吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 女人的戰爭

婆媳關係今日: 0|主題: 27693

收藏本版

發帖

返回列表

跳至頁

樓主: 公主病病人

女人的戰爭

21 22 23 2425

198

H.O.P.E

男爵府

積分: 5790

發表於 16-3-22 22:06 |顯示全部帖子

回覆：女人的戰爭

追

私人傳訊

公主病病人

複式洋房

積分: 112

發表於 16-6-10 01:52 |顯示全部帖子

女人的戰爭 chapter 10 No peace war now

闊別多時，回流左番香港，
報學校種種問題，再次感受到香港真係好大壓力…

仲要一家三口同姥姥住，和平？除非太陽從西邊升起。

我屬意想搵村屋，因為想種野同唔駛咁迫…
而且村屋平d…呢方面我好離地……
我想接近大自然小小。

學校方面，為新丁哥舖排國際幼稚園，
呢樣野又比姥姥拎黎講………

姥姥狂話應該讀學券既幼稚園，
學多d中文，唔讀定先，第時小學好辛苦……

我一於小理，我教仔有我個套方法！

而家番緊國際幼稚園playgroup做適應，
姥姥點會show off自己英文機會丫！
日講夜講佢d不知所謂既英文！

補充小小，細個bb時，
嫌我唔教佢個孫講英文唔提供個英語環境比佢喎！
廢話連篇，我覺得最緊要教左廣東話先！
理由係咩唔需要同佢解釋。

講得英文多終遇虎，
平時r音極重講bb what is the number(r)
我都算喇…
新丁哥有能力應對不同語言…

有朝早佢夾硬塞新丁哥食野，
新丁哥話唔要，
佢竟然教新丁哥：bb你唔要，就講no please

我激到窒息既時候，
我老公竟然串佢阿媽no peace war now!
No thank you .yes please 都唔識…

最近新丁哥聽佢講英文完全唔理會，
我亦唔會比佢接近新丁哥太多，
因為佢嫲嫲會教佢the wheels in the bus go round and round………

我同佢講首歌叫the wheels on the bus

佢仲一貫死唔認輸講一輪，
唔好意思，我一句都聽唔明，真係架！
我淨係記得其中一個點解the wheels in the bus理由係get in the taxi…

教你英文？傻左先會咁做！
面對住個樣扮無知不斷諗點解既姥姥，
我無心情同你嘈，
笑住答佢一句：
英文in on at都唔可以用中文思維去諗既…

好，教完個孫英文點少得中文！

我老爺話學中文叻最好用多d書面語，
呢個時候，點少得宇宙最強既女主角？

佢竟然問新丁哥：bb巴士係一架定一個？

你係咪想笑橙死我呀？

比我休息下好嗎？
我答新丁哥：一輛…

望住我老爺笑而不語，
應該要多謝我為佢既生活帶黎咁多笑料啦！
佢唔會話我駁咀唔尊重長輩，
因為知識係越辨越明架嘛！

有日仲同新丁哥講：巴斯光年係firefighter…
痾緊尿都要衝出黎解釋！

講左好多次佢都照講，
我終於有晚食飯嗌我老公出口問佢老母到底知唔知firefighter點解…

答案一如我所料，緊係唔識啦！
平時聽我同新丁哥講聽d唔聽d!

果晚袋錢落佢袋喇！
Firefighter解消防員喎！
一向好學不倦既姥姥好似想當年孔子問一個細路點解咁，不恥下問…其實佢一方面想掩飾自己魚皮，
一面想睇你答案再串你。
我當然又要袋錢落佢袋啦！

其實我唔介意老一輩好多野唔識。
我阿媽夠唔識啦，我唔會咁串佢…

理由好簡單我對於賤格心地差既人唔會留手，
再者佢係一個心地差又中意扮叻，
但又叻唔起，專玩悲情苦肉計既人。

我就偏偏要串你一輪，
有晚我老公話新丁哥話到失控爆喊，
出廳冷靜下，
點知姥姥由房衝出黎，想喺我手上搶走新丁哥，
再用一如以往扮好人口吻：曖喇，嫲嫲錫！

我連呢個機會都唔會比你，唔好意思！
因為佢只係想喺人喊果陣做關心角色，
個孫想佢陪玩玩具，佢會瞓覺…

我點會唔清楚佢。

我同佢講我得架喇，真係ok無問題！唔該！

諗唔諗到佢有幾嬲？
佢個狗眼睇住我帶佢個孫，
去飲水，聞左個生果就冷靜落黎，
真係唔需要你既假仁假義！
一分鐘內止喊！

有晚佢竟然偷偷比多兩舊雪糕新丁哥食，
仲細細聲講，
用腳趾諗都知講咩！
嫲嫲偷偷地比你架，唔好話比媽咪聽呀！

我沖涼前再望下，又多左舊，更加肯定！

臨瞓前再問新丁哥，佢咩都招認哂！

等我老公果晚做野做到成十二點，
我再大大聲講一次出黎。
特別呢四個字：不知所謂！
姥姥直時中槍咁嗌左下，我當佢聽到架喇！

第二日睇番佢表情，我肯定佢琴晚一定收到我比佢既message，特別送佢四個字：不知所謂！

而且我老公話今日雪糕，他日大麻！

我唔會專登串佢，而係佢真係咁黑人憎！
如果有道德新抱話佢算好喇！唔趕你走！
趕我走？
我會欣然接受，我同你個孫可以唔住你度架！
再者我講親既真係你唔著！
忠言逆耳嘛！

佢仲有一點勁黑人憎，
家庭聚會，主角未影，
佢已經擺定哂po屎，張張相要佢，段段有佢！

佢有晚可能食生日蛋糕懞左，
仲要唔係佢生日，
竟然走去攬住d孫話：喂！拎個電話黎影相啦！

我望住佢，佢再肯定係同我講野，
喂！
你真係好黑人憎！
我答佢一句：生日壽星都未影喎！
Boom!

我係咁頂心杉架喇！

串你係應該，唔串就悲哀…
邊個唔想結婚多兩個長輩錫？
我？成日處於阿邊個同喂既狀態。
以事論事對你客氣！
仲想點呀你？！不知所謂！

私人傳訊

ZetaGundam

男爵府

積分: 7552

發表於 16-6-10 07:47 |顯示全部帖子

公主病病人發表於 16-6-10 01:52
女人的戰爭 chapter 10 No peace war now

闊別多時，回流左番香港，

加油

私人傳訊

Tingche

子爵府

積分: 12791

畀面勳章

發表於 16-6-10 14:55 |顯示全部帖子

岩岩睇到CH3, 如果係我, 我會揀我自己一個訓地下, 我都唔會要佢隔住LG咁訓....成件事好嘔心
CH4, 我有個有錢D既親戚, 佢地都好興GOOD BYE KISS, 不過好在依加都係十幾歲仔, 唔知第時會點, 親屬KISS好正常, 連媳抱都走去KISS, 好想問下佢地既第一次KISS到底係點發生