Re: 想唔做
大家講既都係我想既, 我都好認同loklokel話我地要懂得投資, 以前(末有bb之前, 我而家有左3個幾月)我已經想早日退休而又唔太影響現時既生活水平....係因為我比較懶, 同埋認為人生唔可以只係做做做, 要享受一下, 去下旅行, 學習唔同既興趣.
早兩年我已經開始唔買唔應該買既野, 真係慳好多, 因為以前買好多野最後真係未必用, 衫呀, 護膚品呀, 化妝品呀, 零食呀, 真係儲多左, 多左儲備金就可以早日清左層樓, 早日退休(預計45歲, 而家32, 當然老公要做啦....不過而家唔得lu).
而家有左阿b, 就要plan長遠啲, 唔可以話唔做就唔做....要儲多啲錢再做適當既投資保值, 仲要早日清左層樓按, 真係好煩, 不過, 有阿b都係開心既, 希望可以唔太變生活水平, 又可以輕輕鬆鬆, 我地仲要慳比阿b睇, 比佢知道唔可以咁浪費.
我相信只要搞掂層樓, 生活應該唔係太大問題, 因為我地有個朋友, 佢一家六口(四條化骨龍)都係佢一份兩萬幾人工搞掂, 又ok喎, 因為佢地無樓債.
唉....都唔知自己講咩, 發洩下啦....又唔可以唔做....希望大家明我講咩啦.
請大家留意, 曾經有人係facebook開左我係bk個名既 a/c (Nopan Ma), 當然人人都可以叫nopan, 但此人仲偷埋我囡囡bk張相開fb, 有問題, 大家小心