跳至

首頁
1

尾頁
   0


民房

積分: 21


發表於 08-7-21 00:45 |顯示全部帖子
我預產期係8月1日,原本都係諗住試吓順產,不過宜家日子越來越近,我又開始好驚,驚頂唔順啲痛楚。我因為脊骨有事所以唔可以無痛分娩。

各位第一胎又係順產嘅媽咪,你哋覺得順產係咪真係好難頂呢?有冇後悔冇開刀?

[ 本文章最後由 din619 於 08-7-21 00:49 編輯 ]


大宅

積分: 2717

畀面勳章


發表於 08-7-21 01:55 |顯示全部帖子
痛係好痛,不過係值得嘅!


大宅

積分: 1430


發表於 08-7-21 10:52 |顯示全部帖子
AGREE值得既!!!我6月中都係順產架. 我一有左阿b之後就成日都好驚, 驚生時好痛. 又成日問身邊生過d friends(包括好似你咁係網上面勁問人)生仔d痛係點痛, 無數咁多既答案, 其實你自己都知一定會係痛, 所以我都可以同你講生仔係一定一定會痛, 不過每個人既忍痛程度都唔同, 我自問自己都係d忍唔到痛既人, 我一樣可以順產生阿b, 所以你唔需要怕, 擔心總會有, 但係我想問你""你擔心/怕會幫到你嗎"", 你成日都咁驚/怕/緊張會影響bb架, 既然已經知道會好痛, 點解唔放鬆d唔好去諗, 反正都要痛, 不如而家輕鬆d唔係好d咩?????我可以擔保當你見到自己既bb健康出世, 你一切所經歷既辛苦同痛都覺得係值得架. 仲有, 你仲有太約2wk就生, 你要好好享受bb係你肚入面既感覺, 呢d感覺你會好懷念當你個bb出世之後. 記住, 有好多人想有生bb所經歷既痛既感覺都冇(因為佢地想要bb但係都未有), 你可以經歷過懷孕同生仔已經好好啦. 我係咁同自己講架, 因為我身邊有d朋友係冇得生架, 你要努力呀. 記住我所講既, "你一定得". 祝你順利同bb健康. add oil.........


禁止發言

積分: 854


發表於 08-7-21 17:06 |顯示全部帖子
提示: 作者被禁止或刪除 內容自動屏蔽

提示: 作者被禁止或刪除 內容自動屏蔽


大宅

積分: 2916


發表於 08-7-21 22:24 |顯示全部帖子
係好痛, 但果種痛過後會忘記, 千祈唔好比話痛過火燒嚇親, 因為我覺得完全唔可以用黎比較, 因為火燒係創傷性既痛, 會持續好耐, 但生仔, 只要你個bb"bit"左 黎, 你就會覺得舒服晒!
同埋你就算唔係腰有事, 都唔建議做無痛, 因為我覺得始終會有風險, 我本來都想做, 但做之前會比張野你睇, 係講會有0羊風險, 睇完之後你會唔敢做, 情願忍痛!


子爵府

積分: 11967

2021勳章


發表於 08-7-22 11:52 |顯示全部帖子
din619 :

Hello ! 唔使驚,我同其它mama講d野都一樣,其實我都係本身身體唔做得無痛分娩,麻醉,只可用笑氣and打止痛針,但我都無用止痛針

我都係好怕痛,但我都生左兩胎,叫做成任務,妳努力啦,大家支持妳,見到bb出世,包妳乜痛都唔記得!

pinkpink

原文章由 din619 於 08-7-21 00:45 發表
我預產期係8月1日,原本都係諗住試吓順產,不過宜家日子越來越近,我又開始好驚,驚頂唔順啲痛楚。我因為脊骨有事所以唔可以無痛分娩。

各位第一胎又係順產嘅媽咪,你哋覺得順產係咪真係好難頂呢?有冇後悔冇開刀? ...


大宅

積分: 4074

2021勳章


發表於 08-7-22 12:02 |顯示全部帖子
din: 我都係6月媽媽,而且一樣都係有腰骨毛病!我都一心想做無痛,入到產房d姑娘同醫生都同意比我做(因為bb頭大,而且我有少少血壓高)但最終一刻我都要自己生.....因為麻醉師突然有手術跟(本來約好30分鐘到)我只好自己生!其實生並唔係腰背痛,係好似M到而又有d野要湧出來,果一刻身邊好多助產士同姑娘幫你,你一定要聽話,因為佢地有豐富經驗,你有咩唔舒服...擔心...都可以問佢!我因為痛得好急(第一胎一般都要慢慢痛4-12個鐘,但我一開始feel到痛已經係30分鐘痛一次,入到醫院就快到15分鐘)所以姑娘教我d方法利用支止痛氣!就係咁就生咗個9磅重嘅b仔!
我完全同意"祖兒"的睇法<痛楚只係短暫,一定頂得順,就當係人生一個寶貴經歷,當你第一眼見到bb既時候,乜痛都無哂>!仲好快唔記得tim~邊有比火燒咁嚴重呀!加油!!好好享受bb響肚的感覺,佢一出世你就.....好想放返佢入去
原文章由 din619 於 08-7-21 00:45 發表
我預產期係8月1日,原本都係諗住試吓順產,不過宜家日子越來越近,我又開始好驚,驚頂唔順啲痛楚。我因為脊骨有事所以唔可以無痛分娩。

