… 全部文具必須要貼名。
… 通告不能填漏任何一欄,包括:班別 / 學号/ 名。
… 鉛筆一定要用六邊形,不可用圓形。
… 一個月内蓋滿五個上堂去洗手間印。
… 每日一定要帶一本課外圖書返學,以便小息或午飯後睇,作為增進/加強閱讀興趣和知識。
… 上堂坐姿必須腰要直, 頭要正, 手按紙, 腳踏地.
自此之後, 阿女一起身返學就已經叫肚痛, 出門口時已手凍, 並已表示很怕返學 (小一時從無此情況出現. 就算當日要默書 / 測試 / 考試.)
到今個星期一在學校開始食午餐(因頭兩星期只返半日), 班主任再set班規, 必須食清所有食物,
如發現有剩餘, 小息時就不可以再帶零食. 之後連續呢兩日, 阿女每進食午餐時, 食唔夠五啖就話暈, 繼而嘔埋個早餐出嚟.
我明白亦苦口婆心地解釋比阿女知, 班主任set每一個班規背後的原因.
例如 ~~ 班主任係想(要學生自小)養成良好習慣 / 責任. 並且對事不對人, 做好自己本分, 便不會受罰 ... etc.
而班主任亦知阿女情況, 我亦明白佢一定要阿女去承受, 面對 & 克服. (因嚟緊/長大過程會有更多, 更大的規條要守, 難題要面對) 不能因她有此"病"而去遷就 / 就範於佢的原因.