日日都做錯野既同事, 係會令你好憫。


話說, 我有個同事, 我亞姐要我教佢點做我既野, 因為我就黎放產假, 咁我要handover我既野比佢。

有時, 我真係好憫, 好憫, 好憫, 但自問, 我又無鬧過佢。

每日, 係每日, 佢都有新既錯誤, 但o個d所謂既錯誤, 係完全令人會憫。o個d錯誤絕對唔係咩skill上既錯, 係唔make sense。

好簡單, 只係出個速遞去收份件返黎, 同事已寫清楚個速遞要出既日子係幾時, 但佢係唔睇, 有單就照走, 結果? 咪浪費左個速遞之餘, 對方公司份件又未ready咁咪收唔到份件返黎囉...我話"同事寫明30號下晝先走喎個速遞", 佢好輕描淡寫一句 "啊! 係呀, 我無睇呀!" 你聽到佢咁答唔憫咩?

又試過o係outlook整野, 佢唔識, 唔會問, 自己亂咁黎, 結果? 一野delete哂同事o係outlook一年既record, 我問"點解你唔識, 唔問呢?" 佢又係好輕咁答 "唔知呀..." 我做野, 好有交帶, 係會令別人放心, 但我一handover比佢, 錯漏百出, 我唔想人地覺得我有問題呀。

工作上, 我習慣每新一年開始, 我就買一本年曆簿放o係公司枱頭, 我會mark低哂每日既task, 咁就萬無一失, 做一個刪一個, 呢個係我既個人工作習慣, 適合我用, 亦唔代表適合其他人咁做, 對我工作有幫助, 亦唔代表咁樣對別人工作都係有同等既幫助價值。呢個同事, 佢已試過好多次好多甩漏, 我成日講"你要搵一個方法係令你唔會miss task, 我用年曆簿既方法係可以幫助到自己, 咁你就諗下你有咩方法幫到你。" 佢每次都只係答"哦!", 到後來有一次又係有甩漏情況下, 我話"你諗到你有咩方法幫助你自己未?", 佢竟然話"哦! 我諗住你放假時坐你位, 用你本簿呀!" 我話"下? 本簿我架喎!!!" 佢好surprise我會介意佢用我本簿, 我話"本簿係我買比自己工作上用, 你有冇諗過, 我本簿係有機會會有我私人既野o係入面? 你無諗過問我可唔可以用, 已打算用呀?" 佢又係一貫作風答"噢, 咁我再睇下點"。

客人黎到, 斟水比客, 一隻杯, 佢只斟3分1滿, 我唔係叫你要滿哂倒瀉, 咁你斟3分1, 好似人地飲剩咁, 斟黎做乜呢....咁呢d點教啫? 呢d咁日常生活既野, 你根本唔知原來佢都係唔諗到點做, 咁我同教佢點樣生活一樣架咋喎....帶左客人入左conference room, 係咪閂門好d呢? 佢唔理, 放底個客就放底個客, 擺低杯水就算, 咁conference room出面人來人往, 同事大聲少少又比客聽到, 其實呢d真係唔知點教, 因為我覺得係好基本可以諗到既野。

每朝比報紙老闆, 我講過 "老闆唔o係公司就唔駛擺佢枱面, 如果你照擺, 佢出完trip返黎, 就會一枱都係過期報紙。" 沉日返黎, 我入老闆房, 我見到叠報紙, 跟住我問同事"你擺報紙比老闆?", 佢話係, 我話"我咪講過, 老闆唔o係公司就唔駛囉? 同埋, 你擺o個份報紙, 係七月一號, 今日係二號, 過期佢唔要", 佢又係o個個樣 "哦? 係咩? 乜7月1號呀? 我無睇呀!"

我最憫最憫最憫就係佢o個d "我無睇呀!" 、"我無留意呀!"、"我唔知呀!!" 咁你返咩工啫.....咩都唔睇唔知唔留意。

o係handover之前, 我已經打定一個excel, 我將我日常做既野, 分好一個個spread sheet, 每個spread sheet入面再細分point form咁講出每一樣要留意既野。

我講既, 真係只係冰山一角, 每一日佢都有好多你估唔到既新野走出黎, 但我又無鬧過佢無盛, 有時令我好疑惑, 你平時點生活呢? 好似一個木頭咁, 唔諗, 又唔轉, 我記得岩岩佢新入黎時 (我同佢係同時入黎), 佢同我講過佢舊公司既人成日話佢做野做得唔好, 話好奄尖, 但呢個幾月既handover, 我深信, 唔係人地奄尖, 係你做野真係唔睇, 又求其, 唔怪得人地話你。

o係handover前, 我亞姐已叫我要多d耐性, 因為呢個同事係有問題, handover呢段時間, 我亞姐都有捉佢講佢有咩問題, 但佢咪又係"哦!" o個d樣囉....

