吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 新加坡4日親子 hea 遊

親子旅遊今日: 3|主題: 160798

收藏本版

發帖

返回列表

跳至頁

查看: 1084 | 回覆: 12

[星馬] 新加坡4日親子 hea 遊 [複製鏈接]

焦糖媽

侯爵府

積分: 20083

親子王國15週年勳章

1^#

發表於 15-8-17 16:42 |只看該作者 |倒序瀏覽 |打印

時間 : 9Aug - 14Aug
人物 : 我+C6+27個月大囝囝
地點 : 新加坡(2晚) + 聖淘沙(2晚)

由於來回都係下午一點零班機, 所以其實扣返得大約4日玩~~~ 主要係想去動物園, 聖淘沙, 同行下新加坡牛車水嗰邊, 又要就囝囝午睡時間, 所以去既景點唔多, 只係想行下食下

Day 1 : 18:30 出機場, 竟然撞啱50週年國慶, 所有MRT唔洗錢任搭, 所以我地係搭MRT去 carlton city hotel, 比官網寫既快, 感覺大約 40 分鐘已經落車。一係MRT落車, 見到有lift, 唔理三七廿一入左去, 上到地面出閘。對面有間7-11, 即刻問下電話張 starhub 有無得 top-up (咁啱朋友六月去完 legoland, 可以接住用佢張咭), 原來而家係 e-top-up (即係唔會賣哂 top-up card 無得賣), 加左SG$8 就買左個 data plan 喇~~~ 夜媽媽, 諗住揾路, 一抬頭, 已見到酒店名係 building 頂, 行2分鐘已到大門~~~

酒店新, 乾淨, request 左 high floor, 比左21樓我地, 景都唔錯, 開揚, 唯一係廁所地磚好滑, 囝囝晚晚沖涼都跌一次 (C6湊仔經常係咁)。床好舒服, 冷氣足, 隔音, 多電視頻道睇, 只係半夜冷氣風聲較大, 不過接受到~~~

行路去 Maxwell 大約8分鐘, 但好熱.... 入邊熱過外邊, 夜晚好多檔都山, 無咩人, 點知食到21:30後超多人, 著住好多SG50既紅衫, 應該係當晚有國慶活動完左啲市民先黎宵夜~~~ 即刻排好耐隊......... 食去酒店對面超市買水行左陣, 就返去覺覺豬喇~~~

點評

BonBelle

發表於 15-8-17 17:51

0 0 0

私人傳訊

焦糖媽

侯爵府

積分: 20083

親子王國15週年勳章

2^#

發表於 15-8-17 16:54 |只看該作者

Day 2 : 觀光日, 先去東亞茶室食個早餐, 酒店行過去 12分鐘咁上下, 舖仔細細, 都幾多枱, 好在早左少少到 (11:00) 食到一半好多人排長龍~~~ 不過叫幾次都無人黎落單, 次次都話"等一下", 都係C6醒, 佢話外賣啲人都自己出去落單, 又真係出去排完落到單~~~ 野食到就收錢, 一個咖央牛油, 一個咖央餐~~~ 牛油似我地菠蘿酒, 雪凍左, 凍凍地硬硬地, 但無咩牛油味..... 唔覺特別好食, 原味咖央好食啲~~~

之後搭巴士去 saint joseph's church, 不過無開放, 又就唔啱 mass 時間, 係外邊影下相就去 novena~~~ 諗住食 328喇沙, 但就囝囝, 都係去威南記食雞先, 點知食完已太飽食唔落喇沙 T_T

威南記香飯, 唔油, 好香香料味, 囝囝自己食左大半碗, 半隻油雞, 滑! 仲好大隻下添~~~ 因為無 plan 去食海鮮, 就叫左個麥皮蝦, 好食! 蝦好大隻~~~ 覺得有啲似我地避風塘口味, 不過啲炸蒜變左麥皮 XD

食完返酒店午睡, 19:45 到 gardens by the bay 離遠睇激光, MRT 出口去 gardens by the bay 入口都幾遠.... 早知推 bb 車..... 因為只係地面睇下, 只係睇到啲 super tree 閃閃下, 影左下相就走~~~ 應該太陽落山前黎會多野睇又好玩啲~~

