Re: 新到印印,佢D衫會一齊洗定分開洗
我諗我真係反傳統,萬中無一架喇!
因為我上一個工人就係佢手洗番佢自己d衫, 但我發覺佢每晚勁嘥時間, 每晚洗澡洗衫都用成個鍾, 因為佢沖涼起碼10:15之後, 要攪成一個鍾,阻住哂我地2公婆洗面擦teeth, 成日要我等廁所,如果要佢11點之後先沖,又唔想佢咁夜訓而無精神湊小朋友,而且仲要係廁所滴成日水!仲有時會覺得佢手洗佢d面衫會洗得唔夠乾淨tim!
於是呢個工人,就底衫梗係佢自己洗啦,其餘全部放入髒衣藍, 由我開機洗,而我只會將佢d 睡衣呀,面衫, 去術衫撈埋我地d去街衫一齊洗,而我地d 睡衣, 床單,內衣褲(比較貼身個d).....就會再另外一機,咁小朋友唔使講,梗係佢自己一機啦! 本來試過開頭叫佢儲夠佢自己一機先開,點知比我聽到佢又係度手洗睡衣, 原來佢話佢唔夠衫替換. 咁我諗下又係真o既, 我又唔係比好多位佢放衫, 佢又真係唔夠換!
其實如果當自己屋企有個親戚或朋友黎住,唔通又叫佢自己手洗番佢d衫咩 ? 而且個工人又做哂body check,如果皮膚病個d又會係表面都睇到, 而且佢要成日抱小朋友,機洗d 衫點都乾淨過手洗掛!
仲有我成日同佢講play with my kid is one part of your job! o既然我又唔使你花時間洗衫, 咁你其他方面可以做好d囉!
以上為個人意見!
多謝am 幫我搵個好英o既buzz 呀! 特此鳴謝!!!