今月15號有一堆外國客人黎我地公司上training, 我原本o個日要放假返醫院檢查, 我亞姐都開聲唔想我走開一日, 話想我檢查完就返黎, 因為唔夠膽擺低o個個同事自己去serve d客, 變左, 我檢查完又要趕返黎, 就係因為怕你又唔知有咩甩漏。

咁你話, 如果真係開聲話呢位同事, 乜咁都算欺凌咩? 係, 人人都會做錯野, 但你日日都係咁, 身邊既人真係好厭悶架!!! 日日都同你執手尾!


私人傳訊

edea


王國長老

積分: 119046

王國長老


2#
發表於 15-7-3 10:29 |只看該作者

引用：沉日睇到有個帖講辦公室欺凌, 但SORRY, 我

原帖由 iamsosad 於 15-07-03 發表
本帖最後由 iamsosad 於 15-7-3 10:23 編輯

沉日睇到有個帖講辦公室欺凌, 但SORRY, 我不認同樓主咁講係 ...
我只係覺得咁大個人了，又唔係小朋友講咩欺凌。出黎做野要成熟處事。

點評

Pure0122    發表於 15-7-3 17:06
catcat2056    發表於 15-7-3 12:44
我唔係經常上BK, 想搵我嘅朋友請email: [email protected]
私人傳訊

cloudyjess


伯爵府

積分: 15031


3#
發表於 15-7-3 10:30 |只看該作者

引用：+本帖最後由+iamsosad+於+15-7-3+10:23+編

原帖由 iamsosad 於 15-07-03 發表
本帖最後由 iamsosad 於 15-7-3 10:23 編輯

沉日睇到有個帖講辦公室欺凌, 但SORRY, 我不認同樓主咁講係 ...
Le 條友做野好無heart,學習態度又差，點解仲留響度既
佢係做錯野好似唔關佢事咁，同佢講野左耳入右耳出，自己做都無咁嬲，應該會攪到成間公司一獲粥
個腦好似生哂草咁～不過話左佢錯果d 佢有無斗正番？定一直錯落去？
私人傳訊

iamsosad


男爵府

積分: 6086


4#
發表於 15-7-3 10:35 |只看該作者
cloudyjess 發表於 15-7-3 10:30
Le 條友做野好無heart,學習態度又差，點解仲留響度既
佢係做錯野好似唔關佢事咁，同佢講野左耳入 ...
其實佢係contractor, 唔係我地公司既perm staff, 我亞姐講過呢個contractor人工好低, 所以真係要包容一d同埋真係唔好有要求....

佢既錯, 有時錯一次, 有時錯幾次, 到我真係憫勒, 佢咪醒水咁囉...


我有時諗, 欺凌? 似係我被欺凌多d, 日日都有手尾跟....


沉日先有一單, 我一早講左我放假期間有樣野佢要留意, 沉日我姐問我有冇講比呢個同事知, 我話"我一早講左呀...."佢話"同事話佢唔知...."

呢d咪令人憫囉....

私人傳訊

deckite


男爵府

積分: 7041


5#
發表於 15-7-3 10:43 |只看該作者

引用：Quote:cloudyjess+發表於+15-7-3+10:30+Le+

原帖由 iamsosad 於 15-07-03 發表
其實佢係contractor, 唔係我地公司既perm staff, 我亞姐講過呢個contractor人工好低, 所以真係要包容一d同 ...
我都好同情你，但一見到你話佢人工低擺明你公司請左個唔岩呢個職位ge 人

點評

hot_babe    發表於 15-7-3 15:18
私人傳訊

spikenard


水晶宮

積分: 64234


6#
發表於 15-7-3 10:47 |只看該作者
我個同事,佢個錯一個STEP,就要大陸工廠的財務部,發票部,和港的2個部門,
將一個月所有的資料刪除然後全世界重新的入過。