去金沙 food court 食飯, 又行好遠入返去 shops, food court 係盡頭, 好多好多好多人, 要等位, 終於食到黃亞細肉骨茶, 但唔見佢話有得添湯, 覺得較細碗又貴, 藥材味唔會好難入口, 唔會太辣, 係好食, C6話似潮洲胡椒豬肚湯喎 ==" 食左檔炒粿條, 夠鑊氣~~~ 其實好多 food court 啲野食都好地道同好味~~~ 臨走買埋黃亞細肉骨茶包 (SG28一盒8包) 就準備第二日入聖淘沙喇~~~

私人傳訊

焦糖媽

侯爵府

積分: 20083

親子王國15週年勳章

3^#

發表於 15-8-17 17:23 |只看該作者

Day 3 : 臨入聖淘沙, 去一去牛車水天宇買飛~~~ 係MRT出口入商場, 搭扶手電梯上3樓, 點知原來3樓有半層係停車場, 又要落返去行去另一邊~~~ 小心如果係松發嗰邊入, 要去另一邊上先會揾到天宇。無啦啦落雨, 好在芳林巴刹駁住係隔離, 撞正 office lunch hour, 好多人排, 但啲野真係好食, 結霜橋喇沙, 怡保炒河, 歐南園炒粿條, 個喇沙C6回味左幾日~~~ 搭枱仲有本地人同我地傾計 (講廣東話架!), 佢地話樓下有樓喇沙都好好食, 有機會我一定要再去試下 =P

酒店 check-out 入聖淘沙, 自己拎行李去, 出左MRT係 vivocity 揾 counter 攪免費 pass 入島 (出示 book 左酒店證明已可), 我地 book 左 siloso beach resort sentosa, 出左 beach station 再駁 tram......... 原來 d tram 係有幾款, 有24座冷氣小巴, 有類似動物園 tram, 仲有古董車, 坐 tram 係要收 bb 車先上到, 仲要啲位較窄, BB車(已摺埋) 要最尾嗰行先放到, 如果同 bb 去都係 book 返啲 express 一出就行到既酒店會方便啲~~~ 而且呢間 resort 我都唔推介, 下邊講詳細啲......

當初係買左機票先揾酒店, 由於 hea 遊, 唔想住太貴酒店, 見到呢間 siloso beach resort 係全島最平, 我去既日子 hard rock 係講緊 HK$1800 一晚, 佢係 HK$1050。由於 agoda 評分有 7.1, 又話係四星, 就 book 左。有睇過啲評語, 都係話舊呀, 好大自然呀咁~~~ 而且鐘意佢個天然泉水池, 又近沙灘, 同囝囝去沙灘玩完沖身瞓晏覺都方便, 就諗住最多係 old school d, 聖淘沙酒店唔差得去邊啦~~~ check-in staff 仲好 nice, 聽到我地講廣東話特登轉返黎就我地 (聽佢口音應該係馬拉嗰邊華人), 但落到去酒店房嗰層 (3樓) 就 feel 到間酒店真係舊, 地板係啲軟膠墊, 房門都有啲殘舊, 好在入到房第一個感覺都乾淨, 同 feel 到已開左冷氣, 廁所無異味, 係門鎖位爛左無修補返, 毛巾架有生銹, 沖涼位得浴簾, 啲水係好易走哂去廁所地下度。攞左房就諗住去S.E.A., 問左山七點, 預計5點去到, 點知幾到先知嗰日有 function, 收6點, 無計, 唯有第二日再去 (但因為咁打亂左去沙灘同酒店游水既計劃), 就係 waterfront 站行下街, 18:30 去馬來西亞街食 dinner ~~~ d 串燒, 肉骨茶, 褔建蝦面都幾好味~~~

返 resort 沖涼瞓, 好快發覺個冷氣好熱, 較到15度 high cool 都好熱, 都無計, book 左都要住, 半夜瞓到出哂汗, 囝囝又係熱到醒, 好掹係度叫喊, 又R個身.... 張床褥好舊, 一轉身有聲, 床頭板又無軟墊, 囝囝個頭撞到幾次 (係唔太痛, 不過又嘈又煩), 我成晚留意住囝囝, 都瞓得好差, 返到香港仲發現個身有紅色一點點似細蚊難咁 =="

私人傳訊

GLEE

男爵府

積分: 9836

4^#

發表於 15-8-17 17:47 |只看該作者

瞓唔好好慘
你有冇叫酒店維修冷氣?