各位第一胎又係順產嘅媽咪,你哋覺得順產係咪真係好難頂呢?有冇後悔冇開刀? ...


別墅

積分: 531


發表於 08-7-22 13:00 |顯示全部帖子
可以懷孕而且還可以選擇順產都實在是一種福份,因為證明你和BB都是很健康,如果唔係點會叫「順產」?所以順產係最理想的分娩方式。

我係高齡產婦,仲係第一胎,都可以順產(慶幸找了一個很鼓勵順產的私家醫生),開刀咪一樣痛,而且聽講痛得仲耐。我一直都很怕痛,以前亦對分娩的痛楚有很大的恐懼,打算懷孕前都傾向開刀,但係懷孕後就很想順產,既然人類都一直用這種方式延續下去,這種痛楚又怎會不能承受?(我只吸笑氣,沒有做其他止痛。)

加油!


大宅

積分: 2957


發表於 08-7-24 08:44 |顯示全部帖子
原文章由 din619 於 08-7-21 00:45 發表
我預產期係8月1日,原本都係諗住試吓順產,不過宜家日子越來越近,我又開始好驚,驚頂唔順啲痛楚。我因為脊骨有事所以唔可以無痛分娩。

各位第一胎又係順產嘅媽咪,你哋覺得順產係咪真係好難頂呢?有冇後悔冇開刀? ...

我係一個以為自己忍到痛,到左陣痛時(我係催生順產),發現原來自己係忍唔到痛既人..生BB陣痛時真係好痛好痛...痛到顛左咁...無辦法形容你聽...我仲發顛叫醫生同我開刀...又坐係度唔肯生,又2度扯斷左支催生藥...做埋無痛都唔掂,之後仲好後悔做左TIM...產房D人無哂我乎...但係時間就真係會過得好快...同埋好神奇架...BB一出左黎之後...真係乜痛都會無哂架...我之前聽人講,我都唔信架...原來係真架...更痛都好快過架!順產當然好好多,因為快復原同埋我生左過左一個鐘仲可以落地行TIM架,傷口又細...你要加油呀!!!


洋房

積分: 285


發表於 08-7-24 09:37 |顯示全部帖子
順產當然會痛,但並唔係我地想像中咁可怕,而且我覺得生完有一種莫名既滿足感,我同房媽咪係姑娘,佢話順產真係好好, 開刀生完其實有排痛,有d媽媽因某d原因,想順產都唔得,我覺得如果有得揀都係揀順產.


大宅

積分: 4945


發表於 08-7-26 18:02 |顯示全部帖子
我都順產成功喇, 係痛左幾個小時, 痛果陣真係想c, 痛果陣就好後悔揀順產既, 不過又好快行得走得, 都幾好吖.

第一胎開刀, 沒有痛過, 生完先痛, 咪塞止痛藥 law, 之後就好似一個病人咁, 又不敢用力怕子宮裂開嘛, 開雪櫃都驚呀


複式洋房

積分: 338


發表於 08-7-27 02:44 |顯示全部帖子
痛係好痛,但生完一d都唔痛,你一望bb,乜痛都唔記得lu~!我本身都好怕痛,有諗過做無痛,最終連一d止痛都冇都頂得住("笑"氣都無聞),女人嘅天性,所以唔駛驚。


民房

積分: 21


發表於 08-7-29 07:05 |顯示全部帖子
甘多位媽咪,好多謝你哋嘅鼓勵同支持,好彩有你哋嘅意見,我先至可以的起心肝去順產。
我响上星期六終於成功生咗BB女啦!半夜穿水入院,早上十点用催生劑先開始痛,仲係一度,不過4.5小時之後就生咗BB啦,第一胎都算係甘啦!
其間打咗一支止痛針,到最後1小時先用笑氣。唔知係咪因為有哂心理準備呢,覺得成個過程唔係真係好似人哋講"十級"甘痛喎,個種痛都算頂得住,但係我平時係好怕痛嘅人嚟架。
最開心係順產復原真係快好多。2小時之後巳經食嘢同落床,傷口又一啲都唔痛(医生手勢好)。尋日已經返咗屋企啦!
once again, 好多謝各位媽咪,我得咗啦!

首頁
1

尾頁

跳至