一年犯3次呢D錯誤,佢要做的只是按一個制更正30秒,我地就要改成千張發票,
用幾日時間,到第3次時,我真係忍唔到好大聲爆佢一野,佢就好奇怪地問我駛唔駛咁生氣?改過就得LA(仲要輕描淡寫地講)
我好重語氣講,你知唔知你犯的錯誤改正30秒,但其他人就用幾日來補救你30秒的錯誤,我話你的唔上心,唔緊要, 以後再有呢D要改文件的情況,最公平的是,
誰做出來,誰跟手尾,當你改到5,6千張發票時,我相信你會明我點解咁生氣。

我事不過三, 第三次我真係會爆,咁算唔算欺凌呢? 還是那唔認真做事,
唔上心的同事欺凌我呢.......
私人傳訊

iamsosad


男爵府

積分: 6086


7#
發表於 15-7-3 10:59 |只看該作者
spikenard 發表於 15-7-3 10:47
我個同事,佢個錯一個STEP,就要大陸工廠的財務部,發票部,和港的2個部門,
將一個月所有的資料刪除然後全世界 ...
無錯! 如果要用到欺凌, 咁到底係邊個欺凌邊個?
你唔想令人不滿你, 就真係唔好累街坊, 我明, 我真係明白做野一定會有錯, 因為我地唔係神, 我都錯過, 我都大意過, 咁錯過你咪改, 錯過你咪上心囉, 但你唔係, 下下一舊木咁, 我開聲話你, 我又覺得自己衰, 但你下下都有新鮮野時, 我又唔抵得。

我老公成日話"你要記住, 你只係打工, 唔好咁上心, 佢做得差佢做得曳, 你一樣有糧出, 你做好自己本份算, 唔駛憫」

但我真係唔得, 原本我真係星期六日都唔會開email睇, 依家? 我怕左佢, 我想o係我產假前盡量清哂我既野, 之後佢要點撞牆, 我真係話知你....
私人傳訊

岚月亮


侯爵府

積分: 20156


8#
發表於 15-7-3 11:00 |只看該作者

引用：+本帖最後由+iamsosad+於+15-7-3+10:23+編

原帖由 iamsosad 於 15-07-03 發表
本帖最後由 iamsosad 於 15-7-3 10:23 編輯

沉日睇到有個帖講辦公室欺凌, 但SORRY, 我不認同樓主咁講係 ...
其實無話欺凌唔欺凌既，你被人欺凌到，其實都有問題
私人傳訊

iamsosad


男爵府

積分: 6086


9#
發表於 15-7-3 11:04 |只看該作者
deckite 發表於 15-7-3 10:43
我都好同情你，但一見到你話佢人工低擺明你公司請左個唔岩呢個職位ge 人



...
我係覺得佢連日常生活基本既common sense都無, 佢幫個客去買杯沙冰, 都打返黎問杯沙冰要凍定熱....
我有時都諗, 佢點生活?

點評

abcabc181818    發表於 15-7-7 13:52
dearethan    發表於 15-7-7 08:30
natachiu    發表於 15-7-7 08:18
oldfrog    發表於 15-7-3 22:57
ninjarabbit    發表於 15-7-3 17:04
happywindy    發表於 15-7-3 16:59
快樂股民    發表於 15-7-3 16:17
hot_babe    發表於 15-7-3 15:19
Sand8148    發表於 15-7-3 12:53
mishabella    發表於 15-7-3 12:51
newcook    發表於 15-7-3 11:57
私人傳訊

龍蝦


子爵府

積分: 12587


10#
發表於 15-7-3 11:17 |只看該作者

引用：Quote:deckite+發表於+15-7-3+10:43+我都好

原帖由 iamsosad 於 15-07-03 發表
我係覺得佢連日常生活基本既common sense都無, 佢幫個客去買杯沙冰, 都打返黎問杯沙冰要凍定熱....
我有時 ...
佢幾歲？出黎做左幾耐野？
私人傳訊

iamsosad


男爵府

積分: 6086


11#
發表於 15-7-3 11:23 |只看該作者
本帖最後由 iamsosad 於 15-7-3 11:24 編輯
龍蝦 發表於 15-7-3 11:17
佢幾歲？出黎做左幾耐野？