私人傳訊

BonBelle

複式洋房

積分: 379

5^#

發表於 15-8-17 17:52 |只看該作者

好正~鍾意新加坡~不過酒店有D貴

私人傳訊

焦糖媽

侯爵府

積分: 20083

親子王國15週年勳章

6^#

發表於 15-8-17 18:22 |只看該作者

引用：瞓唔好好慘你有冇叫酒店維修冷氣?

原帖由 GLEE 於 15-08-17 發表
瞓唔好好慘
你有冇叫酒店維修冷氣?

無叫，因睇到唔少評語話最平既房（2-3樓）都係咁上下。。。但奇怪第二晚又無痕無熱（可能已攰到無哂感覺）

其實間 resort 因為係 eco friendly, 所以佢依山而建，2，3樓既房門對出係山坡，望住山坡，有樹，2樓仲有個魚池，好難唔濕。。。冷氣唔夠，房門有隙（夜晚熄哂燈望向房門見到有個光既影圍住門邊）

一濕啲木就唔掂，地板長期痴住我拖鞋（酒店棉嗰種）。。。其實以佢景觀地點，翻新下應該好正！

私人傳訊

焦糖媽

侯爵府

積分: 20083

親子王國15週年勳章

7^#

發表於 15-8-17 18:25 |只看該作者

引用：好正~鍾意新加坡~不過酒店有D貴

原帖由 BonBelle 於 15-08-17 發表
好正~鍾意新加坡~不過酒店有D貴

yes, 我係買左機票先睇酒店，一睇先知原來至少$1100+（4星），本身budget無預咁多，暑假啲房好full，所以book房錢貴過機票

不過同bb去係舒服，以前拍拖同c6去覺得悶，諗住以後唔會再去

私人傳訊

GLEE

男爵府

積分: 9836

8^#

發表於 15-8-17 18:52 |只看該作者

焦糖媽發表於 15-8-17 18:22
無叫，因睇到唔少評語話最平既房（2-3樓）都係咁上下。。。但奇怪第二晚又無痕無熱（可能已攰到無哂感覺）: ...

試過冷氣有問題
拎房時涼
之後出街好夜返
小朋友沖涼唔開住
開時都已半夜
好耐都唔涼得風
搞左好耐都唔掂
最後叫酒店職員黎
好快搞掂原來部冷氣係要較某溫度先冷

私人傳訊

焦糖媽

侯爵府

積分: 20083

親子王國15週年勳章

9^#

發表於 15-8-18 08:23 |只看該作者

引用：Quote:焦糖媽+發表於+15-8-17+18:22+無叫，

原帖由 GLEE 於 15-08-17 發表
試過冷氣有問題
拎房時涼
之後出街好夜返

原來會咁？touch wood 我下次再遇到都打去問下先得

私人傳訊

焦糖媽

侯爵府

積分: 20083

親子王國15週年勳章

10^#

發表於 15-8-18 14:42 |只看該作者

Day 4 : 動物園 + S.E.A.

早一日落雨, 本身有啲擔心天氣唔好, 但好好彩地淨係陰天, 咁真係啱哂去動物園 (至少唔曬呀), 係 siloso 食完早餐快快手出返 vivo city 搭的士, 都要成30-35mins (耐過最後嗰日入機場), 一程車錢差不多一張成人票咁貴 (去程:SG$18, 回程: SG$23), 不過好在11:20 入到去, 趕到企係度睇11:30 嗰場 Elephant at work~~~ 之後行下睇下, 坐下遊園車, 仲排左2次 feeding time (餵犀牛同長頸鹿) 好開心~~~ 之後係餐廳食個 tea 就快快手搭的士走兼比阿仔係車瞓陣~~~ 回程司機話我地好在有車走, 再遲少少就無啦, 開始塞車喇。望住對面既高速公路又真係多車開始塞塞地~~~ 遊動物園最好時間應該係 10:30 - 16:30, 咁就可以餵多幾款動物 (啲 feedling time 多數都係朝早一餐, 三四點又一餐)

返到聖淘沙直入 S.E.A.~~~ 真係幾大幾靚, 臨山門入場有個好處, 無咩團, 無咩人, 無人排, 有時仲可以等到完全無人影下魚~~~ 不過動物園同 S.E.A. 都係無咩買, 來來去去都係毛毛公仔, T-shirt............

行到七點先去搭 express, 夜晚開始多人排, 去左食 vivo 入邊既 food republic。炒粿條, 咖沙, 褔建魚蛋都好食~~~~ 但檔肉骨茶真係唔掂, 好淡好淡, 似就咁滾2下既排骨湯咁~~~ 莫講藥材味, 胡椒味都無~~~

食完又成九點幾, 返酒店住埋最後一晚準備第二朝早餐後 check-out 喇...... 本來有諗過臨瞓前點都去泳池玩下水 (呢間酒店一大賣點泉水泳池), 但怕夜晚水好凍, 免得冷親囝囝, 就都係算啦...... 仲一心 book 聖淘沙酒店住.... 早知繼續住 carlton city 揾一日入 S.E.A. 咪得囉 =="

anyway, 唔知係呢晚冷氣勁左定實在太攰, 我地3個都好快就瞓著左.......

私人傳訊

焦糖媽

侯爵府

積分: 20083

親子王國15週年勳章

11^#

發表於 15-8-18 14:59 |只看該作者

Day 5 : 返香港 lu

一早較好鬧鐘早啲起身食完早餐去玩水~~~ 可惜, 有個BB係度真係好難攪~~~ 食完早餐已經係 09:30 (我地班機係 13:20 起飛), 之後係早餐位置見到3隻孔雀係馬路度行 (之前係其他住客 comments 已知會有, 但估唔到真係會見到, 仲要勁唔驚人) !!! 然後啲松鼠都出埋來, 係樹度跳來跳去~~~ 食啲住客拋既面包碎......

諗住時間少少地, 玩下沙都好啦, 沖身都好快, 點知囝囝驚沙..... 點都唔肯行入沙灘度...... 呢個時候已做好心情不如早啲去機場啦, C6話唔係玩水咩? 去泳池啦~~~ 我以為佢影下相啦, 影左陣, 佢話成程都無落水, 點解唔落水呀? 拎哂泳衣水泡黎~~~ 但10:30要出發啦喎, 搭飛機喎.... 佢話游一陣, 沖身好快之麻 (我以後唔會再相信一家三口沖身係 "好快" !!!) 結果.... 真係落左水~~~ 個池好大, 好好玩, C6 抱住囝囝玩左個滑梯2次, 我去左浸暖水池~~~ 好舒服~~~~~ 當大家都玩到夠哂皮既時候~~~ 返房已經係10:30 (但仲要沖身!!!同扭返乾啲滴哂水既泳衣.....) 結果..... 最後..... 係十一點幾先 check-out 到...... 好在 check-out 好快, 但C6仲施施然話等 tram + express 出返 vivo 先打的 (的確聖淘沙要 call 車等車入, 其實都快唔到幾多), 上的士嗰刻落旗時間已經係 11:52.......... 好在唔塞車, 30分鐘有找已到機場, 司機好好, 提我地 check 下係邊個 terminal, 12:20 落車, 一落車已係 check-in counter 喇~~~

好好彩, 好好彩地, 海關唔多人, 排2, 3個已到, 仲比我地買到班蘭蛋糕做手信 + dunking donuts 係機上食 (趕住去機場無時間食 lunch, 等唔切佢派飛機餐)

就係咁, 呢個新加坡之旅終於滿足哂所有願望~~~ 想玩想食既野都完成哂啦! 下次謀到平機票一定會再黎過 XD (不過我下次再住聖淘沙一定唔會再慳錢住平 resort 喇 T_T)

私人傳訊

GLEE