唔後生, 196X年既女士。

唔知佢做左幾耐野, 但應該唔會少過我呢個30歲既女人仔啦, 下嘛? 所以有時, 佢有咩甩漏, 我話佢都覺唔好意思, 點講我o係佢面前只係一個o靚妹!
私人傳訊

fanny3315


瑪瑙宮

積分: 125904

2024年龍年勳章 畀面勳章 BK Milk勳章


12#
發表於 15-7-3 11:49 |只看該作者
我公司以前有個都係差唔多,淨係加減數都可以錯
私人傳訊

丁丁aunty


伯爵府

積分: 18774

BK Milk勳章


13#
發表於 15-7-3 11:56 |只看該作者

回覆：辦公室欺凌? 我不認同...

完全明樓主果啲憫，有啲人真係好似好低智咁，絕對唔可能樣樣講樣樣教，唉！唔識講～

所以我成日都話，依家請到個「正常人」已經要還神

點評

ivory0915    發表於 15-7-3 23:30
私人傳訊

alphabetagamma


珊瑚宮

積分: 108855

環保接龍勳章


14#
發表於 15-7-3 12:00 |只看該作者

回覆：辦公室欺凌

真嘔血
人邁向新的一天跨新步放眼遠方迎來朝暉將人照亮
私人傳訊

願望石


伯爵府

積分: 17640


15#
發表於 15-7-3 12:09 |只看該作者
樓主既憫我都經歷過

唔講其他,佢連最基本加減數(淨係用excel計個總數出黎咋)都計錯,話佢重用我蝦佢既眼神望住我叫佢做十樣野十樣都有手尾,一早同佢講左叫佢寫底佢唔寫,出事就話我冇同佢講/佢唔知喎

我已經好忙重要幫佢執手尾,同同事呻下,同事冇硬食佢d屎就覺得我唔夠包容個新人我覺得對住佢我嚴重內傷,其實係我比人蝦緊,我先係受害者吧

最後頂唔住發脾氣丟佢比力保佢既同事個同事頂唔到幾日就話唔可以再用佢我心諗:果時你又覺得我唔夠包容好似我欺凌緊個新人,點知你咁快頂唔住
(ง •̀_•́)ง 漫漫長路, 加油
私人傳訊

charlotterabbit


男爵府

積分: 5247

熱血金章 畀面勳章


16#
發表於 15-7-3 12:16 |只看該作者
你個景況好似我個朋友，佢做receptionist，佢3X歲，公司又係俾個5X歲既幫佢手，俾佢教，又係教到嘔血。。好似好多我地認為理所當然既野佢都唔識做。。
私人傳訊

Flowerpig


子爵府

積分: 11327


17#
發表於 15-7-3 12:21 |只看該作者

回覆：辦公室欺凌? 我不認同...

樓主果個係極品
私人傳訊

Sumyeema1


象牙宮

積分: 218659

2024年龍年勳章


18#
發表於 15-7-3 12:29 |只看該作者

引用：Quote:原帖由 iamsosad 於 15-07-03 發表本

原帖由 edea 於 15-07-03 發表
我只係覺得咁大個人了，又唔係小朋友講咩欺凌。出黎做野要成熟處事。
咪係……
私人傳訊

麻煩貓


公爵府

積分: 25004


19#
發表於 15-7-3 12:42 |只看該作者

回覆：辦公室欺凌

有隻人從來唔會諗吓自己点錯，只識話別人針對佢，但所有人一起針對你&去到邊都有人針對你？？？！！！我真的不相信
私人傳訊

Chirley


水晶宮

積分: 52654


20#
發表於 15-7-3 12:45 |只看該作者
本帖最後由 Chirley 於 15-7-3 12:47 編輯

昨天個POST我無追落去, 唔知果個樓主講既欺凌係乜,
認同樓主講如果返工無帶個腦/心, 又無common sense,
真係會令人燥底咖啵, 大家都係受薪咋嗎, 出黎做野唔係學野, 教你都係咁好難仲好脾氣啦, 而且我唔同意因為人工低所以要包容D, 出黎做野就係要付出自己識既野去賺錢, 做得唔好或有D唔識既咪自己上心D囉, 你真係有實力既都可以再叫高D價...而家唔係白俾人工咖,
只係如果出黎工作時間耐左都練唔到某D成熟, 佢應該諗下呢份工係咪佢能力應付到...
私人傳訊


首頁
12345...6

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見